PreGE2025 Mwenyekiti wa Baraza la Makanisa ya Kipendekoste ataka mshikamano Tamasha la kuombea Uchaguzi Mkuu 2025

PreGE2025 Mwenyekiti wa Baraza la Makanisa ya Kipendekoste ataka mshikamano Tamasha la kuombea Uchaguzi Mkuu 2025

Mijadala ya Uchaguzi Mkuu wa Tanzania 2025 (Kabla)

Ambakucha

JF-Expert Member
Joined
Aug 16, 2019
Posts
435
Reaction score
733
Mwenyekiti wa Barazaa la Makanisa ya Kipenteksote Mkoa wa Dar es Salaam, Mchungaji Emmanuel Mwasota amesema tamasha la kuombea Uchaguzi Mkuu 2025 lipo kwa ajili ya maombi ya kuombea uchaguzi huo.
Mchungaji Mwasota amewataka waumini wa madhehebu yote nchini kuiombea nchi ya Tanzania, viongozi wake, wabunge, madiwani na rais ili uchaguzi uweze kupita kwa amani.

"Sisi tunasema kwamba tutashikana kwa pamoja na taarifa hizi zinaenda kila mahali kwa makanisa, wachungaji, maaskofu na wahubiri wa aina mbalimbali tutakuwa pamoja kwa ajili ya kuhakikisha tunaombea nchi yetu ipite salama kwenye uchaguzi utakaofanyika mwaka huu," alisema Mchungaji Mwasota.

Mwasota aliongeza kuwa, uchaguzi unaweza kusababisha nchi kupasuka kama raia wake wasipokuwa wazalendo, hasa kwa upande wa amani kwa ajili ya kuombea nchi na viongozi wake.

Alisema ni muhimu kuombea uchaguzi na viongozi watakaochaguliwa ili waongoze nchi.
Wakati huohuo, wadau mbalimbali na Watanzania wameombwa kujitokeza kwa wingi kudhamini Tamasha la kuombea Uchaguzi Mkuu litakalofanyika katika mikoa 26 nchini.

Akizungumza na waandishi wa habari Aprili 2, 2025, Mkurugenzi wa Kampuni ya Msama Promotion, Alex Msama amesema tamasha hilo halitakuwa na kiingilio ili kila Mtanzania aweze kushiriki kwenye kuliombea taifa huku maandilizi yakiwa yanaendelea vizuri.

Msama ameongeza kuwa, tamasha hilo litaanzia Dar es Salaam na kwenda mikoa mingne na limehusisha wachungaji, maskofu wa mikoa mbalimbali katika kuhakikisha wanaombea amani kulekea Uchaguzi Mkuu 2025.

Aidha, Msama amesema waimba Injili mbalimbali wakubwa kutoka nchini na nje watakuwepo kwenye tamasha hilo la aina yake.

"Tutatangaza tarehe na eneo ambalo tamasha hilo litafanyika hivi karibuni kwa Mkoa wa Dar es Salaam," amesena Masama.
 
Waahirishe tu hayo maombi!!👿 mwaka huu uchaguzi haupo!!
 
Kikubwa ni amani mambo ya siasa mtaamua wenyewe.
Amani haiombwi makanisani bali amani inatunzwa kwa kutenda haki kwa wote huku kila mtu mmojammoja akichukua hatua ya kumlinda mwenzake.
Ingekua inaombwa makanisani hata Congo ingekua na amani sababu walishaomba sana.

Amani itoke ndani yetu na sio kuomba amani hewani wakati wenye kuileta na kuitunza ni sisi wenyewe
 
Amani haiombwi makanisani bali amani inatunzwa kwa kutenda haki kwa wote huku kila mtu mmojammoja akichukua hatua ya kumlinda mwenzake.
Ingekua inaombwa makanisani hata Congo ingekua na amani sababu walishaomba sana.

Amani itoke ndani yetu na sio kuomba amani hewani wakati wenye kuileta na kuitunza ni sisi wenyewe
Amani inaombwa kwa Mungu ,hakuna anayependa vurugu ila wanasiasa wenu ni tatizo
 
Unadhani kule Gaza, Syria, Sudan, somalia, Congo na Ukraine hamna waombaji?
Tumesema kuombe ,kwa sababu hizo zote ni siasa za kimitazamo...Wanaombwa yasitokee ila watu wataamua au ulitaka viongozi wadini wafanyeje?
 
Tumesema kuombe ,kwa sababu hizo zote ni siasa za kimitazamo...Wanaombwa yasitokee ila watu wataamua au ulitaka viongozi wadini wafanyeje?
Wanasiasa wanayo nguvu kumzidi Mungu mleta amani?

Nakuuliza hivi sababu nimekwambia amani inaletwa na watu wenyewe wewe ukasema Mungu ndio analeta amani
 
Wanasiasa wanayo nguvu kumzidi Mungu mleta amani?

Nakuuliza hivi sababu nimekwambia amani inaletwa na watu wenyewe wewe ukasema Mungu ndio analeta amani
Nimekuambia jamaa anaomba ila watu wana utashi wao ... Hatma ya mambo kama hayo imebebwa na wanasiasa physically
 
Back
Top Bottom