Mkurugenzi wa Idara ya Usalama wa Ecuador na Mkewe Wafariki Kwenye Ajali ya Helikopta

[Inevitable]

Mkurugenzi Mkuu wa Idara ya Usalama na Ujasusi ya Ecuador (CIES), Michele Sensi-Contugi, pamoja na mkewe Stephany Hollihan, ni miongoni mwa watu saba walipoteza maisha kufuatia ajali ya helikopta iliyotokea eneo la Mlima Ololokwe, Kaunti ya Samburu nchini Kenya.

• Vyombo na Eneo: Helikopta aina ya Eurocopter EC130 B4 (Nambari ya usajili: 5Y-GYM) inayomilikiwa na kampuni ya Lady Lori Kenya Ltd ilipata ajali majira ya saa 3:13 asubuhi.
• Njia iliyokuwa ikitumiwa: Ndege hiyo ilikuwa ikisafiri kutoka hifadhi ya Loisaba kuelekea eneo la Ewaso Nyiro.
• Waathiriwa: Watu wote 7 waliokuwa ndani ya helikopta hiyo (wakiwemo raia wa Marekani na rubani Mkenya) walifariki papo hapo.

Juhudi za Uokoaji na Uchunguzi: Mamlaka ya Usafiri wa Anga Kenya (KCAA) pamoja na Shirika la Msalaba Mwekundu wamethibitisha kuwa shughuli za uokoaji zilikumbana na changamoto kutokana na eneo hilo kuwa la milima mikali na uwepo wa moto uliolipuka baada ya ajali hiyo. Uchunguzi rasmi kuhusu chanzo cha ajali hiyo unaendelea chini ya Idara ya Uchunguzi wa Ajali za Ndege (AAID).

Viongozi mbalimbali wa Ecuador, akiwemo Waziri wa Ujenzi na Uchukuzi Roberto Luque, wametuma salamu za rambirambi kwa familia za waliopatwa na msiba huo mzito.

 

[BICHWA KOMWE -]

Mimi kama mama yenyu sikubaliani na jambo hili.

 

[Masai wa Town]

Helicopter zipigwe marufuku

 

[cocastic]

🚁 hizi chopa zina nini kwani? Mbona zinavusha sana viongozi na watu maarufu kwenda Akhera madukani??