Mbunge Cherehani ampa tano Rais Samia Miradi ya Maendeleo

Stephano Mgendanyi · 2023-08-03T18:23:45+00:00

Mbunge wa Jimbo la Ushetu, Wilaya ya Kahama Mkoani Shinyanga Dkt Emmanuel Cherehani amempongeza Rais wa Jamhuri ya Muungano wa Tanzania Dkt Samia Suluhu Hassan kwa kazi nzuri anayoifanya ya kuhakikisha maendeleo yanawafikia wananchi kwa wakati. Amesema kuwa Rais Samia amekuwa kinara kuhakikisha wananchi wanapata maendeleo ambapo ametaja mafanikio ya miradi mbalimbali ikiwemo kampeni ya kumtua ndoo mama kichani ambapo upatikanaji wa maji safi na salama katika jimbo la Ushetu umeongezeka. Dkt Cherehani ametoa pongezi hizo katika kijiji cha Bulungwa wakati akizungumza na wananchi wakati wa mbio za mwenge wa uhuru. Amesema kuwa kwa mafanikio ya miradi mbalimbali Rais Samia anaenda kuandika historia kubwa katika jimbo la Ushetu na nchi kwa ujumla wake. Amesema kuwa Jimbo la Ushetu katika uongozi wa Rais Samia imepokea Bil 6.1 kwa ajili ya miradi sita ya maji ikiwemo mradi wa Sabasabini-Mpunze, Igwamanoni, Nyankende, na mradi wa maji wa Nyamilangano. Ameitaja miradi mbalimbali ya maendeleo inayofanyika katika jimbo la Ushetu ambapo serikali imetoa zaidi ya Mil 800 kwa ajili ya ujenzi wa Kilomita moja na nusu za lami na taa za barabarani katika kijiji cha Bulungwa. Kadhalika katika sekta ya elimu amesema kuwa Jimbo la ushetu limepokea Bil 2.89 kwa ajili ya ujenzi wa madarasa 108 ya sekondari ambayo wananchi hawajachangishwa kiasi chochote. Amezitaja shule hizo ambazo ni pamoja na Eliasi Kuandikwa iliyojengwa kwa Mil 470, shule ya sekondari Cherehani iliyoko Ubakwe ambayo imejengwa kwa Mil 300, na zaidi ya Bil 1.88 za mradi wa BOOST kwa ajili ya shule za msingi Nyankende na Ukune na nyumba ya mwalimu pamoja na nyumba ya mkurugenzi.

Thread starter Stephano Mgendanyi
Start date Aug 3, 2023
Tags

maendeleo mbunge miradi miradi ya maendeleo rais rais samia samia

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mbunge Cherehani ampa tano Rais Samia Miradi ya Maendeleo

Stephano Mgendanyi

JF-Expert Member

Our Community

Regional Communities