fundi....
hebu badilisha text hizo unatuumiza macho yakhe,au mpaka BOSI wangu ajue kuwa nasoma JF?
Mtanzania, Mkandara na Kilitime asanteni sana kwa kuliweka wazi tatizo hili. Jamii yetu imekubali mno uchafu huu hata pale unapotendewa haki inavyopaswa bila upendeleo unaona ni lazima umshukuru kwa kumkatia kidogo aliyekutendea. Tunawalaumu wageni wanapokuja nyumbani na kuajiri jirani zetu bila kujiangalia sisi wenyewe matatizo yetu! Vijana wetu hawaambiliki, wanataka utajiri wa haraka haraka kiasi cha kutisha! Bila aibu utawasikia wanavyojisifu wanavyomkomba aliyewaajiri. Hatuwaenzi waliofanya kazi kiadilifu. Kama alivyosema Mtanzania hata uzee wa kanisa hawapati maana hawana cha kuchangia kanisa bali mawazo ambayo hakuna anayeyataka. Wanapotuacha ndipo tunaandaa makongamano ya kuwaenzi kwa kuwapaka mafuta kwa mgongo wa chupa. Wakina Chiume waliishi nasi mbona tumeanza kuwaimbia ngojera pale walipoondoka tuu? Tunapenda vilemba vya ukoka, mijisifa ambayo hatustahili, maPh.D, Arusha kuitwa Geneva, n.k. Tumekuwa cynical, tusiotaka kukemewa tukijificha nyuma ya kivuli cha ubaguzi,mercenaries ambao tuko tayari kumsifia yeyote ili mradi atutupie makombo ya kwenye meza yake n.k. Mungu ainusuru nchi yetu. Mungu alinusuru bara letu.
Samahani najaribu kuondoa bold bila mafanikio. Hivi text gani ndiyo inayofaa? Mimi bado mwanafunzi.
Naipitia hii thread mara kadhaa lkn nakosa la kusema/kuandika, maana sikumfikiria kabisa huyu mama kufanya km alivyofanya! Kweli viongozi wetu wengi walio ktk system ni mafisadi; ni vigumu kumpata kiongozi safi kutoka ktk wale walio ktk system kwani mbinu zote za 'kula' wanazo; wanazi-update tu.
Wakuu,
Hili limesemwa hapa mara nyingi kwamba Watanzania tuna matatizo makubwa, hasa sisi tunaojiita tumesoma. Akina Mkapa, JK, Mongela ni refelction ya sisi Wadanganyika ambao tunapenda vya bure, tunanyanyasa wanaotaka huduma zetu na kupiga majungu badala ya kuchapa kazi.
Watu huwa hawapendi kusikia hili lakini muhumu ni radical changes juu ya suala la kazi na kufuata sheria. Kila unapopindisha sheria hata kama madhara yake ni kuua sisimizi lazima ujue bado kuna madhara na ukipata nafasi utapindisha sheria kuua tembo.
Kwa watanzania ambao nakutana nao mimi nyumbani kwenye mabank, maofisi ya serikali, hospitali na hata kwenye sehemu za huduma, naona wengi wetu hatuna tofauti sana na hawa viongozi wetu, ukiachia wao wana nafasi ya kuiba wakati sisi hatuna.
Inabidi tuchukie rushwa, tuchukie unyanyasaji wa aina yoyote hata kama anayeguswa ni house girl, na tukiridhika labda ndio tuje na kuwanyoshea vidole akina JK, Mongela na wengine.
Ninavyoandika hivi kuna kichanga kinakufa sio kwasababu hakuna dawa, bali kwasababu mama yake hana pesa ya kuhonga, au nurse kaamua kufunika maadili aliyojifunza. Tutakavyorudi kazini Alhamisi kuna watanzania watakaa nje ya ofisi zetu masaa kibao na kuambiwa waje kesho, sababu kubwa hawana kitu kidogo cha kutuhonga ili tuwashughulikie kazi ambayo tunalipwa kila mwezi kuifanya. Badala yake wenye nacho watapitishwa mbele na kushughulikiwa.
Hata CCM waondoke madarakani, nina wasiwasi sana kama wadanganyika sisi bila kujali ni CCM, CHADEMA, CUF au TLP kama tuna nia ya kufanya tunayohubiri hapa JF.
Tuendelee kumkoma Nyani Giladi na kumsema mama Mongela kadri tuwezavyo lakini tujiangalie na sisi, je tuko tofauti na akina Mkapa? Je leo tukipelekwa TRA au kuwa gavana bank kuu, tutafanya tofauti na aliyoyafanya Balali?
Wakuu, mimi sina jibu kamili, ila kwa Watanzania ninaowajua mimi labda mmoja kati ya 100 anaweza kufanya yale tunayotaka yafanyike, wengine wote sisi hatuna tofauti na akina Mkapa au mama Mongela.
Mara nyingi nikisema haya maneno huwa namkumbuka prof. Mmari, wako wapi watiifu, wauungwana, wachapa kazi, wasiopenda makuu kama huyu mtanzania mwenzetu? Angelikuwa mla rushwa si ajabu sasa angekuwa anajulikana kuliko anavyojulikana sasa, angeheshimiwa kuliko sasa, kanisani angepewa kiti cha mbele ili
akae karibu na askofu, mchungaji au padre.
Nina imani akifa watu tutaandika sana na kumsifu mno, lakini kwanini tumsitukuze sasa na kumpandisha mbele ili vijana wetu wajue kwamba ukiwa mwadilifu unaweza kufaidika? Mungu amsaidie huko aliko.
Bin Maryam, utanifanya nilie!
Mimi simjui Mama Mongela lakini naamini tusimhukumu kabla hatujajua story yote. Kunyamaza kwake sio lazima kumaanisha ni kuzikubali tuhuma hizo. Bahati mbaya wengi wetu tunayo tabia yakuwatakia wenzetu mabaya. Wachache wapo tayari kumuonea huruma na kusubiri ukweli. Kinachosikiitisha zaidi ni kutumia tuhuma hizi kuwatuhumu sio tu viongozi wetu wote bali hata Watanzania wote kama wezi. Mimi nadhani tutumie muda mwingi kujijenga na kujengana badala ya kushabikia kwa furaha mwenzetu anapoanguka. Pole Mama Mongela.
Waliosema "innocent until proven guilty" walijua kwamba one cannot be fairly tried in the court of public opinion! Half truths half lies!! Tuvute subira na ukweli utakapobainika tutayajadili na kutoa hukumu. Is this too difficult to ask for?Kunyamaza ni kukubali, kama ana side yake ya story itolewe.