Peter Msechu adai kupungua kilo 7 baada kuwekewa puto Tumboni

[BARD AI]

Msanii Peter Msechu amefanikiwa kupunguza uzito wa kilo saba ndani ya siku saba tangu alipowekewa puto na Hospitali ya Taifa ya Muhimbili Mloganzila ili kumsaidia kupunguza uzito.

Msechu aliwekewa puto hilo Januari 25, 2023 akiwa na uzito wa kilo 143.4 lakini kufikia leo Februari Mosi 2023, ana uzito wa kilo 136.5, wastani wa punguzo la uzito la kilo moja kila siku.

Kwa mujibu wa taarifa iliyowekwa leo kwenye ukurasa wa Instagram wa Hospitali ya Taifa ya Muhimbili Mloganzila, imethibitisha kwamba msanii huyo wa Bongo Flava amepunguza uzito huo ndani ya muda mfupi.

“Msanii Peter Msechu amepungua kilo saba, toka afanyiwe huduma tiba ya kuwekewa puto (intragastric balloon) kwenye tumbo la chakula ili kumsaidia kupungua. Huduma hiyo alifanyiwa Januari 25, 2023, katika Hospitali ya Taifa Muhimbili Mloganzila,” inaeleza taarifa hiyo.

Msechu pia ameandika katika ukurasa wake wa Instagram kuonyesha kwamba amepunguza uzito huo huku wakiwashukuru madaktari wa Hospitali ya Muhimbili Mloganzila kwa kufanikisha azma yake ndani ya muda mfupi.

“Eeeh Mwenyezi Mungu sijui nikushukuru vipi, niliwekewa puto Januari 25, 2023, picha hiyo nilipiga asubuhi wakati naenda hospitali asubuhi. Leo ni siku ya saba baada ya kumeza puto Februari Mosi, 2023 nimepiga picha hiyo muda ule ule wa asubuhi kama wakati naenda hospitali. Nimepunguza kilo saba kwa siku saba, ina maana kila siku kilo moja inazikwa. Muhimbili hii mmetishaa.

MWANANCHI

“Kipekee kabisa asanteni sana wataalamu wote na madakatari kutoka Hospital ya Taifa ya Muhimbili Mloganzila, haki ya nani mmebadilisha maisha yangu tayari ndani ya wiki moja tu. Mkurugenzi Mkuu wa Muhimbili Profesa Janabi kongole sana,” ameandika Msechu.

 

[berylyn]

Huenda pia anawatangazia biashara.

 

[Pang Fung Mi]

Peter Puto Msechu

 

[zandrano]

Hongera kwake. Hakika unene kupita kiasi ni kifo.

Bora kaweka puto kuokoa uhai wake.

 

[aise]

Kupungua kilo moja ndani ya siku moja, hilo siyo jambo la kufurahia.

Kitu umekiweka kwa miaka kadhaa ukiondoe kwa siku moja. Ni hatari.

 

[Chief Wingia]

Huenda pia anawatangazia biashara.

Kabisa mkuu

 

[Tate Mkuu]

Binafsi namtakia heri. Hizo kilo siyo sawa hata kidogo kwa binadamu wa kawaida.

 

[raraa reree]

Msanii pira msechou

 

[denooJ]

Bado ana kilo 136.5, kwani haiwezekani kumeza maputo matatu apunguze kilo tatu kwa siku?

 

[Mine eyes]

Angemuuliza dada Wema sepetu.. ..alikoenda.. mbona angerudi na kilo 25 tu!

 

[Faana]

Huenda pia anawatangazia biashara.

Kama wale wa mganga maarufu toka Sumbawanga

 

[Demi]

Ngoja nizichange na mie nikameze Maputo mawili

 

[snowhite]

Kupungua kilo moja kwa siku, sio jambo la kupigiwa makofi! Anyways

 

[G-Funk]

Ngoja nizichange na mie nikameze Maputo mawili

🤣 🤣 🤣 🤣 🤣 Njoo nikupe puto moja upungue kwa miezi 9

 

[Demi]

🤣 🤣 🤣 🤣 🤣 Njoo nikupe puto moja upungue kwa miezi 9

Yaani najihisi naongezeka kilo moja kila siku. Hii February hadi iishe nahisi nitakuwa nimefika 120.

 

[Da'Vinci]

Mimi napakia ili nifike japo Kg 75 ila mwili umegomea 68. Daah natamani kua chibonge

 

[King Kong III]

Mbona ghafla sana? Rate ya upunguaji ni kubwa sana ,kwa siku kilo moja siyo mchezo,atakuja kuleta matatizo mengine.

 

[dronedrake]

Bado ana kilo 136.5, kwani haiwezekani kumeza maputo matatu apunguze kilo tatu kwa siku?

hahahaha

 

[G-Funk]

Yaani najihisi naongezeka kilo moja kila siku. Hii February hadi iishe nahisi nitakuwa nimefika 120.

Acha kitimoto sasa ila kufika kilo 100 ni msala.

 

[kijana13]

Hiyo Kasi ya upunguaji ni kubwa Sana. Dr Janabi alisema ukiwekewa puto unakuwa unakula kidogo unajisikia umeshiba. Sasa huu ulaji mdogo ndio usababishe upunguaji uwe mkubwa ivi, watu wanaofanya mazoezi wanaelewa kitu kimoja unapoburn calories 7,700 ktk mwili wako ndio unakuwa umepungua kg 1...na hiyo kg 1 ni sawa na ukimbie marathon 3 Kwa siku yaani km 128.

Sent from my Infinix X657 using JamiiForums mobile app