KERO Malalamiko kuhusu ajira za Vijana 436 walioahidiwa ajira baada ya kujenga Ikulu ya Chamwino

KERO Malalamiko kuhusu ajira za Vijana 436 walioahidiwa ajira baada ya kujenga Ikulu ya Chamwino

Hii ni kero ambayo mwananchi ameiwasilisha JF akitaka wahusika kuchukua hatua
A

Anonymous

Guest
Vijana tupatao 436 tuliowahi kuahidiwa na aliyekuwa Rais wa Tanzania, Hayati Dkt. John Pombe Magufuli, kwamba baada ya kumaliza mafunzo yetu tungeajiriwa moja kwa moja, hadi sasa hatujaajiriwa wote.

Baadhi yetu tumebaki mitaani bila ajira, huku wengine wakiwa wanakabiliwa na changamoto za kiafya. Wapo pia waliojeruhiwa wakati wa kutekeleza majukumu yao na kupata ulemavu au majeraha ya kudumu.

Tunaomba Serikali ilifanyie kazi suala hili na kuangalia uwezekano wa kutekeleza ahadi hiyo, kwa kuzingatia vijana tulijitolea, tukafanya mafunzo na kutekeleza majukumu kwa imani kwamba tungepata ajira baada ya kukamilisha mchakato huo.

Pia soma ~ JKT waliojenga Ikulu ya Chamwino na kudai kutelekezwa, wamekutana na Waziri Dkt. Rhimo Nyansaho
 
Nafasi zenu si walisha kaaa wengine baada ya uncle magu kufa. HURUMA SIO MALEZI
 
Mimi ni miongoni mwa vijana 436 tuliojenga Ikulu ya Chamwino lakini hatujapatiwa ajira kama ahadi ilivyokuwa, sasa wengi wetu tunaumwa mgongo, bawasili na kifua vyote vimetokana na kazi hiyo.

Ujumbe huu ufike Serikali Kuu ili watusaidie japo kutibiwa au kufanyiwa checkup, wenzangu wengine wamelazwa hospitali.

Tulipewa nafasi hiyo ya ujenzi na Rais Magufuli ambaye pia alikuja location akatamka kuwa tukimaliza ujenzi vijana wote 2000 tupewe ajira Jeshini.

Tulishaandika barua kwa Katibu Mkuu Kiongozi, Waziri Mkuu (kipindi kile yupo Majaliwa) kuhusu maombi yetu kupata ajira au kusaidiwa lakini hatujapata msaada mpaka sasa.
 
Ahadi ni deni , hatakama raisi aliyewapa ahadi kafia madarakani, niliona waziri wa ulinzi akikutana na wale vijana walijenga ikulu, ukweli wale vijana ni Wana Hali mbaya ya kiuchumi

Ila waziri hakuweka wazi kama , hawa vijana wataajiriwa ila alisema TU kuwa serikali itawakumbuka, Sasa sijajua alimaanisha nini.

Tukiendelea na hii tabia ya kishenzi , yakuwatumikisha watoto wawatu , wananchi wataichukia serikali
 
Mimi ni miongoni mwa vijana 436 tuliojenga Ikulu ya Chamwino lakini hatujapatiwa ajira kama ahadi ilivyokuwa, sasa wengi wetu tunaumwa mgongo, bawasili na kifua vyote vimetokana na kazi hiyo.

Ujumbe huu ufike Serikali Kuu ili watusaidie japo kutibiwa au kufanyiwa checkup, wenzangu wengine wamelazwa hospitali.

Tulipewa nafasi hiyo ya ujenzi na Rais Magufuli ambaye pia alikuja location akatamka kuwa tukimaliza ujenzi vijana wote 2000 tupewe ajira Jeshini.

Tulishaandika barua kwa Katibu Mkuu Kiongozi, Waziri Mkuu (kipindi kile yupo Majaliwa) kuhusu maombi yetu kupata ajira au kusaidiwa lakini hatujapata msaada mpaka sasa.
Nina wafahamu vijana kama watatu waliopitia hii Kadhia huwa najisikia vibaya sana nikionana nao mtaani mmoja nipo nae mtaan yaan ni kama hana Dira kabisa
 
Mimi ni mmoja wa vijana wa Jeshi la Kujenga Taifa (JKT) ambao tulikuwa miongoni mwa walioahidiwa ajira na aliyekuwa Rais wa Awamu ya Tano, Hayati Dkt. John Pombe Magufuli. Baada ya ujenzi wa ikulu chamwino Baadhi ya wenzetu walipata fursa ya kuajiriwa jeshini kama ilivyoelekezwa , lakini kundi kubwa tulibaki mtaani bila hatima iliyoeleweka tangu mwaka 2022 mpaka leo.


Pamoja na changamoto hizi, tunapenda kuchukua fursa hii kumshukuru Mkuu wa JKT na Mheshimiwa Waziri wa Ulinzi na Jeshi la Kujenga Taifa kwa hatua chanya waliyochukua hivi karibuni. Mwezi uliopita, Waziri alikutana na wawakilishi wetu pamoja na uongozi wa JKT. Katika kikao hicho, hatua nzuri zilifikiwa ikiwemo kushughulikiwa kwa matibabu ya wenzetu walioumia na kuugua wakiwa kwenye harakati za ujenzi wa taifa—jambo ambalo JKT imelutekeleza kikamilifu. Tunashukuru sana kwa hilo.


Hata hivyo, kilio na changamoto yetu kubwa kwa sasa ni kama ifuatavyo:


  1. Kukosekana kwa Mrejesho wa Orodha ya Majina:Katika kikao cha mwezi uliopita, maagizo yalitolewa kwamba tuandae majina ya vijana wote yapelekwe JKT, na kisha JKT wazipeleke Wizarani. Tumeshawasiliana na JKT na wamethibitisha kuwa majina yote tayari yameshawasilishwa Wizarani. Changamoto ni kwamba mpaka leo, mwezi mmoja umepita, hatujapata mrejesho wowote. Waziri aliahidi kuwa baada ya kupokea majina angewaita tena wawakilishi wetu watano kwa ajili ya uhakiki, lakini kwa sasa hatupati mawasiliano na simu hazipokelewi. Tunajiuliza: Je, majina yalimfikia Mheshimiwa Waziri? Na kama yalimfikia, ni lini mrejesho utatolewa?
  2. Msiba wa Mwenzetu (Rifati):Kukosa hatima na kukaa mtaani tangu 2022 bila ajira wala kuwezeshwa kumewasababishia vijana wengi msongo mkubwa wa mawazo (stress). Siku chache zilizopita, mwenzetu anayeitwa RIFATI amefariki dunia kisa msongo wa mawazo uliomfanya akate tamaa kabisa ya maisha na kuchukua maamuzi magumu. Ni msiba mzito kwetu. Tulitoa taarifa JKT kuhusu msiba huu, lakini mpaka sasa pigo hili halijapewa ushirikiano stahiki kwa familia au mama wa marehemu kupatiwa hata pole.

OMBI LETU KWA MAMLAKA NA SERIKALI:


  • Kwa Mheshimiwa Waziri wa Ulinzi: Tunaomba sana upokee simu zetu au utoe mrejesho kuhusu majina uliyopokea na kuwaita wale wawakilishi watano kama ulivyoadhihiri kwenye kikao ili tufanye uhakiki.
  • Hatima ya Vijana: Tunaomba kujua hatima yetu; ni lini tutapewa ajira au kuwezeshwa kama ilivyoahidiwa? Vijana tupo mtaani tangu 2022, na uvumilivu wetu umefika kikomo kutokana na hali ngumu ya maisha na msongo wa mawazo.
  • Kusikilizwa kwa Wakati: Tunaomba viongozi na wahusika wote watupe taarifa na kutusikiliza kwa wakati. Kama jambo hili linashindikana ngazi ya Wizara, tunaiomba Ofisi ya Waziri Mkuu au Mheshimiwa Rais wa Jamhuri ya Muungano wa Tanzania kutusaidia kukutana nasi ili kuamua hatima ya maisha yetu.

Subira ina mwisho, na vijana tunazidi kuumia mtaani. Tunaomba sauti hii iwafikie viongozi wetu.
 
Back
Top Bottom