Miaka 20 ya Umoja wa Afrika na ushirikiano kati yake na China

ldleo · 2022-08-16T06:58:43+00:00

Ni miaka 20 sasa imetimia tangu Umoja wa Afrika uanzishwe, lengo kuu likiwa ni kuhimiza mafungamano ya kisiasa, kiuchumi, kiusalama, kiutamaduni na hata kwenye mambo mbalimbali ya kijamii. Katika kipindi hicho, kuna mambo mengi yameonesha kupatikana kwa mafanikio makubwa, lakini pia kuna baadhi ya mambo yanayoonesha kuwa safari bado ni ndefu kabla ya kufikia malengo yake. Baadhi ya mambo ambayo bila shaka Umoja wa Afrika unaweza kuyataja kuwa ni mafanikio yanayotokana na juhudi zake barani Afrika, ni kuboreka kwa hali ya uchumi katika nchi nyingi za Afrika. Kwa mujibu wa takwimu za benki ya dunia, katika kipindi cha miaka 20 iliyopita nchi nyingi za Afrika zilikuwa na wastani wa ongezeko la uchumi la 5%, japokuwa ongezeko hilo halikuwa lenye uwiano, kwa kiasi fulani limetoa mchango katika kupunguza umaskini. Kwa upande mmoja ongezeko hili limetokana na utekelezaji mbalimbali wa sera nzuri za uchumi zilizopendelezwa na kuhimizwa kwenye vikao mbalimbali vya Umoja wa Afrika, lakini kwa upande mwingine ushirikiano wa karibu na China kwenye sekta ya uchumi na biashara umekuwa na msukumo mkubwa kwenye maendeleo ya uchumi barani Afrika. Katika kipindi hicho cha miaka 20, ushirikiano wa kirafiki kati ya China na Afrika umekuwa ukiinuliwa hatua kwa hatua na kufikia viwango vipya. Mikutano kadhaa ya Baraza la Ushirikiano kati ya China na Afrika, ikiwa ni pamoja na ule wa Beijing mwaka 2006, Johannesburg mwaka 2015, na Beijing mwaka 2018, Dakar mwaka 2021, iliweka msukumo mkubwa katika ushirikiano kwenye eneo la uchumi na biashara, na matokeo yake yamekuwa chanya kwenye uchumi wa nchi za Afrika. Eneo lingine muhimu ambalo Umoja wa Afrika unaweza kutaja kuwa ni eneo lenye mafanikio ni amani na usalama. Kupitia mpango wake wa kutuliza na hatimaye kuondoa migogoro (silencing the guns), migogoro mikubwa iliyokuwa inahatarisha usalama wa nchi za Afrika ilitatuliwa kwa njia za mazungumzo yaliyofanywa kwa juhudi za Umoja wa Afrika. Migogoro mingine iliyokuwa na hatari ya kuwa vita kubwa iliweza kutulizwa kwa njia ya kutuma vikosi vya kulinda usalama, kama vile kupitia tume ya AMISOM nchini Somalia, na operesheni nyingine za ulinzi wa amani kama vile Burundi, Comoro, Sudan na Sudan Kusini. Kupitia mpango wa utekelezaji wa Beijing (2019 -2021) uliokubaliwa kwenye mkutano wa baraza la ushirikiano wa ulinzi na usalama uliofanyika mwezi Juni 2018, China ilishiriki kwa kutoa msaada kwenye operesheni kadhaa za ulinzi wa amani barani Afrika, mbali na zile za Umoja wa mataifa, kwa kutoa msaada wa kijeshi, kutuma polisi au hata kusaidia kwenye operesheni za kupambana na ugaidi. Mafanikio makubwa zaidi yanayostahili kutajwa ni ushirikiano kwenye mapambano dhidi ya janga la COVID-19. Kutokana na uwezo mdogo wa Umoja wa Afrika kukabiliana na changamoto ya janga hilo, China ilikuwa ni nchi ya kwanza kutangaza mpango wa kuusaidia Umoja wa Afrika kwa kuupatia chanjo ya ugonjwa huo. Kupitia mipango mbalimbali ya ushirikiano kati ya China na Umoja wa Afrika, na China na nchi moja moja ya Afrika, mapambano dhidi ya janga la COVID-19 barani Afrika yalipata msukumo mkubwa. Pamoja na mafanikio kadhaa yaliyopatikana barani Afrika kutokana na ushirikiano kati yake na China, bado Umoja wa Afrika unakabiliwa na changamoto mbalimbali. Migogoro bado inaonekana kuwepo katika baadhi ya sehemu kama vile pembe ya Afrika, ambako licha ya uwepo wa vikosi vya tume ya Umoja wa Afrika, bado kundi la al-Shabaab linaendelea kufanya mashambulizi ya mara kwa mara. Nchi Ethiopia kumekuwepo na mgogoro wa Tigray ambao bado haujatatuliwa ipasavyo, hata hivyo China inaendelea kushiriki kwenye juhudi ya utatuzi wa migororo hiyo, na hivi karibuni iliteua mjumbe maalum kwa ajili ya eneo hilo.

Thread starter ldleo
Start date Aug 16, 2022
Tags

afrika china miaka miaka 20 umoja umoja wa afrika ushirikiano

ldleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Miaka 20 ya Umoja wa Afrika na ushirikiano kati yake na China

ldleo

JF-Expert Member

Our Community

Regional Communities