kama umegundua Watu wengi wanaofanikiwa kwenye biashara au sekta nyingine mbalimbali, wakifika umri mkubwa hasa miaka 60 na kuendelea, wanaanza kuhamishia nguvu zao kwenye kilimo.
Mfano, Shabiby wa dodoma amefanya sana biashara ya mabasi na siasa, lakini sasa anaonekana kuwekeza kwa ukubwa kwenye kilimo cha mahindi huko Mpanda. kuna Joseph Kusaga, baada ya mafanikio makubwa kwenye media, sasa anawekeza kwa kiwango kikubwa kwenye kilimo cha soya huko Songwe.
Kinachonishangaza ni kwamba kilimo pia si kazi nyepesi hata kidogo. Kina changamoto zake, kinahitaji mtaji, usimamizi, uvumilivu na wakati mwingine hasara pia. Sasa ni nini hasa kinachowasukuma hawa watu kwenda huko?
au ndo tuseme binadamu anavyozeeka na kuona mwisho wa maisha unakaribia ndipo anaanza kurudi kwenye "nature" na kazi za asili kama kilimo na ufugaji? Je, kuna utulivu wa akili ambao haupatikani kwenye biashara nyingine? Au ni kwamba kilimo kina risk ndogo kuliko biashara nyingi walizokuwa wakifanya awali?Au pengine baada ya kutafuta pesa maisha yao yote, wanafika hatua wanaona thamani ya kuzalisha chakula kuliko kuuza bidhaa au huduma nyingine?