Wakuu na wadogo wa JF.
Ukisikia hbr ya CAG juu ya jinsi pesa ya serikal inavyotafunwa kupitia watendaji wasio waaminifu kumbe JPM yalikuwa maneno tu na hakuwa na Sumu.
Sina kumbukumbu kamili kama miaka 6 ya jiwe CAG alikuwa anasoma Ukaguzi wake open kama inavyofanyika leo.
Kwa haraka 40% ya pesa ya serikal ilikuwa inaibiwa na wafanya kazi.
Na watu walimuogopa JIWE kipindi cha mwanzo lakini baada ya hapo wizi ulikuwa wa kutisha.
Ukisikia taarifa ya CAG utaona wazi kuwa katika kuthibiti mapato serikal ya JIWE haikumudu hata asilimia 50.
MAMA yetu kipenzi ana kila sababu ya kukaa na kamati wabuni mfumo wa kuthibiti wizi huu zaidi ya hapo TZ ni shamba la BIBI.
Pia nashauri MAMA AUNGANE NA KIDUKU KIM WA KOREA KUHUSU SHERIA ZAKE UKILA KUANZIA MILIONI 1, TUNYONGE TU HAKUNA NAMNA.
Mizizi ya Tz kuhusu,wizi kwa watendaji haiwezi kuisha kwa hali tu tuliyofikia kwa sheria zetu hizi lege lege.
Nasikia KAGAME amekomesha kabisa wizi cjw alifanyaje.
Nimeanza kuamini kumbe JIWE kuondoka inawezekana ni mpango wa SIR GOD mtenda haki.
Sifurahi kifo chake lakini tulifichwa mengi.
MUNGU IBARIKI TZ, MUNGU MBARIKI SSH RAIS WETU MPYA.
Taarifa ya CAG ilianza kusomwa hadharani enzi za utawala wa JK (kama sikosei) na kabla ya hapo taarifa taarifa hiyo ilikuwa ni miongoni mwa siri za serikali.
Lakini tukiachana na hilo ukweli ni kuwa siyo kasoro zote zinazobainishwa na ukaguzi wa CAG ni ukweli halisi, kwani taarifa ya CAG inahusu hali ya ukaguzi ilikutwa wakati husika wa ukaguzi, wakati ambapo michakato ya nyaraka nyingine za miamala ya matumizi ya fedha huwa haijafikia tamati, hivyo kusababisha pamoja na mambo mengine, kukosekana kwa risiti za malipo ya miamala hiyo. Kwa jicho la kikaguzi huo unahesabiwa kuwa ni wizi au ukiukwaji wa kanuni za matumizi ya fedha za umma, hadi hapo risiti za kusupport miamala hiyo wazione, na kwa hakika nyaraka nyingi za kusupport miamala hiyo hupatikana, licha ya awali kuonekana kuwa ni wizi.
Sio nia yangu kujenga hisia kuwa hakuna wizi au matumizi mabaya ya fedha za serikali, la hasha. Wizi upo, tena ulikuwepo katika zama zote za utawala tangu awamu ya Baba wa Taifa, na utaendelea kuwapo, baada ya uongozi wa awamu ya sita, licha ya uongozi katika kila awamu kutunga sheria na miongozo mbalimbali na kuwa na utashi wa kudhibiti mianya ya upigaji.
Na kwa nchi zilizojitahidi na kufanikiwa kwa kiasi kikubwa kudhibiti wizi na matumizi mabaya ya maduhuli ya serikali, kwa maoni yangu zilifanikiwa kwa sababu viongozi wao walikuwa na Uthubutu na kuwa na dhamira ya kweli ya kuwatumikia wananchi, kulingana na utashi wao, na hawakuwa tayari kuiga ama kufuata mkumbo wa sera na tamaduni kinzani za kigeni.
Viongozi wa Nchi kama Rwanda, China, Korea Kaskazini, au Libya ya Muamar Ghadaffi waliongoza kwa kutumia 'mkono wa chuma"; mkono usio sikia la mtu; mkono ambao haukushabikia kitu kinachoitwa 'demokrasia', katika kutekelza malengo pangwa; Udikteta wenye kuumiza baadhi ya watu kwa manufaa mapana ya umma; udikteta uliothamini na kuenzi uadilifu, uzalendo na haki ya nchi kujiamulia yenyewe na kunufaika ipasavyo kutokana na utajiri wake wa raslimali asili.
Hayati John Pombe Magufuli, licha ya mapungufu yake mengi kama ilivyo kwa binaadamu wengine, ni miongoni mwa viongozi wachache waliokuwa na maono kama hayo.
Kwa muda wa miaka takriban sita tu, ameacha alama kubwa, nchini, barani Afrika, na duniani kote, mambo ambayo watangulizi wake hawakuweza kuyafanya katika awamu zao.
Ni matumaini yangu kuwa Mama Samia Suluhu Hassan atafuata nyayo, huku akirekebisha mapungufu ya dhahiri au ya ghaibu yaliyofanywa na mtangulizi wake, katika jitihada zake za kuwatumikia watanzania, hususan wa maskini, ili naye atakapoondoka naye aache alama iliyotukuka, na aweze kuchaguliwa tena ifikapo 2025. Anaweza.