Kwanini Mungu alimpenda sana Daudi ,japokuwa alikuwa na machafu mengi?

[hamis77]

DAUDI ALIKUWA NA MADHAIFU MAKUBWA

Daudi hakuwa mkamilifu. Alifanya makosa mazito kama:

Kuzini na mke wa Uria (Bathsheba)

Kumuua Uria kwa njama ili kuficha kosa lake
(2 Samweli 11:1–27)


Haya yalikuwa makosa ya kimaadili na kisheria mbele za Mungu.

LAKINI DAUDI ALIPENDA KWELI NA HAKUWA MNAFIKI

Tofauti na mfalme Sauli, Daudi hakuwa mtu wa kujitetea au kulaumu wengine. Alipokosolewa, alinyenyekea mara moja bila kupinga.

Mfano halisi:

Wakati Nabii Nathani alipomwendea na kumwambia juu ya dhambi yake, Daudi alijibu moja kwa moja:

“Nimetenda dhambi dhidi ya Bwana.”

(2 Samweli 12:13)

Hakujitetea, hakutafuta visingizio. Alikubali kwa moyo wa toba.

ALITUBU KWA MOYO WA KWELI

Kitabu cha Zaburi kinaonyesha jinsi Daudi alivyotubu kwa uchungu na unyenyekevu mkubwa:

“Ee Mungu, unirehemu mimi, sawasawa na fadhili zako; kwa wingi wa rehema zako, uyafute makosa yangu.”

(Zaburi 51:1)

“Moyo uliovunjika na kupondeka, Ee Mungu, hutaudharau.”

(Zaburi 51:17)

Hii ni tofauti kabisa na Sauli, ambaye alipokosolewa na Samweli, alijitetea na kulaumu watu (1 Samweli 15:15), na baadaye alikataa kutubu kwa unyenyekevu.

DAUDI ALIKUWA NA MOYO WA KUMCHA MUNGU

Mungu mwenyewe alisema:

“Nimemwona Daudi mwana wa Yese, mtu aliyeupendeza moyo wangu, atakayefanya mapenzi yangu yote.”

(Matendo 13:22)

Hii ni kwa sababu Daudi alikubali kufundishika, aliogopa neno la Mungu, na alipenda kurekebishwa.


Daudi alipendwa sana na Mungu si kwa sababu alikuwa mkamilifu, bali kwa sababu alikuwa mnyenyekevu, mtiifu na mwepesi kutubu. Alipokosolewa hakubisha, hakutetea dhambi yake, bali alilia mbele za Mungu. Tofauti na Sauli ambaye alijawa na kiburi na visingizio.

 

[DR SANTOS]

Amen

 

[hamis77]

Amen

🙏🙏

 

[Marytina]

Daudi, Daudi.....naupe da moyo wake wa kuomba Toba, eeh MUNGU nijalie huo moyo

 

[Khanji kapoor]

Nani alifuata kuwa mfalme baada ya kifo cha daudi


Je daudi wanauhusiano na sele mzee wa totozi

 

[Shadow7]

Amina

 

[hamis77]

Nani alifuata kuwa mfalme baada ya kifo cha daudi


Je daudi wanauhusiano na sele mzee wa totozi

Ni mwanae ,Suleiman Mzee wa totoz

 

[hamis77]

Daudi, Daudi.....naupe da moyo wake wa kuomba Toba, eeh MUNGU nijalie huo moyo

Upo kama Mimi ,huyu ndiye role model wangu