Polisi Mtwara inawashikilia watu wawili kwa tuhuma za mauaji disko

[BARD AI]

Mtwara. Jeshi la Polisi Mkoa wa Mtwara limewakamata watu wawili huku likimtafuta mtu mmoja kwa tuhuma za mauji ya Mahadhi Selemani Humbu (20).

Tukio hilo lilitokea katika ukumbi wa disco ujulikanao kama ‘The Don’ uliopo Kata ya Ziwani katika Halmashauri ya Wilaya Mtwara June 30 mwaka huu baada ya kuzuka kwa ugomvi.

Akizungumza na Mwananchi ofisini kwake leo Kamanda wa Polisi Mkoa wa Mtwara Nicodemus Katembo amesema kuwa ugomvi ndiyo uliosababisha kifo cha Humbu mkazi wa Kijiji cha Majengo katika halmashauri hiyo.

Amesema kuwa kijana huyo alifariki njiani kabla ya kufikishwa hospitalini kufuatia jeraha ubavuni upande wa kushoto, lililotokana na kuchomwa na kitu chenye ncha kali. Anayedaiwa kufanya kitendo hicho ni Ally Salum maarufu kama Chepe.

“Inaoneka kuwa chanzo cha tukio hilo ni ugomvi uliozuka baina ya marehemu na mtuhumiwa Ally Salum ambapo baada ya tukio hilo alitokroka na hadi sasa jitihada za kumtafuta zinaendeleea ili sheria iweze kufuata mkondo wake,” amesema.

Katika tukio hilo watu wawili walikamatwa kwa mahojiano zaidi ambao ni Aziz Salum Mkumba (32) mkazi wa Kijiji cha Mkubiru pamoja na Shaibu Bakari Mpoyo (33) mlinzi wa ukumbi wa Ziwani kwa mahojiano kuhusiana na tukio hilo.

 

[Msanii]

Hasira na usela wa kipuuzi umeleta hasara ya nafsi ya mtu.

Loh

 

[Mzingo]

Demu labda

 

[cocastic]

Walikua wanagombania demu hapo Disco, Duuh aseeh ila Disco lina mambo mengi, nimekumbuka Buhemba Songea town.

 

[Tate Mkuu]

Usikute sababu yenyewe ya mauaji ni ya kipuuzi tu.

 

[mrangi]

Duh

Ova

 

[mcTobby]

Kama unaweza kuepuka ugomvi uepuke asee hata kama ukionekana dhaifu

 

[monopoly inc]

Usikute sababu yenyewe ya mauaji ni ya kipuuzi tu.

Kisa mwanamke

 

[much know]

Usela mavi ushawamaliza madogo