A
Anonymous
Guest
Mtaa wa Mayengela uliopo eneo la Kishiri-Igoma, Wilaya ya Nyamagana mkoani Mwanza tuna kero yetu ambayo imekosa ufumbuzi kwa miezi kadhaa sasa.
Tangu Machi 2026 hadi sasa hivi Agosti 2026 ni takriban miezi minne kamili, Mtaa wetu wa Mayengela hauna huduma ya maji safi kabisa, Wananchi tunapitia mateso makubwa ya kutafuta huduma hii muhimu ya kibinadamu.
Ili familia zetu ziweze kuishi, inatubidi kununua maji kutoka kwa watu wanaosambaza kwa kutumia bajaji au madumu kutoka maeneo mengine ya Igoma.
Dumu moja la maji tunajinunulia hadi kwa Shilingi 1,000, familia zenye kipato cha chini zinateseka sana kugharamia mamia ya fedha kila siku kwa ajili ya maji ya kunywa, kupika na usafi pekee.
Kila tukijaribu kufuatilia kwa mamlaka husika za maji hususan Idara ya Maji Kanda ya Buzuruga inayotuhudumia majibu tunayopewa yamekuwa yakibadilika kila siku bila suluhu: Mara "Mashine ni mbovu na tunaichunguza", mara "Kuna changamoto ya pampu kuu" na mara nyingine "Kuna matatizo ya umeme."
Hata baada ya Waziri wa Maji kutembelea mkoa wetu na kushughulikia changamoto ya pampu kubwa kwenye maeneo mengine, mtaa wetu wa Mayengela umeachwa pembezoni. Hata leo hii asubuhi nilipompigia simu Meneja wa Kanda ya Buzuruga, jibu lake lilikuwa lilelile mepesi: "Tunamalizia kushughulikia swala lenu, mtapata maji muda si mrefu, endeleeni kuvumilia." Majibu haya mepesi tumeyasikia kwa miezi minne mfululizo!
Wananchi wa Mtaa wa Mayengela tulijikusanya kwenye kikao majuzi na kuamua kuchukua hatua za juu zaidi. Tulimfikishia taarifa zetu na kumtafuta Mkuu wa Mkoa wa Mwanza, ambapo alifanya mawasiliano na idara husika ya maji.
Hata hivyo, hadi sasa hakuna mabadiliko yoyote yaliyotokea madarakani au kwenye miundombinu yetu ya maji. Pamoja na jitihada zote za kufika ngazi za mkoa na kanda, bado tuko kwenye giza nene kuhusu lini bomba zetu zitatoka maji.
Tunawaambia MWAUWASA tumechoka kupewa sababu zisizoeleweka na majibu ya ahadi zisizotekelezwa wakati tunaendelea kuingia gharama kubwa za kununua dumu moja kwa Sh1,000. Maji ni haki ya msingi ya kila mwananchi, na tunatamani kuona vitendo badala ya maneno mepesi!
Pia soma ~ MWAUWASA: Eneo la Kishiri limeendelea kupata huduma kila wiki kadri migao ya maji inavyotekelezwa
Tangu Machi 2026 hadi sasa hivi Agosti 2026 ni takriban miezi minne kamili, Mtaa wetu wa Mayengela hauna huduma ya maji safi kabisa, Wananchi tunapitia mateso makubwa ya kutafuta huduma hii muhimu ya kibinadamu.
Ili familia zetu ziweze kuishi, inatubidi kununua maji kutoka kwa watu wanaosambaza kwa kutumia bajaji au madumu kutoka maeneo mengine ya Igoma.
Dumu moja la maji tunajinunulia hadi kwa Shilingi 1,000, familia zenye kipato cha chini zinateseka sana kugharamia mamia ya fedha kila siku kwa ajili ya maji ya kunywa, kupika na usafi pekee.
Kila tukijaribu kufuatilia kwa mamlaka husika za maji hususan Idara ya Maji Kanda ya Buzuruga inayotuhudumia majibu tunayopewa yamekuwa yakibadilika kila siku bila suluhu: Mara "Mashine ni mbovu na tunaichunguza", mara "Kuna changamoto ya pampu kuu" na mara nyingine "Kuna matatizo ya umeme."
Hata baada ya Waziri wa Maji kutembelea mkoa wetu na kushughulikia changamoto ya pampu kubwa kwenye maeneo mengine, mtaa wetu wa Mayengela umeachwa pembezoni. Hata leo hii asubuhi nilipompigia simu Meneja wa Kanda ya Buzuruga, jibu lake lilikuwa lilelile mepesi: "Tunamalizia kushughulikia swala lenu, mtapata maji muda si mrefu, endeleeni kuvumilia." Majibu haya mepesi tumeyasikia kwa miezi minne mfululizo!
Wananchi wa Mtaa wa Mayengela tulijikusanya kwenye kikao majuzi na kuamua kuchukua hatua za juu zaidi. Tulimfikishia taarifa zetu na kumtafuta Mkuu wa Mkoa wa Mwanza, ambapo alifanya mawasiliano na idara husika ya maji.
Hata hivyo, hadi sasa hakuna mabadiliko yoyote yaliyotokea madarakani au kwenye miundombinu yetu ya maji. Pamoja na jitihada zote za kufika ngazi za mkoa na kanda, bado tuko kwenye giza nene kuhusu lini bomba zetu zitatoka maji.
Tunawaambia MWAUWASA tumechoka kupewa sababu zisizoeleweka na majibu ya ahadi zisizotekelezwa wakati tunaendelea kuingia gharama kubwa za kununua dumu moja kwa Sh1,000. Maji ni haki ya msingi ya kila mwananchi, na tunatamani kuona vitendo badala ya maneno mepesi!
Pia soma ~ MWAUWASA: Eneo la Kishiri limeendelea kupata huduma kila wiki kadri migao ya maji inavyotekelezwa
