Mama anatakiwa ampe mtoto nafasi ya kujua hilo pia. Watoto hupenda kujua ukweli wa hayo madai ya mama kuwa baba alikutelekeza, na wengine wakimpata huyo baba huwa wanamhoji na kulinganisha taarifa. Kuna mmoja namfahamu aliambiwa siku nyingi na mama yake kuwa babake ni mtu mwenye roho mbaya sana. Mtoto alipofikisha umri wa kujitegemea akamtafuta yule baba, walichoongea wanajua wenyewe, lakini siku hizi wana maelewano mazuri tu japo hakumlea utotoni. Na huyu kijana anashirikiana vizuri na ndugu zake wa upande wa baba japo alifichwa miaka yote hiyo.
Kuna umuhimu wa kuelewa kuwa mtoto ni individual mwenye hisia zake na namna yake ya kutafsiri mambo, ukimficha sana mwishowe atakuja kupewa hadithi nyingine na ataiamini. Nafikiri ndio maana baadhi ya akina mama hawataki watoto wakutane na hao baba zao, wanaogopa hiyo hadithi atakayosema baba ambayo labda mtoto ataiamini.
Kuepuka yote hayo, mpe mtoto nafasi ya kumjua baba yake tangu awali, kama kweli huyo baba ni mbaya mtoto atajionea mwenyewe na ataelewa kwanini mama alishindwa. Na kama huyo baba ni mwema, basi mtoto ataufaidi huo wema kwa nafasi yake hata kama mama hataki.