Sasa hivi nimesikiliza mahojiano kati ya RPC na mwandishi wa WAPO radio, anadai mwandishi DM alikuwa anafukuzwa na wananchi (wanachama wa Chadema) ambao walikuwa wanapambana na polisi kwa kutumia mawe. Na amepigwa na bomu ambalo polisi hawakuwa nalo, Polisi wanawashikilia watu saba kuhusiana na mauaji hayo.
Shuhuda mwingine aliyekuwepo kwenye tukio, anasema Polisi walimfyatulia bomu marehemu ambapo polisi aliyekuwa nyuma ya marehemu alijeruhiwa, maelezo ya shuhuda yanaendana na picha ya kwanza hapo juu. Na kwa mujibu wa shuhuda, kamanda wa Polisi wa mkoa alikuwa anashuhudia wakati unyama huo unatendeka.
Vifo vya watanzania wenzetu vinavyohusishwa na jeshi la polisi vinaanza kuwa matukio ya kawaida, hivi tunavyosikia ni kwavile kuna mkono wa siasa ndani yake, lakini polisi wetu wamekuwa wakiua wananchi kwa visingizio mbalimbali as if wao ni mahakama na wako juu ya sheria.
Sidhani kama wanaharakati au vyama vya siasa pekee wanaweza kupiga kelele ya kuleta mabadiliko, ni sisi wananchi wote bila kujali tofauti zetu za kiitikadi kupiga kelele na kuomba hatua stahiki zichukuliwa dhidi ya wote waliohusika na matukio ya vifo vya wananchi. Zaidi kushinikiza reform kwenye jeshi la Polisi. Lazima kuwa na jeshi litakalofanya kazi kwa uadifu na kutokuwa tayari kufanyia kazi maslahi binafsi ya wanasiasa