Prof. Janabi apiga marufuku wagonjwa kusukumwa kwenye vitanda Muhimbili

[BARD AI]

Ameagiza miili ya marehemu kupelekwa chumba cha kuhifadhia maiti kwa gari la wagonjwa (Ambulance), badala ya utaratibu uliokuwepo wa kusukuma vitanda ili kutoa heshima kwa marehemu kwa njia hiyo.

Prof. Mohammed Janabi aliyeteuliwa kuwa Mkurugenzi Mtendaji wa Hospitali ya Taifa ya Muhimbili (MNH), pia amesema Wagonjwa waliotoka Kitengo cha Dharura watabebwa na gari la wagonjwa kupelekwa wodini.

Kwa mujibu wa Prof. Janabi, mabadiliko hayo yanalenga kuwapunguza kazi na mizunguko Wagonjwa na Watendaji wa idara zinazopokea wagonjwa Hospitalini hapo pamoja na kuboresha huduma za Afya.

=======================

Miili ya marehemu katika Hospitali ya Taifa ya Muhimbili (MNH), sasa itapelekwa chumba cha kuhifadhia maiti kwa gari la wagonjwa Ambulance’, badala ya utaratibu wa kutumia vitanda.

Akizungumza Dar es Salaam leo, Mkurugenzi Mtendaji wa hospitali hiyo, Prof Mohammed Janabi, wakati alipokuwa anawaaga wafanyakazi wa Taasisi ya Moyo ya Jakaya Kikwete (JKCI), alisema mabadiliko mengine ni wagonjwa wanaotolewa katika kitengo cha dharura watabebwa na Ambulance kupelekwa wodini.

“Ambalo tumeanza nalo leo ni kwamba bahati mbaya ikitokea mgonjwa amefariki mwili wa marehemu utachukuliwa na Ambulance kwenda kuhifadhiwa chumba cha kuhifadhi maiti.

“Wagonjwa waliotoka kitengo cha dharura watakuwa wanabebwa na gari la kubebea wagonjwa kupelekwa wodini.

“Kwa sababu ni hospitali kubwa, kwanza tutaanza kuboresha kwa wafanyakazi, itakuwa rahisi mwili kubebwa na Ambulance, kuliko kusukuma, kukiwa na vifo, mwili mmoja uko Kibasila, mwingine uko Sewahaji wanachoka wafanyakazi. Pia kutoa heshima kwa marehemu tunawahifadhi kwa njia hiyo,” amesisitiza Prof Janabi.

Amesema miongoni mwa vipaumbele vyake ni kuboresha huduma za afya na kuiendekeza Muhimbili kuwa hospitali ya Taifa.

Habari LEO

 

[blance86]

Mwamba namkubali sana Muhimbili lazima ibadilike sana chini ya uongozi wake.

 

[Mamndenyi]

Ufie wodini, mwili ubebwe na ambulance kwamba hizo gari zinaingia wodini? Najua mortuary ziko huko huko ndani ya majengo.

Hawa wasomi mbona wanatuchanganya?

 

[MLIMAWANYOKA]

Mwanzo mzuri
Ila naona ni kuongeza gharama zaidi.. Wagonjwa wanaotoka na kuingia EMD, ICU, na Kwenye vipimo kama Xray, ct scan na wanaokufa ni wengi kwa ujumla wao.. Hizo Ambulance zitakuwepo ngapi?
Zile corridors za muhimbili zilisha kosewa. Ilifaa ziwe pana kiasi cha kuruhusu vigari vidogo kama vya kwenye kombe ka dunia kupita..

Nashauri ajikite kuboresha maisha ya wafanyakazi wake.. Awalipe Residents hela zao za calls, awape wafanya kazi motisha siku za siku kuu "kama zile za JKCI",
Ni aibu mfanyakazi hospital ya taifa kuwa na njaa-njaa😂😂..

Rejea case ya madaktari kuhama na wagonjwa waende nao private..

Lakini pia apunguze baadhi ya gharama za vipimo vya msingi.. "basic investigations"
Bado kuna malalamiko kuhusu flow ya taarifa kuhusu hali za wagonjwa.. Kuna baadhi ya wagonjwa wanaweza lazwa hata wiki, hata hawaelekezwi kinacho endelea, wanakuja kushtuka bili hiyooo...

 

[inamankusweke]

Ufie wodini, mwili ubebwe na ambulance kwamba hizo gari zinaingia wodini? Najua mortuary ziko huko huko ndani ya majengo.

Hawa wasomi mbona wanatuchanganya ?

Mortuary muhimbili iko mbali na unakouguzwa, janabi hataki upitishwe hadharani ukiwa mfu watu wakuone

 

[chawa wa mama]

Yuko sahihi Sana, namuunga mkono kwa Hilo

 

[Mamndenyi]

Mortuary muhimbili iko mbali na unakouguzwa,janabi hataki upitishwe hadharani ukiwa mfu watu wakuone

Hamna kitu hapo, umekufa, hujavalishwa, uko uchi, ni afadhali vile vigari vya kusukuma mle mle ndani.

 

[Centia2]

Sawa lakini utalifikiaje gari lilopaki koridoni??

 

[uberimae fidei]

Ufie wodini, mwili ubebwe na ambulance kwamba hizo gari zinaingia wodini? Najua mortuary ziko huko huko ndani ya majengo.

Hawa wasomi mbona wanatuchanganya ?

Muhimbili pakubwa pale, mortuary si ipo mbali na wodi,iko karibu na kanisani kule,mbona yupo sahihi

 

[Centia2]

Kwanza hii nayo ni habari ya kutangazwa??

 

[Isanga family]

Namkubali sana huyo Prof Janabi Mungu ambariki sana kwa kweli ana hofu ya Mungu kwa anaowahudumia yupo sawa sana..

 

[Mamndenyi]

Muhimbili pakubwa pale , mortuary si ipo mbali na wodi,iko karibu na kanisani kule,mbona yupo sahihi

Zile korido Kuna gari itapita mle,au mnadanganya watu

 

[Bujibuji Simba Nyamaume]

Ufie wodini, mwili ubebwe na ambulance kwamba hizo gari zinaingia wodini? Najua mortuary ziko huko huko ndani ya majengo.

Hawa wasomi mbona wanatuchanganya ?

Wako kisiasa zaidi kuliko kiuhalisia

 

[Mamndenyi]

Wako kisiasa zaidi kuliko kiuhalisia

Nimekuelewa, ndo maana una akili kubwa kuliko wote wa kabila lako

 

[Bujibuji Simba Nyamaume]

Nimekuelewa, ndo maana una akili kubwa kuliko wote wa kabila lako

Kweli akutukanaye hakuchagulii tusi. Asante kwa sifa uliyonipa

 

[MLIMAWANYOKA]

Zile korido Kuna gari itapita mle,au mnadanganya watu

Kwa jinsi ilivyojengwa. Kila wadi inaweza fikiwa na gari.. Siyo kupitia kwenye corridor.. Kama ni kusukumwa basi itakuwa ni mita chache tu...

So wakiamua kuweka wese la kutosha na ambulance nyingi. Inawezekana

 

[Mzingo]

Kweli akutukanaye hakuchagulii tusi. Asante kwa sifa uliyonipa

Kwamba unamzidi yule jamaa wa Busokelo

 

[uberimae fidei]

Zile korido Kuna gari itapita mle,au mnadanganya watu

Umeshasema korido,kwa hiyo itasogwezwa na kitanda umbali mfupi

 

[alumn]

Hakuna la maana hapo. Kuongeza gharama zisizo na msingi. Tutengeneze tu mapito yetu tungali hai mengineyo hayo ni kazi bure tu

 

[inamankusweke]

Hamna kitu hapo, umekufa, hujavalishwa, uko uchi, ni afadhali vile vigari vya kusukuma mle mle ndani.

Mara ya mwisho nimeenda kuchukia mwili wa ndugu yangu mochwari ilikua mbali na alipofia,kutoka jkci ni mbali zaidi