PreGE2025 Mabasi mapya ya Mwendokasi yanayotumia gesi kuwasili Aprili

[Waufukweni]

Mabasi mapya ya Mwendokasi yanayotumia gesi yatawasili Aprili mwaka huu, lengo ni kuongeza matumizi ya nishati safi.

Kampuni ya Mabasi yaendayo Haraka (UDART), imesema kuanzia Aprili mwaka huu watapokea mabasi mapya yanayotumia gesi asilia iliyosindikwa (CNG).

Aidha, hatua hiyo ni mkakati wa kuboresha huduma za usafiri jijini Dar es Salaam kwa kutumia nishati safi na nafuu, ikiwamo kupunguza msongamano wa abiria na kuchangia kuhifadhi mazingira.

Kwa mujibu wa taarifa kwa umma iliyotolewa jana na UDART, hatua ya kuingiza mabasi mapya inalenga kuyaondoa kwa awamu mabasi machakavu na ambayo muda wake wa kuwa barabarani yamepitwa.

Soma, Pia: Mradi wa Mwendokasi kutumia mabasi ya gesi ya Scania

 

[shatisuruali]

Naimani wakufunzi wa mafundi wa mfumo wa gesi washaanza kutoa mafunzo kwa wabongo. Pia wamekuja na vipuri via kutosha.

 

[Nangu Nyau]

Tuache mbwembwe aisee, hayo ya diesel ambayo ndio rahisi sana kuyaendesha yametushinda.

Wananchi tunachotaja nikuona UDART inafanya kazi kwa ufanisi na usafiri Dar es salaam unakuwa rahisi.

 

[Evelyn Salt]

Gas hii hii ambayo vibajaji vinapangia foleni siku nzima? Au vitakuwepo vituo spesho kwa kujaza mwendokasi?

 

[Mad Max]

Ova April mbali.

 

[Southern Highland]

Mbona kuna picha nimeona tayari yameshaingia mjini

 

[Dr wa Manesi]

Safi kabisa, haya ndo majibu kwa wale wanywaji waliopo mbeya leo

 

[Kohelethi]

Siyo mwendo Kasi ni mabasi yanayotembea kwenye njia yakiwa yenyewe tu.

 

[Chillah]

Gas hii hii ambayo vibajaji vinapangia foleni siku nzima? Au vitakuwepo vituo spesho kwa kujaza mwendokasi?

Leta ushauri wa kutatua tatizo mkuu.

Wakiweka kituo Chao katika moja ya karakana zao Kuna tatizo?

 

[frankkilulya]

hizi danadana tupumzisheni tumezichoka

 

[Evelyn Salt]

Leta ushauri wa kutatua tatizo mkuu.

Wakiweka kituo Chao katika moja ya karakana zao Kuna tatizo?

Sina ushauri mkuu nampongeza tu mama

 

[Pfizer]

UDART KUINGIZA MABASI MAPYA YA CNG KUANZIA MWEZI APRILI, 2025.

Kampuni ya Mabasi yaendayo Haraka (UDART) yaanza kuingiza mabasi 100 mapya yanayotumia gesi asilia iliyosindikwa (CNG) ambayo yote yanatarajiwa kufika kuanzia mwezi Aprili 2025. Hatua hii ni sehemu ya mkakati wa kuboresha huduma za usafiri jijini Dar es Salaam kwa kutumia nishati safi na nafuu.

Ujio wa Mabasi hayo mapya unalenga kupunguza msongamano wa abiria na kuchangia katika uhifadhi wa mazingira kwa kupunguza matumizi ya mafuta ya dizeli.

Hatua hiyo ya kuingiza mabasi mapya inalenga kuyaondoa kwa awamu mabasi machakavu na yale ambayo muda wake wa kuwa barabarani yamepitwa na wakati likiwemo basi moja ambalo hivi karibuni limeonekana kwenye mitandao ya kijamii likipitisha maji sehemu yake ya kupitishia hewa (ventilation). "Tunatarajia mabasi haya yatasaidia kuongeza ufanisi wa huduma zetu na kupunguza muda wa kusubiri kwa abiria," Amesema msemaji wa UDART.

Mabasi yanayotumia gesi asilia (CNG) yanajulikana kwa kuwa rafiki wa mazingira, kwani hutoa kiwango kidogo cha hewa chafu ikilinganishwa na mabasi ya dizeli.

UDART imesisitiza kuwa mpango huu ni sehemu ya juhudi za Serikali ya Awamu ya Sita chini ya uongozi wa Mhe. Rais Dkt. Samia Suluhu Hassani katika kuboresha huduma za usafiri wa umma na kupunguza athari za mabadiliko ya tabianchi.

Hatua hiyo ya kuagizwa kwa Mabasi mapya katika huduma za Usafiri wa Mabasi yaendayo haraka inatekelezwa kufuatia kuwepo kwa changamoto ya uwepo wa Mabasi ya awali yaliyohudumu kwa muda mrefu na kupelekea uchakavu wa Mabasi hayo ya awali ambapo muda wa matazamio ya kihuduma katika mabasi hayo kulingana na taarifa za mzalishaji wa Mabasi hayo ni miaka 8 hadi 10. Mabasi ya awali yaliingizwa nchini mara ya kwanza kati ya mwaka 2015-2016.

Kampuni ya Mabasi yaendayo Haraka UDART imeeleza kuwa ujio wa Mabasi mapya ni hatua muhimu kuelekea kupunguza msongamano wa abiria na kuboresha huduma kwa ujumla. “Tunataka kuhakikisha kuwa teknolojia ya mabasi yanayotumia gesi asilia inakidhi mahitaji ya wakazi wa Dar es Salaam kabla ya kuanza operesheni rasmi za mabasi mapya mwaka huu” Kauli toka kwa Msmaji wa UDART.

Hadi sasa basi la kwanza limeshafika kwaajili ya majaribio

 

[Beira Boy]

Maneno mingiiiiiiii

Mwaka jana penyewe walituambia mwezi wa kumi na moja leo tena mwezi wa nne

 

[Nangu Nyau]

Hii nchi Kuna mahala wanasiasa wako tayari wananchi wateseke ili wao wasubiri muda wa kupata political mileage washinde uchaguzi.

 

[Black Sniper]

Jirani wanaunganisha magari na mabasi hata pikipiki
Hizo ni fursa za ajira kwa vijana
Sisi kila kitu lazima tuagize nje ili watu wapige hela

Tungekuwa na katakana na assembling wengi wangefanya kazi na vipuri pia vingekuwa vinapatikana kwa urahisi zaidi
Hawana fikra kabisa za ajira hawa watu

 

[Smart911]

Ahsante kwa taarifa...


Cc: Mahondaw