Mahakama Israel yakataa kuahirisha kesi dhidi ya Netanyahu

[The Zanzibar Echo]

Mahakama moja nchini Israel imekataa ombi la Waziri Mkuu Benjamin Netanyahu, kuahirisha kusikilizwa kwa kesi yake dhidi ya rushwa, baada ya rais wa Marekani Donald Trump kutaka kesi hiyo ifutiliwe mbali.

Wakili wa Netanyahu alimuomba jaji katika mahakama hiyo kuahirisha kesi hiyo kwa wiki mbili, akisema kiongozi huyo anahitaji kushughulikia masuala ya usalama baada ya siku 12 za vita kati ya Israel na Iran.

Mahakama imesema ombi lililotolewa halina msingi au uhalali wa kuahirisha kusikilizwa kesi hiyo. Siku ya Jumatano wiki hii Trump aliielezea kesi dhidi ya Netanyahu kuwa ya kisiasa na kutaka ifutiliwe mbali mara moja au msamaha utolewe kwa kiongozi huyo aliyomuita shujaa.

Netanyahu amemshukuru Trump kumuunga mkono katika vita vyake na Iran vilivyositishwa Juni 24 kwa makubaliano ya kusitisha vita, yaliyotangazwa na Donald Trump. Waziri Mkuu huyo wa Israel amekanusha kuhusika na rushwa huku wafuasi wake wakisema kesi yake inaendeshwa kisiasa.

 

[Kulupura]

Mmmh ngonjera tu hizo

 

[Isanga family]

Huko Israel ameshtakiwa ila Wayahudi wa Njinjo sasa hawaambiwi kitu wala kusikiliza..

 

[zitto junior]

Fisadi afungwe huyu, anatumia vita kuepuka jela.

 

[Revolution]

Habari inasema "Mahakama moja" ni kama hapa Tanzania useme mahakama moja, yaani labda zipo nyingi sana hadi imeshindwa kujulikana? Ni mahakama ya mwanzo Wilayani Korogwe, Mahakama ya Wilaya ya Kinondoni? Mahakama ya Hakimu Mkazi Kusutu? Mahakama ya Kanda ya Ziwa, Mahakama Kuu Tanzania? Nimeweka mifano kwa muktadha wa hapa kwetu ili mwandishi aone habari yake ilivyokaa kizushi

 

[Criss]

Ila reporter umereport kinaa sana