Huihui2
JF-Expert Member
- Jan 5, 2012
- 9,818
- 14,585
Tarehe 10 Februari 2025
Raila Odinga na Jaji Mstaafu Joseph Warioba walitoa ushauri mzito kwa Makamu Mwenyekiti wa Chadema, Tundu Lissu, lakini aliuacha hewani kwa msimamo wake mkali. Tarehehe 22 Machi, 2025 Odinga alimkumbusha Lissu umuhimu wa maridhiano na mazungumzo ya kisiasa na serikali, akitolea mfano wa siasa za Kenya. Hata hivyo, Lissu alipuuza somo hilo na kung'ang'ania kauli mbiu yake ya "Hakuna mageuzi, hakuna uchaguzi."
Msimamo huu wa kususia uchaguzi mkuu unaleta wasiwasi mkubwa kuhusu ufanisi wake, kwani historia inaonyesha kuwa kususia uchaguzi hakujawahi kuleta mabadiliko ya kidemokrasia yenye maana duniani. Badala yake, hatua hiyo inawanyima wananchi haki ya kupiga kura na kukiacha chama chake pembezoni mwa ulingo wa maamuzi.
Kwa upande mwingine, Jaji Warioba mnamo tarehe 10 Februari, 2025 alimshauri Lissu kuwa malalamiko yake kuhusu mfumo wa uchaguzi ni ya kweli, lakini ombi lake la kuahirisha uchaguzi kwa miaka mitatu halitekelezeki. Warioba alisisitiza kuwa mabadiliko ya kanuni za uchaguzi yanaweza kufanyika mara moja ili kurekebisha changamoto za kiutaratibu bila kususia uchaguzi mzima. Kwa kukataa ushauri wa viongozi hawa wazoefu, Lissu anaonekana kuendesha siasa za kibinafsi na za msimamo usio na tija kwa mustakabali wa nchi.
Lissu hafai kuwa kiongozi wa kitu chochote