MAPINDUZI YA KIDIJITI: Kilimanjaro Yawa Miongoni mwa Mikoa Inayotoa Huduma za Ardhi Kupitia e-Ardhi

MAPINDUZI YA KIDIJITI: Kilimanjaro Yawa Miongoni mwa Mikoa Inayotoa Huduma za Ardhi Kupitia e-Ardhi

Wizara ya Ardhi

Govt Institution
Joined
May 14, 2024
Posts
306
Reaction score
165
cbe51c32-be77-4298-9f15-9680e7c9a1ed.jpeg


MOSHI, KILIMANJARO

Mkoa wa Kilimanjaro umejiunga na mikoa mingine inayotoa huduma za ardhi kwa wananchi kwa njia ya kidijiti kupitia mfumo wa e-Ardhi ambao unarahisisha na kuharakisha huduma za sekta ya ardhi nchini.

Akizungumza wakati wa mafunzo ya kuwajengea uwezo wataalamu wa sekta hiyo mkoani humo, Afisa TEHAMA na Mkufunzi kutoka Wizara ya Ardhi, Nyumba na Maendeleo ya Makazi, Bw. Christopher William Kyando, alibainisha kuwa mabadiliko hayo yanalenga kuondoa urasimu na kuongeza ufanisi wa utoaji huduma kwa wananchi.

Bw. Kyando alisema kuwa kimsingi Mkoa wa Kilimanjaro umeingia kwenye orodha ya mikoa ambayo inatumia mfumo wa e-Ardhi kutoa huduma kwa wananchi.

Mfumo huo unatumiwa na idara zote kuu za sekta ya ardhi ikiwemo Mipango Miji, Upimaji, Ramani, na Uthamini chini ya dirisha moja la mtandao kupitia kiunganishi cha (e-ardhi.lands.go.tz) ambapo mwananchi anaweza kuomba huduma akiwa mahali popote, kufuatilia hatua za ombi lake, kujikadiria kodi ya pango la ardhi, pamoja na kupata taarifa za huduma aliyoomba kupitia mfumo huo.

Hatua hiyo inaleta tija kwa Serikali kwa kuwa inatokomeza migogoro kwa kuzuia usajili wa maombi mapya kwenye viwanja ambavyo tayari vilimilikishwa awali.


Bw. Kyando alieleza kuwa Mfumo huo unamruhusu mwananchi kufanya maombi na kufuatilia hatua zote akiwa popote kule alipo, huku ukipunguza muda wa utoaji huduma na kuzuia maombi mapya kwenye viwanja vilivyokwisha pata wamiliki.


Kwa upande wa usimamizi, e-Ardhi umeunganishwa moja kwa moja na Mfumo wa Malipo wa Serikali (GePG) ili kurahisisha upatikanaji wa namba za malipo (Control Numbers) na kudhibiti uvujaji wa mapato ya Serikali.


Aidha, mfumo unawapa viongozi uwezo wa kufuatilia utendaji kazi wa kila mtumishi na kuhamisha miamala iliyokwama ili kuzuia ucheleweshaji wa huduma na mfumo huo ni msaada mkubwa kwa kuwa unarahisisha kukusanya maduhuli ya Serikali.
 
Inashangaza sana kuwa Kilimanjaro ndio inajiunga sasa. Mimi nilitafuta huduma hizo miaka 15 iliyopita nikaambiwa hakuna kitu kama hicho. Na kikubwa ni kwamba kwa watumishi wa serikali unless hiyo process ni automated ndio mambo yatakuwa mabaya zaidi. Yaani umwandikie afisa ardhi wa serikali e-mail akujibu?! Haitokei. Na tena uwasilishe ombi lako bila kumwona afisa uso kwa uso? Hutahudumiwa kwa miezi mingi ijayo. Na tena mfumo ni kwa ajili ya kufungua jalada tu, na baada ya hapo lazima utoke Tanga uende Moshi ofisi ya ardhi ya kanda kufuatilia kiwanja chako! Na mwisho mfumo huo utaanza kufanya kazi lini? Labda mwakani.
 
Back
Top Bottom