Morogoro: Lori la Mafuta lapata ajali na kulipuka, watu 104 Wapoteza maisha na wengine kujeruhiwa...(Picha zinaogofya)

Morogoro: Lori la Mafuta lapata ajali na kulipuka, watu 104 Wapoteza maisha na wengine kujeruhiwa...(Picha zinaogofya)

Ajali kama hii ilitokea Nigeria mwaka 1980 lakini tofauti ni kwamba ilikuwa sio gari bali bomba la kusafirisha mafuta yaliyosafishwa yaliruka juu na kushuka na moto yakaua zaidi ya watu 500 hata waliokuwa mbali.
Ajali nyingine ilitokea Arusha mwaka 1982 kiwanda cha A to Z kiliwaka moto tank la gas likalipuka liliua hata waliokuwa kwenye bar za karibu wanakunywa mbege.Tulipanga kwenda tena mchana siku hiyo bahati nzuri shuleni kwetu kulikuwa na mziki wa mchana ndio kilichotuokoa maana sisi tulikwenda asubuhi
 
Wale mama ntilie masikini waliokumbwa na kadhia hii wakiwa wanauza chakula

Kuna mmoja alikuwa anakimbia huku moto ukitoka mdomoni, hao walikufa kifo kibaya sana maana walivuta hewa ya mafuta sana na walipoungua madhara yake yalikuwa makubwa na ya kutisha
 
Ajali imetokea eneo la Mzambarauni (Nje kidogo ya Mji wa Morogoro). Inadaiwa kuwa waendesha Bodaboda waliojaribu kuchota mafuta wameteketea ktk moto huo

Mpaka sasa chanzo cha Lori hilo kupinduka na hatimaye kushika bado haijafahamika

Update: 1205hrs

Mganga Mfawidhi wa Hospitali ya Rufaa ya Morogoro, Rita Lyamuya amesema wamepokea miili 60 na majeruhi 60:

"Tunavyoongea sasa hivi tumeshapokea majeruhi 60, bado tunaendelea kupokea. Kati ya hao walio ndani ya ward wanaume ni 58 na wanawake ni wawili…na pia tumepokea miili 60."

Hali ilivyokuwa kabla ya moto kulipuka


Update: 1400hrs

Polisi Morogoro imesema idadi ya watu waliokufa imefikia 62 na majeruhi 72.

Majeruhi 39 wamekimbizwa hospitali ya Taifa Muhimbili.

View attachment 1177837




======

Morogoro. “Inasikitisha”. Ndivyo unavyoweza kusema baada ya lori la mafuta ya petroli kupinduka eneo la Msamvu mkoani Morogoro na kuwaka moto muda mfupi baada ya watu kuanza kuchota mafuta hayo.

Tukio hilo limetokea leo Jumamosi Agosti 10, 2019 ambapo Mwananchi limefika eneo hilo na kushuhudia miili iliyoungua ikiwa imelazwa pembeni ya barabara ya Dar es Salaam-Morogoro wengi wakiwa ni madereva bodaboda na mamalishe wanaofanya shughuli zao hapo.

Kamanda wa Polisi Mkoa wa Morogoro, Wilbroad Mutafungwa amesema karibu watu 57 wamepoteza maisha katika ajali hiyo iliyotokea saa mbili asubuhi.

Ajali hiyo imetokea umbali wa mita 200 kutoka kituo kikuu cha mabasi Msamvu ukitokea Dar es Salaam.

Baadhi ya mashuhuda wamelieleza Mwananchi kuwa baada ya lori hilo kupinduka, watu walianza kuchota mafuta hayo.

Wamesema mmoja wa waliokuwa wakichota mafuta hayo alikuwa akivuta sigara, kwamba ndio chanzo cha mlipuko huo.

======

UPDATES: 11 August 2019



Morogoro/Dar. Waziri Mkuu wa Tanzania, Kassim Majaliwa ameungana na viongozi wengine wa vyama na Serikali mkoani Morogoro kwenye msiba wa kitaifa baada ya kutokea ajali ya moto iliyoua Watanzania 68 hadi leo Jumapili Agosti 11, 2019 saa 3 asubuhi.

Kwa mujibu wa mkuu wa Mkoa wa Morogoro, Dk Stephen Kebwe amesema idadi hiyo imeongezeka kutoka vifo 64 vilivyoripotiwa hadi jana saa 10 jioni hadi vifo 68.

Ajali hiyo ilitokea jana Jumamosi Agosti 10, 2019 katika kijiji cha Itigi, Msamvu mkoani Morogoro baada ya lori la mafuta kupinduka na kuwaka moto muda mfupi baada ya watu kuanza kuchota mafuta.

Picha za video zinaonyesha lori hilo likiwa limepinduka barabarani na mafuta yakichuruzika kuelekea pembeni mwa barabara ya Morogoro- Dar es Salaam ambako watu waliokuwa na madumu ya ujazo mbalimbali walikuwa wakichota mafuta kabla ya moto kuwaka.

Mbali na Majaliwa, viongozi wengine waliomiminika mkoani humo ni Waziri wa nchi ofisi ya waziri mkuu,Sera, Bunge,Ajira, Kazi,Vijana na Wenye Ulemavu, Jenista Mhagama; Waziri wa Ujenzi, Uchukuzi na Mawasiliano, Isack Kamwelwe; mganga mkuu wa Serikali ya Tanzania, Profesa Mohamed Kambi.

UPDATES: 1120hrs

Mkuu wa kitengo cha Mawasiliano katika Hospitali ya Taifa Muhimbili, Aminiel Aligaesha amesema kati ya majeruhi 46 walioletwa hospitali hiyo wawili wamefariki dunia.

UPDATES:1130hrs

Waziri Mkuu wa Tanzania, Kassim Majaliwa amesema kuwa anaunda tume itakayoanza kufanya kazi leo Agosti 11 kubaini kama kuna mamlaka serikalini zilishindwa kuwajibika mara baada ya lori la mafuta kupata ajali na hatimae kusababisha mlipuko uliogharimu maisha ya watu zaidi ya 60.

UPDATES: 14 AUG 2019

Idadi ya watu ambao wamefariki kutokana na mkasa wa ajali ya mlipuko wa lori la mafuta mjini Morogoro imeongezeka hadi 82

UPDATES: 2130hrs

Majeruhi wengine watatu ajali ya lori la mafuta Morogoro, waliolazwa Hospitali ya Taifa Muhimbili (MNH), wafariki dunia. Waliofariki hadi sasa wamefika 85

UPDATE: 15 AUG 2019

Majeruhi wengine 7 kati ya 32 waliosafirishwa kutoka Morogoro na kulazwa Hospitali ya Taifa Muhimbili kwa matibabu zaidi kufariki dunia. Idadi ya vifo yafikia 89

UPDATES:0900HRS 17 AUG 2019

Idadi ya waliokufa kutokana na ajali ya moto iliyotokea Morogoro Agosti, 10 imefikia 93 baada ya majeruhi wengine wanne kufariki dunia Hospitali ya Taifa Muhimbili

UPDATES: 1800HRS 18 AUG 2019

IDADI YA WALIOFARIKI KATIKA AJALI MOROGORO YAFIKIA 95‬

‪- Ni baada ya majeruhi mmoja aliyekuwa amelazwa katika Hospitali ya Taifa Muhimbili kufariki jana usiku‬

‪- Wagonjwa 20 wa ajali hiyo waliobaki katika hospitali hiyo wamelazwa katika chumba cha uangaliazi maalum‬

‪
UPDATES: 1140HRS 19 AUG 2019

IDADI YA WALIOFARIKI KATIKA AJALI YAFIKIA 97

Idadi ya vifo vilivyotokana na ajali ya lori la mafuta lililopinduka na kuwaka moto Morogoro imeongezeka na kufikia 97 baada ya majeruhi wengine wawili kufariki leo.

UPDATES:2200HRS 20 AUG

IDADI YA WALIOFARIKI KATIKA AJALI YAFIKIA 99

Idadi ya vifo vilivyotokana na ajali yalori la mafuta yaongezeka na kufikia 99

UPDATES:0940HRS 21 AUG 2019

IDADI YA WALIOFARIKI KATIKA AJALI YAFIKIA 100

Vifo vilivyotokana na ajali ya moto baada ya lori la mafuta kulipuka imeongezeka na kufikia 100


UPDATE: 1200HRS AUG 23 2019

IDADI YA WALIOFARIKI KATIKA AJALI YAFIKIA 101

Ni baada ya majeruhi mmoja kufariki dunia alfajiri ya leo Ijumaa Agosti 23, na kufanya idadi ya waliopoteza maisha kufikia 101


UPDATE: SEPTEMBER 1, 2019

IDADI YA WALIOFARIKI KATIKA AJALI YA MOTO MOROGORO YAFIKIA 104‬

‪Ni baada ya majeruhi 2 kati ya 13 waliokuwa wamelazwa ktk Hospitali ya Taifa Muhimbili, kufariki‬
Watu wengi wanao ishi pembezoni mwa barabara kuu wana laana ambazo zitawatafuna kwa vizazi vinne.
Ukipata ajali highway, wanakumalizia na wanakuibia kila kiytu na nguo wanakuvua.
Ukipata chichote , wao wanafurahia ufe wao waponee.
Limenikuta kwa mtu wangu wa Karibu na hakika wale watu wa pale korogwe, laana itawatafuna kwa vizazi vinne , na mtalipa tu!
 
Back
Top Bottom