Msiba wa mzee Mtei na heshima kubwa ya CHADEMA Tanganyika

Msiba wa mzee Mtei na heshima kubwa ya CHADEMA Tanganyika

Kalamu said:
Mbowe kwa kweli ni mtu wa kumsikitikia.
Utazungumziaje "maridhiano" na watu unaojuwa wazi, tena kwa uzoefu kuwa hawana dhamira safi?

Anataka alaghaiwe upya ndipo ajue kuwa hakuna watu wa kuridhiana nao katika hawa waliopo?

Hii lugha maana yake ni nini; kwamba bado anaamini dhamira ya waovu hawa inaweza kubadilika na kuwafanya wawe watu wa kuridhiana nao?

Haipendezi kuendelea kumpondaponda mtu huyu aliyewahi kuonyesha alama nzuri katika uongozi wake; lakini kuendelea kung'ang'ania na hawa watu waovu inalazimisha aonekane kuwa ni mtu ambaye kavurugwa sana akili na hawa mashetani.

Anachotakiwa akifanye Mbowe, kwa heshima yake, ni kuwaondoa kabisa akilini mwake hawa Samia na Genge lake; hasa hasa kupitia kwa Kikwete. Vinginevyo, atadumu na sifa mbaya, na hiyo 'legacy' yake mwenyewe itamwonysha hivyo.

Kata mahusiano na watu waovu; hayakujengi kwa vyovyote.
Click to expand...

View: https://www.facebook.com/share/v/1Z1GNoNUpN/
 
MamaSamia2025 said:
CHADEMA punguzeni siasa uchwara msibani
Click to expand...
Mumetumia mahakamani kuzuia Chadema kufanya siasa sasa kila tunapopata nafasi ya kuongea lazima tuongee siasa na kuwanyoosha nyie washenzi mlioshindwa kujibu hoja zetu na badala yake mnatumia mitutu ya bunduki. CCM imekoma kuwa chama cha siasa na kuwa genge maslahi linalotumia mabavu ya vyombo vya dola kuendelea kutawala.
 
Mshana Jr said:
View attachment 3533930
Click to expand...
Kuhusu Hayo maneno ya Godbless.

Hapa hata ule "uswahili" unaosemwa, haufui dafu!

Hata ile fani ya 'sanaa 'komedi' ", haifui dafu!

Hawa ni majambazi wanaoua waTanzania halafu wanatunga hadithi za kuhalalisha maovu hayo.

Sasa, watu wa namna hii watashindwa jambo gani?

Labda nimueleweshe tu Lema kuhusu jambo dogo la umeme. Ni China ndiyo kinara wa umeme mwingi.
 
MZEE MTEI AMEZIKWA MWILI; FIKRA ZAKE ZIMEBAKI
Na Baba Askofu Kalikawe Lwakalinda Bagonza PhD

Jana 24/1/2025, taifa limeuzika mwili wa Mzee Edwin Mtei (94). Ana historia inayogusa sekta nyingi hapa nchini. Watu wa namna hiyo huwa ni kama moto ambao hufa/kuzimika na kuacha majivu badala ya kuacha moto. Yeye ameacha fikra. Ebu tudadavue umbeya kidogo:

1. Amewakusanya na kuwaunganisha watanzania. Hata waliohujumu fikra zake wakashika vipaza sauti kumsifia. Duh! Hata shetani anatamani kama wangekuwa wanamaanisha walichokuwa wanaongea bila kupepesa macho! Misiba ni darasa la uongozi.

2. Kanda zote za Chadema zikatoa salamu. Nikajifunza. Kama hatuko tayari kubadilika, badi tupanue mahabusu na magereza. Hakuna hela inayotosha kuwanunua wote, na hakuna risasi za kutosha kuwaua wote. Tunahitaji uongozi, siyo utawala.

3. Freeman Mbowe; Mkwe, mmoja wa waasisi, Mhanga wa maridhiano-hila, M/Kiti Mstaafu na mfungwa wa zamani, “akaiba show” kama alivyoiiba Monduli Februari 2024. Aliongea vizuri. Tunasubiri vitendo. Tomaso ni wengi sana. Ajue: Mkandamizaji wake wa jana hawezi kuwa mkombozi wake wa kweli leo. Awe moto siyo vuguvugu.

4. Madaraka makubwa hayaachani na upofu na ukiziwi. Mwenye madaraka akiona na kusikia, madaraka hupungua na usalama wake kuongezeka. Wananchi huchukua madaraka na kuyatumia kumlinda kiongozi wao. Bunduki haiongezi madaraka bali ni “Kausha madaraka”. Watawala wetu zindukeni.

5. Upofu na ukiziwi ukimpata mtawala, mahabusu na magereza hugeuka vyuo vikuu vya mabadiliko katika nchi. Uhuru wa Afrika Kusini ukiandaliwa Roben Island. Uhuru wa Kenya uliandaliwa Lokitang Prison na Lodwar Prison. Hapajawahi kutokea mfungwa wa kisiasa aliyerudi toka gerezani akamtii mtawala aliyemuweka. Nipe ushahidi!

6. Katika nchi huru “zisizo huru”, mabadiliko huandaliwa katika vyuo vinavyoitwa House Arrests, mazuio ya maandamano, sheria za uchochezi, doria mitandaoni, na Safe Houses. Mahabusu maalum (solitary confinement) huwa ni madhabahu ya kuyeyusha dhahabu iwe bora zaidi. Hakuna barua nyepesi itokayo gerezani. Tunajikaanga.

7. Uhuru ni panga likatalo kuwili. Ukimweka huru mfungwa, mnufaika wa kwanza ni Askari Jela. Alipo mfungwa, yupo Askari. Wote wananyeshewa na wote wanakesha. Mkandamizaji na mkandamizwaji, wote hunufaika na uhuru. Kuwafungulia wafungwa wa kisiasa, ni kuwaweka huru watawala wetu. Mnataka nani aseme ndipo mjue hili ni kwa faida yenu?

8. Nimetoka ibadani. Leo tumehitimisha Ufunuo. Tumekumbushwa kubadilika kwa Bwana Yesu mbele ya wanafunzi wake kule mlimani. Wakatamani kubaki huko utukufuni. Yesu akasisitiza washuke ili kuhudumia wahitaji. Tunaalikwa kushuka ili kuwahudumia watu. Hitaji kuu la watu wetu ni UHURU na THAMANI YA UTU wao. Miradi bila uhuru ni sawa na chakula kizuri kwa mfungwa.

Ngoja niende kula. Kuna Mjaluo hapa kaazima suruali la kwenda kuposea mke wa pili, anasunbua sana hapa mtaani.😅😅
1769349296856.jpg
1769349302169.jpg
 
Mshana Jr said:
MAMBO 7 YALIYOTAWALA HOTUBA ZA MSIBA WA MZEE MTEI NA DIVERSION STRATEGY YA MWIGULU NCHEMBA

Mwl. John Pambalu

Msiba wa Mzee Edwin Mtei haukuwa tu tukio la majonzi, bali pia jukwaa la hotuba nzito zilizobeba tafakuri ya kina juu ya historia ya taifa, hali ya siasa za sasa, na mwelekeo wa demokrasia nchini. Zifuatazo ni hoja saba kuu zilizoibuka na kutawala msiba huo.

1. Urithi wa Mtu (Legacy) dhidi ya Kifo cha Kawaida

Binadamu hufa, wanyama hufa pia. Kinachotofautisha kifo cha binadamu na kifo cha mnyama ni alama ya wema (legacy) aliyoiacha.
Mzee Mtei amefariki akiwa ameacha alama itakayokumbukwa kizazi baada ya kizazi. Wapo watu watakufa na ubaya wao utakuwa mwingi kuliko wema, vifo vyao havitatofautiana na vya wanyama.

Kauli hii nzito na ya kugusa mioyo ilitolewa kwa umahiri mkubwa na Deogratius Mahinyila, Mwenyekiti wa BAVICHA Taifa. Ilikuwa hotuba yenye falsafa, maadili na ukweli usio na kificho.

2. Heche: Tofauti ya Mawazo Sio Sababu ya Kuuawa

Ndogu John Heche aliwakumbusha viongozi wa dini kauli yao ya mara kwa mara kuwa “tutofautiane kwa mawazo lakini tusihasimiane.” Hata hivyo, alisisitiza kuwa katika uhalisia wa Tanzania ya leo, ukitofautiana kwa mawazo na watawala, una hatari ya kuuawa au kupotezwa.
Pamoja na mazingira hayo ya hofu na ukandamizaji, Chadema itaendelea kusimamia haki na kweli, kama alivyofanya Mzee Mtei bila kuyumba.

3. Mbowe: Maridhiano Huponya Taifa

Ndugu Freeman Mbowe alizungumza kama mtu anayetafuta tiba ya taifa lililojeruhiwa. Aliwaambia watawala kuwa wameionea Chadema kwa kiwango kikubwa hadi kufikia hatua ya kuonekana wakali na wakorofi.

Lakini alisisitiza, uchokozi huo ni matokeo ya majeraha makubwa waliyosababishiwa.
Aliweka wazi kuwa maridhiano ya kweli huponya nchi, lakini kwa sasa watawala wanaonekana kukosa dhamira na political will ya kurejesha haki na kuponya taifa. Akahitimisha kwa kusisitiza, kama dhamira ipo, Chadema si chama cha vurugu.

4. Mnyika na Zitto: Historia na Alama ya Mtei
Kwa upande wao, Mnyika na Zitto Kabwe walichagua kuizungumzia historia ya Mzee Mtei kwa kina.

Mnyika alieleza mchango wa Mtei ndani ya chama, akisisitiza jinsi alivyolinda alama na misingi ya Chadema, ikiwemo ishara ya mkono wenye vidole viwili.

Zitto, kwa upande wake, alieleza uamuzi mzito wa Mtei wa kujiudhuru kisiasa kwa kuondoka serikalini kutokana na kutofautiana kimtazamo na Mwalimu Nyerere, uamuzi unaoonyesha uadilifu na msimamo wa mtu.

5. Gavana wa Benki Kuu na Ubaguzi wa Kisiasa

Hotuba ya Gavana wa Benki Kuu Emmanuel Tutuba iliacha maswali mengi. Alitaja makundi mbalimbali yaliyoguswa na msiba, lakini akaepuka kwa makusudi au kwa “bahati mbaya” kulitaja Chadema kama mfiwa.
Hili linaonesha wazi kuwa chuki ya watawala dhidi ya Chadema imevuka mipaka ya kisiasa na sasa imehamia hata kwa watendaji wa taasisi ambazo kimsingi hazipaswi kuhusishwa na migogoro ya kisiasa.

6. Mwigulu Nchemba na Diversion Strategy

Kwa Mwigulu Nchemba, msiba haukuwa nafasi ya kuzungumzia haki, demokrasia, wala mapambano ya marehemu. Badala yake, alichagua kuzungumzia ujenzi wa barabara na mashamba ya wawekezaji.

Wengi walishangaa, imekuwaje hotuba ya msibani iwe nje kabisa ya muktadha?. Hii ndiyo inaitwa sanaa ya diversion, kukwepa hoja nzito. Alitambua kuwa akigusa haki na demokrasia, mada ambazo Mtei alizipigania, mjadala mzito ungeibuka, hasa ikizingatiwa kuwa kwa sasa hakuna haki wala demokrasia ya kweli.

Kwa mantiki ya The Art of War ya Sun Tzu: “Avoid the strong, attack the weak.” Kwa Mwigulu, Haki na Demokrasia ni eneo lenye nguvu mno ambalo linge-backfire endapo angelizungumzia ukizingatia utawala uliopo madarakani kwa sasa umepatikana baada ya mauaji ya kutisha ya raia wasio na hatia.

Zaidi ya hilo, Mwigulu alijitambulisha kama kiongozi wa kile kinachoitwa maridhiano, kwamba ameteuliwa na Samia kulisimamia hilo. Hata hivyo, ukirejea hotuba zake za hivi karibuni za kuwatuhumu na kuwashambulia wasio na hatia kwa madai ya kuwa chanzo cha matukio ya Oktoba 29, 2025, ni wazi kuwa kile kinachoitwa maridhiano kimeshakwama kabla hata ya kuanza.
Kwa maoni yangu, macho yangu yameona hivyo. Muda ni mwalimu mzuri.

7. Generali Ulimwengu: “Man of the Match”

Kwa mtazamo wangu, Generali Ulimwengu ndiye aliyekuwa man of the match. Alisema kwa ujasiri kuwa nchi hii imekwama kwa sababu ya USWAHILI, akimaanisha tabia ya kuzungumza maneno matamu yasiyoambatana na vitendo.
Kwa mujibu wake, Waswahili wana ahadi nyingi lakini utekelezaji hakuna; maneno mengi yasiyo na maana; hujifanya wema ilhali kwa undani ni waovu.
Kauli hii ilikuwa pigo la moja kwa moja, hasa ikizingatiwa kuwa “Waswahili” hao hao walikuwepo msibani.

Swali la Tafakuri

1. Kwa mtazamo wako, “Waswahili” anaowazungumzia Generali Ulimwengu ni akina nani hasa?

Wasalaam,
John Pambalu
Mwalimu wa Zamu
[email protected]
Click to expand...
Mtei ni jabali na muhimili wa CHADEMA; ndio maana maCCM hawampendi.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register