Ni kweli alichosema huyo jamaa, mbinu ya kususa haiwezi kuwa na nguvu sana kwasababu CCM itawaambia vyama rafiki vyao vya upinzani washiriki, nao watashiriki huku wakisema uchaguzi ulikuwa huru na haki, na wakija waangalizi wa kimataifa nao waseme hivyo, na shughuli ndio iishie hapo.
Kwani binafsi naamini, bila kufanyika jitihada za ziada, naona haya madai ya Katiba Mpya, na Tume Huru ya uchaguzi, yatakuwa endelevu yasiyojulikana lini utakuwa mwisho wake, hivyo kuendelea kuinufaisha CCM.
Muhimu Chadema wasionekane wanahodhi madai ya Katiba Mpya, kwani hii inawapa CCM sababu nyepesi za kujibu hoja hiyo ikiwemo wananchi hawali Katiba Mpya.
Naona kuna haja sasa kwa Chadema kuhakikisha wanapeleka somo la umuhimu wa Katiba Mpya kwa makundi mengine ya kijamii, ikiwemo, kilimo, uvuvi, wafanyabiashara, na kada nyingine.
Ili hawa wakishapewa somo na kulielewa, nao wageuke walimu, waanze kupaza sauti zao kwa pamoja, kwa kufanya hivyo; kwanza itasaidia kuondoa dhana kwamba madai ya Katiba Mpya ni ya Chadema, au ya kisiasa, lakini pia, itayafanya madai ya Katiba Mpya yachukuliwe kwa uzito zaidi, na kuleta impact kubwa zaidi ya ilivyo sasa, hivyo kuwa na uwezekano mkubwa wa kufikia malengo kwa wakati.