Maoni yangu binafsi juu ya masuala mbalimbali yanayoendelea duniani

Wabunge wa CCM ni wanafiki kukemea maovu yaliyobainishwa na taarifa ya CAG wakati hawataki kurekebisha katiba na kubadilisha mfumo wa utawala ambao umezaa uwakilishi haramu ambao kazi yao kubwa ni wizi na ubadhirifu wa mali ya umma

Watawala wetu hawataki kuirekebisha katiba kwa sababu wanajua hawana sifa za kuiongoza nchi hii

Wanajua wao ni tunda la uwakilishi haramu

Na uwakilishi haramu una uadui na Mwenyezi Mungu na chochote wanachofanya kamwe hawatafanikiwa

Ndiyo maana tulisema DP WORLD itawaumbua

Matamanio yao yote kutokana na DP WORLD yataota mbawa

Mapato yatashuka hata hiyo Trilioni 7.1 wataisikia kwenye bomba

Hoja ya wabunge ya kuwatimua baadhi ya mawaziri siyo mwarobaini

Timua timua bila ya kurekebishwa katiba na kuchochea uwajibikaji ni ulaghai mtupu

Mwaka 2015 na 2020 CCM ilizuia uwajibikaji pale ilipoizua Tume ya uchaguzi kuhesabu kura na matokeo yake kuheshimiwa

Ufisadi uliobainishwa na taarifa ya CAG unathibitisha tatizo la nchi hii ni la kimfumo siyo la kiuendaji

Ukitindua mfumo kwa kuleta uwajibikaji watendaji wabovu kama hawa wanaopigiwa ukelele wangelikuwa wapigakura wamemalizana nao kwenye masanduku ya kura siyo kwenye mipasho ya wabunge bungeni

Tuwe wa kweli na ni ukweli tu ndiyo utatuopoa hapa tulipokwama

Tulisema kuendelea kukopa hela kwa ajili ya maendeleo ni ufujaji wa mali ya umma kwa sababu mfumo huu wa wizi wa kura umefifilisha uwajibikaji sasa kuna faida gani ya kukopa kama hela inaenda kuliwa

Karibu miundombinu yote iliyotapakaa nchi nzima haina viwango. Hela imeliwa sasa kiongozi anaposema mikopo ina tija wakati fedha za mikopo hiyo zinatafunwa na malengo yake hayatekelezwi ipasavyo itabidi tujiulize huyu mwenzetu anaishi nchi gani?

Tufike mahali tukiri utitiri wa taasisi kama TAKUKURU, bodi za mikopo, EWURA, bima ya afya zinapaswa kufutwa maana hazina tija

Sana sana tunawapatia watu hususani makada wa CCM ajira na ulaji lakini taasisi hizo haziwezi kutekeleza majukumu kusudiwa

TAKUKURU ivunjwe iwe sehemu ya idara ya polisi

Tume zote za kupambana na jinai kama madawa ya kulevya n.k ni wizi na ubadhirifu wa mali ya umma hazina uwezo wa kupambana na uhalifu.

Hivyo, polisi warudishiwe kazi zao

Tupunguze uteja wa ushauri usiyo na tija kutoka nje