HOJA Muda wa kujiunga na Mfumo wa Ukaguzi vyombo vya moto (MIMIS) uongezwe, badala ya Julai 31, 2026

HOJA Muda wa kujiunga na Mfumo wa Ukaguzi vyombo vya moto (MIMIS) uongezwe, badala ya Julai 31, 2026

Hoja ya Mdau inayopendekeza maboresho au mabadiliko ndani ya jamii, inayotakiwa kuangakiwa kwa mapana na Mamlaka husika

Parabolic

JF-Expert Member
Joined
Dec 3, 2013
Posts
2,922
Reaction score
3,252
Magari ukaguzi.jpg
Wamiliki wa magari wakisubiri kuongia Ofisi ya Usalama Barabarani Kituo cha Polisi Kawe.

***

Serikali, kupitia Baraza la Taifa la Usalama Barabarani, ilitoa siku 21 kwa wamiliki wa vyombo vya moto kuhakikisha wanaviingiza katika Mfumo wa Uratibu wa Ukaguzi (MIMIS) na kukamilisha taratibu zote za kisheria zinazohitajika.

Kwa mujibu wa taarifa, wamiliki wote wa vyombo vya moto wanatakiwa kusajili na kuingiza vyombo vyao katika mfumo huo kufikia Julai 31, 2026. Serikali ilieleza kuwa baada ya muda uliotolewa kumalizika, kutakuwa na operesheni maalumu ya kuchukua hatua dhidi ya wale watakaoshindwa kutekeleza agizo hilo kwa wakati.

Baadhi ya vituo vya uhakiki vimeanzishwa kwa ajili ya zoezi hilo, ambalo bado linaendelea. Binafsi, nimefanikiwa kufika Kituo cha Polisi Kawe ambacho ni kituo mojawapo katika Jiji la Dar es salaam, lakini nimelazimika kusubiri kwa zaidi ya saa saba ili kupata huduma.
photo_2026-07-29_08-28-23.jpg

Nilifika majira ya saa mbili asubuhi na nikaendelea kusubiri hadi saa tisa mchana, pamoja na wananchi wengine wengi waliokuwa wakisubiri huduma. Hali hii inasababisha wananchi kupoteza muda mwingi kwa ajili ya zoezi ambalo lingeweza kukamilika kwa haraka zaidi kama kungekuwa na maandalizi ya kutosha.

Ushauri wangu kwa Serikali ni kuongeza muda wa kujiunga na mfumo huo ili kuwapa fursa wananchi wengi zaidi kukamilisha zoezi la ukaguzi. Aidha, ni muhimu kuongeza idadi ya vituo vya ukaguzi ili kurahisisha upatikanaji wa huduma na kupunguza msongamano endapo Serikali inaona zoezi hili lina umuhimu mkubwa.

Lakini watu wengi bado hawana taarifa kuhusu kujiunga na mfumo huu, zimechelewa kuwafikia wananchi. Wapo watu wengi walengwa ambao bado hawana taarifa kuhusu zoezi hilo, hususan kuhusu muda wa mwisho uliowekwa.

Hivyo, nashauri Serikali iongeze juhudi za kutoa elimu na kusambaza taarifa kwa wananchi kupitia njia mbalimbali za mawasiliano ili kuwafikia watu wengi zaidi, badala ya kusubiri muda wa mwisho ufike kisha kuanza kuwatoza faini wale ambao hawakupata taarifa kwa wakati.
 
Ndugu Ulifanikiwa au na wanakagua vitu gani kwa faida ya members?
 
Vyombo vya moto viko vya aina nyingi..je pikipiki na maguta vinahusika kwny ili zoezi
 
Back
Top Bottom