Ramadhan Special Thread

Ramadhan Special Thread

Angel Nylon said:
[emoji287]Masaa matatu kwa siku katika mwezi wa Ramadhani yasikupite kwa thamani yoyote ile ukiyahifadhi, nayo ni masaa matatu kwa idadi ya siku za Ramadhani yanakua kwa Jumla masaa (90) nayo ni kama yafuatavyo:[emoji287]

1- [emoji314]Saa moja wakati wa kufuturu hakika andaa futari yako mapema na ujipe faragha kwa ajili ya dua, kwasababu mwenye kufunga wakati wa kufungua kwake ana Dua ambayo hairudi patupu, jiombee mwenyewe na vipenzi vyako na waombee maiti wa kiislamu kwasababu wanahitaji kutoka kwako Dua.[emoji314]

2- [emoji314]Ama jisaa la pili: Ni mwisho wa usiku jipe faragha uwe pamoja na Allah kwasababu yeye ana ita akisema nani anaomba nimpe nani anayaka msamaha nimsamehe, na uzidishe katika usiku huo kwa kumuomba Allah msamaha.[emoji314]

3- [emoji314]Ama jisaa la tatu: Ni kukaa kwako baada ya swala ya Alfajiri katika mahali uliposwali ukifanya adhkar mpaka jua likachomoza kwasababu ni sawa na umra na hijja iliyo kamilika.[emoji314]

[emoji314]Haya ni masaa tisaini, na kua na pupa na wakati mwengine uliobaki wote kwa kumtaja Allah, na ujiepushe na usengenyaji kwasababu unamaliza thawabu zako, na weka azma isikupite swala ya faradhi na uchukue fursa ya kutekeleza Swala za sunna, kwasababu ni siku thalathini, na niharaka iliyoje tukijipata tukisema imeisha, Allahul Mustaan![emoji314]


[emoji314]Hata ukinuwia kueneza maneno hqta nuwia kwa ajili ya kheir, huenda Allah akakufariji kwa mazito katika mazito ya Dunia na Akhera[emoji314]

[emoji314]Na kumbuka: fanya kheir hata ukaiona ndogo vipi kwasababu hujui jema gani litakuingiza peponi[emoji314]

[emoji287] [emoji619]RAMADHAN MUBAARAK[emoji287] [emoji619]
Click to expand...
JazakaAllah
 
IMG_2866.jpg
 
Assalam alaykum warahmatullah wabarakatuh
.
Uzi wetu umepoa sana
Sijui ndio ubize au swaumu imekaza!
Binafsi napenda kupitia humu kupata maarifa kwani ni darasa tosha kabisa ambalo naamini hata wengine wananufaika kupitia majadiliano yanayofanyika hapa!
Naamini pia kuna waislamu makundi mbali mbali katika maktadha wa elimu ya dini ya kiislamu (mfano wa chini, kati, juu .nk) vile vile wasio wailsamu kupita humu kupata maarifa kutokana na mijadala yenye tija kwenye huu Uzi wetu pendwa
.
Karibuni walimu wetu mtukumbushe kama alivyohusia mtume wetu Mohamamad (S.A.W)

NAWATAKIA MFUNGO MWEMA
 
[emoji617] MATENDO KATIKA KUMI LA MWISHO

❁::العمـل فِي العشـر الأوَاخِرِ مِنْ رَمَضـَانَ::❁

❍ عَنْ عَائِشَةَ رَضِيَ اللَّهُ عَنْهَا، قَالَتْ : «كَانَ النَّبِيُّ ﷺ إِذَا دَخَلَ الْعَشْرُ شَدَّ مِئْزَرَهُ وَأَحْيَا لَيْلَهُ وَأَيْقَظَ أَهْلَهُ»

"Imepokelewa kutoka kwa Mama 'Aaishah (Allaah amridhie) , Amesema:

"Alikuwa Mtume (swalla Llaahu 'alayhi wasallam) linapoingia kumi la mwisho , hukaza kibwebwe chake (anaacha jimai) , na kuuhuyisha usiku wake na huwaamsha watu wake".

[ صحيح البخاري - رقم : (2024)]

❍ وقَالَتْ رَضِيَ اللَّهُ عَنْهَا :

Na Amesema (Allaah amridhie):

«كَانَ رَسُولُ اللَّهِ ﷺ يَجْتَهِدُ فِي الْعَشْرِ الْأَوَاخِرِ مَا لَا يَجْتَهِدُ فِي غَيْرِهِ»

"Alikuwa Mtume wa Allaah (swalla Llaahu 'alayhi wasallam) akijipinda katika kumi la mwisho jitihada ambayo haionekani katika siku zingine".

[صحيح مسلم رقم : (1175)]

❍ عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ ﷺ ، قَالَ :

Imepokelewa kutoka kwa Abuu Hurayrah (Allaah amridhie) , kutoka kwa Mtume (swalla Llaahu 'alayhi wasallam) amesema:

"Yeyote atakayesimama usiku wa cheo (Laylatul-Qadr) kwa Iymaan na kutaraji malipo (kutoka kwa Allaah) atasamehewa yaliyotangulia katika madhambi yake".

« مَنْ قَامَ لَيْلَةَ الْقَدْرِ إِيمَانًا وَاحْتِسَابًا، غُفِرَ لَهُ مَا تَقَدَّمَ مِنْ ذَنْبِهِ»

[ متفق عليه :2014-760 ]

❍ عَنْ أَبِي هُرَيْرَةَ قَالَ :

Imepokelewa kutoka kwa Abuu Hurayrah (Allaah amridhie) amesema:

قَالَ رَسُولُ اللَّهِ ﷺ :

Amesema Mtume wa Allaah (swalla Llaahu 'alayhi wasallam):

« ،،، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ، مَنْ حُرِمَ خَيْرَهَا فَقَدْ حُرِمَ »

"Hakika Allaah ana usiku ambao ni bora kuliko miezi elfu moja , atakayenyimwa kheri za usiku huo basi huyo ndiye aliyenyimwa (fanaka na kheri nyingi)".


[ صححه الألباني في صحيح النسائي رقم :2105 ]

❍ عَنْ عَائِشَةَ رَضِيَ اللَّهُ عَنْهَا، أَنَّ رَسُولَ اللَّهِ ﷺ قَالَ : « تَحَرَّوْا لَيْلَةَ الْقَدْرِ فِي الْوِتْرِ مِنَ الْعَشْرِ الْأَوَاخِرِ مِنْ رَمَضَانَ »

Imepokelewa kutoka kwa 'Aaishah (Allaah amridhie) , kwamba hakika Mtume wa Allaah (swalla Llaahu 'alayhi wasallam) amesema:

"UtafutUtafuteni usiku wa cheo katika siku za witri katika kumi la mwisho la Ramadhani ".

صحيح البخاري رقم 2017 ]


❍ عَنْ عَائِشَةَ قَالَتْ : قُلْتُ : يَا رَسُولَ اللَّهِ، أَرَأَيْتَ إِنْ عَلِمْتُ أَيُّ لَيْلَةٍ لَيْلَةُ الْقَدْرِ، مَا أَقُولُ
فِيهَا ؟ قَالَ ﷺ قُولِي : « اللَّهُمَّ إِنَّكَ عَفُوٌّ تُحِبُّ الْعَفْوَ ؛ فَاعْفُ عَنِّي»

Imepokelewa kutoka kwa 'Aaishah (Allaah amridhie) , amesema:

Nilisema kumuuliza Mtume (swalla Llaahu 'alayhi wasallam) , Ewe Mtume wa Allaah! Unaonaje lau nikijua kuwa usiku fulani ndio usiku wa cheo niyapi yakuyasema humo?

Akajibu Mtume (swalla Llaahu 'alayhi wasallam):

" Sema : Ewe Allaah! Hakika wewe ni Msamehevu na unapenda kusamehe basi nisamehe Mimi".


[صححه الألباني في صحيح الترمذي رقم 3513 ]


❍عَنْ عَائِشَةَ رَضِيَ اللَّهُ عَنْهَا :


Imepokelewa kutoka kwa 'Aaisha (Allaah amridhie) kuwa:


« أَنَّ النَّبِيَّ ﷺ كَانَ يَعْتَكِفُ الْعَشْرَ الْأَوَاخِرَ مِنْ رَمَضَانَ حَتَّى تَوَفَّاهُ اللَّهُ، ثُمَّ اعْتَكَفَ أَزْوَاجُهُ مِنْ بَعْدِهِ »


"Hakika Mtume (swalla Llaahu 'alayhi wasallam) , alikuwa akikaa itikafu katika kumi la mwisho la Ramadhan , kisha wakaendelea wake zake kukaa baada ya kuondoka kwake".

[متفق عليه :2026-1172]

. [emoji3502]•┈•◈◉✹❒[emoji432]❒✹◉◈•┈•[emoji3502]

[emoji1002]Duaatsalaftz.net


[emoji402]tembelea Channel yetu ya telegram ili kupata faida zaidi

[emoji748]جزى الله خيرا كل من قرأها وساعدنا على نشرها.
‏
 
بسم الله الرحمن الرحيم

[emoji2970][emoji2970] ALLAAHUMMA INNAKA 'AFUWWUN TUHIBBUL 'AFWA FA'AFW'ANII"...."((EE ALLAAH HAKIKA WEWE NDIYE MWENYE KUSAMEHE UNAPENDA KUSAMEHE [ALLAAH] BASI NISAMEHE))." [emoji2970][emoji2970]

[emoji294] KWA NINI DU'AA HII IKAWA MAALUMU KWA ATAKAYESIMAMA LAYLATUL QADRI? [emoji294]

Mpenzi msomaji; tukiwa tunajongea jongea "Kumi la Mwisho la Mwezi Mtukufu wa Ramadhwaan", kumi lenye "Kheri na Fadhila kubwa" ndani yake, kumi la "Itikaafu, Qiyaamu Llayl", kumi ambalo unatarajiwa ndani yake Usiku Wa Cheo au "Laylatul Qadri", hili ni kumi la lala salama kwa lugha isiyo rasmi, inayoashiria matumizi makini sana ya muda uliobaki... ni "kumi la "kukithirisha sana Du'aa".

[emoji294] Kama tulivyoashiria ndani ya kumi hili, kuna usiku wa "Cheo au Laylatul Qadri" ambapo ndani yake; huteremka Malaika akiwemo Malaika Mtukufu,... yaani Jibril [Alayhi Ssalaamu] ndani yao, ni usiku wenye "Kheri, Barakah,....." bila shaka ni 'Utukufu wa Usiku huu' kiasi katika usiku huu huwa kuna utulivu, usiku unakuwa hauna "vimondo, upepo..." kiasi hata jua huchomoza bila miale, haya yako nje ya sababu za 'Kisayansi', wala "Wanasayansi" hawawezi kuyaelezea.

[emoji294] Jambo moja zito katika "Usiku Huu Wa Cheo" ni kuwa "Malaika", wanapewa orodha ya matukio ya mwaka mzima ujao, ambayo huchukuliwa kutoka katika [Lawhil Mahfuudhi]. Ndani ya orodha hiyo kuna mambo yoote yatakayotokea mwaka mzima, yakiwemo majina ya wale ambao hawataidiriki "Ramadhwaan ijayo", yaani majina ya 'watakaokufa' katika kipindi cha kati ya Ramadhwaani hii na ijayo, ambao hawataidiriki Ramadhwaan ijayo! [Allaahul Mustaanu]! Hao kama sio mimi ni wewe!!!

[emoji294] Naam hao kama sio mimi ni wewe! Ndiyo ikawa Mtume [Swalla Allaahu Alayhi Wasallama], likifika kumi hili alikuwa anajifunga "kibwebwe", "akikesha", na "akiwaamsha ahli zake....." kwa ajili ya kufanya ibada mbalimbali katika nyusiku hizi ili kudiriki Usiku wa Laylatul Qadri sio kuona kinachoitwa "nyota ya jaha" ambacho hakiko, ibada ndiyo kitu muhimu; "Swala, Du'aa, Dhikri, Kisomo cha Qur'aani....n.k" Hakuna anayenyimwa "Fadhila za Usiku Huu Mtukufu", "hata kama ni wanawake walio katika siku/ada zao au katika nifaasi". Kwa hiyo dada yangu usihofu utapata tu Fadhila hizi maadamu una unafanya yale uliyoelekezwa, kwa kadiri utakavyoweza kuyafanya, yako mambo mengi unayoruhusika kuyafanya "Kishari'ah", hivyo usilale tumia vizuri "Tunu Hii Adhwiimu"!

[emoji294] Na'am... miongoni mwa mambo muhimu kabisa katika "Usiku Huu" na hili ni kwa watu wote, ni kuomba "Du'aa" mbalimbali; omba kwa "lugha" unayoifahamu, omba "Du'aa ya kutoka moyoni mwako....". Pamoja na ujumla wa "Du'aa" katika "Usiku wa Laylatul Qadri", Du'aa inayobeba 'anuwani ya makala hii' ni Du'aa maalumu kabisa kwa atakayediriki "Laylatul Qadri". Kuna hadithi ambayo Bi ‘Aaishah [Radhwiya Allaahu ‘anhaa], anasimulia ya kwamba alisema kumuuliza Mtume wa Allaah [Swalla Allaahu Alayhi Wasallama]: "Ee Mtume wa Allaah, je, nitakaposimama usiku wa Laylatul Qadri niombe nini?" Mtume alisema, ((Sema Ee Allaah Hakika Wewe Ndiye Mwenye Kusamehe Unapenda Kusamehe, basi Nisamehe)).
[Ibn Maajah na kaisahihisha Albaniyyu].

[emoji294] Du'aa hii ni Du'aa nzito mnoo, ndani yake Allaah [Tabaaraka Wata'alaa], anaombwa kwa Jina miongoni mwa Majina Yake Matukufu yaani '[Al 'Afuwwu]', hili ni jina miongoni mwa majina "Matukufu ya Allaah [Tabaaraka Wata'alaa]". Ndani ya "Qur'aani Tukufu" Jina hili limekuja "mara tano"; limekuja likiambatana na Jina jingine la Allaah [Tabaaraka Wata'alaaa] yaani '[Alqadiiru]' katika [Suratu Nnisa'a aya ya [149]].

[emoji294] Mwanadamu anaweza kukusamehe hali ya kuwa hakuwezi, lakini Allaah [Sub'hanaahu Wata'alaa] Ana Uwezo usio na kikomo, pamoja na Uwezo Wake anasamehe. Mara nne zilizobaki Jina hili, limeambatana na Jina lingine la Allaah [Sub'haanahu Wata'alaa], ambalo ni '[Alghafuuru]' kama ilivyokuja katika [Suratu Nnisa'a aya ya [43] na aya ya [99]]. Ambapo ndani yake kuna Msamaha, na hakika ni juu ya Msamaha!!!
"Jina hili Kilugha" linatokana na neno 'afaa' ambalo lina maana mbili; maana ya kwanza ni kitu kizuri cha halali kinachotolewa kwa ridhaa ya nafsi, bila kuombwa kama ilivyokuja katika [Suratul Baqarah aya ya [219]].

[emoji294] Maana ya pili ni kuondosha.
Kwa hiyo katika Jina hili la Allaah [Sub'haanahu Wata'alaa] kuna vitu vitatu; "[Kuondosha, Kufuta na kisha Kuridhia]"!! Allaah [Aliyetukuka] "Anaondosha, Anafuta dhambi za waja wake na kuondosha kabisa athari zake, kisha anawaridhia, na kuwapa baada ya kuridhia msamaha hata bila kuombwa".
Allaah [Sub'haanahu Wata'alaa] ni "Ghafuuru" yaani "Anasamehe Dhambi, anasitiri Duniani na Akhera". Kwa kweli ni "sitara" tu ya Allaah [Sub'haanahu Wata'alaa], ndiyo inayotufanya tupendeze, tusifukue au kuchimbua makaburi. Yule mtunzi wa Nuuniyya Sheikh Alqahtwaaniyya anasema: Wallaahi lau watu wangelijua uozo wa nafsi yangu wangekataa kunisalimia wenye kukutana na mimi na kwa hakika ningelikuwa ni mwenye kudhalilika, ni sitara ya Allaah tu juu ya aibu zangu ndiyo inayonifanya nipendeze mbele ya watu!!!
[Alghafuuru] Anasemehe japo dhambi ingalipo katika 'suhufa' ama, [Al 'afuwwu] "Anasamehe na Kuifuta kabisa Dhambi". Kwa kweli uwepo wa "dhambi Siku ya Qiyamah" katika 'suhufa ya mtu', utampa mtu wasiwasi mkubwa hata kama dhambi hiyo imesamehewa, lakini kwa kuwa Allaah [Sub'haanahu Wata'alaaa] ni "Al 'afuwwu" Anafuta kabisa dhambi, kama vile haikufanywa. "Siku ya Qiyamah" atakuja mtu Allaah [Mtukufu Aliyetukuka] Atamwambia; "sogea ewe mja wangu", atasogea. Allaah [Mtukufu Aliyetukuka] "atamfunika kwa Sitara Yake"; kisha Atamwambia: "unakumbuka dhambi kadhaa wa kadhaa, ulizofanya; nazo ziko katika daftari lako"; atasema "na'am ewe Mola wangu" hadi atadhani kuwa anaangamia"! hapo Allaah Atamwambia; "Nilikusitiri Duniani Nakusitiri na leo Akhera". Huu ni Msamaha [Maghfirat] ama kwa sifa ya ['Afuwwu] Allaah Atamwambia mja Wake: "Nimekuridhia, Nimeridhia uliyoyafanya duniani ingia Peponi"!!! Kama vile mja hakufanya dhambi yoyote.

[emoji294] Ndiyo "Du'aa Adhwiim hii" tunaomba ije kuwa hivyo; tunasema [Allaahumma Innaka 'Afuwwun tuhibbul 'Af'wa Fa'afuwannii].

[emoji2970][emoji2970] [[NDUGU YENU TAWAKKAL HUSSEIN....ABUU THUBAYTA & TAWFIIQ]]
[emoji2970][emoji2970][emoji2970][emoji2970][emoji2970][emoji2970][emoji2970][emoji2970][emoji2970][emoji2970]
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register