Hoja ya wizi wa Mita ~ Tatizo la Wizi wa Mita za Maji na pendekezo kwa mamlaka husika
Akizungumza leo Machi 23, 2026, Afisa Uhusiano wa Mamlaka hiyo Flora Nguma amesema kuwa maeneo yanayo ongoza kwa hujuma hizo wa wizi wa mita za maji ni pamoja na Mamlaka ya Mji mdogo wa Himo, Kata ya Makuyuni, Kata ya Majengo, Mwika Kaskazini na Mwika kusini hali inayopelekea Wananchi kukosa huduma ya maji ilihali mamlaka hiyo ina uwezo wa kuhudumia Wananchi.
Amesema kuwa katika kuhakikisha wezi hao wa mita za maji wanakamatwa ili kukomesha tabia hiyo, Mamlaka hiyo itatoa kiasi cha Shilingi Milioni mbili kwa Mwananchi atakaye toa taarifa za uhakika kuhusu wanao hujumu na kuiba mita hizo.
"Mamlaka imekuja na kitita cha shilingi Milioni mbili kwa Mwananchi yeyote atakaye toa taarifa za kuthibitika dhidi ya mtu anayeiba au kununua mita hizo", alisisitiza Nguma.
Amesema kuwa mbali na mita hizo kuibiwa hujuma nyingine ni wizi wa mifuniko ya chemba za maji safi na taka, pamoja na viungio vya mita za maji na kwamba Mamlaka hiyo ilitoa uwezeshaji kwa vikundi vya ulinzi shirikishi wa vifaa ili kukamata wezi hao, jambo ambalo bado halijasaidia huku Serikali ikipata hasara kubwa na wananchi wakiendelea kuteseka kwa kukosa maji.
Awali Mamlaka hiyo ilitoa taarifa kuwa katika kipindi cha miaka mitatu mita 543 ziliibiwa maeneo tofauti Wilaya Moshi na kusabibishia mamlaka hiyo hasara kubwa ya mamilioni ya pesa.
Pia soma: KERO - Wizi wa Mita za Maji Moshi unaendelea, wanaoiba wanapeleka wapi? Bora Mita zikae ndani ya uzio
