Ikumbukwe kwamba walioweka Majina ya Majimbo ya awali hawakuwa wajinga , waliifahamu Chamwino kuliko hawa viongozi wa sasa , kila jina lililowekwa lilikuwa na maana yake , hatuwezi kubadili asili ya jambo kwa kuzingatia ushauri wa mtu mmoja tu .
Baada ya Mh Rais kutoa mapendekezo yake kulikuwa na haja kwa tume ya uchaguzi kuwashirikisha wadau wengine vikiwemo vyama vya siasa na viongozi wa halmashauri zilizo kwenye maeneo yaliyobadilishiwa majina , wangeulizwa kama wanakubaliana na ushauri wa Rais ambaye pia ni mwenyekiti wa ccm au la , huo ndio utaratibu , siyo kila linaloshauriwa na mkubwa basi lipitishwe tu , hii haikubaliki .
kitendo cha Mwenyekiti wa Tume kupitisha mabadiliko bila kushirikisha wadau si tu kwamba hakikubaliki bali pia kinaonyesha utii wake kwa mmoja wa Wagombea jambo linaloweza kuleta upendeleo huko tuendako , Jaji hakutakiwa kuburuzwa tu kama ilivyofanyika , na wala hakukuwa na sababu zozote za msingi za yeye kukurupuka , anaogopa nini ?
Kwa uoga alionao sioni kama anaweza kutenda haki kwenye uchaguzi unaokuja , maana inaonekana akitingishwa kidogo tu ataufyata .
TUTAENDELEA KUANIKA KILA UOZO KWA KADRI TUNAVYOUSTUKIA , hatutanyamaza