Mnyika ameithibitishia dunia mbele ya wajumbe wa IPU (wabunge wa dunia) kuwa Tanzania kuna uhuru mkubwa wa kusema na kukosoa serikali na demokrasia kubwa sana ya kiwango cha dunia.
Hiki anachokifanya Mnyika na chadema cha kusema na kuikosoa serikali na viongozi wakuu mbele ya ujumbe mzito wa kimataifa kinaweza kufanywa tu kwenye nchi za magharibi ambako demoktasia iko juu sana. Hii inaiongezea heshima Tanzania kwenye nyanja za kidemorasia na haki ya kusema. Inampa heshima kubwa Rais Samia kuwa watu wake wanaweza kutoa dukuduku zao bila kukamatwa. Hii iko ulaya tu na marekani. Na inafuta rasmi uongo kuwa kama ukitoa maoni yako na kuikosoa serikali utatekwa, utafunguliwa mashitaka ya uongo na utapigwa risasi.
Mpaka IPU (wabunge wa dunia) kuamua kuja kufanya mkutano wao Tanzania tayari wana taarifa nyingi sana kuhusu Tanzania juu ya usalama wao na kile kilichotokea Oct29 kinachopotoshwa.
Bila shaka Dunia imejiridhisha kuwa:
1. Tanzania ina katiba halali iliyotumika tangu 1977 hata kama Katiba hiyo ina mapungufu. Duniani hakuna katiba isiyolalamikiwa.
2. Uchaguzi unafanyika kwa mujibu wa katiba ya 1977 hata kama kuna wasioridhika nayo
3. chadema walisusia uchaguzi wao wenyewe kwasababu ya kupinga uchaguzi unaofanyika kwa mujibu wa katiba halali wanayoilalamikia
4. chadema ni kati ya vyama 19 vilivyoko Tz, why chadema?
5. Lissu alikuwa na ugomvi na serikali ya Rais Magufuli, na aliumia wakati wa magufuli sio wakati wa Rais Samia.
6. Rais Samia ndiye aliyevifungulia vyama vya upunzani kuanza tena kufanya kazi za siasa baada ya kuwa Rais mwanamke.
7. Samia ndiye alimrejesha nyumbani Lissu nyumbani kutoka uhamishoni
8. Dunia imeipata na kuisikiliza hotuba ya Lissu ya trh 3/4/2025 iliyokuwa chanzo cha mashitaka yake ya sasa.
9. chadema walitaka kumpindua Rais mwanamke.
10. Kuna watanzania ambao hawataki mwanamke kuwa Rais (hii iko duniani kote)
11. Samia ana afadhali kidemokrasia kuliko Rais magufuli, wanalijuwa hilo.
12. Tanzania kuna amani na utulivu mkubwa na maendeleo makubwa kulinganisha na nchi nyingine za Afrika kusini mwa jangwa.
Mnyika anaipaisha Tanzania kidemokrasia mbele ya wajumbe wa dunia. Mambo kama haya yanapatikana huko ulaya na Marekani. Alichokifanya Mnyika huwezi kukiona Rwanda, Uganda, Congo na nchi nyingine za kiafrika.
Dunia haiwezi kukusanyika sehemu ambayo wamejiridhisha kuwa hakuna usalama.
View: https://www.youtube.com/live/ERUOY15S5cs?si=bNsKLmko3DBUBTQw
