Kadiri Waebrania walivyobadilika na kuwa jamii ya katikati zaidi, jukumu la Yahweh lilibadilika. Aliinuliwa juu ya miungu mingine, polepole akabadilishwa kuwa mungu mkuu. Na hili ndilo jambo, haikuwa kwa sababu Yehova alitambuliwa ghafla kama muumbaji mkuu, lakini kwa sababu ilikuwa rahisi kisiasa.
Tafsiri Sehemu ya 2.
Mungu mmoja, taifa moja, ndivyo unavyounganisha watu. Lakini mabadiliko haya yalikuja na kukamata na kuzuia Miungu mingine haikutoweka tu.
Walitokomezwa, wakageuzwa mapepo, historia ikandikwa upya. Umewahi kusikia habari za Baali? Katika maandiko ya kale, Baali alikuwa mungu mpinzani, ambaye mara nyingi alitamkwa kwa njia mbaya katika Biblia. Lakini Baali mwanzoni hakuwa mwovu, alikuwa ni mshindani tu.
Yehova alihitaji kuwa lengo pekee la kuabudiwa yeye pekee, kwa hiyo ilimaanisha kuwafuta washindani wake.
Sasa, hebu tuzungumze juu ya nini hiki kinamaanisha. Ikiwa Yahweh hakuwa yule mwenye uwezo mkubwa sana kivile kwa nyakati zote, lakini badala yake alikuwa sehemu ya mfumo mkubwa wa kiungu, basi hadithi ambayo tumeambiwa na watu wa dini zetu haijakamilika kabisa tumedokezwa tu. Tunahitaji kujua siri hii.
Je, hilo linasema nini kuhusu toleo la huyu Mungu ambaye tumefundishwa kumuabudu? Ikiwa Yehova alilazimika kupigania nafasi yake juu kiutawala, je, hiyo inamfanya yeye kuwa chanzo kikuu cha uumbaji?, au ndiye mwenye nguvu zaidi kati ya miungu mingi? Na haishii hapo. Maandiko ya kale yanaeleza Yahwe kuwa mwenye wivu na mwenye kudai sana. Mara nyingi anaonyeshwa kama anahitaji uaminifu na utii daima, akiadhibu mtu yeyote ambaye alithubutu kuabudu miungu mingine.
Kwa nini uwe na mshangao kama wewe ndiye muumbaji hodari? Labda kwa sababu nguvu za Yahweh hazikuwa kamili kama tulivyoongozwa kuamini Labda, labda, Yehova hakuwa mungu mmoja na wa pekee, alikuwa tu mungu aliyewashinda wegine. Wacha tukate ujinga kwa sekunde.
Ikiwa ulimwengu uliumbwa na mungu mwenye upendo, muweza wa yote, kwa nini umejaa maumivu mengi, mateso na machafuko? Seriously, ndio mpango gani huu? Tuna magonjwa, kifo, vita, majanga ya asili, hakuna jambo linaloleta maana kama ulimwengu ulipaswa kuwa aina fulani ya kazi bora ya kimungu. Na hapa ndipo inapoleta mshangazo. Takriban kila utamaduni wa kale, kuanzia Biblia hadi Wagnostiki, unaonyesha kwamba ulimwengu huu si mkamilifu.
Kwa kweli, baadhi yao wanasema moja kwa moja ni kasoro. Kulingana na mafundisho ya kawaida ya kidini, tunaambiwa kwamba mateso ya ulimwengu ni matokeo ya dhambi. Kosa la Adamu na Hawa lilileta uchungu na kifo ulimwenguni, sivyo? Lakini fikiria hilo kwa sekunde.
Kwa nini kosa moja tu, tendo moja la kutokutii, lingehalalisha kiwango cha mateso tunachoona ulimwenguni leo? Haijumuishi. Ikiwa mungu mwenye uwezo wote na ujuzi wote alitaka kuwaadhibu Adamu na Hawa, kwa nini asishughulike nao moja kwa moja? Kwa nini kulaani kila binadamu aliyefuata? Inaonekana kama hasira zilizopitiliza na kupindukia, sivyo? Je, ikiwa mateso hayakuwa matokeo ya tendo moja la kutotii, lakini kipengele kilichopangwa yaani ilitakiwa iwe hivyo tu Eva au Adam hata wasingekula tunda adhabu ingekuwa ile ile ya mateso na laana? Je, ikiwa hapo mwanzo ulimwengu haukuumbwa kikamilifu? Maandishi mengine ya kale, kama maandishi ya Wagnostiki, yameenda mbali zaidi yanasema ulimwengu uliumbwa na mungu mdogo, mwenye dosari.
Mungu ambaye alitaka udhibiti kila kitu, mungu ambaye hakuwa na hekima au uwezo wa kuumba ulimwengu kamilifu kabisa. Walimwita mungu huyu Themaeage, na waliamini kwamba roho za kibinadamu zilikamatwa(naswa) huko walipo miungu na kutiwa kwenye miili bila matakwa yao na kuletwa katika huu ulimwengu, nafsi zikaachwa kwenye ujinga na kufungiwa katika huu ulimwengu. Unadhani nini? Hii nadharia inaendana kabisa na ulimwengu hu tunavyoishi.
Tunapigania kuendelea kuishi, kushughulika na mateso na kifo, na tunatafuta nini maana ya haya machafuko katika huu ulimwengu wenye machafuko. Ni kana kwamba ulimwengu uliundwa kutuweka ili tukwame hapa hapa duniani,
Daima kujitahidi, lakini kamwe kiukweli kuelewa picha hii kwa upana mkubwa. Wagnostiki hawakuona haya kusema hivyo, Waliamini kwamba ulimwengu wa kimwili ulikuwa jela kwao, na mungu wa kweli, mwenye uwezo mkuu zaidi, siye aliyeiumba ulimwengu. Badala yake, waliona ulimwengu huu kama kazi ya muumba mwenye dosari. Sasa, fikiria nyuma kwenye hadithi ya Bustani ya Edeni.
Labda hii haikuwa hadithi ya maadili tu kuhusu kutotii. Labda ilikuwa njia ya kueleza kwa nini ulimwengu tunaishi umevunjika sana. Wakati Adamu na Hawa walipokula tunda kutoka kwa Mti wa Maarifa, hawakukaidi tu, ila waliamka toka ujingani.
Waligundua kuwa wamenaswa katika ulimwengu wa mateso. Na badala ya kuwaongoza kwenye uhuru, Yehova aliwatupa nje katika maisha magumu sana, yaliyojaa kazi ngumu, maumivu, na kifo. tupo pamoja hapo?, hebu tuzungumze kuhusu Yesu.
Tumefundishwa masimulizi haya ya moja kwa moja, Yesu alikuja kuokoa wanadamu kutoka kwa dhambi, kutukomboa kutoka kwa anguko la dhambi asili, na kutupa uzima wa milele. Je, kama, badala ya kuwa mpango mkuu wa ukombozi, utume wa Yesu kwa hakika ulikuwa ni hatua ya kutuamsha kwa ghiliba ambazo zimekuwa zikitokea wakati wote huo? Yesu hakuwa mtu fulani tu anayehubiri upendo na msamaha, ''Alikuwa mkali''.
Aliwaita viongozi wa kidini, akahoji hali ilivyo, na kuhubiri kuhusu ufalme ambao haukuwa wa ulimwengu huu. Unapotazama kwa makini mafundisho yake, Yesu hakuwa tu akitoa tikiti ya kwenda mbinguni, alikuwa akionyesha kwamba ulimwengu huu, uliotawaliwa na mateso na udhibiti, haukuwa ukweli halisi. Alikuwa akijaribu kutuonyesha kwamba tulinaswa katika mfumo ambao haukuundwa kamwe kwa manufaa yetu.
Hebu tuingie ndani zaidi. Katika maandiko ya Kinostiki, ambayo yalichukuliwa kuwa ya uzushi na kupigwa marufuku na kanisa la kwanza, Yesu anaonyeshwa si kama mwana wa Mungu mwenye kisasi anayejaribu kuwaadhibu wanadamu, bali kama mjumbe kutoka kwa Mungu wa kweli. Kulingana na maandishi haya, hakutumwa hapa ili kutufanya wafuasi watiifu wa bwana fulani wa ulimwengu, lakini ili kutuweka huru kutoka kwa udhibiti wa mungu wa uwongo, Demiurge.
Unajua, yule yule anayedaiwa kuumba ulimwengu wa nyenzo wenye kasoro tulimo ndani. Yesu aliendelea kuzungumza juu ya ukweli na jinsi ungetuweka huru. Huru kutoka kwakipi haswa? Wagnostiki waliamini kwamba ukweli ulikuwa juu ya asili yetu ya kimungu, jinsi sisi sio tu viumbe vya kimwili vilivyonaswa katika ulimwengu huu uliovunjika, lakini cheche za ukweli wa hali ya juu tumefungwa na muumbaji wa uongo.
Na ni nani aliyekuwa akituweka katika gereza hilo? Nguvu zile zile ambazo ubinadamu umekuwa ukiabudu kwa miaka mingi. Yesu katika maandiko haya hatuambii tumfuate kipofu, anatuambia tuamke kuona picha kubwa zaidi. Unadhani nini? Yesu hakuja kuhubiri juu ya kufuata sheria za kidini au kimila.
Alikuwa akiwapa changamoto. Alikuwa akidhoofisha wazo la kwamba wokovu ungeweza kupatikana kupitia utii kwa mifumo ya kidunia ya mamlaka, iwe ya kidini au ya kisiasa. Hiki si kisa cha masihi asiye na kitu anayetoa wokovu ikiwa tu tunaamini na kuishi.
Tafsiri hii Itaendelea Sehemu ya 3.
