GE2025 Mchengerwa (mtu kazi) wajumbe wamuamini kwa kura 8,465 (99.19)

[Stephano Mgendanyi]

MCHENGERWA (MTU KAZI) WAJUMBE WAMUAMINI KWA KURA 8,465 (99.19)​

Mgombea wa Jimbo la Rufiji anayetetea jimbo lake, Ndugu Mohamed Mchengerwa ameibuka kidedea katika kinyang'anyiro cha kura za maoni kwa kuzoa asilimia 99.19 ya kura zote zilizopigwa.

Matokeo hayo mazuri kwa Mchengerwa yametokana na juhudi kubwa aliyofanya katika kipindi cha miaka kumi ya Ubunge wake ambapo amekuwa chachu ya kuleta maendeleo katika sekta zote ikiwemo miundombinu ya barabara, madaraja, Vituo vya Afya, Elimu, na uwekezaji mbalimbali ambao umeendelea kufanyika Jimboni Rufiji.

Akitangaza matokeo hayo Mkurugenzi wa Uchaguzi wa jimbo hilo, Prudence Sempa amesema Mchengerwa amepata kura 8, 465 kati ya kura 8,533 zilizopigwa sawa na asili 99.19

Aidha, Sempa amesema kura zote zilizopigwa zilikuwa 8,534 ambapo idadi ya kura zilizoharibika ni asilimia 0.01 ya kura zote halali.

Wagombea wengine Salma Hamis, Selemani Mhekela na Hamisa Kisoma waligawana asilimia iliyobaki.

Baada ya kutangaza matokeo hayo wagombea hao wamempongeza Mchengerwa na kuahidi kushirikiana na yeyote kati yao ambaye atachaguliwa na Kamati Kuu ya Chama Cha Mapinduzi (CCM) miongoni mwao kupeperusha bendera katika uchaguzi mkuu.

Naye, Mchengerwa amewashukuru wajumbe kwa kumpa kura za kishindo huku akisema kuwa ana deni kubwa la kuwalipa endapo Chama chake CCM kitampitisha.