Nadhani wengi tuna experience kwenye hili. Yaani ukimtendea vizuri dada wa kazi na kumfanya kama mwanafamilia au kama mtoto wako lazima uishie kujuta! Utapigwa matukio hadi mwenyewe unyooshe mikono, atakaa miezi kadhaa tu utasikia mimi nataka kuondoka, sijui nimemiss kwetu, mara nyingine unashtukia hayupo, huyoo katoroka zake.
Sasa, pigisha kazi kama chuma ya Mjerumani, aloo anaweza kukaa hata miaka kumi na kila kitu kinaenda shwari kabisa! Kuna sayansi gani hapa? Ndo wote wameshazoea mikiki mikiki ama?
Tulikuwa na huyo ndugu yetu, yeye binti wa kazi akiondoka kwake anakuwa amekaa si chini ya miaka mitano. Lakini kwa namna anavyowatendea utaona huruma, kwanza familia kubwa (watu 7) na kuna watoto wa kuhudumia, kuamka mapemaaa kulala usiku mwingi, dada analia jikoni huko peke yake, marufuku kufika sebuleni labda awe analeta chakula au anasafisha, muda wote ye yuko na shughuli, mpaka aje kulala yuko hoi.
Sasa njoo kwa mwenzangu na mimi jifanye unamuona kama mdogo wako, ataamka muda anaotaka, muda mwingi yupo kwenye simu mara TV, unakuta vitu rafu mpaka wewe ndio unakuwa kama umeajiriwa sasa na yeye ndio Boss wako.
Kwanini iko hivi eti?🤔🤔