Kwa mujibu wa
Malisa Godlisten ndugu yetu kabisa Deo Kisandu ameshinda Rufaa ya kesi yake ya mchongo, tunamkaribisha uraiani na JF kwa ujumla. Legends wa JF wanakumbuka vituko vyake.
Mnamkumbuka huyu jamaa? Anaitwa Deogratius Kisandu. Aliwahi kuwa Katibu wa BAVICHA mkoa wa Tanga, mgombea ubunge jimbo la Lushoto kupitia Chadema. Baadae akahamia NCCR Mageuzi na kuwa Msaidizi binafsi (PA) wa Mwenyekiti Mbatia, kisha akawa Katibu Mwenezi wa chama hicho taifa.
Mwaka 2018 alikamatwa kwa tuhuma za kutoa taarifa za uongo mtandaoni. Akashtakiwa na kupatikana na hatia. Akafungwa miaka miwili. Akatumikia kifungo chake gereza la Butimba Mwanza kwa mwaka mmoja na kwenda kumalizia adhabu gereza la Kitengule Kagera.
Alipotoka tu, akarudi mtandaoni na kuandika kuwa kuna viongozi wachawi serikalini. Akataja majina viongozi wakuu wastaafu na wengine waliokuwa madarakani. Akakamatwa tena. Akashtakiwa kwa kutoa taarifa za uongo kuhusu viongozi kuwa wachawi. Akapatikana na hatia na kuhukumiwa miaka 6 gerezani.
Akiwa gerezani akakata rufaa Mahakama Kuu kupinga hukumu hiyo iliyotolewa na Mahakama ya Wilaya Kahama. Lakini mwaka 2024 Mahakama Kuu ikatupilia mbali rufaa yake. Hakuridhika, akakata rufaa Mahakama ya Rufaa. Tar.09 March 2026 Mahakama ya Rufaa imekubali rufaa yake na imemwachia huru kwa kuwa Jamhuri haikuweza kudhibitisha kuwa viongozi hao si wachawi na pia serikali haiamini katika ushirikina.
Kisandu akiwa amebakiza miezi michache amalize kifungo chake cha miaka 6, anashinda rufaa na kuachiwa huru. Baraka Mpenja anasema “dakika za jioooooooooni”.
Swali kwa Mawakili wasomi: Hii imekaaje? Yaani unafungwa kimakosa na unatumikia kifungo, halafu wakati unakaribia kumaliza ndipo mahakama inasema ulifungwa kimakosa. Je, hawezi kudai fidia akalipwa kwa kupotezewa muda? Kwa nchi zilizoendelea kama Marekani hilo linawezekana kabisa na atalipwa mabilioni ya pesa. Je kwa nchi zetu za dunia ya 3 hali ikoje? Inawezekana kudai fidia au ndo huwezi kushindana na serikali? 🤷♂️
ANDIKO HILI NIMELITOA KWENYE UKURASA WA FACEBOOK WA GODLISTEN G