Wana JF, habari za weekend?
Naleta mjadala huu mezani kama mwananchi nisiyefungamana na upande wowote wa kisiasa, lakini nikiwa na mapenzi mema na ya dhati kwa nchi yetu ya Tanzania.
Kumekuwa na wimbi jipya la mbinu za kisiasa zinazofanywa na kundi linalojipambanua kama 'watetezi wa utawala uliopo'. Mbinu hizi zinaonekana kuratibiwa (orchestrated) kwa lengo la kutengeneza 'uhalali wa umma' (manufactured consent) au kuonesha kuwa mambo ni shwari. Hebu tuangazie matukio haya mawili ya hivi karibuni:
1. Andiko la Wazi (Open Letter) kwa Aliko Dangote kwenye Makundi ya WhatsApp
Siku za hivi karibuni, kumeibuka "Barua za Wazi" zinazosambazwa kwa kasi kwenye magroup ya WhatsApp (kwa Kiswahili na Kiingereza) yakielekezwa kwa tajiri Aliko Dangote (nadhani wakitaka kujenga ushawishi) asiache kuwekeza Tanzania. Ukizisoma barua hizo kutoka kwa watumaji tofauti, utagundua maudhui yanafanana lengo na mengine ni 'copy & paste'. Hii ni ishara tosha kuwa huu ni mkakati ulioratibiwa na kuna uwezekano mkubwa una ufadhili (malipo) nyuma yake.
2. Kongamano la “Never Again” pale Ubungo Plaza (Leo, Mei 16, 2026)
Leo hii kumeandaliwa kongamano kubwa Ubungo Plaza likipewa jina la "Never Again". Lengo kuu linaelezwa kuwa ni kuangazia (au kuhalalisha/kusafisha) matukio ya Uchaguzi Mkuu wa Oktoba 2025. Cha kusikitisha zaidi, turufu kubwa inayotumika hapa ni kuwasomba vijana wa vyuo vikuu kujaza ukumbi ili kuleta picha ya uungwaji mkono wa wasomi.
Mtizamo wangu:
Kama Taifa, tunapaswa kujiuliza, je, hizi sarakasi na 'PR stunts' zinatusaidia au zinatoboa jahazi letu? Haya hapa ni madhara yake:
A. Madhara Kiuchumi:
Naleta mjadala huu mezani kama mwananchi nisiyefungamana na upande wowote wa kisiasa, lakini nikiwa na mapenzi mema na ya dhati kwa nchi yetu ya Tanzania.
Kumekuwa na wimbi jipya la mbinu za kisiasa zinazofanywa na kundi linalojipambanua kama 'watetezi wa utawala uliopo'. Mbinu hizi zinaonekana kuratibiwa (orchestrated) kwa lengo la kutengeneza 'uhalali wa umma' (manufactured consent) au kuonesha kuwa mambo ni shwari. Hebu tuangazie matukio haya mawili ya hivi karibuni:
1. Andiko la Wazi (Open Letter) kwa Aliko Dangote kwenye Makundi ya WhatsApp
Siku za hivi karibuni, kumeibuka "Barua za Wazi" zinazosambazwa kwa kasi kwenye magroup ya WhatsApp (kwa Kiswahili na Kiingereza) yakielekezwa kwa tajiri Aliko Dangote (nadhani wakitaka kujenga ushawishi) asiache kuwekeza Tanzania. Ukizisoma barua hizo kutoka kwa watumaji tofauti, utagundua maudhui yanafanana lengo na mengine ni 'copy & paste'. Hii ni ishara tosha kuwa huu ni mkakati ulioratibiwa na kuna uwezekano mkubwa una ufadhili (malipo) nyuma yake.
2. Kongamano la “Never Again” pale Ubungo Plaza (Leo, Mei 16, 2026)
Leo hii kumeandaliwa kongamano kubwa Ubungo Plaza likipewa jina la "Never Again". Lengo kuu linaelezwa kuwa ni kuangazia (au kuhalalisha/kusafisha) matukio ya Uchaguzi Mkuu wa Oktoba 2025. Cha kusikitisha zaidi, turufu kubwa inayotumika hapa ni kuwasomba vijana wa vyuo vikuu kujaza ukumbi ili kuleta picha ya uungwaji mkono wa wasomi.
Mtizamo wangu:
Kama Taifa, tunapaswa kujiuliza, je, hizi sarakasi na 'PR stunts' zinatusaidia au zinatoboa jahazi letu? Haya hapa ni madhara yake:
A. Madhara Kiuchumi:
- Tunajiaibisha: Wawekezaji wakubwa kama Dangote hawashawishiwi na 'forwarded messages' za WhatsApp wala vi-barua uchwara vya chawa wa Serikali. Wanashawishiwa na sera thabiti, mazingira rafiki ya kodi, upatikanaji wa nishati, na utawala wa sheria. Kuendesha kampeni za mitandaoni kumuita mwekezaji kunaifanya nchi ionekane ya "kishamba", isiyo na mifumo rasmi (desperate and unserious).
- Matumizi Mabaya ya Rasilimali: Badala ya fedha (kwa waratibu wa jumbe hizi na makongamano) kutumika kutatua kero za wananchi na wajasiriamali wadogo au kuboresha huduma za msingi, inatumika kununua sifa hewa.
- Kutengeneza 'Uhalali Feki': Kongamano la "Never Again" lina lengo la kujaribu kufuta makovu ya kile kilichotokea Oktoba 2025. Hata hivyo, uhalali wa kisiasa haupatikani kwa kuandaa makongamano ya ndani na vijana waliolipwa posho. Hii inazidisha ombwe kati ya watawala na hali halisi ya wananchi mitaani. Wanajidanganya wenyewe kuwa wanakubalika.
- Kuharibu Uhuru wa Vyuo Vikuu: Kutumia vijana wa vyuo vikuu kama 'mapambo' kwenye makongamano ya kisiasa kunaua fikra tunduizi (critical thinking) za wasomi wetu. Chuo kikuu kinapaswa kuwa mahali pa kuhoji, sio kundi la kwenda kupiga makofi kwa posho ya elfu 10 au 20. Hii inazalisha wasomi wanafiki.
- Kupoteza Kuaminiwa: Jamii inapoona mambo haya ya kutengenezwa, inapoteza imani kabisa na Serikali. Hata pale ambapo Serikali itafanya jambo zuri na la kweli, wananchi wataliona kama ni sehemu ya propaganda zilezile.
- Kujenga Utamaduni wa 'Uchawa' (Sycophancy): Tunatengeneza kizazi cha vijana wanaoamini kuwa njia pekee ya kufanikiwa au kuonekana ni kupitia kusifu, kujipendekeza, na kuratibu 'trending topics' mitandaoni, badala ya kufanya kazi za uzalishaji, ubunifu, na kukosoa kwa kujenga.