Sheikh Mkuu wa Baraza Kuu la Waislamu Tanzania (BAKWATA) Mkoa wa Mwanza, Hassan Kabeke amesema si kweli kwamba vyombo vya ulinzi na usalama nchini vinahusika na mauaji ya raia akieleza kuwa tuhuma hizo hazina msingi na zinapaswa kupuuzwa.
Akizungumza na Jambo TV ofisini kwake, Sheikh Kabeke ametolea mfano matukio yaliyojitokeza Oktoba 29, 2025 akisisitiza kuwa askari wa vyombo vya ulinzi na usalama hutekeleza majukumu yao kwa mujibu wa sheria na kiapo walichoapa cha kulinda nchi, raia na mali zao.
"Kumekuwa na maneno kwamba Jeshi la Polisi linaua watu, usalama wa taifa unaua watu nisema sio kweli na katika hili nipo tayari ‘chalenji’ ya mtu yoyote," amesema
Sheikh Kabeke ameongeza kuwa askari wamepewa dhamana ya kulinda amani, usalama na ustawi wa taifa, hivyo si sahihi kuwahusisha moja kwa moja na madai ya mauaji bila ushahidi.