Ntuzu
JF-Expert Member
- Aug 8, 2013
- 17,418
- 10,877
HABRUHI YA NIPASHE KUTOKA KWA MAJERUHI NA MASHUHUDA ILIKUA KAMA IFIATAVO...
25th October 13
Wananchi waasi
Lulu George
Askari mgambo wa kijiji cha Lwande Wilaya ya Kilindi mkoani Tanga, Salum Mgonje, ameuawa kwa kucharangwa mapanga na Mkuu wa Kituo cha Polisi cha wilayani hapa, Inspekta Lusekelo Edward, kujeruhiwa vibaya kwa kupigwa risasi baada ya kuibuka vurugu kubwa kijijini hapo.
Vurugu hizo zinadaiwa kusababishwa na kundi la watu ambao walikuwa wakipinga kitendo cha mwenzao kulipishwa ushuru wa ununuzi wa hiliki na serikali ya kijiji.
Kufuatia vurugu hizo, askari kadhaa wakiongozwa na Mkuu wa Kituo cha Polisi cha Kilindi, Inspekta Edward, walikwenda katika kijiji hicho kwa lengo la kuwakamata watu waliohusika na mauaji ya askari mgambo, na ndipo alipopigwa risasi tumboni na mkononi.
Inspekta Edward akizungumza na NIPASHE jana katika Hospitali ya Mkoa wa Tanga, Bombo, alikolazwa kwa matibabu, alisema alipigwa risasi alipofika katika Msikiti wa Answaar Suna uliopo kwenye eneo la Kibirashi wilayani Kilindi muda mfupi baada ya kuwatangazia watu hao ambao baadhi yao wanadaiwa kuwa waumini wa msikiti huo kuwa wako chini ya ulinzi.
Alisema chanzo cha tukio hilo ni kutokana na vurugu zilizotokea Oktoba 22, mwaka huu saa 6:00 mchana, baada ya waumini hao kutakiwa kulipa ushuru wa mazao waliyonunua, lakini waligoma na kusema kuwa ni kinyume cha sheria za dini yao.
Alisema kutokana na hali hiyo, watu hao walianzisha vurugu na kusababisha kifo cha mgambo huyo kwa kumshambulia kwa mapanga.
Hali hiyo iliwalazimisha polisi kuwakamata viongozi wao wawili na kusababisha wengine kuandamana kupinga hatua hiyo.
Baada ya vurugu hizo ambazo zilisababisha kifo cha mgambo, ndipo tulipoamua kuwafuata waumini hawa kwenye msikiti wao, tulipofika pale walikuwa wakitoka na ndipo tulipowatangazia kuwa wapo chini ya ulinzi. Cha kushangaza walirudi na bunduki mkononi na kuanza kuwafyatulia askari risasi ovyo, alisema Edward.
Alisema pamoja na kushambuliwa na waumini hao, hadi kufikia juzi watu watatu walikuwa wamekamatwa na kwamba msako unaendelea.
Mkuu wa Wilaya ya Kilindi, Selemani Liwowa, alisema chanzo cha mapigano hayo ni mfanyabiashara mmoja ambaye jina lake halijafahamika, mkazi wa kijiji cha Lulago, Kata ya Lwande alipokwenda kijiji cha Lwande kununua hiliki na kukaidi kulipa ushuru wa mazao.
Alifafanua kuwa mfanyabiashara huyo baada ya kukataa kulipa ushuru huo, ndipo askari mgambo (marehemu), alipokwenda kumtia msukosuko ili alipe kama taratibu na sheria za kijiji zinavyoelekeza.
Liwowa alisema baada ya kutokea mabishano makubwa baina ya mgambo na wafanyabiashara, ndipo wenzake walipoingilia suala hilo kwa kuanza kumshambulia kwa mapanga mgambo huyo hadi kusababisha kifo chake.
Aliongeza kuwa taarifa za mauaji ya mgambo zilipofika kituo cha polisi, ilimlazimu Mkuu wa Kituo kuongoza kikosi cha askari kilichokwenda kijiji cha Lwande kwa ajili ya kuwasaka waliohusika na mauaji hayo na ndipo lilipojitokeza kundi la watu wenye silaha na kuanzisha mapigano dhidi ya askari hao.
Kaimu Kamanda wa Polisi mkoa wa Tanga, Juma Ndaki, alithibitisha kutokea kwa tukio hilo na kusema kuwa polisi inaendelea na uchunguzi ili kubaini chanzo halisi cha vurugu hizo.
Kamanda Ndaki alisema kundi hilo lilianzisha vurugu baada ya kuona wenzao wamekamatwa na kukimbilia msituni na kwamba msako mkali unaendelea ili kuwatia nguvuni.
Kamanda wa Polisi Mkoa wa Tanga, Constatine Massawe, yupo eneo la tukio kwa ajili ya kuona hali halisi ilivyo na operesheni maalum ya kuwasaka watu hao imeanza kutekelezwa, alisema Kamanda Ndaki.
Mganga Mfawidhi wa Hospitali ya Rufaa ya Mkoa wa Tanga Bombo, Dk. Jumanne Karia, alisema majeruhi huyo, Mkuu wa Kituo cha Polisi alipokelewa hospitalini hapo juzi saa 10:30 usiku akitokea wilayani Kilindi.
Dk. Kariya alisema hali yake kwa sasa inaanza kuimarika na kwamba utaratibu wa kumwondoa risasi moja iliyopo tumboni unaendelea.
Tukio hilo limetokea Kilindi wakati kukiwa na taarifa za tukio linalofanana na hilo kutokea katika Wilaya ya Lushoto ambako Mkuu wa Upelelezi wa Makosa ya Jinai wilayani humo (OCCID), Ufoo Maanga, alicharangwa mapanga na wananchi baada ya askari kwenda kumkamata mtuhumiwa wa mgogoro wa ardhi katika kijiji cha Viti, Kata ya Shume wilayani Lushoto.
NIPASHE
Utaona vurugu hizi ni kama ilivo tajwa katika habari hiii. LAKINI pia usome habari kama ilivomkariri juu polisi majeruhi ni kuwa baada ya vurugu zile za wafanya biashara walikwenda msikitini !!!!! kuwataka waumini wajisaliimishe...
tuseme ukweli polisi walivurunda na kukitia adabu kijiji kizima na wanawake na watoto ...na ili kuficha ouvu wao basi wakatangaza wanapambana na magaidi wapo msikitini na lashabaab.....
waislam ndio wamekua punching bag na kichaka cha uovu
lakini kuna masuala tujiulize kuhusu hili:
kuna haja ya kuunda tume huru kulifanyia uchunguzi jambo hili....
- kwanini polisi walizuia waandishi kufika kule kujua kinachoendelea?
- masheikh wa mJINI Tanga walipopata taarifa hizi walikutana na kutaka kwenda kujua kina cho jiri lakini hawakukubaliwa
- sheikh chambuso na wenzake wanao kaa mjini Tanga walifika kuwaona majeruhi hospital kwa nini wakamatwe na kusingiziwa?
- kwa nini waislam wa Tanga mjini kwa muda wa wiki mbili walikua wakizingirwa siku za ijumaa misikitini?
- polisi walikua wanaficha nini?
Kwa hii Taarifa km ni kweli jinsi ilivyo kuna vitu vingi vya kuangalia hapa na Kwa pande zote!
(1) kukataa kulipa ushuru uliopangwa kisheria na mamlaka Kwa kusingizia dini Hilo tuliangalie!
(2)kumua mgambo aliekua anatekeleza majukumu yake nalo pia tuliangalie!
(3)kitendo Cha kuwatafuta watuhumiwa Wa mauaji ya mgambo ambao huenda Polisi walipata habari Kua huenda walijificha msikitini nalo pia la kuangalia!
(4)kujeruhiwa Kwa Askari Polisi Kwa risasi na Watu nalopia la kuangalia!
Kuna vitu vingi vya kuangalia ktk hili Labda tuombe Msaada Wa wanasheria kuja kutusaidia ktk hili!
Mimi Naona niishie hapa!