shemeji yangu sijui alikosa nini kwa jamaa yangu mpaka akaamua kutoa penzi lote kwa kijana muuza vyombo,dunia ina mambo kama wasemavyo watu pori, baada ya mahusiano yasiyo na uhalali kuendelea kati ya shemeji na muuza vyombo ,ikabidi sasa nimchane laivu shemeji yangu anachokifanya si kizuri...aachane na muuza vyombo kwani habari zake zimeshaenea mtaani, kuwa sasa hivi anatembea na muuza vyombo,alichonijibu nilichoka kabisa yaani akasema kwamba jamaa yangu alimuoa kwa bahati mbaya tu na siyo taipu yake hawaendani kabisa hivyo niachane na mambo yasiyonihusu nikiendelea kumfatilia atanizushia kuwa nina mtaka kimapenzi.
Hakika nilihuzunika sana jinsi jamaa yangu anayvompenda sana mke wake..... na kufikia hadi kujisifia tunapokuwa tumechill kijiweni ,baada ya kutoka katika mahangaiko ya kila siku ya utafutaji wa riziki kuwa mke wake anampenda sana na hawezi kumsaliti na kutembea na mwanaume mwingine tofauti na yeye.
Baada ya siku kupita jamaa yangu alirejea nyumbani kwake akitokea kwenye ziara za kikazi katika mikoa tofauti tofauti hapa Tanzania.....habari alizokutana nazo mtaani nikwamba mke wake anatembea na muuza vyombo ,jamaa kwa jinsi alivyokuwa anamuamini mkewe kwa asilimia zote bado hakuamini aliyoyasikia kuhusu mkewe.
Siku moja tumekaa na jamaa yangu kijiweni kama kawaida nikaamua kumgusia kuhusu tabia ya mkewe kuhusu kutoka na muuza vyombo,jamaa alihamaki na kutaka kunipiga akasema mkewe hawezi msaliti hata siku moja kwani anampa kila kitu hakuna anachokikosa chochote anachokitaka kutoka kwake....sasa hali ilibadilika kutoka kucheka mpaka kubadilika mpaka kushikana mashati jamaa alinikaba kola la shati yangu mpka nikataka kukata moto!!nikaona isiwe kesi nikamuomba msamaha alivyoniachia nikaondoka zangu huku nahema na kijasho kikinitoka,,,nilipofika mbali kidogo nikamwambia "haya ninayokwambia utakuja kuamini na utanikumbuka" akasema potelea mbali wife hawezi fanya ujinga huo.
Yule dogo muuza vyombo alianzana na shemeji bila kutumia njia zozote za kishirikina au nguvu za giza....ilifikia kipindi jamaa yangu alikuja kukamata meseji walizokuwa wakitumiana kati ya mkewe na yule dogo,jumbe za kimahaba kweli kweli... aliumia sana na akaja kuamini yale maneno yangu niliyomwambia,pia habari alizokuwa anazisikia mtaani kuwa mkewe kasha kuwa jamvi la muha muuza vyombo!aliamua kuanza kumsaka yule dogo huku akitumia bastola kama silaha itakayo ondoa uhai wa yule dogo kwa kosa la kutmbea na mkewe,baada ya dogo kusikia jamaa anamtafuta ndipo akaamua kutumia nguvu za giza au uchawi wa kiarabu unaojulikana kama felek au falak kumpumbaza jamaa yangu pia yule mwanake ,mke wa rafiki yangu asijielewe kabisa na yeye afanye anavyotaka.
Dogo anatoka katika familia ambayo baba yao alikuwa mtaalamu na nguli wa uganga wa falak.....mzee huyu aliitumia taaluma hii kusaidia wenye matatizo,lakini baada ya kufariki wanaye wamerithi nakuitumia ndivyo sivyo tofauti na marehemu baba yao mfano hai ni tukio la huyu dogo na mke wa mtu.
Ilifikia hatua mpaka jamaa yangu akagundua dogo anakula mke wake lakini akawa hana la kufanya kwani alipumbazwa akili....dogo akawa anafanya anavyotaka kwa mke wake kama alimtolea mahari, aisee dunia gunia kwa kweli....roho inauma lakini hakuna cha kufanya,kama mwenye chake hana cha kufanya anabaki kulia lia, sisi jamaa tu tutafanya nini masikini.
Dogo aliamua kwenda nyumbani kwa jamaa yangu bila uoga wala aibu akamwita mke wa jamaa na mumewe akiwa ndani naye asifanye chochote,dogo akamwambia shemeji chukua begi na kila kilicho chako tuondoke,jamaa yangu akawa anamuomba dogo msamaha huku analia eti "dogo niachie mke wangu"shemeji alichukua begi lake wakaondoka na dogo, wakaondoka wakimuacha jamaa analia machozi!!!
Hadi leo hii naandika dogo anaishi na mke wa jamaa mkoani kwao kama mke wake na kisha zaa naye mtoto mmoja....tena dogo anaishi maisha ya kiswahili tu, na yule mwanamke humwambii kitu kuhusu penzi la gizani kutoka kwa muuza vyombo.
muhimu: Hili ni tukio la kweli limetokea mjini Dar es salaam.