Simulizi ya kijasusi: Shetani Rudisha akili zetu na mke wangu

Simulizi ya kijasusi: Shetani Rudisha akili zetu na mke wangu

228.
Mbwa wa kijerumani


Hamza mara baaada ya kaungalia uelekeo aliotumiwa na Irene hakuona haja ya kutumia gari na badala yake aliona achukue taksi ndio ingeweza kumuwahisha haraka.


Mara baada ya kufika ni kweli ni kama ambavyo


Irene aliongea , kwani aliweza kuona gari aina ya Porsche ikiwa imeengeshwa mshazari karibu na nguzo ya taa huku mlango upande wa siti ya mbele ukiwa umebonyea kwa kuingia ndani.


Nguzo ya taa yenyewe ilikuwa imepinda , ilionekana iligongwa kwa nguvu sana na gari hio.


Hamza aliishia tu kusikitika na kujiuliza ni uendeshaji gani wa gari wa namna hio?.


Pembeni ya Irene kulikuwa na wasichana wawili watu wazima hivi na wanaume kama wawili , na walionekana wote walikuwa wakizungumzia ajali hio iliotokea.


Irene mara baada ya kumuona Hamza alijikuta akimkimbilia haraka kama mtoto mdogo na kwenda kumkumbatia.


“Hamza..!”


Alijikuta akianza kujidekeza kwenye mikono ya Hamza.


“Nini kinaendelea hapa , mbona huu ugongaji sio wa kawaida ?”


“Nilitaka kurudisha gari nyuma niliegeshe , ila nilisahau kumbe sikuweka gia ya nyuma na ile nakanyaga pedeli gari ikaenda mbele na kugonga nguzo”


Hamza mara baada ya kusikia kauli hio , hakujua acheke ama alie.


“Ndio maana nasema bado hujaiva kwenye uendeshaji gari ila king’amg’anizi tu”


“Lakini naogopa mwenzio hili gari sio ya kwangu , kuna dada nilibadilishana nae , akiona gari yake nzuri hivi nimeiharibu sijui atanifanyanyaje. Hamza please nisaidie”Aliongea Irene kwa kupasha viganja moto.


Hamza kweli kwa kuangalia gari hio , aligundua ilikuwa ni zile gari za hela nyingi , na hata yeye pia alishangaa mwanzoni kuiona , kwa uelewa wake mahesabu ya haraka haraka ya gari hio yangegharimu zaidi ya milioni mia nne za kitanzania.


Lakini hata hivyo haikumpa shida , maana option zote mbili alikuwa akiweza kufanya , aidha kuitengeneza na kuirudisha katika mwonekano wake wa kawaida kama bima haitoshelezi au kununua nyingine. “Nitakusaidia , haina haja ya kuwa hivyo”Aliongea Hamza akiwa na tabasamu.


Irene mara baada ya kusikia , Hamza angewezxa kumsaidia , alijikuta akishkwa na furaha.


“Hamza nilidhani utanifokea kabla ya kunisaidia . Kwa ujinga wangu naenda kukugharimu kiasi kikubwa cha pesa . Asante sana , naahidi nitakulipa kwa namna yoyote unayotaka”


Hamza aliishia kutabasamu kwa uchungu na kujiambia kwahio ashakuwa danga tayari.


“Hawa watu ni wakina nani?” Aliuliza Hamza akinyooshea kidole wasichana watatu na wanaume waliokuwa wamesimama kando ya gari ya Irene.


“Hawa dada walikuwa wakipita , huyu baba ni mlinzi ndani ya supermarket. Walikuja baada ya kuona nimegonga nguzo , kulikuwa na wengine wameondoka kabla ya kutokea”


“Hey! dada huyo ni mpenzi wako?”Aliuliza dada aliekuwa katika mavazi ya kiofisi.


Hamza mara baada ya kusikia Irene akiulizwa juu ya yeye kuwa Boyfriend ni kama hakupenda. “Ndio dada, unamuonaje ni handsome eh!”


Irene ni kama alikuwa ameamka katika hofu ya kugonga gari na sasa alikuwa akitaka kutamba na Hamza.


“Haha ! Kwa bahati mbaya sio aina ya chakula changu , kama mpenzi wangu anesikia nimegonga gari angenifokea mpaka basi. Lakini naona mpenzi wako hajakufokea zaidi ya kukumbatia na kukutuliza , Hakika una bahati”


Irene kusikia hivyo alijikuta akisikia sana raha , huku akimwangalia Hamza na macho ya kuridhika na yaliojaa mahaba.


Hamza muda huo alijua nini anachomaanisha, lakini ukweli ni kwamba hata kama ingekuwa ni mwanamke mwingine ambae angekuwa katika ajali asingewaza sana kuhusu gharama za gari zaidi ya kumsaidia kwanza kama alivyofanya kwa Irene.


Kwake yeye kufokea mwanamke na kumpiga ni kitu ambacho anaamini sio kwa ajili ya wanaume kufanya.


“Wewe Irene hebu acha kucheka , vipi ulishawasiliana na watu wa Bima?”


“Ndio nimetumia namba za kwenye gari na anasema anakuja”


Mara baada ya watu kutawanyika , fundi kutoka Bima alifika na kisha alianza kukagua na aliangalia kitambulisho cha gari na kuona kweli ilikuwa kwenye mfumo wao wa Bima.


“Huu mlango unapaswa kubadilishwa kabisa , hivyo itahitajika kuutoa kabisa. Hii ni ajali kubwa sana , mnapaswa kwanza kuwataarifu polisi waje wakague na kuwapatia ripoti ya uthibitisho”


“Ah! Si itakuwa hela nyingi sasa?”


“Ni kama milioni arobaini hivi kutokana na gari yenyewe “


“Nini! Mbona ghali hivyo?”


“Hii gari ipo chini ya bima ya kampuni yetu , kwanza unapaswa kuwasiliana na mmiliki wa gari na kisha hakikisheni mnapata uthibitisho kutoka polisi na ndio kampuni itaweza kufidia kila kitu”Aliongea na kisha alitoa maelekezo machache kidogo na kupanda pikipiki yake na kuondoka .


Hamza upande wake aliishia kukuna kichwa,alijiuliza kwanza ni nani ambae amempatia Irene gari ya kifahari namna hio kuendesha?.


Hata hivyo hakutaka kuwaza sana na palepale muda mfupi tu polsii wa barabarani walifika na mara baada ya kuona Irene ameharibu nguzo , walimwambia kwanza anapaswa kulipia nguzo na kisha aende polisi kuchukua ripoti.


Irene ilikuwa mara yake ya kwanza kukutana na utaratibu wa hatua nyingi namna hio na kichwa kilianza kumuuma, ni kwa bahati tu Hamza alikuwepo.


Hamza aliangalia gari hio na aliona bado ilikuwa ikiendesheka.


“Haina haja ya kwenda kucheza leo, nitakupeleka sehemu ukale kwanza na kesho nitakusaidia kufuata taratibu na kupata ripoti”Aliongea.


“Utanisaidia kweli?”


“Unatakja kufanya mwenyewe?”


Irene kusikia hivyo alimkumbatia Hamza na kumbusu shavuni , bila ya kujali barabara hio ilikuwa na watu waliokuwa wakipita.


“Hamza unanijali mno. Nina furaha kubwa kuwa na boyfriend kama wewe”Aliongea Irene na kumfanya Hamza kuishia kucheka tu.


“Sijui kwanini , ila nashindwa tu kukukasirikia, hebu twende kwanza ukale”


“Hehe , si kwasababu unanipenda sana ndio maana”


Hamza aliishia kujiuliza au ni kwe,i ametokea kumpenda huyo msichana ndio maana hakasirishwi na matendo yake.


Mbona kama namchukulia tu kama mdogo wangu?.


Hamza alimchukua Irene kwenda kula na baada ya chakula alimpeleka nyumbani kwao. Licha ya kwamba gari ilikuwa imeharibika ubavuni , lakini iliendesheka vizuri tu.


Mara baada ya kufika Masaki anapoishi Irene na kuingiza gari ndani ya geti,mlango ulifunguliwa na mwanamke alieonekana kujipenda na alishangaa baada ya kuona gari ya Irene ilikuwa imepondeka na kumfanya kuwa na wasiwasi. “Nini kimetokea! Irene kwanini gari yako imehariibika , ulipata ajali?”


Ile anasogelea ile gari kwa kuizunguka ndio muda ule Hamza alishuka kutoka kwenye gari. Mwanamke yule mara baada ya kumuona Hamza alikunja ndita., huku macho yake yakionyesha hali ya mshangao.


Hamza hakuwa mgeni na sura ya mwanamke huyo , hio ni kwasababu kipindi alichokuwa akija kumfundisha Irene alishawahi kuona picha yake , alikuwa ni bibi yake Irene upande wa baba . Ilionekana baada ya baba yake Irene kuachana na mke wake alimwita mama yake kuishi na mjukuu wake.


“Shikamoo Madam! Nimefurahi kukuona kwa mara ya kwanza”Aliongea Hamza.


Irene upande wake haraka haraka alikimbia na kwenda kumshikilia mkono bibi yake huku akianza kumbembeleza.


“Bibi naomba usije kumwambia baba , akijua nimepata ajali hatoniruhusu tena kuendesha gari. Bibi nakuomba tafadhari”


Lakini sasa bibi huyo hakuonekana kumjali kabisa Irene na badala yake macho yake yalikuwa kwa Hamza , akimwangalia kwa namna ya wasiwasi.


“Irene , kwanini umekuja na huyu mwanaume” Irene alishangazwa na swali lile.


“Bibi Hamza ni tafiki yangu , alikuwa ndio mwalimu wangu mama alienitafutia”Aliongea


Hamza mwanzoni alishikwa na wasiwasi kidogo kwa kudhania Irene angesema yeye ni mpenzi wake. Hakutegemea Irene angeficha anavyomchukulia.


Ilionekana msichana huyo sio kwamba hakuwa akiogopa , bali alikuwa akimhofia mno bibi yake.


“Rafiki! Kwanzia leo huruhusiwi kukutana nae tena , huruhusiwi kuwa na urafiki na mtu kama huyu?”Aliongea huyo mwanamke wa makadirio ya miaka sabini kwa usiriasi mkubwa.


“Bibi! Kwanini ? Sisi ni matafiki tu, kwanini siruhusiwi kuwa nae kama rafiki”Aliongea Irene.


“Unasema unataka sababu? Wewe hujui huyu ni mume wa mtu? Wewe ni msichana na yeye ni mwanaume , kwanini kuwe na urafiki kati yenu. Ukiendelea kuwa hivi unadhani ni mwanaume gani wa maana kutoka familia nzuri atakutaka kukuoa hapo baadae?”


Hamza alifikiria maneno hayo na kuona alichoongea bibi huyo kilikuwa na mantiki. Lakini kwa wakati mmoja kwasababu ya kulindwa kuja kuolewa na familia nzuri kuzuiwa kutokuwa na marafiki si sawa .


Lakini hata hivyo kuna kitu ambacho Hamza alikigundua , pengine mwanzoni hakukijua , alionekana bibi huyu alikuwa na ukaribu zaidi na familia ya Regina mpaka kumjua mara moja tu kuwa alikuwa ameoa. Alikumbuka Regina alimfahamu Irene tokea akiwa mdogo kwasababu ya ujirani , hata kwa Prisila pia.Lakini muitikio wa bibi huyo kwa kuonekana na Irene haukuwa wa kawaida, alionekana kama mtu mwenye hofu.


“Bibi Hapana! Hamza ni mtu muhimu sana kwangu . Mimi sitokusikiliza’


“Ninaenda kuongea na baba yako kuhusu hili na yeye ndio atadili na wewe! Tumekuharibu sana kwa kukudekeza. Angalia sasa marafiki uliokuwa nao?”


Aliongea na kisha bibi yule alimwangalia Hamza kwa macho mabaya.


‘Inakuwaje mwanaume umeoa , halafu unacheza na mjukuu wangu kama hivi. Hebu ondoka na usije kumsogelea tena. Kwa ajili ya Irene ngoja niishie hapa. Siku nyingine nikikuona na mujukuu wangu sitosita kumpigia simu bosi Regina”


“Kumpigia simu! Bibi mimi najuana na Regina na tulishwahi kula chakula pamoja. Siwezi kuogopa hata ukimwambia”Aliongea Irene kwa ubishi.


“Nini! Wewe .. umekutana na Regina ? Ni kwa muda gani tokea ukutane nae?”


“Nimekutana nae na ananifahamu tokea nikiwa mdogo”


“Alikwambia nini na kwanini mkutane kwa ajili ya chakula?”Aliuliza bibi kwa wasiwasi na hali ya mchecheto kidogo.


“Bibi kwanini upo hivyo leo? Najuana na Hamza ndio maana nimekuja kufahamiana na Sister Regina. Kwani kuna tatizo mpaka kutaka kujua ni lini nimekutana nae?”


Bibi yake Irene alikuwa na sura yenye hali ya kupaniki na mara baada ya kufikiria kwa sekunde kadhaa aliongea;


“Nakuonya kwanzia sasa , hupaswi kusogelea ndoa ya watu . Ukiendelea nitakufungia na hutoenda shule na hata chuo tutakupeleka nje ya nchi’


“Bibi....!!’


Irene kusikia hivyo machozi nayo hayakuwa mbali na kuishia kumwangalia bibi yake kwa hasira pekee. Hakutegemea bibi yake angemwadhibu kwa staili hio , kisa tu kuwa na ukaribu na Hamza.


“Bibi umeenda sana mbali , si kila siku unasema unanipenda sana. Wewe hunipendi tena na nakuchukia”


Mara baada ya kuongea aliikimbilia nje ya geti. “Wewe Irene unaenda wapi? Sijamaliza rudi hapa” Aliongea huku akionekana kuzidi kuwa na wasiwasi.


Hamza aliishia tu kupumua kwa nguvu na hakuongea chochote kwasababu hakujua uadui wa bibi yake Irene na yeye umetokea wapi.


“Bibi ngoja nikamlete”Aliongea Hamza na kisha alikimbilia nje kwenda kumleta Irene kabla hajaenda mbali.


“Irene hebu acha kukimbia”Aliongea Hamza wakati akimshika mkono Irene na kumfanya asimame na kumkumbatia Hamza.


“Hamza kwanini bibi anakuchukia sana?”


“Acha kwanza kulia. Wewe huoni hili sio kawaida ?”


“Sio kawaida?!” Aliuliza kwa mshangao kidogo huku akimwangalia Hamza.


“Ndio! Bibi yako anaonekana kufahamiana na familia ya mke wangu na kwa mwonekano wake wa leo ni kama kuna kitu ambacho kilitokea baina ya familia hizi mbili”


Hamza aliona hata kama ameoa , kumleta Irene nyumbani na kujitambulisha kama rafiki yake , haikuwa sababu ya kutosha kwa bibi yule kuonyesha hali ya kumchukia katika macho yake na kupaniki kwa wakati mmoja.


“Kuna kitu kilichotokea? Itakuwa ni kitu gani?”


“Hata mimi sijui . Ila hisia zangu zinaniambia kuna kitu kinaendelea”


“Hata mimi nashangaa. Sio mara yangu ya kwanza kumtambuslisha bibi marafiki zangu, na bibi ndio anaenipenda sana na kunijali kuliko hata ya mama. Nimeshangaa leo ni mara yake ya kwanza kunikasirikia namna ile kisa wewe”Aliongea Irene.


“Basi kutakuwa na sababu , kwanini bibi yako amekuwa hivi. Hivyo hebu acha kulia na kisha urudi nyumbani . unadhani kama bibi yako hakupendi ana mjukuu gani mwingine wa kumpenda? Nenda nyumbani na hakikisha haubishani na bibi yako , muache atulie kwanza. Tukishapata sababu kwanini amekasirika sana ndio tutajua namna ya kudili na tatizo”


“Hamza naona kabisa mwanzo ulikuwa una sita sita , ila sasa hivi unanichukulia kabisa kama mpenzi wako. Angalia unavyonishika sura yangu?””


Hamza palepale alishituka , kumbe alikuwa akionyesha mahaba kwa Irene bila ya kujijua.


“Hehe huna haja ya kuwa na hofu , nilijua tu msichana mrembo kama mimi huwezi kuacha kunipenda”AliongeaIrene huku akimkumbatia Hamza.


Hamza aliishia tu kulaumu tamaa zake , ukweli hakujua ni tamaa au nini .


Baada ya dakika chache za kumtuliza Irene hatimae alimrudisha nyumbani na kisha alitumia usafiri wa bolt kurudi nyumbani. Hamza kabla hajakaribia nyumbani , alikumbuka , hakuwa amenumnunulia Regina zawadi yoyote , hivyo aliomba kushushwa na kisha moja kwa moja alienda katika moja ya mgahawa na kuchukua kahawa ya maziwa ya kawaida na ya soya.


Mara baada ya kufika nyumbani , Shangazi alikuwa amekaa kwenye masofa living room na alikuwa akingalia Tv, alikuwa deep katika tamthilia hio kiasi kwamba alikuwa hadi akifuta machozi.


Mara baada ya kumuona Hamza amerudi, na kumuona akiwa na machozi alishikwa na aibu kidogo na kujibaraguza .


“Hamza , mbona leo umerudi mapema sana?” “Nimerudi baada ya chakula. Vipi Regina amesharudi ?”


“Ndio , baada ya kula ameenda kwenye chumba chake kwa ajili ya kuendelea na kazi”


Hamza aliishia kutabasamu na kisha


alizipandisha ngazi kuelekea katika chumba cha Regina na kugonga mlango , lakini aliishia katikati mara baada ya kumsikia Regina alikuwa akiongea na simu , hivyo aliingia moja kwa moja.


Regina alikuwa bize mno , mbele yake kulikuwa na furushi la makaratasi , huku akionekana alikuwa akipokea maelekezo kupitia simu kuelewa baadhi ya vipengele. Na mara baada ya kumuona Hamza akiingia aliishia tu kumwangalia na kumalizia kuongea na simu. “Vipi naona leo umerudi mapema ?”


“Ndio mke wangu. Nimekuletea kahawa ya aina mbili , kikombe cha kulia ni kahawa ya maziwa na ya kushoto kwangu ni ya soya, vipi unataka ipi hapa?”Aliongea Hamza akiwa na tabasamu.


******


“Vipi mbona unaonekana kuwa na furaha sana?” Ilikuwa ni sauti ya Kanali Dastani kwenda kwa mwanamke alievalia nguo ya kulalia ya kitambaa cha hariri , katika moja ya hoteli ya kifaharai iliokuwa katikati ya jiji .


Mwanamke huyo alionekana alikuwa akiongea na simu na ilikuwa ni kama amepokea taarifa nzuri .


“Nilikuambia ilikuwa chaguo zuri kumtumia Irene”Aliongea huku akisogea kimadaha na kwenda kukaa kitandani .


“Unamaanisha nini?”


“Sikutegemea. Ila inaonekana mpango wetu umeenda haraka zaidi kuliko nilivyotarajia. Nimepokea simu Irene kaiharibu gari yangu”Aliongea.


“Tresha nina wasiwasi na matendo yako , ya kwanza ilikuwa Alex na sasa unataka kuwa karibu na huyu Hamza. Sioni faida yoyote”


“Dastani shida inayokusumbua naijua, unasumbuliwa na wivu , unadhani kwasababu Yulia katokea kumpenda huyu Hamza , hata mimi nitahadaika na kutoka nje ya mipango ya kazi. Kama ndio unachowaza kuwa na amani. Isitoshe hii ndio nakusaidia wewe. Sidhani unaweza kufanikisha mpango wa Yasin bila msaada wangu”Aliongea huku akiwa na hali ya kujivunia kwenye uso wake.


“Unafikiria mbali. Ninachotaka mimi ni umakini juu ya mipango yetu , unaona kilichomtokea mzee Mgweno. Sasa hivi Malibu macho yote yanamchunguza kwa kushirikiana na Sinagogu. Kosa kidogo tu na sisi tutaingia kwenye rada za jeshi”


“Pole yake Aunt Rehema . Namsikitikia kwa kile kilichomkuta ma kumuunganisha Mgweno”Aliongea.


“Licha ya Rehema kuwa na msaada mkubwa na kukufikisha hapo ulipo , lakini sioni huzuni kabisa katika macho yako”Aliongea Dastani huku akiwa na kejeli kwenye uso wake.


“Unataka nitoe kilio , ndio uione huzuni katika macho yangu , sikatai Rehema ndio alienifanyia koneksheni mpaka kufahamiana na wakubwa , lakini hio haiondoi ukweli kwamba nimefika hapa kwa juhudi zangu , ndio maana mimi nipo hai , lakini yeye alishatangulia mbele za haki”


“Tukiachana na hayo , vipi kwanza hili suala la


Alex. Una uhakika hajui chochote?”


“Nishakwambia hajui chochote , ndio maana nimemwachia huru. Alex anatumika tu , lakini suala la malighafi zinazowekwa katika vyungu hahusiki kabisa , yeye ni msambazaji na vyungu anavyopelekea wateja vinatengenezwa sehemu nyingine kabisa. Mwanzoni nilidhani ni suala lenye muunganiko wa moja kwa moja na watu wa Binamu , lakini sivyo. Kuna uwezekano Jasusi Alonzo ni Decoy”


“Decoy! Unamaanisha nini?”


“Wakati ulipokuwa Ufaransa nilikuwa nikifuatilia hili suala kwa umakini mkubwa . Alonzo anapokea maagizo chini ya watu wa kanisa la Wabrazili , lakini katika moja ya kumfuatilia , nimegudua pia yupo chini ya Taasisi ya Haliz Foundation”


“Haliz Foundation na kanisa la Wabrazili! Unataka kusema nini?”Aliongea Kanali huku akihisi kama kuna kitu kinakuja kwenye akili yake.


“Kuna uwezekano wa muunganiko kati ya taasisi ya Haliz Foundtation na vyungu , lakini vilevile kuna uwezekano wa Haliz kuwa na mahusiano ya karibu na makanisa ya Wabtazili na kama ni hivyo basi moja kwa moja Kanisa la Wabrazil lipo chini ya wasinagogu


“Na kama kanisa la Wabrazil lipo chini ya Wasinagogu maana yake , Wabtazil wanajua moja kwa moja suala la vyungu lipo vipi na Alonzo kuonekana kama analifuatilia hili suala ni kama chambo tu kufunika kile kinachoendelea”Alimalizia kanali.


‘Ndio maana nikasema Alonzo anaweza kuwa Decoy Agent. Hili ni suala ambalo hatuna uhakika nalo kwasasa kutokana na mkanganyiko wa matukuo yaliotukia hivi karibuni . Ingekuwa rahisi kwetu kama Rehema angerudi Tanzania . Sasa hivi lipo juu yako Dastani kulitafutia ufumbuzi”Aliongea Tresha.


“Ufumbuzi! Unamaanisha unataka niwe mrithi wa nafasi ya Rehema?”


“Unadhani isipokuwa wewe , atakuwa nani? Kama huwezi kufanya mwenyewe wasiliana na umoja wako wa Black Trinity waamshe jasusi wao ndani ya kitengo, Sidhani kama wanakosa Sleep Agent ndani ya Malibu”


“Hapana , siwezi kuwasiliana na umoja kwasasa. Ni mapema mno, kwasasa ulinzi ni mkubwa sana ndani ya kitengo na kila mwanachama anafuatiliwa”Aliongea na Tresha alimwangalia usoni kwa sekunde kadhaa na kisha akapotezea.


‘Vipi kuhusu faili umefanikiwa , Au safari ya Ufaransa imekuwa bure?”


“Upo mwanga tu , mbinu yangu niliotumia imelipa kwa kiasi flani , lakini sina wasiwasi kwasasa. Nishapata shabaha nyingine’


“Shabaha nyingine! Unamaanisha nani?”


“Mdogo wake Dina , kutoka upande wa familia ya babu yake. Inaonekana bado ana kinyongo na Dina kuwa kiongozi na sio yeye. Ninavyosema sasa hivi wapo hapa Tanzania. Ni mimi tu kupanga mipango yangu ya namna ya kumuingia


, ni rahisi kupata hili faili.”


“Ukifanikiwa nina uhakika utajiweka katika nafashi muhimu sana ndani ya circle ya Eliasi.


Kulia yupo Yasin , kushoto yupo Eliasi. Tukifanikiwa kumwangusha Yulia na kumpandisha Yasin . Mipango yetu yote itanyooka”


“Kwa Yulia sio kirahisi sana. Uwepo wa Hamza ndio changamoto. Licha ya hila nyingi kuchezwa afie Ufaransa lakini imekuwa tofauti. Yule mtu ni hatari sana”


“Hamza niachie mimi. Udhaifu wake upo kwa wanawake na hao hao watakuwa anguko lake”Aliongea Tresha huku akisimama na kujizungusha zungusha kwenye kioo.
 
229.
“Kama umesema kila kikombe kina kahawa , kuna utofauti gani. Halafu mbona sijawahi kuona hivyo vifungashio?”


“Ndio habari ya mjini kwasasa hivi mke wangu, ni kahawa iliotengenezwa hapa hapa nchini , lakini kutokana na upekee wake ndio maana inauzwa kwenye migahawa mingi ambayo ni francaised.Nashangaa mwanamke kama wewe huna habari , wakati ndani ya kampuni wafanyakazi wengi wameshikilia mkononi” “Kwahio unasema mimi ni mshamba au?” “Hapana, ninachomaanisha ni kwamba mke wangu wewe ni wa matawi sana , ndio maana ni ngumu kujua biadhaa mpya za aina hii”Aliongea Hamza kujitetea.


“Nitajaribu kila kimoja , kujua radha yake ilivyo”Aliongea Regina huku akichukua mrija kutoka katika vikombe vyote na kuanza kufyonza kidogo katika kila kimoja.,


“Nataka hiki chenye maziwa ya soya, unaweza kunywa hiko kingine”Aliongea Regina huku akishangazwa na utamu wa kinywaji hicho.


Hamza mara baada ya kuona namna ambavyo mwanamke huyo alivyokuwa na furaha akinywa kinywaji alichomletea alijihisi joto kwenye moyo wake na kujiambia alifanya vizuri kupiga stori kidogo na marafiki zake Eliza. Ndio waliompa taarifa juu ya utamu wa kinywaji hicho, namna kinavyoshangamsha akili na radha yake.


Regina aligundua , Hamza alikuwa akimwangalia muda wote na kumfanya uso wake kushikwa na joto kidogo.


“Mbona unaniangalia kiasi hicho?”


“Ni kwasababu mke wangu anaonekana kuwa mzuri sana. Si kinai kukuangalia”Aliongea Hamza huku akicheka.


“Na hizo sifa unazonipa hata sikuamini tena. Leo nimetoka vijipele kwenye uso wangu, naonekana mbaya”


“Wapi! Mbona hata sivioni?” Hamza kweli hakuweza kuona hivyo vipele Regina anavyoongelea.


“Na huo upofu wako , utaonaje?”Aliongea Regina huku akitingisha kichwa chake kwa kumsikitikia.


“Vipi , si ulisema unatoka na Irene ? Mtoko wenu umeendaje?”


Hamza alifikiria kwa sekunde kadhaa na aliona sio mbaya kama atamwambia Regina kilichotokea.


Regina mara baada ya kusikia Irene alipata ajali alipatwa na wasiwasi kidogo na kuuliza kama alikuwa sawa na mara baada ya kusikia ni gari pekee lililopata shida aliona kumbe sio suala kubwa.


“Wife hujawahi kukutana na bibi yake Irene. Inaonekana anakufahamu vizuri tu na kunifahamu hata mimi na wewe tuna mahusiano”


“Sijawahi kukutana nae wala kumsikia na hata bibi na shangazi sijawahi kusikia wakimzungumzia , labda hawakuongea chochote. Ila itakuwa kulikuwa na mahusiano. Ninachojua tu ni Mama yake Irene aliekuwa ni jirani yetu na mara nyingi alikuwa akiishi na ndugu wa upande wa kwao”


“Basi itakuwa kuna kitu tu hatujui , ila kimetokea zamani kidogo , isitoshe wote ni wazee “Aliongea Hamza.


“Kwanini unajali sana. Kama una shauku sana kwanini usimuulize Shangazi?”Aliongea Regina.


Hamza alifikiria kidogo , ila aliona haina haja ya kumuuliza shangazi , hivyo aliamua kupotezea.


“Wife sitaki kuendelea kukusumbua. Endelea kuwa bize”Aliongea Hamza , hakutaka kuonekana kuwa siriasi na suala hilo na kumfanya Regina ahisi tatizo.


“Nisindikize kwenda kwenye Harambee na Mnada kesho. Kama una nafasi”Aliongea Regina.


Hamza alionekana kushangaa. Alikuwa tayari alishasikia kuhusu mnada huo kutoka kwa Yulia na ndio sasa Regina anamwambia.


Sasa kwasababu mke wake amekwisha kuongea na kumwalika , hakuona sababu ya kukataa. “Sawa , kesho nitajianda vizuri kwa ajili ya kukusindikiza na kuhakikisha unajivunia kwenda na mimi mke wangu”Aliongera Hamza akiwa na tabasamu.


“Eh! The Manificient King of hell will accompany me to a small charity auction , I’ am flattered”Aliongea Regina kwa kingereza huku akimwangalia Hamza na mwonekano wa kichokozi.


Hamza aliishia kutoa pumzi ya kufarijika mara baada ya kumuona Regina yupo kwenye mudi ya kumtania , na aliona ni vizuri.


“Wife nimekuita ‘ Mke au Wife ‘ Kwa muda mrefu , kwanini sijawahi kukusikia ukiniita’ Hubby?” Hamza aliona achukulie fursa mudi nzuri ya Regina.


“Kwanini unalazimisha nikuite hivyo , kwani haitoshi tu mimi kukuita kwa jina lako. Mbona wenza wengi tu wanaitana kwa majina yao?” “Lakini natamani kusikia ukiniita hata mara moja


, sio lazima kila saa japo mara moja moja”


“Nataka nifanye kazi , unaweza kuondoka sasa”Aliongea Regina huku akikaa katika mkao wa ubize .


Hamza hakuwa na jinsi , aliona bado mwanamke huyo hakuwa karibu sana na yeye kimwili , hivyo aliona ngoja asubiri , wakati utafika tu .


*****


Siku iliofuata Hamza aliishia tu kuzunguka ndani ya kampuni na ilipotimu muda wa jioni jioni , Regina alimpigia simu.


“Wife mbona kama muda wa kwenda kwenye harambee bado?”Aliuliza Hamza mara baada ya kuona bado ni mapema.


“Kuna sehemu nataka unisindikize kwenda kwanza , tukitoka huko tutaelekea moja kwa moja kwenye mnada”


“Tunaenda kukagua biashara zako?”


“Hapana”


Kipindi hicho , Black Fog alikuwa msaidizi rasmi wa karibu wa Regina na ndio aliehusika mara nyingi kutoka na Regina kukagua biashara zake.


“Kuna sehemu binafsi naenda na nadhani itakuwa vizuri tukienda pamoja”Aliongea Regina.


Ijapokuwa Hamza alikuwa katika hali ya kushgaa , lakini bado alikubali na kushuka kwenye maegesho ya magari na kuwasha gari na kumsubiri Regina .


Haikuchukua muda Regina alishuka kutoka ofisini kwake akiwa ameshikilia mifuko. Hamza mara tu baada ya kuona mifuko hio , alijua ni wapi Regina anaelekea.


Mara baada ya wawili hao kuingia kwenye gari ,


Hamza aliendesha gari moja kwa moja mpaka yalipo makazi ya famili ya Regina ya zamani. Maneo ya Msasani.


Regina alipanga kumpatia Lamla zawadi ambazo alitoka nazo Paris , ijapokuwa alikuwa amesahau kwa muda , ila baada ya kukumbuka n i kipindi cha sikukuu , aliona ndio apeleke.


Mara baada ya kufika , kulikuwa na mabadiliko kiasi , kutokana na kuwepo mtu anaeishi ndani ya jumba hilo kubwa , angalu halikuwa na hali ya upweke sana.


Tokea Lamla arudi ndani ya nyumba hio ,


Regina aliwasiliana na TDS( Taita Domestic Service) Kuacha kuendelea na huduma yao.Hivyo kila kitu kilikuwa chini ya Lamla.


Lamla alizoea kuishi maisha ya kifahari tokea akiwa mdogo , lakini mara baada ya kupitia magumu , alionekana mdogo mdogo kuanza kuyakubali maisha yake mapya.


Wawili hao mara baada ya kushuka kwenye gari , waliweza kumuona Lamla akitoka nje akiwa ameshikilia boksi kubwa la glasi au kioo.


Alikuwa amevalia Aproni na ndala miguuni. Nywele zake alikuwa amezifunga kwa kurudisha nyuma. Kama vile alikuwa bize kufanya kazi za nyumbani.


Katika lile boksi la glasi , kulikuwa na Kasa aliekuwa amelala kivivu ndani yake.


Mara baada ya kumuona Hamza na Regina , Lamla alionekana kuganda kidogo , alionekana kuwa na wasiwasi , lakini kulikuwa na hali ya furaha kwenye macho yake.


“Regina , Hamza , karibuni”Aliongea


Regina mara baada ya kuona kasa yule mdogo alionekana kushangaa.


“Unamlea huyo Kasa?”


“Ndio! Naboreka kuwa mwenyewe , sijawahi kufuga kitu chochote hapo kabla , lakini mara baada ya kusikia Kasa ni mwepesi kufuga na anaweza kuniondolea upweke . ndio maana nikamnunua kwa baba mmoja aliekuwa akiwasambaza. Nimeambiwa niwe namtoa juani kila siku ili mgogo wake kumulikwa na jua”


Regina mara baada ya kusikia , hivyo alijikuta akigeuka na kukagua mazingiraya nyumba na aliweza kuona mimea mingi ikiwa imepandwa. “Hayo maua wewe ndio umepanda?”


“Ndio, sipo sana bize ndio maana nikaona pia nipande pande maua”Aliongea na kumfanya Regina kutabasamu.


‘Vipi , umegundua sasa kazi nyingi ni ngumu kuliko ulivyokuwa ukifikiria?”


“Ni kweli! Sasa hivi kadri ninavyofikiria , najiona kweli sikuwa mtu mzuri”Aliongea huku uso wake ukiwa umejaa huzuni.


Regina alichukua ile mifuko chini na kisha alimpa ishara Lamla kupokea.


“Nimekuletea hizi. Nilienda Paris nikaona sio mbaya nikikuletea zawadi. Kuhusu mifuko mingine miwili niliokuja nayo , haijapata mtu , nimeona nikuletee pia”


Hamza mara baada ya kusikia maneno ya Regina kidogo tu atoe kicheko, Yaani Regina kanunua mikoba yote hio kwa ajili yake , halafu muda huo anaigeuza kama vile ni kweli imekosa mtu.Alimfikiria Regina ila hakupata picha kamili.


Lamla hakuwa mjinga , mara baada ya kuoina mifuko hio ya Zawadi , alijikuta akipanua mdomo kwa mshangao na sekunde chache mbele macho yake yaligeuka na kuwa mekundu.


“Regina kweli umeniletea hizi zawadi kwa ajili yangu?”


“Ndio , kama hutozipenda unaweza kuzitupa tu, isitoshe sina pakuziweka”Aliongea Regina bila ya hisia nyingi .


“Nazipenda , nina uhakika nitazipenda”Aliongea Lamla huku akitingisha kichwa kwa hamasa kubwa na kupokea.


“Karibuni ndani , mpate hata kinywaji chochote , sio vizuri kusimama nje wakati hapa ni nyumbani”Aliongea.


“Asante , ila kwasasa hapana , kuna sehemu tunawahi”Aliongea Regina.


Mara baada ya kumsikia Regina akiongea hivyo , Lamla alishikwa na hali ya kusikitika kidogo , lakini aliificha na kicheko .


“Basi hata siku nyingine , najua mpo bize , siku ukipata nafasi njoo nitakuandalia chochote”


Regina aligeuka na kujiandaa kuingia ndani ya gari , lakini kabla hata hajapiga hatua , Lamla aliita .


“Regina!”


“Ndio , kuna unachotaka kuongea?”Aliuliza Regina bila kugeuka na muda huo alionekana Lamla akijing’ata ng’ata.


“Najua ninachoweza kusema sasa hivi kinaweza kisiwe na maana , lakini bado nataka kukuambia , Samahani”


Regina mara baada ya kusikia kauli hio, alitetemeka kidogo.


“Ulishaniambia hivyo mara ya mwisho”Aliongea Regina.


“Ndio. Lakini nataka kuongea kitu chochote kwako leo . Asante sana , nakushukuru sana. Najua hakuna kitu naweza kukufanyia katika haya maisha , lakini kama pepo ipo natamani kuja kuwa mama kwako. Moja ya kitu ninachojutia mpaka sasa , ni tokea siku niliokuona sijawahi kukujali kabisa.”


Regina aliishia kukunja ngumi kidogo na kisha kuiachia na akavuta pumzi nyingi na kuzishusha.


“Siku ya Christmass , njoo Kigamboni nyumbni , nadhani haitokuwa vizuri kumhangaisha shangazi kuja mpaka huku”Aliongea


Lamla alijikuta akishangaa , kama vile alikuwa amesikia vibaya na kujikuta akiuliza kama Regina anamaanisha.


‘Ni kweli naweza kuja?”


“Usifikirie vibaya , sitaki tu kumuona shangazi akichoka kuja mpaka huku. Pia itakuwa vizuri kama utakuwepo na kumsaidia saidia”Aliongea Regina.


“Naelewa , hata usiwe na wasiwasi , hakika nitakuija na kumsaidia na maandalizi”Aliongea Lamla huku akiitikia kwa furaha.


Mpakla hapo Regina hakuingia kwenye gari haraka na Lamla hakujua nini cha kuongea , kila mmoja alionekana kuwa katika hali ya kutafakari.


Hamza aliishia kunyamaza kwa sekunde kadhaa na kisha aliishia kusugua pua yake akihisi hali ya hewa kidogo imekuwa nzito.


Alijikuta akiangaza macho yake na kumshangaa yule kasa aliekuwa kwenye boksi akipigwa na jua.


“Huyu mbona ni kasa mweusi?!”


Lamla alijikuta akikurupushwa kutoka kwenye mawazo mara baada ya kusikkia sauti ya Hamza.


“Kuna shida kwani ? Mimi nilikutana na mzee wakati nikitoka sokoni ndio akaniambia anamuuza , nilivyoona ni mzuri nikamnunua”


“Kuna shida kwani akiwa mweusi?”aliuliza Regina.


“Huyu ni Kobe mweusi , ni jamii ya kobe ambao ni adimu sana. Nadhani huyo baba aliekuuzia alimpata kwenye mabonde ya maji ndani ndani huko porini , ila aina hii ya Kasa wanalindwa mno kutokana na kuadimika kwake”Aliongea Hamza.


Regina alishindwa kujizuia na kumwangalia huyo kasa , alionekana kulala kivivu vivu na macho yake ya rangi ya kijani , ukweli ni kwamba alionekana kuwa wa kijani ambae anaelekewa kuwa mweusi .


“Kwahio unataka kusema nini? Kwamba ampeleke katika idara ya hifadhi wanyama au”Aliuliza Regina.


“Haina haja , kwasababu unamlea basi endelea kumlea”Aliongea Hamza na kisha kumwangalia Lamla kwa macho ya udadisi.


“Kama unataka kuwa mama bora , sio mbaya kuanza kulea kobe”Aliongea na kumfanya Lamla kuwa na macho yaliojaa shukrani. “Asante sana, nitafanya hivyo”


Hamza na Regina waliingia kwenye gari yao na kisha walianza safari ya kuelekea kwenye Harambee na mnada.


Wakiwa njiani , Hamza alishindwa kujizuia kumwangalia Regina mara kwa mara na kuwa na tabasamu.


Regina alikuwa akimwona kila saa na alikuwa kimya , ila alishindwa kuvumilia mara baada ya kuona Hamza anazidi.


“Unamwangalia nani na kutabasamu?”


“Hamna tu , ni kwamba nashindwa kujizuia na kuona mke wangu anazidi kupendeza kila saa ninavyomwangalia, hivyo nashindwa kujishikilia na kukuangalia mara kwa mara”


“Mh! Lazima utakuwa unanikejeli ndani kwa ndani?”


“Kwanini nikukejeli?”Hamza alishangaa. “Unaijua sababu mwenyewe ya kunikejeli , huna haja ya kujifanyisha”


“Wife m ukweli ni kwamba hata sijali kama umemsamehe Lamla au unaendelea kumchukia , ila ukweli nimetokea kukubali moyo wako , kama ingekuwa ni mimi, nisingeweza kufanya hivyo”Aliongea Hamza.


“Kweli!” Aliuliza Regina huku akionyesha hali ya mshangao kiasi katika macho yake.


“Unadhani naweza kukudanganya. Nimekuwa mbwa?”


“Wewe ni jibwa kabisa”


“Basi wewe ni kajimbwa kadogo”


“Mimi sio mbwa. Shenzi!”


“Haha, mke wangu unavyonukia ni kama vile vimbwa vya kijerumani” Regina kusikia hivyo alijikuta akikasirika na kugeuza kichwa chake pembeni.


“Sitaki kuongea na wewe tena”


Ilikuwa utani tu , hivyo Hamza asingeendelea kumwambia alikuwa mbwa.


Hamza mara baada ya kuishi na mwanamke huyo kwa muda mrefu kidogo , aligundua alikuwa akijali sana mwonekano wake , hivyo hakufurahishwa na utani wa kuambiwa alikuwa mbwa wa kijerumani.


Mara baada ya kufika katika jengo ambalo mnada na harambee ya kusaidia watu,wawili hao walishuka nje ya gari na waliweza kuona kulikuwa na magari mengi zaidi ya mia yaliokuwa ni ya kifahari. Kusanyiko hilo la Harambee lilionyesha ukubwa wake kwa namna lilivyokusanya watu wazito ndani ya jiji la Dar.


Eneo la nje la kuingilai kulikuwa kumepambwa sana, asilimia kubwa ya mapambo yalikuwa ni yale ya kukaribisha mwaka mpya.


Kwasababu ilikuwa ni Harambee na Mnada watu wengi walivalia kawaida.


Mwonekno wa Regina ulivutia watu wengi. Wasifu wa mwanamke mrembo na tajiri , ilikuwa ni moja ya sifa kubwa iliombeba Regina.


Watu walijaribu kumsogelea Regina kuongea nae , lakini kama kawaida ya Regina hakujisumbua kuendeleza maongezi muda mrefu zaiid ya salamu pekee tema ile ya kujivuta.


Lakini hata kama Regina alionekana kuwapotezea watu hao , hakuna ambae angekasirika , isitoshe ukauzu wa Regina ndio ulifanya watu wengi kutamani kupata fursa ya kumsogelea na angalu kuongea nae kwa muda mrefu na kwenda kujisifia.


Hamza alishindwa kujizuia na kujihisi kujivunia katika moyo wake , katika macho ya wengine , mwanamke kauzu kama huyo ambae ni ngumu hata kuanzisha nae maongezi , alikuwa ndio mke wake. Ingawa nafasi yake kama mume kwa Regina haikuwa imefahamika kwa watu wengi lakini Hamza alijihisi kidume kweli.


Ile wawili hao wanakaribia kuingia katika mlango wa ukumbi , kundi dogo la watu lilionekana na kumvutia Hamza macho.


Alikuwa ni mwanaume na mwanamke wazee hivyi ambao wameongozana na watoto wadogo na walionekana ndio wanafika.
 
230

Mchoro wa kesho yetu


Alikuwa ni Mama Wadeni wa kituo cha kulele watoto cha Morogoro ,Foot Academy, aliekuwa ameongozana na kundi la watoto. Pembeni yake kulikuwa na mwanaume mzee. Hamza alimjua ni moja ya wazee waliokuwa wakisaidia ndani ya kituo hicho. Hakumuona Mzee Hizza.


“Madam Wadeni!” Aliita Hamza kwa mshangao mara baada ya kumuona.


“Hamza! Kumbe na nyie mmekuja! Nilikuwa nikijiuliza kama ningewaona , ila matarajio yangu yamekuwa sahihi”Aliongea mwanamama huyo akiwa na mwonekano wa furaha huku akimwangalia Regina.


Upande wa Regina muda huo alikuwa akimwangalia msichana mdogo kibonge aliekuwa bize kulamba ice cream. Na msichana yule mdogo mara baada ya kumuona Regina alimtolea ulimi kwa ishara ya kumchokoza.


“Dada Mbahili”Aliongea yule msichana , walifahamiana na Regina kituoni alipoenda na Hamza na matukio yaliotokea ndio yalimfanya Regina kuonekana na msichana huyo kama dada mbahili.


Regina alichanua macho yake na ile anataka kubishana na huyo msichana aligundua alikuwa eneo la wazi na watu wengi walikuwa wakiwaangalia, hivyo aliishia kujifanyisha hakumsikia.


“Madam Wadeni , na nyie mmealikwa”Aliuliza Regina.


“Katibu wa Viwanda ndio katualika mara baada ya kuona michoro ya watoto. Amesema itaongeza uzito juu ya mchoro tuliowakilisha kupigwa mnada kama watoto watashiriki pia.Ndio maana nimekuja nao. Isitoshe huu ni mkutano wa mabosi, hivyo nimeona sio mbaya kama watakuwepo hapa kutoa shukrani zao”


“Mhmh! Mbona sijawahi kusikia huu utaratibu, nani kasema uwalete?”Aliongea Regina akiwa amekunja sura.Kawaida licha ya vitu mbalimbali kuletwa kupigwa mnada lakini watoto hawakushiriki kabisa zaidi ya viongozi wawakilishi pekee .


Lakini muda huo mwanaume mwenye kitambi mrefu kidogo alievalia suti nyeusi ya Armani alisogea akiwa na uso uliopambwa na tabasamu.


“Katibu Gondwe , wewe ndio umemwalika


Madam Waden na watoto kuhudhuria?”


“Kumbe bosi Regina unafahamiana na Waden wa Foot Academy! Ndio ni mimi niliewaalika”Alikubali bila shaka yoyote na kisha alimgeukia Wadeni.


“Wewe ndio ndio Madam Hizza! Mimi ni Khatibu Gondwe , ndio niliekutumia mwaliko”Aliongea Katibu akipeana mikono na Madam Wadeni huku akiwaangalia watoto kwa namna ya kuwahesabu.


“Mbona umekuja na watoto wachache sana?”


“Oh! Ndio , nimeona itapunguza usumbufu kudili nao wote , maana wengi ni watundu sana” Waziri kusikia vile alionekana kutoridhika.


“Wadeni upo siriasi kwelim niliposema uje na watoto nilimaanisha wengi hata kituo kizima. Kwanini kuwe na usumbufu. Hata hivyo sio mbaya , muda ushaenda sana hatuwezi kubadilisha”Aliongea na kisha palepale aligeuka na kuanza kuita baadhi ya watu ambao alionekana kutangulizana nao.


“Mzee Dochi , Mzee Filimbi sogeeni sasa ni muda wa kupata picha ya pamoja na watoto”


Wafanyabiashara kadhaa walisogea waliokuwa wakisalimiana na Regina mara baada ya kumuona.


Mara baada ya hapo waliita watu na kuwachukua wale watoto na kwenda kuwasimamisha katika mabango waliokuwa wameandaa . Mabango hayo yalikuwa na majina yao kama vile walikuwa wakihofia wasipoandika majina kuna mtu anaweza kutowatambua.


“Huyu Gondwe ni nani?”Aliuliza Hamza ambae hakuwa na uso mzuri kabisa.


Ilikuwa ni wazi kabisa watu hao wanawatumia hao watoto kujitafutia sifa na sio kwamba wapo na moyo wa dhati wa kuwasaidia.


Hamza aliwachukulia Madam Wadeni , Mzee


Hizza na watoto wa kituo cha Morogoro kama familia yake , hivyo ilikuwa kawaida kutokuwa na furaha kwa kuona tukio hilo.


Mara baada ya kuona sura ya Hamza, Regina alijua tu lazima atakuwa amekasirika.


“Ni katibu mkuu wa wizara ya biashara na viwanda. Ni mfanya biashara mkubwa wa kuzalisha chuma”Aliongea Regina.


“Najua utakuwa umekasirika , lakini hakuna haja ya kulikuza hili suala kwani haitokuwa nzuri kwa watoto”


Hamza macho yake yalisinyaa , kama isingekuwa hakutaka kumtia wasiwasi Madam , angeshafanya jambo mpaka muda huo.


Mara baada ya watoto hao kupangwa vizuri mbele ya mabango , wafanyabiahsa wale walisogea wakiwa na matabasamu ya kutosha osoni na picha zikaanza kupigwa na waandishi wa habari ambao walionekana kabisa walikuwa wameandaliwa kwa kazi hio.


“Bosi Regina., unaonaje ukiungana na sisi. Haina haja ya kuwa na bango la kukutambulisha. Sura yako ni utambulisho tosha”Aliongea Gondwe.


“Haina haja”Aliongea Regina akitingisha kichwa.


Ukweli ukaribisho huo ulikuwa wa kinafiki tu na Gondwe na wenzake hawakutaka Regina ashiriki, kwasababnu walijua Regina akiwa sehemu ya picha hawatoonekana tena.


Muda huo sauti ya maringo na hatua za kimapozi zilisikika.


“Mbona kuna shamra shamra sana hapa?”


Alikuwa amevalia gauni refu lenye pasua la saizi na kikoti cha manyoya kilichomkaa vyema mwilini na kumfanya aonekane kama malkia.


Uvaaji wake uliop[itiliza ulivutia watu wengi , hata Regina ambae alikuwa na mwonekano wa kuvutia kidogo , alifunikwa na vazi hilo.


“Oh ! Bosi Yulia naona umefika na wewe muda mwafaka. Unaonaje ukiungana na sisi na kupiga picha kadhaa?”Aliongea Gondwe.


“Katibu Gondwe , huyo msichana mbele yako anavutia mno , naweza kumkumbatia”Aliongea Yulia.


Walipokuwa wamesimama katikati ya wanaume hawakuwa na furaha , sasa baada ya kumuona Yulia macho yao yalichanua.


“Dada Mkubwa wewe ni mrembo sana”Aliongea kifurushi.


Yulia kusikia hivyo alifurahi na kuinama chini na kumkumbatia.


“Kweli! Na wewe pia ni mrembo mno. Niambie jina lako ni nani?”


“Naitwa Esma Bando”


“Esma Bando! Jina limekukaa vizuri mno , ulivyonenepa kama kakifurushi”Aliongea Yulia huku akicheka.


“Ni Bando sio kifurushi”Aliongea Esma.


“Okey ! Esma Bando. Mimi dada yako mkubwa nitakupeleka kula vitu vitamu baada ya hapa”Aliongea Yulia akionyesha ukarimu.


“Sawa dada mkubwa”


“Waheshimiwa , huyu mtoto ni mdogo sana. Mimi naondoka nae”Aliongea Yulia.


Gondwe na wenzake walijifanyisha kutokumuelewa na kuendelea kutabasamu na kumuacha Yulia aondoke na Esma Bando .


Yulia akiwa amembeba Bando, alienda mpaka mbele ya Regina na Hamza, na kwa macho ya kichokozi alimwangalia Hamza.


“Naona umekuja nae? Nilijua hatokuambia” Hamza aliishia kutoa tabasamu la uchungu, ,ingekuwa vizuri kama asingeongea chochote.


Regina alimwangalia Hamza na mwonekano wa maswali ila hakuongea chochote.


“Esma kati ya mimi na huyu dada , nani mzuri?”Aliongea Yulia,


Esma alimwangalia Regina kwa macho yasiokuwa na hisia , haikueleweka Regina alimfanya nin Bando mpaka kumchukia.


“Dada Mkubwa wewe ni mrembo mno , kuliko huyu Dada mbahili”


“Wewe...” Regina mara baada ya kusikia hivyo, alijikuta akipandwa na hasira , na alichukia kuona hawezi kushindana na mtoto mdogo.


“Dada Mbahili! Regina umewafanya nini hawa watoto kiasi cha kuwafanya wasikupende ? Watoto hawana dhambi , hawawezi kudanganya.


Ila sio mbaya nadhani awamu hii nimekushinda” Yulia mara baada ya kuongea hivyo aliondoka na Bando kuelekea upande wa vioski.


“Namchukia huyu mwanaharamu”Aliongea Regina huku akipiga miguu yake chini.


Hamza alihisi kichwa chake kikianza kumuuma. Ilionekana mbele ya Yulia , Regina alionekana bado mdogo.


“Mbona na wewe huongei. Ni kweli yeye ni mrembo kuliko mimi?”Aliuliza Regina kwa hasira akimwangalia Hamza.


“Inawezekana vipi! Hakuna mwanamke kwenye dunia hii mrembo kumzidi mke wangu”


Regina licha ya kusikia kauli hio , alishindwa kuimeza hasira yake.


“Kama ningejua bora nisingekuja. Nimekasirika sana kumuona huyu mwanamke”Aliongea.


Muda huo Katibu Gondwe alimaliza kupiga picha na watoto wa kituo cha FOOT na hawakuwa wamealika hao tu wa Morogogo bali walikuwa wameita watoto wengine ambao pia walipiga nao picha.


Hamza kuona hayo yote , moyo wake ulijisikia vibaya. Lakini asingeweza kufanya chochote kutokana na mazingira yalivyo.


Mara baada ya Wadeni kumaliza , aliwachukua watoto na kumsogelea Hamza.


“Nini kimekutokea , mbona sura yako imekuwa mbaya hivyo ?”Aliuliza Madam.


“Hakuna tu”Alijibu Hamza kifupi.


“Mtoto mjinga. Unadhani sijui nini unafikiria. Lakini katika ulimwengu huu kuna vitu ambavyo mtu hawezi kukataa hata kama hapendi au hafurahishwi navyo. Ila hayo ni mambo ambayo unakubaliana nayo tu kwasababu ni ya kupita, haijalishi mabosi wanatuchukuliaje , ila ili mradi tuna hela ndani ya kituo chetu za kusaidia maisha ya watoto. Sioni haja ya kufikiria sana , si ndio malengo ya kituo ?”


Hamza na Regina mara baada ya kusikia maneno ya mwanamama huyo , walishangaa baada ya kuona kwamba Madam Wadeni alikuwa akijua unafiki wa matajiri hao , ila aliamua tu kukubaliana nao kwa ajili ya watoto.


“Madam ni mara chache sana kuwakubali watu , ila kwako nimetokea kukubali sana”Aliongea Regina na tabasamu.


“Regina haina haja ya kuwa siriasi hivyo , mimi na Hiza tayari ni wazee na hatuna muda mwingi wa kuendelea kuwasaidia hawa watoto. Ikitokea fursa ya kuwasaidia , kitu pekee ni kufanya kila linalowezekana kufanikisha. Ijapokuwa malengo yetu kwasasa ni kutafuta mtu ambae anaweza kurithi nafasi zetu”


“Madam Wadeni , kwani mna shida ya kiafya , nakumbuka hata mara ya mwisho Mzee Hizza alionekana kukonda sana na hata wewe pia unaonekana kunyongea”Aliongea Hamza.


“Ukiwa mzee ni kawaida kukonda. Bado nina afya nzuri tu, hata usiwe na wasiwasi”Aliongea akijaribu kumthibitishia Hamza alikuwa na Afya nzuri.


“Sijui , ila sidhani kama kutatokea viongozi wazuri wa kituo kama wewe na Baba Hizza. Unaonaje tukisaidia , itakuwa vizuri mkipata mrithi mapema na kustaafu”Aliongea Regina.


Hata Hamza alikuwa akifikiria hivyo hivyo , ila hakujua nani angefaa kuongoza kwa kurithi nafasi za Wazee hao.


Regina alisalimiana na baadhi ya watu aliofahamiana nao kabl ya tukio kuanza.


Muda mchache baadae Hamza na Regina walionyeshwa siti zao na kwenda kukaa mbele kabisa.


Haikuchukua muda mrefu pia , viongozi kadhaa wa serikali walipanda juktwaani na kutoa hotuba fupi ambayo ilikuwa ndio kama ufunguzi wa tukio hilo la mnada na harambee.


Hatua ya kwanza ilikuwa ni mnada kwanza na kisha ndio harambee ingefuatia.


Na haraka haraka ili kuokoa muda , mtu wa kuongoza mnada alikaribishwa na rasmi mnada ukaanza.


Kitu cha kwanza kupigwa mnada , ni mchoro kutoka katika moja ya kituo cha kulelea Yatima kilichopatikana Mkoani Tanga Wilaya ya Lushoto milimani.


Kulikuwa na kila aina ya vitu , iwe michoro , vifaa vya kuchomga na vitu vingine vingi vya kisanii , lakini hata hivyo, vitu hivyo havikuwa na thamani sana, isitoshe ufundi uliotumika haukuwa ule mkubwa. Ila matajiri walivinunua kwa hela nyingi zisizopungua laki nne.


Ilivyofikia zamu ya watoto wa kituo cha Foot , wakiongozwa na wadeni wao , waliweza kutoa karatasi kubwa kabisa iliokuwa imekunjwa kunjwa na mara baada ya kufunguliwa, kulionekana michoro ya aina nyingi katika karatasi hio ya pamoja . Moja ikiwa ni maua , michoro mingine ilikuwa majengo na nk. Ilionyesha dhahiri watoto walishirikiana kuchora mchoro mmoja. Na kisha kuupatia jina la Mchoro wa Kesho yetu.


Mshereheshaji wakati wa kuutolea maelezo mchoro huo , alimpa nafasi pia Madam Wadeni kusimama , huku akisema hela zote zitakazopatikana katika mchoro huo zitaenda moja kwa moja katika kituo chake bila ya kupunguzwa hata kidogo.


“Bei ya kuanzia ya huu mchoro ni laki moja , kila mtu anapaswa kuongeza elfu hamsini kila anapotaja bei”Aliongea.


“Nitauchukua kwa milioni kumi”Aliinua kibao Katibu Gondwe.


Kununua mchoro huo kwa milioni kumi , licha ya kutokuwa na thamani , ilionekana kiasi kingi cha pesa. Na watu wengi walimpongeza kwa kupandisha bei haraka mpaka kufikia milioni kumi.


“Watoto ni taifa la kesho , siwezi kuwasaidia watoto wote kwa hiki kiasi kidogo , kitu pekee ninachoweza kufanya ni kuonyesha ukunjufu wangu wa moyo , hivyo msinipongeze sana , mimi Gondwe ni suala dogo sana hili kwangu”Aliongea akiwa amesimama .


Kutokana na alichofanya , watu wengi waliona aibu kushindana nae , isitoshe walifahamu ndio aliewaalika watoto wa kituo cha Foot kutoka mbali morogvoro huko , hivyo alihitaji nafasi ya kujionyesha. Hivyo mabosi waliona haina haja ya kufanya mambo kuwa magumu kwake.


Isitoshe mchoro huo ulikuwa ni kama takataka tu baada ya kuununua , hata kama ungeuzwa kwa elfu kumi usingekuwa na thamani hio. Hivyo hakuna alieuhitaji.


Mara baada ya Katibu Gondwe kuongea hivyo, palepale alitembea na kumsogelea Madam Wadeni na kupeana nae mkono huku akiwapa nafasi waandshi wa habari kupiga picha.


Madam Wadeni hakuona shida , alionyesha ushirikiano na alienda mbali kutoa shukrani zake nyingi kwa niaba ya watoto.


Mara baada ya kuona tukio hilo na matendo yanayoendelea , Hamza alishindwa kabisa kuzikabili hasira zake na kuishia kucheka kikauzu na kuongea kwa sauti;


“Baada ya kupiga picha zote hizo , unatoa hela ndogo hivyo ?”


Ingawa sauti yake haikuwa kubwa sana , lakini ilitosha watu wengi kuisikia ndani ya ukumbi huo uliokuwa tulivu.


Isitoshe pia mwanaume ambae ameambatana na Regina , alikuwa ni sehemu ya macho ya watu wengi na walitamani kujua ni nani haswa , lakini hawakuweza kuuliza.


Katibu mara baada ya kusikia kauli ya Hamza , mwonekano wake ulikakamaa na aliishia tu kutoa tabasamu kuficha hasira yake.


“Wewe ni mshirika wa Mkurugenzi Regina sio. Inaonekana una maoni mengi kuhusu mimi , naweza kujua jina lako na cheo chako kama hutojali”Aliongea.


“Mimi sio Mdoshi kama wewe, kazi yangu ni ya ulinzi tu “Aliongea Hamza.


“Nini!” Mara baada ya kusikia Hamza alikuwa ni mlinzi tu halafu anajaribu kuongea ongea alijikuta akikunja uso kwa hasira.


“Yaani mlinzi tu halafu unathubutu kukejeli ukarimu wangu ? Bosi Regina ni tabia gani hii ya mtu uliekuja nae?”


“Hujamuelewa tu alichomaanisha , anasema punguza ubahili”


“Wewe..” Katibu ghafla tu alikosa usemi na kufanya watu waliosikia kauli hio kushindwa kujizuia na kuachia kicheko.


Regina alimwangalia Regina kwa sekunde kadhaa na kisha aliinua kibao chake juu.


“Nitaununua kwa milioni mia moja”


“Haaa!!”


Wimbi kubwa la mmako lilisambaa karibia ukumbi mzima , mara baada ya kusikia kauli ya Regina . Hata mwendesha mnada mwenyewe alijikuta akishangaaa na kudhania , labda amesikia vibaya.


“Samahani! Mkurugenzi Regina , unamaanisha milioni mia moja?”Aliuliza kupata uthibitisho.


“Ndio” Regina aliitikia.


Hamza aliishia kumwangalia mke wake na kujiambia huyu msichana anaelewa kauli ya mke anapaswa kumfuata mume. Kiasi hicho cha pesa kilikuwa kikubwa kulinganisha na milioni kumi aliotoa Katibu na kumkomesha kabisa.


Mwendesha mnada alijifikiria mwenyewe na kujiambia kama mchoro huo unaweza kuuzwa kwa milioni mia moja , si jiwe la rangi tu kando ya barabara linaweza kugeuka almasi na kuuzwa kwa bilioni?.


Waandishi wa habari waliokuwa ndani ya eneo hilo walimmulika Regina na picha za kutosha na hawakumjali tena Katibu Gondwe. Kwenye vihwa vyao walikuwa wakijiambia , hio ni taarifa kubwa kesho kwenye vyombo vya habari.


Katibu Gondwe alikuwa na hasira kiasi kwamba uso wake mweupe uligeuka kuwa mwekundu, ilikuwa ngumu kwake kutoa zaidi ya milioni mia kununua uchafu unaoitwa mchoro kwa ajili ya kushindana na Regina.


“Milioni mia , kwa mara ya kwanza , milioni mia kwa mara ya pili...”


Ile watu walipodhani , Regina anakwenda kuutwaa mchoro kwa kiasi cha milioni mia moja , sauti nyingine kutoka nyuma ilisikika.


“Milioni mia mbili!”


Yulia na sauti yake ya maringo aliongea . Hali ya msisimko ilipaishwa zaidi na kauli ya Yulia Sio kwamba hakukuwa na matajiri wakuweza kutoa kiasi hicho cha pesa ndani ya eneo hilo , kulikuwa na matajiri wakubwa tu kama Tajiri Salim , Tajiri Bilali, Tajiri Rost na wengine. Licha ya kwamba wengi wao walikuwa wakitoa misaada kwa watu wenye uhitaji , lakini ni wachache waliokuwa na moyo wa kutoa zaidi ya milioni mia mbili kwa pamoja.


Kingine hakuna ambae alikuwa tayari kushindana na mrembo Regina ambae alikuwa ni kama malaika wa biashara ndani ya Tanzania? Waliona haina haja ya kushindana na mwanamke huyo.


Umati huo ulishindwa kujua nini kinaendelea , ukweli ni kwamba Katibu Gondwe ambae alipanga kuchukulia mnada huo kama sehemu ya kujitangaza katika mbio zake za kuwania Ukurugenzi wa shirika la misaada dunani ukanda wa Afrika , hakujua cha kuongea tena , kwani alifunikwa na akafunikwa tena.


Mwanzoni aliona ni sawa kwa mwanamke kauzu kama Regina kushindana nae maana alishazoea kama mfanyabiashara , lakini mpaka Yulia , Mwenyekiti wa makampuni ya Prima


Wanyika. Nani wa kuthubutu kushindana nae , ilihali hata cheo chake kilitokana na koneksheni na familia hio .


Katibu huyo aliishia kutoa tabasamu la wasiwasi na kisha bila ya kupenda alijikalisha chini na kutulia. Ilionekana dhahiri hakutaka kuendelea kutaja bei.


Hamza upande wake alihisi kuna kitu hakipo sawa na ilikuwa ni kweli , kwani mara baada ya kumwangalia Regina , macho ya mwanamke huyo yalikuwa na hali ya ukauzu usiokuwa wa kawaida.


Upande mwingine Yulia alikuwa akijisikia raha, alimwangalia Regina na tabasamu la kejeli, lililojaa uchokozi.


“Milioni mia tatu” Regina aliinua kibao kwa mara nyingine na kuongea.


Kwa mara nyingine hadhira ilishikwa na mshituko. Mwendesha mnada kidogo tu azimie.


Katibu Gondwe aliishia kutoa kitambaa tu na kujifuta jasho. Hakutaka kuongea neno na aliishia kujiuliza ni watu gani hawa?.


Alikuwa akifikiria fikiria kutoa kiasi kikuibwa cha pesa , maana aliona kama angekosa mchoro huo , ingekuwa ngumu kwake kujitangaza na picha alizochukua.


“Milioni mia tatu kwa mara ya kwanza..”


Bila ya kusubiri mwendesha mnada kuongea kwa mara ya pili , Yulia aliinua mkono wake tena.


“Bilioni moja”


Kwa namna ambavyo Yulia alitamka neno , Bilioni moja ni kama alikuwa kwenye duka la mangi na ananunua pakti ya sigara.


Matajiri wenye asili ya kihindi na kiarabu waliokuwa ndani ya eneo hilo , walijikuta pia wakishikwa na butwaa.


Bilioni moja. Kwao waliona ni kubwa sana na ingefanya mambo mengi ya kuendeleza biashara zao. Baadhi ya wajasiriamali waliokuwa na mitaji chini ya bilioni moja sura ziliwashuka , ilikuwa hela nyingi sana.


“F*ck! Naota au , ni kweli Yulia katangaza kutoa bilioni moja kwa ajili ya ule mchoro?”


“Kwenye maisha yangu yote ni bwana mdogo ndani ya suruali yangu anaeweza kutema bilioni moja pekee”


“Hahahah..”


Kundi hilo la watu waliishia kucheka na kushangaa. Lakini kwa wakati mmoja walimuone wivu Wadeni kwa kuwa na bahati namna hio kwenye usiku huo wa mnada.


Upande wa Madam Wadeni , alitaka kuzimia. Licha ya kwamba kituo chake kishapokea msaada mkubwa , lakini bilioni moja ilikuwa hela nyingi sana.


Hamza hakujali ni kiasi gani Yulia anatumia, jambo kubwa hapo ni kwamba Regina alikuwa akitaka kupasuka kwa sababu ya Yulia.


Regina aliishia kugeuza kichwa chake na kumangalia Yulia na kisha palepale alikunja ngumi na kuinua mkono wake juu.


“Bilioni kumi”


“Pwaah!”


Waliokuwa wakinywa vinywaji kidogo kidogo , walijikuta wakitema chini kama vile vinywaji vimekuwa vichungu ghafla mara baada ya kusikia kauli ya Regina.


Eneo lote lilipatwa na hali ya ukimya ghafla , matajiri waliokuwa ndani ya eneo hilo , ghafla tu walijikuta mikono yao ikianza kuwatetemeka. Hawajawahi kuona mnada kichaa wa namna hio ukitokea ndani ya ardhi ya Tanzania.


Tena kwa kununua mchoro ambao haukuwa na thamani yoyote , lakini ghafla tu unafikia thamani ya bilioni kumi.


Yulia alijikuta akikunja sura , huku akimwangalia Regina na mshangao


“Bosi Regina , usiwe na haraka , bilioni kumi ni hela nyingi sana..”


“Kweli kabisa , haina haja ya kushindana na


Yulia , utajiri wao ni wa kifamilia”


Baadhi ya wajasiriamali waandamizi , waliokuwa na mahusiano mazuri na Regina walijaribu kumtuliza atengue kauli.
 
Bilioni kumi waliona ni hela nyingi sana na , ni ngumu kwa Regina kuwa na Cash ya kiasi chote hicho cha pesa , labda auze hisa za kampuni au kuuza vitu alivyokuwa akimiliki.


Kwa lugha nyepesi ni kwamba kama Regina angetumia bilioni kumi , maana yake asingebakiwa na hela binafsi , zaidi ya hisa za kampuni pekee ambazo ndio utajiri wake hukadiriwa .


Ijapokuwa ni kiasi ambacho anaweza kupata ndani ya muda wa mwaka mmoja tu , lakini bado kilikuwa kiasi kikubwa cha pesa.


Hamza hata yeye aliona mwanamke huyo , alikuwa amekurupuka , ingawa alifurahi kuona kituo kinakwenda kupata kiasi kikubwa cha pesa , ila hakutaka mke wake kutumia nusu ya hela zake zote kwasababu alikuwa na hasira juu yake kwa kujihusisha na Yulia.


“Wife hakuna haja ya kutoa kiasi chote hicho. Yulia anatumia hela za familia yake , ila wewe unatumia za kwako ulizopata kwa jasho”Aliongea Hamza.


Regina aliishia kumpotezea Hamza na alimwangalia Yulia akiwa kimya tu.


Vimulimuli vya kamera vilikuwa vikimmulika Regina mfulululizo. Muda huo hakuna aliethubutu kuondoa kamera katika eneo Regina alilokaa.


Mshereheshaji nae , hakuwa na haraka ya kutangaza , alivuta pumzi nyingi na kumsubiria Yulia kuongea.


Yulia aliishia kusinyaza macho yake kwa muda, na mara baada ya kufikiria kwa sekunde kadhaa aliishia kushusha kibao chake chini huku akishusha pumzi.


Ingawa alikuwa na hela nyingi , lakini kama angetumia bilioni kumi , watu wa famili yake wasingekuwa na furaha nae. Hata kama ni kifamilia , kiasi hicho cha pesa kilikuwa kikubwa mno.


Msherehesjaji mara baada ya kuona hivyo , haraka sana alitangaza na kisha akagonga meza chini kuashiria mchoro umeuzwa.


Sauti nyingi za makofi zilisikika ukumbi mzima, licha baadhi ya watu kumuona Regina kama kichaa , lakini wengi walimpongeza kwa ujasiri wake.


Watu wengi walitegemea kwanzia kesho na sherehe zote za christmass na mwaka mpya , tukio la Regina lingekuwa mada ya moto itakayovuma.


Katibu Gondwe aliishia kuufyata huku macho yakiwa yamtemtoka , licha ya yeye pia kuwa mfanyabisahra , bilioni kumi ni hela zake zote za uendesjaji katika biashara zake. Na ule mpango wa kutumia picha kujipa promo ulifutika mara moja.


Baada ya mchoro kununuliwa kwa bilioni kumi , mnada uliofuata ulipooza ghafla. Hata tukio la Harambee hela iliokusanywa haifukifia hata nusu ya kiasi ambacho Regina ametoa.


Mwisho wa Mnada na Harambee , mshereheshaji alikubali ombi la wengi na kumwalika Regina juu ya steji kwa ajili ya kutoa neno ni kipi kimemsukuma mpaka kuamua kutoa kiasi chote hicho cha fedha?.


Hamza mwanzoni alijua mwanamke huyo asingekuwa tayari kupanda juu ya steji na kuongea , lakini ilikuwa nje ya matarajio yake mara baada ya kumuona Regina akisimama na kuanza kuzipiga hatua kusogelea steji.


Mwonekano wa Regina ulikuwa ni wa kikauzu na wa utulivu wa hali ya juu mara baada ya kupokea microphone.


“Najua...”Alianza, “Wengi wenu sasa hivi mnadhani labda nimekuwa kichaa kwa kufanya kitu ambacho naweza kujutia”


Ukumbi wote ulikuwa kimya , huku wengi wakiongea chini , ilikuwa kweli , watu wengi walijua Regina anafanya kitu ambacho angejutia baada ya kutoka hapo.


“Katibu Gondwe naomba nikuulize swali , ukiachana na harakati zako za kisiasa, kama mfanyabiashara , umewezaje kupata hela zote ulizonazo?”


Watu wengi walishangaa , hawakutegemea Regina angemuuliza Katibu Gondwe swali lingine?.


Katibu Gondwe alikuwa kwenye mudi mbaya mno , kama sio Regina yeye ndio angekuwa star wa usiku huo. Mara baada ya kusikia swali kutoka kwa adui wa maendeleo yake aliishia kulazimisha tabasamu .


“Kama mjasirialmali nilijua ni nini wajibu wangu kwa jamii na pili uwezo ninao”


“Uongo!”


Regina alikataa waziwazi jibu la Katibu wa biashara na viwanda na kufanya matajiri wengi waliokuwa ndani ya eneo hilo kumshangaa. Ni kama hawakutegemea kama Regina angekataa jibu waziwazi..


Katibu Gondwe aliishia kutoa tu mdomo , huku akiwa na hali ya kukosa amani na kama mwanaume hakujua namna ya kurudisha jibu.


Hamza aliishia kuangaza macho yake kulia na kushoto na alijikuta akishagaa mara baada ya kuona uwezo wa mke wake kuongea mbele ya watu ulikuwa wa juu mno. Aliona watu wengi walikuwa kimya wakitaka kusikia kile anachokwenda kuongea.


Mara baada ya muda wa ukimya,kila mtu akiwa amemkazia macho kwa umakini , Regina aliendelea ;


“Nimekataa jibu lake kwasababu sio yeye tu ambae anaweza kupata hela , kuna watu wengi hapa wanaweza kutengeneza pesa , ndio maana mpo wengi mliokaa hapa, kila utakae muuliza atakuwa na jibu hilo hilo , hakuna ambae atakataa, hana uwezo wa kutengerneza hela. Kuwa na uwezo wa kutengeneza hela , sio kwasababu ya uwajibikaji wenu kwa jamii , sababu ambayo inawafanya kuwa na uwezo wa kutengeneza kiasi kikubwa cha pesa ni kwasababu mnajisikia vizuri mkiwa na hela nyingi , hivyo mpo tayari kufanya chochote kuona mnahela nyingi, Kwenu hela ni kama madawa ya kulevya , hamna namna ya kujisikia vizuri pasipo kuwa na hela za kutosha”


Watu wengi walimsikiliza kwa umakini , wengi walikubaliana nae na wachache pia ambao hawakukubaliana nae walikuwepo.


“Bosi Regina yupo sahihi , sio uwezo wetu unaotufanya kuwa na pesa nyingi pekee bali ni tamaa zetu ndio zinatusukuma kutengeneza pesa nyingi , matajiri wanapenda kuona akaunti za benki zikizidi kuongezeka masifuri na hakuna kiasi ambacho wanaweza kusema hiki kinanitosha”Aliongea mmoja.


Aliamini matajiri kuwa na hela nyingi sio kwasababu ya uwezo pekee wa kuzitengeneza , bali kutokana na hela kwao kuwa sehemu ya furaha yao , wapo tayari kufanya lolote hata kama ni nje ya uwezo wao kuona wanaingiza hela.


Yanahitajika matamanio ya kuzipenda hela sana ndio kuweza kuzipata nyingi , kwani bila matamanio huwezi kwenda mbali kuzipata .


“Pengine wote mnashangaa , kama nimeweza kutengeneza kiasi chote hiki cha pesa kwa nguvu kubwa , kwanini nitumie kiasi kikubwa mara moja kutoa msaada ? Sababu ni moja tu kwangu , hela kwasasa hazinifurahishi.


Watu wengi walikunja sura , kama isingekuwa ni Regina anaetamka maneno hayo , hakuna ambae angeendelea kusikiliza.


Nani asiefurahishwa na hela? Hizo si kauli za masikini pekee ,kauli maarufu ya sizitaki mbichi hizi?.


“Ni wangapi kati yenu mnakumbuka mara yenu ya kwanza kuingiza kiasi kukubwa cha fedha ni hisia za aina gani mlizopata, ni furaha gani mliojisikia?”


Aliuliza Regina huku yeye mwenyewe akiwa amenyoosha mkono juu. Matajiri wengi waliokuwa ndani ya eneo hilo walinyoosha mikono yao juu , wakiwa na hali ya kumbukumbu za nyuma.


Kwao kiasi kikubwa cha kwanza kutengeneza katika maisha yao , hisia waliozpata ndio zilikuwa za aina yake.


“Mimi bado ni mchanga , lakini najua fika baada ya miongo kadhaa nitakuwa kama mabosi wengi mliopo hapa. Nitakuwa ni mwenye kukumbuka siku nilioweza kuingiza kiasi kikubwa cha pesa kwa mara ya kwanza. Hata hivyo je sasa hivi ni kama mwanzo , je mkiingiza kiasi kikubwa mnapatwa na hisia mlizopata wakati mkipata kiasi kikubwa cha pesa kwa mara ya kwanza? Jibu ni kwamba hamuwezi. Sasa hivi mnajua hata kama mpate hala nyingi hamuwezi kuwa na furaha wala kupata msisimko mliokuwa nao mlivyofanikiwa kwa mara ya kwanza”


“Sisi ni kama mashetani ambao ili tuishi lazima tule hela bila kukoma , ndio maana kila kukicha tunawaza kukusanya hela ambazo tayari zishakosa thamani kwetu. Na kadri tunavyokula hela ndio njaa zinavozidi kutushika na kuona labda kiasi fulani kitanifanya kuwa na furaha , hivyo ngoja nijitahidi. Tunaishia kununua , Private jet , maboti ya kifahari , makasri na mengineyo lakini licha ya hivyo kila kitu kinakuwa kawaida. Hatimae tunaanza kufa ganzi , tunapatwa na homa ya ajabu inayoitwa kutoridhika”


Matajiri wengi walikuwa na hali zisizoelezeka katika nyuso zao. Ilikuwa kweili , zamani kupata bilioni kuliwafanya kuwa na furaha , lakini kipindi hicho kupata bilioni haikuwafanya kuwa na furaha , walitaka mabilioni na hata wakipata hayo mabilioni wanajikuta hawaridhiki na watakaka zaidi na zaidi , mwisho wa siku sio kutafuta hela tena bali ni ugonjwa wa kutoridhika ndio unaowasumbua.


“Bosi Regina hizo ni athari za kuwa tajiri , kila jambo lina faida na hasara zake”Aliongea mmoja wa wafanyabiashara.


“Kama unahisi hela ni ushetani , kwanini usitoe zote msaada kanisani au msikitini?” Aliuliza mwingine.


“Mnapaswa kuniuliza kwanini nimetoa bilioni kumi kama msaada , jibu ni hili nasijisikia vizuri sana hapa. Kabla sijawaza kutoa msaada wa bilioni kumi sikuwaza kabisa nitapata hisia kama ninazopitia sasa hivi , ni hisia zile zile nilizopata baada ya kupata kiasi kikubwa cha pesa kwa mara ya kwanza. Kutumia hela bila ya kufikiria ni kiasi gani utapata , ni dawa nzuri ya ugonjwa mliokuwa nao matajiri. Imenifanya sasa hivi nijue ni nini nakitaka na sio pepo wa hela anachokitaka kwangu. Kutoa ndio njia pekee ya kulimiliki pepo la njaa ya hela na sio pepo la hela kukumiliki. Ninachokitaka mimi ni umiliki , sitaki hela nataka kuyamiliki maisha yangu”


Regina mara baada ya kutamka kauli ya mwisho kwa nguvu , matajiri wengi walikumbwa na bumbuwazi. Wote walionekana kuathirika na maneno ya Regina kama vile alikuwa akiwahubiria.


“Vizuri! Umeongea vyema”


Haikujulikana ni nani alieongea wa kwanza , lakini ghafla tu watu waliunga mkono na makofi mengi yalisikika.


“Shenzi! Hata mimi pia ngoja nitoe kiasi kikubwa cha pesa kujitia hasara , kufikiria tu kutoa bilioni kadhaa nahisi mwili kunisisimka”Mmoja aliongea.


“Ndio kabisa , msisimko wake unaonekana kuwa mzuri zaidi kuliko kununua boti ya kifahari” Matajiri wengi walionekana hisia zao kuamka , waliona pengine wakitumia hela zao nyingi kutoa msaada wanaweza kuipata furaha ambao wameikosa kwa muda mrefu licha ya kununua vitu vingi vya kifahari.


Regina alishuka nje ya steji , akipongezwa na makofi mengi sana mpaka alipoirudia siti yake.


“Wifey! Kwahio kumbe uwezo wako wa kuongea mbele ya watu ni mkubwa hivi.Nilijua huwezi kuongea neno hata moja mbele ya kadamnasi ya watu”Aliongea Hamza.


“Kama sijui kuongea mbele ya watu , nawezaje kuwasiliana na wafanyakazi wangu. Usiniambie kwenye vikao naenda tu kukaa kimya?”


Hamza alikuwa akijua Regina alikuwa na confidence ya kutosha kuongea mbele za watu , ni hivyo tu alikuwa akitafuta namna ya kumsifia.


“Lakini mke wangu , unapanga kweli kutumia bilioni kumi kwa ajili ya kutoa msaada? Mbona ni kama hela nyingi sana , umemfanya hata Madam Wadeni kuchanganyikiwa”


Bila ya kusubiri Regina kujibu , Yulia alisogea.


Hamza alikuwa na wasiwasi ni kauli gani mwanamke huyo anakwenda kuongea.


“Regina nimekubali kushindwa leo , hotuba yako iliokuwa ni yenye kugusa sana” “Asante”Alijiibu kavu.


Yulia aliishia kumwangalia Hamza na mwonekano wa kichokozi.


“Kesho kutwa naelekea nyumbani kusherehekea sikukuu ya Christmas na mwaka mpya.Unapaswa kutafuta muda wa kuonanakabla sijaondoka”Aliongea


Hamza mara baada ya kusikia sentensi hio , miguu ilimlegea na alitamani kumpiga Yulia kibao cha makalioni. Kuongea hivyo kama sio kumtafutia matatizo ni nini?.


Lakini Yulia alikuwa ashaondoka baada ya kurusha bomu na kumuacha yeye na Regina pekee. Aliangaliwa na jicho sio la kawaida.


“Wife sio kama unavyodhania , ameongea vile kwa ajili ya kutaka tu kutugombanisha , usimsikilize kabisa”


“Unapaswa kumuwahi , amekuwambia anarudi nyumbani kwao?”Aliongea Regina na kisha palepale alitembea kumsogelea Wadeni.


Madam Wadeni alikuwa bado katika hali ya kiwewe , Bilioni kumi za haraka haraka alijihisi ni kama anaota hela zinamdondokea kutoka juu angani.


“Mkurugenzi Regina , nashindwa kujua ni kwa namna gani nikushukuru kwa ukarimu wako. Natamani kupiga magoti na kushukuru kwa niaba ya watoto na wafanyakazi wote wa kituo”


“Madam! Huna haja ya kuwa hivyo ,. Ni kama nilivyosema , nimetoa kiasi hiki cha pesa kwa ajili yangu binafsi kujisikia furaha.Umefanya mambo mengi mzuri kulinganisha na mimi kwenye maisha yako”Aliongea Regina.


“Hili sio jambo dogo kabisa , ukweli nikwambie tu. Sijawahi kuwaza tutakuja kupata kiasi kikubwa cha pesa namna hii kwa ajili ya kituo. Nashindwa hata kujua ni kwa namna gani tunakwenda kuzitumia. Isitoshe wewe na Hamza ni mume na mke naona ni kama nachukua hela za familia”


“Madam kama unahisi kutuo hakihitaji kiasi chote hicho cha pesa , zinaweza kugeuzwa za kitaasisi ili kufikia watu wengi zaidi , nchi yetu ina yatima kibao ambao wanahitaji misaada”


Madam Wadeni mara baada ya kusikia kauli hio ya Regina , alijikuta akishangaa , kama vile alikuwa akifikiria juu ya suala hilo.


“Madam hili ni wazo zuri kweli , unaweza kukaa chini na Mzee Hizza mkajadiliana. Kama kweli mtaunda Foundtadion, itawasaidia kuwekeza hizi hela kibiashara na kuziongeza zaidi na faida inayopatikana itaendelea kusaidia wenye mahitaji. Si ndio wife?”


Hamza alitaka kumuunga mkoo Regina , ili kuwa na furaha , lakini ilikuwa ni kwa bahati mbaya mwanamke huyo alikuwa amekasirishwa na Yulia, hivyo aliaga na kuondoka bila ya kujibu.


“Madam sisi tunakuacha , usifikirie sana kuhusu ukubwa wa kiasi cha pesa , hela inatatua shida nyingi. Kama kituo mnaweza kukaa chini na kufikiria namna ya kuzitumia mtakavyooona inafaa”Aliongea Hamza na kumfanya Madam kutabasamu.


“Namuona Regina anaonekana kuwa na hasira. Ingawa sio sahihi kujua nini sababu , lakini nakushauri kwenda kumbembeleza. Wanawake hawawezi kustahimili kubembelezwa na wanaume wanaowapenda”


Hamza alitingisha kichwa na kisha kumfuata Regina nje.


Ile Hamza anafika nje , wakati Regina akiwa amefikia gari na yeye pia , Regina aligeuka na kumwangalia kwa mshangao.


“Unaenda wapi?”


“Wife si tunaenda nyumbani?”


“Nenda kamtafute Yulia, kwanini unataka kwenda nyumbani na mimi ?”Aliongea Regina bila ya kuonyesha furaha.


“Wife alichoongea Yulia ilikuwa makusudi ya kukufanya uwe hivi , ukiendelea kuwa na hasira utamfanya afurahi”


“Basi mpigie sasa hivi mbele yangu na umwambie huwezi kuonana nae tena na akusahau”Aliongea Regina akiwa na uso wa kikauzu.


Hamza mara baada ya kusikia kauli hio , mwili wake ulikakamaa na kujiambia yote hayo yalikuwa makosa ya Yulia. Ukweli Regina hakuwa na haja ya kwenda mbali hivyo , lakini uchokozi wa Yulia wa siku hio , ulienda mbali sana. Lakini hata hivyo ingekuwa ngumu Hamza kusikiliza kauli ya Regina na kumpigia kweli simu na kumwambia h awezi kuonana nae tena.


Muda huo huo Hamza akifikiria cha kuongea , simu yake ilianza kuita na haraka haraka aliitoa mfukoni na kuangalia nani anampigia na alikuta ni Black Fog.


“Rhoda vipi! Kuna taitzo?”


“Bro Bazo amezingirwa na watu waliovalia Mask. Inaonekana kuna mtu amepanga kumteka Irene “Aliongea Black Fog.


Bazo ni moja ya maninja wa Baffodil ambao walipewa kazi ya kuml;inda Irene kwa siri na kwa umakini wa juu.


Kama lisingekuwa suala kubwa , Bazo asingechukua hatua ya kupiga simu na kuomba msaada. Hata pale Irene alipopata ajali, Bazo hakuchukua hatua kwasbabu halikuwa suala kubwa sana. Labda tu Irene yupo katika hatari kubwa.


Nani anachokoza nyuki?
Unaweza kunicheki pia watsapp kusoma episode 20 za mbele bure kabisa kwanzia episode ya 231 chakufanya nicheki watsapp na pia jisajili fasihinet.com ili uwe na akaunti ya kusomea
TUTAENDELEA..
 
232
Msukule wa Utumwani.


Hamza mara baada ya kusikia taarifa hio, mapigo ya moyo yalienda kasi mno kwa kuhisi tatizo ni kubwa.


“What position!”Hamza aliuliza haraka haraka na Black Fog alitoa majibu ya uelekeo na Hamza alikata simu palepale na haraka sana alifungua mlango wa gari na kuingia ndani.


“Hey! Nini kinaendelea?”Aliuliza Regina mara baada ya kuona sura ya Hamza ilivyokuwa siriasi ghafla tu baada ya kupokea simu.


“Kuna mtu anajaribu kumteka Irene , napaswa kuwahi kutoa msaada , Wife wewe ita usafiri wa Uber kukupeleka nyumbani”Aliongea Hamza.


Regina mara baada ya kusikia kauli hio , palepale aliingia ndani ya gari na kufunga mkanda.


“Wife , unafanya nini , naenda kumuokoa mtu!” Hamza alionekana kushangaa.


“Hata mimi pia nataka kwenda , haijalisihi ni hatari gani unaenda kukutana nayo , haijalishi ni wapi unaenda , usifikirie kuniacha nyuma”Aliongea Regina akiwa na macho yaliojaa usiriasi na ishara ya wasiwasi na woga,.


Hamza moyo wake ulitingishika , alijua mwanamke huyo alikuwa akihofia suala lingine la uhai na kifo kutokea , hivyo hakutaka kumuacha akienda mwenyewe.


Ingawa Hamza aliona haina haja , lakini kuokoa muda aliishia kutingisha kichwa na kuliwasha gari.


Alikanyaga pedeli ya spidi na kuingiza gari ndani ya barabara na kutoka ndugki kama chui alieachiwa kutoka katika kibanda chake na kufanya watu kushangaa na kuona labda Regina alikuwa akijutia kutoa hela nyingi na sasa ukichaa umemshika.


Tukio lilitokea eneo la Mikocheni kwa Warioba kwenye barabara kuu katikati kidogo ya bustani ya kuuzia miti na maua nje kidogo ya Kawe , ni eneo ambalo lilikuwa na miti mingi na hifadhi ya viwanja vya manispaa ya maendeleo ya jiji.


Mara nyingi eneo hilo lilikuwa halikosi watu ambao walikuwa wakielekea na kutoka Mwenge , lakini kutokana na muda pamoja na watu kujiandaa na sikukuu eneo hilo halikuwa na watu wengi.


Muda huo ndani ya eneo hilo kulikuwa na mapigano makali yaliokuwa yakiendelea, kulikuwa na watu kadhaa waliokuwa wakisogea kwenda mbele na kurudi nyuma kwa spidi kubwa , huku sauti za vishjindo na milio ya visu ikisikika.


“Clang , clang!!”


Visu viwili vilionekana kuzuia mashambulizi ya upanga mrefu. Mwanaume aliekinga shambulizi lile alijikuta akirudi nyuma na kukwepa shambulizi lingine kutoka kwa mtu mwingine.


Mwanaume wa umri wa makamo alionekana yeye peke yake akipambana na watu wanne waliovalia Mask nyeusi na mavazi ya rangi ya kijivu. Kwa kuangalia tu nguvu zao zilikuwa ndogo mmoja mmoja kulinganisha na mtu waliekuwa wakimshambulia , lakini kwasababu walikuwa wakishambulia kwa pamoja, walionekana kufanya bwana yule kupata wakati mgumu.


Na kilichomuongezea ugumu zaidi ni kwamba alipaswa pia kumlinda msichana mdogo ambae alikuwa akitetemeka pembeni yake kando ya mtaro.


Irene alikuwa katika hali ya woga kiasi kwamba mpaka machozi yalikuywa yakimtoka , huku mikono yake akiwa amekumbatia begi la madaftari akiwa anatoka kujisomea.


Katika maisha yake hakuwahi kutarajia ghafla tu akiwa katikati ya barabara atasogelewa na watu waliovalia kininja na kutaka kumteka, ilikuwa ni kama anaangalia filamu .


Ni kwa bahati nzuri tu mwanaume alievalia mavazi meusi alijitokeza na kumkinga kwa mbele na kumwambia asikimbie , kwani kuna uwezekano wa wengine mbele.


Muda ule Irene akiwa hajui chakufanya kwa kutokujua aendelee kumwamini mtu aliemwambia asikimbie , ghafla tu alihisi mkono ukilishika bega lake kwa nyuma.


“Ahh!!”


Alijikuta akishituka kwa nguvu huku akigeuka nyuma mara mmoja.


Nyuna yake alionekana mwanaume asiemjua , mwanaume huyo sura yake ilikuwa imepauka sana , huku macho yake yakiwa yamesinyaa kwenda ndani. Alikuwa ni mweusi lakini mwenye nywele ndefu mno kama za kizungu zilizofungwa kwenda nyuma , akiwa katika mavazi ya joho.


“Miss Irene nifuate”Aliongea yule mwanaume kwa lugha ya kingereza, lakini sauti yake ilikuwa kali kuashiria ilikuwa kama ya mwanamke na sio ya mwanaume .


Irene alizidi kutetemeka mara baada ya kuona mtu huyo mwenye muonekano usio wa kawaida , pamoja na sauti yake isioendana na mwonekano.


“Wewe.. Wewe ni nani?”Aliuliza


“Mimi ni Msukule wa Utumwa , sina thamani ya kujulikana kwako”Aliongea.


“Msukule wa Utumwa! Irene alijikuta mwili ukishikwa na baridi mara baada ya kusikia jina hilo.


“Msukule wa Utumwa , maana yake nini?”


“Msukule wa Utumwa ni msukule wa utumwa , hakuona maelezo mengi”Aliongea kwa sauti ya kunong’oneza.


Irene alijikuta akichanganyikiwa zaidi na maneno yake.


“Kwanini mnataka kunikamata?”Aliuliza Irene kwa hofu.


“Msukule wa utumwa kazi yake ni kufuata maagizo ya mtumishi wake , hatuulizi sababu”


Bazo ambae alikuwa amezingirwa na wanaume wanne wakimshambulia , mara baada ya kugeuka aliweza kumuona Msukule wa utumwa na macho yake yalimtoka kwa mshituko.


Palepale alijikuta akipiga sarakasi mbili matatata sana huku siraha zikipita katika uso wake na ile anatua chini alikuwa amepunguza ukaribu wake na Irene.


“Ms Irene sogea karibu yangu”


Irene palepale alitaka kukimbia kumsogelea


Bazo , lakini ila anataka kufanya hivyo yule Msukule wa utumwa , alikuwa ameshajitokeza mbele yake na kumzibia njia.


Ilikuwa ni kwa spidi sana , kiasi kwamba hata Irene mwenyewe hakujua ni kwa namna gani mtu huyo aliweza ghafla tu kuwa mbele yake.


Yule Msukule wa utumwa hakujali mshangao wa Irene na aliishia kumwangalia Bazo kwa macho makali yenye chuki.


Bazo palepale alikumbwa na mlipuko wa nishati za mbingu na ardhi na kwa spidi ya hali ya juu aliruka sarakasi , akiwa ametanguliza kisu mbele na kumsogelea Msukule Wa Utumwa .


Msukule wa utumwa alisogea kama kivuli na kukwepa shambulizi la Bazo.


Lakini ni kama Bazo alishategemea shambulizi lake atalikwepa , vinginevyo asingeweza kujitokeza katika eneo hilo bila ya yeye kumuona. Hivyo lengo lake ni kumfikia Irene na kumpatia ulinzi.


Ilionekana kundi hilo la watu , walichotaka pekee ni kumteka Irene na sio kumuua. Hivyo kidogo hakuwa na wasiwasi sana kuhusu usalama wake.


“Ms Irene kimbia upande wa kushoto kwako , endelea kukimbia na usisimame”Aliongea Bazo kwa nguvu.


Irene haraka sana alianza kukimbia kuelekea uelekeo alioelekezewa. Ingawa spidi yake ilikuwa ndogo sana , lakini alijitahidi kutumia nguvu zake zote kukimbia.


Yule Mtumwa mara baada ya kuona vile , alionekana kutokuwa na haraka na alimwangalia Bazo kwa sura ya kikauzu.


“Unaonekana hujui kikufaacho, nilitaka kufuata maagizo ya master na kutokuua , lakini ukithubutu kuzuia alichotaka Master . Usije kunilaumu mimi Msukule wa Utumwa kuwa mkatili”


Mara baada ya kumaliza kuongea , aliinua mkono wake juu kwa ishara na wale maninja wengine wanne walimuacha Bazo na kwenda kumzingira Irene.


Palepale yule bwana Mtumwa alimsogelea Bazo akiwa katika umbo kama la nyoka. Bazo alitaka kwenda kumsaidia Irene , lakini kwa uwezo alioona kutoka kwa Mtumwa pamoja na kuzidiwa nguvu alijikuta hana jinsi.


Alijiambia mpango ni kummaliza kwanza huyo


Msukule wa Utumwa na kisha kwenda


kumsaidia Irene. Hivyo aliongeza uwezo wake katika kiwango cha juu sana katika kushambuliana na Msukule wa utumwa .


Wakati kila mmoja akimsogelea mwenzake , umbo la Msukule wa utumwa lilikuwa la ajabu mno kiasi kwamba lilitengeneza hali ya kumchanganya Bazo.


Bazo upande wake hakutaka kuingia katika mtefo wa mbinu hio na kwa kutumia kisu chake alisogea na kumltenga Msukule katika eneo alihisi ni shingo .Lakini katika hali ya kutotarajia , Msukule ule wa utumwa haujukwepa kabisa shambulizi lile na badala yake alidaka kisu kile na kilichosikiika ni sauti ya mvunujiko ilioambatana na cheche.


Bazo mara baada ya kuangalai kwa umakini , alijikuta akiwa katika mshangao , aligundua mkono wa Msukule wa Utumwa ulikuwa umetengenezwa na chuma. Mikono yake ilikuwa ni kama ya roboti , lakini umbo lake lilikuwa likitisha mno, ni kama vile ni kucha za Zimwi.


Alijikuta akijiuliza huyu ni binadamu au ni jini? Bazo alijawa na hofu lakini hakuacha kuendelea kushambulia. Alitumia mguu wake mmoja kurusha teke na kumlenga Msukule wa utumwa katika tumbo lake.


Msukule ule wala haukukwepa , na teke lile lilimpata kisawa sawa katika kiuno chake. Alionekana kupata maumivu kiasi cha kutoa mguno lakini haraka sana alitumia mkono wake wa kushoto na kushika paja la Bazo.


“Siiiii!!’


Surulali yake ilichanwa na zile kucha za chuma zilitoboa ngozi yake na kumpelekea maumivu makali.


Bazo alikuwa katika maumivu , alikuwa na bahati tu baada ya kuona kucha zile hazikuwa na sumu, vinginevyo angeweza kufa mara moja.


Lakini mara baada ya muda wa kupambana na huyo Msukule, Bazo aligundua , ijapokuwa alikuwa na kasi katika kushambulia , lakini uwezo wake haukuwa mbali sana na wake , ni kama walikuwa wakilingana ki uwezo, hivyo ingechukua muda mrefu sana mpaka mshindi kupatikana.


Ijapokuwa Bazo alitakiwa kumsaidia Irene kutoka kwa wale maninja wengine wanne , lakini hakuwa na jinsi zaidi ya kumshinda kwanza Mskule wa utumwa.


Upande mwingine , Irene hakwenda mbali sana alikuwa ameshafikiwa na wale maninja wanne na kumzingira pande zote.


Msichana huyo alijua amekwisha kamatwa na watu hao na hana lingine la kufanya kujisaidia, lakini ile watu wale wanataka kumkamata, ghafla tu vivuli vya watu sita vilijitokeza kutoka pande zote za barabara.


Watu hao sita wenyewe walikuwa na mask za vilemba usoni , walionekana kama vile walikuwa maninja kwenye filamu za kihistoria za kituruki.


Irene alijikuta akipiga makelele , ila wale maninja wanne waliokuwa wakimfukuzia walishituka haraka na kuanza kushambuliana na wale watu sita wa mask nyeusi za vilemba, mara baada ya kuhisi nia yao mi kutaka kumuua Irene.


Ghafla tu pambano lilichukua sura mpya , huku Irene akishikwa na wale watekaji na kutupiwa pembeni kwenye majani kwanza kuruhusu pambano.


Bazo mara baada ya kusikia purukushani za mapigano zikitokea upande aliokimbilia Irene, alijikuta akishikwa na hali ya kuchanganyikiwa akijiuliza ni jambo gani lilikuwa likiendelea. Bila kujijua kitendo cha kushangaa alikuwa amempa nafasi adui na kumshambulia.


“Kufa!!”


Msukule wa utumwa mara baada ya kuona Bazo amefanya kosa , palepale alichanua makucha yake ya chuma na kumlenga kifuani kama vile ni kiumbe cha kishetani.


Bazo alijikuta akilaani ndani kwa ndani , lakini hata hivyo alikuwa amechelewa sana kushitukia shambulizi hilo, hivyo ikawa ngumu kwake kukwepa.


Ghafla tu kivuli cha mtu kilitokea katika maua na kumpiga kikumbo Msukule.


Msukule wa utumwa mara baada ya kugongwa na kitu kilichokuwa na spidi kali mpaka kushindwa kushituka alijikuta akifyatuliwa kama mpira huku akitema damu nyingi.


Mara baada ya kuona mwanaume akiwa amesimama mbele yake, Bazo alijikuta jasho la ubaridi likimvaa huku ishara ya tumaini ikimrudia.


“My – Prince!”


Mtu aliemsaidia alikuwa ni Hamza . Hamza alikuwa akiendesha na mara baada ya kuona amekaribia , aliona anapaswa kwanza kuona hali ilivyo kabla ya kusogeza gari karibu , hivyo alishuka na kumuacha Regina kuendelea kuendesha.


Ijapokuwa Hamza aliharakisha kuja mahali hapo , lakini hakufanikiwa kufika haraka , ilikuwa ni kwa bahati tu aliweza kufika kwa wakati na kuyaokoa maisha ya Bazo.


Hamza hakujali makelele ya Bazo na haraka sana aligeuka na kuangalia upande wa kushoto kwake , pambano kali lililokuwa likiendelea na haraka sana alikimbia upande huo.


Hamza alisogea kwa kasi , hakujali kabisa kundi la maninja hao waliokuwa katika levo ya mzunguko kamili wa mafunzo ya nishati , kwake aliwaona kama vifaranga na mbwa tu.


Mara baada ya kumpaisha mmoja na ngumi m wawili wengine aliwapiga na mateke na kufa hapo hapo.


Irene mara baada ya kumuona Hamza ghafla tu ametokea , alijikuta akiacha kulia na sura yake kupoa na kujishika magoti kwa kuhema kwa tabu.


Ilimchukua Hamza dakika moja tu kudhibiti karibia maninja wote , watatu wakiwa wamekufa na wengine kupoteza fahamu.


Hamza mara baada ya kumuona msichana huyo akiwa katika hali ya woga kiasi cha kutia huruma aliishia kumshika mkono kwa namna ya kumpoza.


“Okey! Upo salama sasa”


Irene hatimae alirudi katika akili yake na kujikuta akimkumbatia Hamza kwa nguvu huku akilia.


“Hamza kwanini umechelewa. Naogopa sana...” Upande wa Hamza ukweli ni kwamba hata yeye alikuwa katika hali ya kuchanganyikiwa , muda mfupi mara baada ya kuona hao maninja waliovalia mask wakipigana aliweza kugundua walikuwa na mafunzo yanayofanan, kama vile wametoka kambi moja.


“Hamza , hawa watu ni wakina nani , kwanini wanataka kuniteka? Kuna mtu nimemkosea au kuna mtu anataka kunichukua kwa nguvu kimapenzi kwasababu ya uzuri wangu?”


Hamza alishindwa kujizuia na kutabasamu , huku akjiambia kuna haja gani ya kujifikiria mzuri katika wakati kama huu.


“Unafikiria sana , wewe sio mzuri peke yako mchi hii, mpaka watu waagizwe kuja kukukamata”


“Oh...” Irene alijikuta akianza kufikiria kwanini jambo hilo limemtokea na mara baada ya kuwaza mtu aliemkosea jina moja tu ndio lilijitokeza kichwani mwake.


“Au ni Sister Regina amegundua kinachoendelea kati yetu ndio maana ametuma watu kunikamata..”


“Wewe hebu acha kufikiria ujinga, najua hawa watu wanatokea wapi , lakini sijui kwannini walitaka kukuteka na wengine walionekana kutaka kukuua”Aliongea Hamza.


Wakati Hamza akiongea aliweza kuona kulikuwa na baadhi ya maninja waliokuwa wakijivuta vuta kwa maumivu wakipanga kurotoka.


“Bazo!”


Aliita Hamza na palepale Bazo alisogea na kuwazimisha maninja hao kwa mara nyingine.


“Atakaejaribu kusogea tu , anakufa”Aliongea Bazo kwa tahadhari huku akichezesha kisu chake mikononi.


Hamza mara baada ya kumtuliza Irene , alimwambia akae pembeni na kisha alisogelea wale watu na kuwaangalia kwa namna ya kuwachunguza.


“Mmetumwa na Mathias Huge si ndio”Aliuliza Hamza.


Swali la Hamza lilimfanya Bazo kushangaa.


Hakutarajia maninja hao walikuwa watu kutoka Binamu na staili zao za mapigano kuwa za watu wa Bondeni.


Maninja kadhaa ambao walikuwa na fahamu waliishia kuziba midomo yao wakionyesha hawakuwa kabisa na mpango wa kuongea.


“Hata kama msitake kuongea , najua mnapotokea kutokana na mbinu zenu za mapigano na nembo za mavazi yenu. Msipo nijibu moja kwa moja nitaamini mnatokea kisiwa cha Binamu, hivyo nitamuuliza Mathias mwenyewe anipe maelezo”Aliongea Hamza.


Muda huo , Msukule wa utumwa ambae alijeruhiwa na Hamza , alionekana kurejewa na nguvu na kusimama kusogea karibu.


“Mr Hamza , Master wangu hakuwa na nia ya kumdhuru kabisa Irene . Tulitumwa hapa kwa ajili ya kumlinda pekee na pia kumpeleka kisiwani kama mgeni”aliongea Msukule Mtumwa kwa sauti ya shida.


“Wewe ni towashi!?” Aliuliza Hamza akiwa amekunja sura.


Hamza alikuwa na uwezo wa kumjua bwana huyo kuna kitu hakipo sawa kupitia sauti yake na pia msisimko wa nishati yake ya mbingu na ardhi ilikuwa sio ya binadamu wa kawaida.


“Msukule wa Utumwa ni vijakazi wa familia ya Master Mathias Huge , Mtumwa ni mtumwa yaani msukule”Aliongea na Hamza macho yake yalionekana kuelewa kitu.


“Nishawahi kusikia watu wa Binamu wamekuwa na utaratibu wa kuasili wavulana Yatima kwa kuwakusanya duniani kote na kisha kuwakata sehemu zao za siri na ulimi , ili kuwawezesha kuvuna nishati za mbingu na ardhi kwa wepesi bila kuchanganywa. Sijawahi kuamini kama ni jambo la kweli, kumbe ndio nyie mnaofahamika kama Misukule ya utumwani”Aliongea Hamza.


“Kwasababu umesema wewe ni kijakazi wa familia ya Huge , kwanini amekuja kunichokoza , ilihali tayari ana madaraka yote ndani ya watu wa Bondeni na Binamu. Au amechaganyikiwa?” Aliongea Hamza


Msukule wa utumwa alijua hakuwa na uwezo wa kupambana na Hamza , hivyo aliishia kuvumilia Master wake akisimangwa.


“Mr Hamza , unapaswa kujiuliza kwanini hao wenye Mask za vilemba , walikuwa wakitaka kumuua Irene?”


Hamza mara baada ya kusikia kauli hio alisinyaza macho na kisha aliwageukia wale maninja.


“Hata mimi nilikuwa nikijiuliza , nyie si wote mnatokea sehemu moja, Kwanini wengine mpo hapa kwa ajili ya kuteka na wengine mpo kwa ajili ya kuua?”


“Mr Hamza , hao unaowaona wametokea familia ya Dosala”Aliongea Msukule wa utumwa kwa kumaanisha.


“”Watu wa familia ya Dosala! Unamaanisha wametumwa na Mzee Dosala na mwanae?” “Ndio , upo sahihi kabisa”Alijibu.


Hali ya wasiwasi , ilionekana katika macho ya Hamza.


Mzee Dosal aliemtaja alikuwa ni moja ya familia huko bondeni ya ukoo wa Dosa.


Dosa ni jina la ukoo na herufi mbili za mbele zilikuwa ni uwakilishi wa mzaliwa ,Kama ilivyo kwa babu yake Regina aliefahamika kwa jina la Dosam , sasa alikuwa na kaka yake wa damu aliefahamika kwa jina la Dosal licha ya mama kuwa tofauti.


Sasa ni sawa na kusema Dosal ni babu yake Regina na inasemekana hakuwa na uwezo wowote wa nishati za mbingu na ardhi na alitegemea nguvu ya nje , yaani konekshni kutoka mataifa yenye nguvu kwa ajili ya kuwa na nguvu ndani ya kitengo cha Binamu na Bondeni.


Mtoto wake Dosal , alikuwa ndio yule Mzee Suwi aliejaribu kumpokonya Regina pete , wakati wa msiba wa bibi yake, lakini Suwi yeye alikuwa ni mtoto wa kuasiliwa , hivyo hakuwa na damu sawa na ya familia ya Regina, hivyo ni sawa na ksuema kizazi kipya cha damu ya Dosa kilichobakia alikuwa ni Regina peke yake.


Hayo yote Hamza aliyafahamu na alijiuliza , kama ni hivyo kwanini Mzee huyo kutuma watu kuja kumuua Irene , kuna uhusiano gani ama siri gani ambayo imefanya maamuzi hayo yafanyike kwa maninja kutumwa kumuua Irene?.


Hamza muda ule alijikuta akishiindwa kujizuia na kukumbuka chuki ambayo bibi yake Irene alionyesha mara baada ya kuonekana na yeye. Alijiuliza au chuki ile ilikuwa na uhusiano na suala kama hilo?.


Hamza hakuwa na majibu ya kutosha na alijiona ajipe muda kujua sakata hilo kwa undani.


“Kwanini Mzee Dosal akatuma mtu kwa ajili ya kumuua Irene?”Aliuliza Hamza.


Irene aliekuwa akisikiliza , alijikuta akichanganyikiwa pia , licha ya kwamba hakuwa akielewa chochote kinachoendelea , lakini alitaka kujua kwanini watu hao walitaka kumteka na wengine walitaka kumuua.


“Mimi ni Mskule tu maana yake sijui kitu”aliongea.


“Hujui au hutaki kuongea?”Aliuliza Hamza.


“Sijui. Hata kama Mr Hamza umpige huyu Msulule wa Utumwa mpaka kifo chake , hawezi kujua kitu”


Hamza hakuwa na nia nyingine tena , alimpa ishara Bazo na palepale aligeuka na kumkumbatia Irene kwa mbele na kufanya macho yake kuwa kifuani mwake, ili asione kinachoendelea .


Irene hakujua kwanini mwanaume huyo ghafla tu alimkumbatia kwa mbele. Lakini ndani ya sekunde aliweza kusikia ukulele kutoka mbele yake.


Mara baada ya muda, Hamza alimwachia Irene na kuondoka eneo hilo akiwa amemshika mkono .


Irene alijikuta akishindwa kujizuia na kugeuza kichwa chake kuangalia kinachoendelea na alijikuta uso wake ukifubaa mara baada ya kumuona Bazo alikuwa amemuua yule Msukule wa utumwa na wale wengine ambao walikuwa hai na sasa alikuwa akiwaondoa barabarani na kuwatupia kwenye kiwanja kilichozungushiwa ukuta.


“Usiwe muoga , kwasababu ushapitia hili kwa mara ya kwanza , basi ni hakika utapitia tena hali kama hii baadae..”Aliongea Hamza wakati akimwangalia msichana huyo na tabasamu.


“Ila nitakulinda bure kabisa bila ya kunipa hela hata kidogo.”


Irene alijikuta ujasiri ukimvaa mara baada ya kusikia maneno ya Hamza na hatimae kutulia.Alijikuta akijibana kwenye mwili wa Hamza kimahaba na kumnong’oneza. “Hutaki nikulipe kwasababu unajua naweza kukulipa kwa staili nyingine”


Hamza alihisi kitu laini na cha kuchoma choma kikigusa mkono wake , na kujiambia huyu mtoto alikuwa amefanikiwa kuwa na mtaji mkubwa kifuani kwake.


Ile Hamza anataka kuongea neno , ghafla tu gari lilitokea katika makutano ya barabara ya kuingia Kawe na Mikochen B na kumulikwa na tochi.


Regina akiwa kwenye gari aliweza kumuona Hamza na Irene namna walivyokuwa wameshikana na kutembea , walionekana kuwa wapenzi kabisa.
 
Regina aliekuwa na hali ya wasiwasi , dakika kadhaa zilizopita , aijikuta akikunja ngumi kwa hasira mara baada ya kuona jambo lile. Macho yake yalikuwa yamejaa ukauzu wakati akishuka kutoka kwenye gari.


Hamza alikubwa na hofu na haraka sana alitoa mkono wake kutoka kwa Irene na kujiweka pembeni , huku akitoa tabasamu la wasiwasi.”


“Wife nadhani haujafikiria vibaya..”Hamza aliongea kujitetea.


Irene kwa aibu alirudi nyuma ya Hamza huku akimwangalia Regina kwa hofu.


“Sister Reg..”


“Mimi sio dada yako” Regina alikaripia.


“Wife nipe nafasi nijielezee”


“Nina macho , sitaki maelezo yako. Yaani nimekuchukulia poa sana , imegeuka mwalimu na mwanafunzi mmeamua kutegana kwa michezo ya kuongopeana kutekwa. Eti Irene anataka kutekwa , kumbe kuja mpaka huku navuruga mipango yenu ya kimapenzi”


Hamza alijikuta akikosa neno , mara baada ya kuona Regina kuelewa vibaya na kutoona kweli kulikuwa na shida. Ila kwa mtu yoyote angefikiria hivyo , maana hakukuwa na ishara yoyote ya watekaji ndani ya eneo hilo na kubwa zaiudi ni kama magari yalikuwa yamezuiliwa kwa muda na sasa yalikuwa yakipita kwenye barabara hio na kufanya kila kitu kuonekana kawaida.


“Wife , sio kama unavyofikiria , ni kweli hali ilikuwa ya hatari sasa hivi . Nisikilize taratibu ni suala pia linalohusiana na wewe” Hamza aliona anapaswa angalau kumwelezea Regina juu ya suala ambalo Msukule wa utumwa aliongea.


Lakini Regina angewezaje kupata mudi ya kuendelea kumsikiliza.


“Hayo hayanihusu mimi , mnaweza kufanya mnavyotaka”


Mara baada ya kuongea hivyo , kwa hasira alirudi katika gari na kuligeuza na kuondoka.


Hamza aliishia tu kuganda katika eneo moja , huku akikuna kichwa chake na kisha palepale alilazimisha tabasamu na kumwangalia Irene. “Nitakurudisha nyumbani kwanza”


“Nimemkasirisha Sister Regina sana eh ?”


“Ana hasira na mimi sio wewe , usifikirie sana”aliongea Hamza.


“Hamza , nakupenda lakini sitaki kugombana na Da- Regina , nilidhania kwasababu una wanawake wengine hatojali ukiwa na mimi pia”Aliongea Irene.


Hamza alijua alichoongea Irene ni kweli , lakini kuhusu Regina hali ilikuwam imebadilika sana tokea wafahamiane. Safari ile ya kwenda Ulaya ilikuwa imebadilisha sehemu kubwa ya mahusiano yao na kuingia katika ubora mwingine kabisa.


Zamani Regina asingejali sana kwasababu ya aina ya kukutana kwao , lakini kipindi hicho moyo wa Regina ulikuwa umekomaa sana kimapenzi. Lakini pia ilikuwa ngumu kwa Hamza kusema Regina hakuwa na furaha kwasababu ya wivu , ilikuwa ni kuonyesha alikuwa akijali.


Lakini hata hivyo Hamza ilikuwa ngumu kwake kukata mawasililiano mara moja na kila mwanamke , hivyo alipanga taratibu kuwasiliana na Regina mpaka amuelewe .


Alijua mchakato huo ungekuwa na changamoto nyingi lakini Hamza aliamini kwa namna yoyote ataweza kufanikiwa.


“Irene , usiongee chochote tena , nitakupeleka kwanza nyumbani kwenu”Aliongea Hamza na palepale alitoa simu kuita taksi , lakini Irene alimzuia na kisha akanyoosha mkono nyuma kumuashiria Bazo aliekuwa akisogea taratibu taratibu kwa umbali.


“Yule mjomba wewe ndio uliemtuma kunilinda, si ndio? Ni bora yupo hapa. Wewe nenda kamtafute Sister Regina ana hasira na haitokuwa vizuri ukinipeleka nyumbani. Utamfanya awe na hasira zaidi”


“Si muda mchache tu mpaka kufika kwenu? Sina haja ya kujali sana nitawahi tu kurudi”Aliongea Hamza.


“Muda mchache! Wanawake wanajali huo muda mchache kuliko mwingi utakaompa. Wewe nenda , mimi niko sawa , maana watu wabaya wenyewe washakufa”


Hamza hakutaka kuendelea kumsikiliza Irene akimbembeleza maana hata yeye alikuwa na wasiwasi na Regina , hivyo hakuwa na jinsi na kumpa taarifa Bazo kumsindikiza Irene mpaka nyumbani.


Hamza aliishia kuvuta pumzi na kuzishusha , hakutegemea Irene angeweza kumfikiria kuhusu hali yake. Alijiambia kadiri msichana huyu atakavyoendelea kuwa hivi ndio namna itakavyokuwa ngumu kwake kumpotezea.


Kwasababu kulikuwa na giza Hamza hakuona haja ya kuchukua taksi maana ingemchukua muda mrefu kuzunguka , hivyo ghafla tu alipotea.


Irene mara baada ya kuona Hamza amepotea ghafla tu katika macho yake , alijikuta akipatwa na mshangao, huku akipepesa kope zake mara nyingi .


“Uncle huyu Hamza ni nani , kwanini ana uwezo wa ajabu hivi?”Aliuliza na kumfanya Bazo kufikiria kidogo kabla ya kujibu.


“Ms Irene , jukumu langu pekee ni kukulinda” “Oh! Basi sawa , nilitamani kama ungeniambia kidogo kuhusu Hamza , ila haina shida unaweza kunisindikiza turudi , Tunapanda wote kwenye taksi?”Aliuliza Irene akiwa tayari alisharequest na gari ilikuwa ikisogea ueleko wake.


“Nitakulinda kwa siri”Aliongea na kisha palepale alirukia upande mwingine wa fensi na kupotea.


Irene macho yake yaliishia kuchanua, alijiambia licha ya kuona mambo mengi katika mitandao na kucheza magemu na kuangalia filamu , ila kuna mambo mengi ya kushangaza yaliopo katika uhalisia.


Ghafla tu ile hofu ya kutekwa ilipotea yote na alijihisi ni kama mwigizaji.


Wakati Irene akipata Taksi kurudi nyumbani , upande wa Hamza alikuwa akikata kona mitaa kuwahi kurudi nyumbani.


Ile anafika tu ndio na Regina pia alikuwa akiingiza gari gereji na kutoka kuingia ndani.


Regina mara baada ya kurudi tu nyumbani alitupa mkoba wake na kwenda moja kwa moja mpaka chumba cha kujisomea na kujifungia.


Hamza ni kama alivyotegemea na alipitia dirishani kwake na kurukia kwenye balkoni ya dirisha la chumba alichokuwepo Regina na kusimama nje ya kioo kilichokuwa kikimuonyesha kwa ndani.


Kama kawaida aliweka muonekano wa kujitilisha huruma huku akimwangalia Regina aliekuwa ndani kwa hisia nyingi.


Mwanzoni Regina hakumuona Hamza , lakini mara baada ya kuvimba akiwa amekaa kwenye kiti , hatimae aliweza kuona kivuli cha mtu na aligeuka ndio alipoweza kumuona Hamza alikuwa amesimama kwenye balkoni.


Hamza hakuongea chochote wala hakujitingisha , alikuwa akivuita subira Regina kumuona .


Macho yao yalikutana , Hamza alitoa tabasamu lakini hakuongea chochote na kuishia tu kumwangalia.


Upepo wa baharini ulikuwa mwingi nje, jiapokuwa ilikuwa ngumu kumwathiri Hamza , lakini kwa Regina alifikiria ulikuwa ukimwathiri .maana katika jicho la mapenzi hakumchukulia Hamza kama sio wa kawaida.


Lakini hata hivyo Regina alikuwa amechukia na alijifanyisha kutokujali na alijimiminia maji kwenye glasi na kisha alirudi kwenye kiti chake na kuendelea kujiweka bize na kazi .


Hamza hakuongea chochote , wala hakusogea , aliishia tu kusubiri na mwonekano wake wa ukimya.


Mara baada ya nusu saa kupita Regina alijikuta akigeuka na kugundua Hamza bado alikuwa amesimama , ijapokuwa alikuwa amechukia lakini hakujisikia vizuri.


Alijikuta akisimama na kusogelea mlango na kuufungua.


“Unafanya ninii wewe? Unadhani ni sahihi kujitilisha huruma ?”


Hamza alijivunia na mbinu yake kwa kuamini Regina lazima angemwonea huruma , lakini licha ya hivyo aliendelea kuweka sura ya kizembe.


“Wife najua nimekukosea , lakini nilijua usingeweza kunisikiliza , hivyo nikaona nisubiri mpaka utakapo poa , kama unataka kunipiga nipo tayari , kama unataka kunifokea nipo tayari. Siwezi kukukimbia hata siku moja”


“Hebu acha kujitilisha huruma na nenda kwenye chumba chako” Regina alishia kukunja ndita , mara baada ya kuona uvumilivu unamshinda , alijua kabisa Hamza anacheza na akili yake lakini moyo wake unajikuta tu kulainika.


“Siwezi kuondoka , mke wangu kama usiponisamehe sitoondoka hapa”


“Basi endelea kusimama hapo milele na usiondoke , mimi naondoka”


Regina mara baada ya kuongea aligeuka na kutoka nje ya chumba hicho na kushuka chini sebuleni.


Hamza alijua alishapewa nafasi , hivyo haraka sana aliingia ndani na kumfuata moja kwa moja mpaka jikoni.


Muda huo Shangazi alikuwa amekwisha kulala muda mrefu tu.


Regina akiwa jikoni alitoa baadhi ya vyakula kwenye friji , alionekana alipanga kula chakula cha usiku usiku , maana hakuwa amekula sana wakati akiwa kwenye mnada .


“Wife unapaswa kunywa na juisi , ngoja nikumiminie”aliongea Hamza akikimbilia freezer.


“Hapana, na usiku wote huu unataka kunilisha vitu vya barafu. Unataka kuniona nikiganda?”


Hamza aliona alikuwa sahihi na alihamia kwenye maji yasiokuwa na baridi sana na kutaka kumiminia lakini Regina alimzuia.


“Sitaki kunywa maji wala nini , hivyo hebu acha kuhangaika mbele yangu, nijibu swali moja tu , ni kwa umbali gani umefikia na Irene?”


Regina aliuliza huku akimwangalia Hamza na macho kama vile anatafuta uongo kutoka kwake.


Hamza aliishia kumeza mate mengi na kisha aliongea ukweli.


“Hatujafikia ile hatua”Aliongea.


Hamza kuongea hivyo alijikuta akijisifia kwa uwezo wake wa kujizuia katika matukio yote ambayo alikuwa amekwepa. Kwanzia kipindi ambacho hakuwa amefahamiana na Regina alisharuka zaidi ya mitego mitatu ya Irene , baada ya kufahamiana na Regina alisharuka mitego miwili. Kama asingekuwa mvumilivu , ingekuwa ngumu kuongea muda huo.


“Mzee Wake anajua kuhusu kinachoendelea kati yenu?”Regina aliuliza tena.


“Sidhani , vinginevyo angeshaniletea matatizo muda mrefu tu”Aliongea Hamza na tabasamu la wasiwasi.


“Unajua kabisa atakuja kukutafutia matatizo halafu unaendelea , wewe hujui Irene ndio kwanza anapaswa kuingia chuo?”


Hamza aliishia tu kutojibu chochote , ijapokuwa aliona sio suala kubwa sana kwa mtoto wa umri wa Irene kuwa na mahusiano , lakini alikuwa ni yeye mwenye mahusiano nae na kama Baba yake Irene akifahamu hilo na matarajio aliokuwa nayo kwa binti yake lazima ingekuwa habari nyingine.


“Unadhani yule mzee na jinsi alivyoweka nguvu zake zote katika kumlea Irene atakubali Au kwasababu ya cheo chako cha ufalme wa kuzimu unapanga kumlazimisha?”


“Mke wangu unafikiria mbali sana , kwanini nifanye yote hayo ya kutaka kumlazimisha. Si itakuwa na sawa na haramia anaeteka mwanamke kwa ajili ya kuwa mke wake baharini. Isitoshe kwanini nifanye hayo yote wakati nina mke mzuri hivi.. hehehe”


“Hebu acha kucheka hivyo, ki ufupi., ngoja nikwambie tu , bado sijafikiria namna ya kudili na Eliza na Dina lakini ushamwingiza Irene katika orodha , mtoto ambae hata chuo hajaanza? Ni msichana ambae bado ni mjinga wa vitu vingi, kwanini unashindwa kumzuia huyo bwana mdogo wako kisa tu anaonekana kuwa mzuri?”


Hamza alijikuta akijiangalia hapo chini yeye mwenyewe na kujiambia kama kweli siwezi kumzuia huyu bwana mdogo kwanini bado wewe ni bikra?.


“Wife naomba utulie , naelewa unachomaanisha “aliongea Hamza akiwa na tabasamu akipanga kwanza kutoka katika hio dhoruba kwanza.


Muda huo huo simu ya Hamza ilianza kuita na mara baada ya kutoa aliona ni Black Fog aliekuwa akipiga na alipokea haraka.


“Rhoda vipi hali?”


“Bro! I am sorry ..”


Hamza mara baada ya kusikia sauti ya Rhoda iliokuwa katika hali ya kitetemeshi moyo wake ulipiga kwa nguvu.


“Kuna kilichotokea tena?”


“Bazo alimsindikiza Irene mpaka nyumbani salama lakini mara baada ya kufika ... Bazo amefanikiwa kumuua adui lakini kuhusu Irene


...”


“Nini kimemtokea huyo msichana?”Aliuliza Hamza kwa sauti ya juu , macho yake tayari yalikuwa yakitema cheche.


Hali ilimuogopesha hata Regina na kumfanya akakamae huku akimwangalia Hamza.


Unadhani Hamza ndugu zake ni nani?,Nini kimempata Irene?
 
Worldless Book


“Nini kilichompata huyo msichana?”Lilikuwa swali la Hamza kwenda kwa Rhoda.


Mapigo yake ya moyo yalikuwa yakienda spidi mno kwa kuhisi jambo kubwa limempata Irene.


“Amechomwa mwilini na tawi la mti. Sasa hivi Bazo amemchukua kumuwahisha Muhasi , hospitali ya taifa”Aliongea Rhoda.


“Tawi la mti kwenye mwili wake!?” Hamza aliongea huku akihisi utosi wa kichwa chake ukianza kumuwasha.


“Ndio , kulikuwa na mtu aliekuwa amejificha kwenye bustani ya nyumbani kwao , wakati anataka kuingia ndani ya geti alimshambulia Irene kabla Bazo hajashituka”Aliongea Rhoda huku akionekana ni kama anataka kulia.


“Samahani sana Bro ..nimeshindwa kutimiza wajibu wangu”Aliongea.


“Haina haja ya kujilaumu , kama ni mtu mwenye uwezo ambae Bazo ameshindwa kumtambua , basi hakuna kitu ambacho angeweza kufanya. Naelekea huko hospitalini sasa hivi”


Hamza hakuongea neno lingine zaidi na palepale alikata simu na haraka sana alikimbilia nje.


Regina pia aliweza kusikia mazunguzo ya kwenye simu na alisita kidogo na kisha aliweka vitu alivyokuwa ameshikilia mkiononi na kumkimbilia Hamza nje.


Hamza alikuwa ndio anajiandaa kuendesha na ile anamuona Regina akiingia pia alijikuta akimwangalia.


“Na wewe unaenda?”


“Kama isingekuwa sababu yangu ungemsindikiza Irene kwenda nyumbani na asingepatwa na tatizo. Siwezi kukaa na kusubiri taarifa nyumbani kwa amani”Aliongea Regina wakati akifunga mkanda.


Muda huo akili ya Hamza ilikuwa katika hali ya kuchanganyikiwa na hakuwa na muda wa kujali ni kipi mwanamke huyo anafikiria. Hivyo aliwasha gari na kulitoa kwa haraka nje ya geti.


Muhasi ni moja ya hospitali kubwa ya taifa ndani ya jiji la Dar es salaam. Ingawa ilikuwa ni usiku lakini kulikuwa na madaktari bingwa wabobezi waliokuwa zamu.


Lakini hata kwa wale madaktari waliokuwa na uzoefu , walijikuta katika hali ya kiwewe mara baada ya kuona hali aliokuwa nayo Irene mara baada ya kuingizwa katika wodi ya dharula.


Ndani ya chumba hicho cha dharula , taa zilikuwa zikiwaka lakini hali ilikuwa kinzani.


Msichana aliekuwa amelazwa kwenye kitanda cha wagonjwa, madaktari mbalimbali walikuwa wameitwa kuja kumwangalia , lakini karibia wote walikuwa katika hali ya kutafakari namna ya kumuokoa.


Tawi la mti wa maua lilikuwa limemchoma Irene kuanzia tumboni na kusababisha damu nyingi kuonekana kupitia mgongoni.


Irene alikuwa amepoteza fahamu na sura yake ilikuwa imetapakaa damu.


“Mbona wote mmesimama tu bila ya kufanya chochote , harakisheni mumuokoe binti yangu”


Alikuwa ni Patrin Baba yake Irene alievalia suti nyeusi , akiwa anaingia ndani ya eneo hilo kama vile amepandwa na ukichaa , ilionekana bado alikuwa katika majukumu yake ya kazi wakati anapokea taarifa ya kujeruhiwa kwa binti yake.


Manesi kadhaa walionekana kushindana nae nguvu wakimwambia asiingie ndani na kuwapa madaktari muda wa kufikiria.


Nyuma yake alikuwepo bibi yake Irene aliekuwa amekaa kwenye viti , akiwa amefunika uso wake na mikono huku akionekana kulia chinichini.


Bazo alikuwa amesimama kando ya mlango akiwa katika hali ya majuto makubwa , kucha ya mkono wake ilikuwa imetoboa ngozi ya mwili wake na kufanya damu kumtoka.


Muda mfupi alifika mwanaume mwingine kwa spidi kubwa na kuzama ndani na kumwangalia msichana aliekuwa juu ya kitanda.


“Mnaota nini sasa?”Aliongea


“Prince!”


Bazo aliishia kuita na kumwangalia Hamza kwa sekunde kadhaa kisha akashusha kichwa chake chini kwa aibu.


Regina na Rhoda walifuatia na kumfuata Hamza ndani na mara baada ya kuona hali aliokuwa nayo Irene walijikuta wakikumbwa na hali ya wasiwasi.


“Hamza!” Aliita kwa jazba Baba Irene na kumsogelea Hamza kwa kasi.


“Wewe ndio umesababisha haya?! Umejingiza kwenye matatizo na kumsababishia binti yangu matatizo , si ndio?”


Hamza mara baada ya kuangalia uso wa Baba Irene uliokuwa katika majonzi , alijikuta akihisi machungu katika moyo wake. Hata hivyo haukuwa muda mzuri wa kulaumiana na kuelezana sababu ya kilichomtokea Irene, hivyo palepale alimkwida tai na kumwangalia usoni kwa macho ya usiriasi.


“Kama unataka binti yako kuendelea kuwa hai, unapaswa kunyamaza. Nataka kujua sababu na kwanini juu ya kilichomtokea kama ilivyo kwako pia”Aliongea.


Baba Irene alijikuta akihofia muonekano wa Hamza , aliishia tu kumeza mate na kisha akapiga hatua mbili nyuma.


“Kama binti yangu akipoteza uhai, nitakufanya ulipe na uhai wako “


Katika macho ya baba aliechanganyikiwa , ilikuwa ni wazi kabisa Hamza ndio aliemsambabishia Irene matatizo. Vinginevyo kwanini Hamza atume bodigadi wa kumlinda Irene kwa siri?.


Bibi yake Irene aliekuwa amekaa kwenye benchi , mara baada ya kumuona Regina alionekana kuonyesha hali isiokuwa ya kawaida katika uso wake , kama vile alikuwa katika hali ya maumivu.


Hamza alipiga hatua na kusogelea karibu na kitanda cha mgonjwa na mara baada ya kuchunguza hali yake , alionekana kushusha presha na kuanza kufikiria cha kufanya.


“Anazidi kupoteza damu , ondoeni kwanza huo mti”Hamza alionekana kufikia katika maamuzi.


“Wewe ni nani? Unajua ni hatari kiasi gani tukiuondoa huo mti sasa hivi? Tunaweza kumsababishia matatizo zaidi”


“Kwahio kama hamna mpango wa kuuondoa, mnasubiria afe kwanza. Kama hamna njia ya kumsaidia mgonjwa mnapaswa kunisikiliza mimi kwanzia sasa”Aliongea Hamza na kisha kwa hasira aliwaangalia madaktari hao mmoja baada ya mwingine.


“Nisikilizeni , tutachomoa hilo tawi na kisha tutafanya Diagnostic peritoneal Lavage”


Madaktari wale walijikuta wakiangaliana kwa maswali na kisha wakamwangalia wote Hamza.


“Wewe ni daktari?”Aliuliza mmoja wao. “Mkiendelea kunichelewesha na maswali yenu , msije kunilaumu nikiwa muuaji. Nitawaua wote kujiondolea vikwazo”


Kundi hilo la madaktari walijikuta wakitetemeka mara baada ya kusikia maneno ya Hamza na usiriasi uliokuwa katika macho yake. Na haraka walionekana kumwangalia aliekuwa ni kiongozi na alitoa ishara ya kutingisha kichwa na kisha kukubali kunyofoa tawi kutoka katika mwili wa Irene.


“Tutaanza hatua za kuondoa tawi kwenye mwili wa ngonjwa, andaeni damu kwa ajili ya kumuwekea , leta NS, sindano , na Scalpel”Aliongea Hamza.


“Damu ipo kwenye hifadhi , lakini vipi kuhusu kundi lake la damu?”Aliuliza Daktari kiongozi.


“Hatuna taarifa zake”Alijibu moja ya mhudumu wa afya wa masuala ya kumbukumbu za wagonjwa.


“Binti yako ana kundi la damu lipi?”Aliuliza Hamza akimlenga Baba Irene.


Baba Irene alionekana kushangazwa na hali ya kitaaluma aliokuwa nayo Hamza , hakutegemea alikuwa akijua maswala ya kitabibu , ila kwa haraka haraka alijibu .


“Sijui”


“Yaani wewe ni baba ila hujui mtoto wako ana kundi gani la damu?”Aliongea Hamza na Baba Irene aliishia tu kuinamisha kichwa chake chini kwa aibu. Ilikuwa ni moja ya ujinga uliokuwa kwa watanzania wengi kutojua makundi ya damu ya watoto wao na wao wenyewe, hali ambayo inapelekea ucheleweshwaji wa matibabu nyakati za dharula kama hizo.


“Haraka sana fanya utaratibu wa kumpima”Aliongea dokta mkuu wa zamu.


“Haikuchukua muda mtaalamu wa maabara alifika na kufanya vipimo na ndani ya dakika moja tu vilitoa majibu , maana kila kitu kilienda kidigitali.


“Ana damu group P na hatuna hifadhi ya damu hio kwenye benki yetu”Aliongea mtaalamu yule wa maabara akiwa pia katika hali ya mshangao kama vile kipimo kilikuwa kimekosea.


“Nini !”


Madokta wote waliokuwepo hapo , walijikuta wakiwa katika hali ya mshangao. Wengine walionekana hata hawakuwahi kusikia aina hio ya group la damu na kujikuta wakiwa katika hali ya maswali mengi.


Hamza aliishia kukunja ndita mara baada ya kusikia majibu hayo. Kundi la damu la aina ya P lilikuwa adimu sana kuonekana , ilikuwa ni sawa na kusema kati ya watu milioni kumi ni mmoja tu anaeweza kubahatika kuwa na kundi hilo la damu.


“Kama hatuna aina hio ya damu basi hatuwezi kumuongezea.Tunapaswa kufanya nini?”


“Haraka! Hebu ulizia kama katika mtandao wa taarifa shirikishi kuna hospitali ndani ya Dar es salaam , hata nje ya hapa kuna hifadhi ya damu ya kundi hilo”Aliongea dokta mkuu. Huku katika moyo wake alikuwa akiamini mgonjwa matumaini ya kupona yalikuwa madogo sana. Hata kama hospitali nyingine ingekuwa na damu hio mpaka utaratibu wa kuipata na kufikishwa hapo wangeshachelewa.


Baba Irene aliekuwa akisikia maelezo yote , nagoti ya miguu yalimlegea na alijikuta akipiga magoti chini bila ya kupenda.


“Naombeni mumuokoe mwanangu. Msaidieni binti yangu apone”


Muda huo Baba Irene hakuwa na ule mwonekano wake wa kijasiri kama mwanausalama , alikuwa ni baba halisia aliekuwa katika matatizo ya kuhofia uhai wa binti yake .


Hamza alijikuta pia akishindwa kuzikabili hisia zake, aliweza kuona kila sekunde iliokuwa ikipotea inapotea na uhai wa Irene. Alijikuta akishindwa kuamini kama hana uwezo wa kumsaidia Irene. Hamza alitamani kujipiga vibao vingi sana ili kupata muujiza wa kubadilisha kundi hilo la damu na kuwa la kawaida.


“Group langu la damu ni P”


Sauti kavu iliojaa ukauzu ilisikika kutoka nyuma ya migongo ya madaktari na kufanya mwili wa Hamza kuingiwa na ubaridi. Alijikuta akigeuka na kuangalia upande sauti ilikosikika.


Muonekano wa Regina ulikuwa sio wa kusomeka kirahisi , alionekana ni kama vile alikuwa katika mshangao lakini haukuwa mshangao.


Ukweli ni kwamba mara baada ya kumuona Irene akiwa juu ya kitanda na sura yake ilivyokuwa katika hali ya kutia huruma mapigo yake ya moyo yalikuwa yakidunda kwa nguvu mno.


“Wife! Una damu Group P?!”Aliuliza Hamza akitaka kuthibitisha kwa mara nyingine.


Lakini muda huo kabla ya Regina kujibu sauti nyingine ya mhudumu wa afya ilisikika.


“Kuna mtu mwenye kundi hilo la damu hapa nchini, ni taarifa kutokea hospitali ya Mayaya. Ni mwanamke anaefahamika kwa jina la Regina Samweli Dosam. Mkazi wa Dar es salaam”


Kwa kauli hio kila alichoongea kilitibitisha kauli ya Regina.


Kila mmoja alishikwa na butwaa , walijihisi ni kama vile Malaika alikuwa katika eneo hilo .


Yaani wanawake wawili wenye damu


zinazofanana kimakundi kuwepo kimiujiza katika eneo moja?.


“Inaonekana Mungu yupo upande wa mgonjwa”


“Imenishangaza mno!”Madaktari baadhi walioonekana kuwa wanafunzi walishangaa.


“Nilishapima damu yangu muda mrefu tu na ipo kwenye kanzidata,ni safi, mnaweza kutoa na kumsaidia mgonjwa”Aliongea Regina.


“Bosi Regina! Asante sana , asante sana , sitokuja kusahau hili maisha yangu yote”


“Baba Irene huna haja ya kunishukuru hivyo natoa mchango wa damu kama mtu mwingine tu. Kuokoa uhai wa mtu ni muhimu zaidi kwa mtu yoyote”Aliongea Regina.


Haraka sana watoa huduma walimchukua Regina na kumwandaa kwa ajili ya damu kutolewa na kuwekewa Mgonjwa.


Bibi yake Irene aliekwua ameketi kwenye kiti alionekana kuwa na hali isioelezeka katika uso wake na alijikuta akitokwa na machozi mengi zaidi.


Hamza mara baada ya kuona Regina kwa hiari yake kaamua kuchangia damu , alijikuta akikumbwa na wimbi la joto katika moyo wake.


Aliinua uso wake na kumwangalia Bibi yake Irene na alijikuta akiingiwa na hali ya ufumbuzi katika akili yake.


Hatimae mara baada ya mchakato wa kuchangia damu kukamilika na kuwekewa Irene . Hamza alianza mchakato wa kuondoa tawi katika mwili wa Irene.


Sekunde mti ule ulivyochomolewa , damu nyingi ilifyatuka kutoka kwenye jeraha.


“Anaonekana kwenda kufa , amepoteza damu nyingi sana , hata kama huyu dada amchangie damu haitotosha”Aliuongea Daktari.


“Niko sawa , mnaweza kutoa damu ya kutosha”Aliongea Regina aliekuwa amelala kitandani.


“Msije kufanya ujinga, Siwezi kumuona mke wangu anakufa kwa ajili ya kumuokoa Irene”Alionya Hamza.


Regina alijikuta akimwangalia mwanaume huyo kwa sekunde kadhaa na kisha akaongea.


“Vipi utafanyaje sasa?”


Hamza aligeuka na kuwaangalia madaktari na kisha akatoa maelekezo mengine.


“Tutatumia damu yake kupitia Renal Artery na kisha tutaipitisha kupitia Vein “


Mara baada ya kusikia maelekezo ya Hamza , madaktari wale walishindwa kumuelewa na kumfanya Hamza kutokuwa na jinsi na kuanza kuwalezea.


“Njamaanisha tutaitoa damu yake na kuirudisha kwa wakati mmoja ili kumfanya apumue”Aliongea.


“Inawezekana! Umejifunzia wapi hii mbinu? Sijawahi kusikia inafundishwa katika chuo chochote “Aliongea Dokta mkuu ambae pia ni profesa.


“Sitaki kusikia ujinga unaongolewa darasani hapa , kama unataka kujifunza jifunze , tupo kwenye dharula”Aliongea Hamza na wakati huo alikuwa akifanya kile alichokusudia.


Dakika chache mbele Hamza aliweza kufanikiwa kutatua tatizo la mzunguko wa damu na upungufu wake na kufanikiwa hatua za kumuokoa kwa wakati mmoja kwa kuzuia damu isiendelee kutoka.


Dakika chache mbele mara baada ya vipimo


(Physical sign’s) kurudi kawaida , haraka


alitolewa na kupelekwa ICU na Hamza hatimae alipumua.


Madaktari walioshuhudia kila alichokifanya Hamza , walijikuta wakimkubali mno kwa ubingwa wake , Hata Dokta mkuu alitamani kumuona Hamza akifanya kazi ndani ya hospitali hio na pengine kuwa profesa katika chuo chao.


Hata hivyo Dokta huyo mara baada ya kuweka pendekezo hilo , Hamza alimgomea.


Hamza alitoka mpaka kwenye Korido na kuwasogelea , bibi yake Irene, baba yake ,Roda Bazo na Regina ambae alikuwa amepumzika kwenye kiti kutokana na kutoa damu nyingi.


Mara baada ya hali ya Irene kutoka kuwa ya hatari , mambo mengi ambayo hayakuwa na umuhimu kuliko uhai , yalianza kupita katika vichwa vya kila mmoja kwa mara nyingine.


Hamza alimwangalia bibi yake Irene ambae alikuwa katika hali ya mawazo na kisha aliuliza ;


“Madam kwanini usituelezee ni kipi kinachoendelea hapa?”Aliongea Hamza na kumfanya bibi yake Irene mwili wake kumtingishika.


“Wewe ! Unamaanisha nini?”


“Naweza kuelewa kwanini watu wa Bondeni kutaka kumuua mke wangu , lakini kwanini Dosal na mwanae wametuma watu kumuua Irene huku Mathias Huge mkuu wa kitengo cha Binamu akitaka kumteka. Unataka kusema hujui sababu ya haya yote?”


“Unamaanisha nini!Kwamba kilichompata Irene ni kwasababu ya watu wa Bondeni”Aliuliza Regina aliekwua katika hali ya msahngao mara baada ya kusikia kauli ya Hamza.


“Wife nilitaka kukuambia , lakini sikupata nafasi.. Ni kama ulivyosikia watu waliomshambulia Irene wametumwa na Mzee Dosal na mwanae Suwi. Nadhani sasa unaelewa kwanini muda ule nilikwambia ni suala linalohusiana na wewe?”


Regina uso wake ulikumbwa na hali ya kutokuamini na kuchanganyikiwa kwa wakati mmoja.


“Kwanini? Si walipaswa kudili na mimi”Aliuliza Regina.


Muda ule ndio Regina alianza kukumbuka mazungumzo yake na Hamza , pia kuhusu yeye kuwa na group la damu sawa na Irene.


“Madam ni kipi ambacho hatujui , ni kheri ukaongea ukweli la sivyo familia yako itakuwa hatarini”Aliongea Regina akimwangalia Bibi yake Irene.


“Unapaswa kujua nguvu ya watu wa Binamu , wakipanga kuua mtu ni rahisi sana, kama jaribio lao la kwanza limefeli ni hakika wakijaribu tena lazima wafanikiwe maana watajipanga zaidi”aliongea.


“Hapana! Sio kama najaribu kuficha, nimemuahidi Madam , siwezi kuongea chochote”


“Kila kitu kinakaribia kuwa wazi , unadhani utaweza kuficha ?”Aliongea Hamza.


“Mama wanaongea nini. Nini kinaendelea”Aliongea Baba yake Irene akionekana kuwa katika hali ya kuchanganyikiwa.


“Mwanangu! Baba yako sio baba yako wa damu. Kabla sijakutana na baba yako nilikuwa tayari mjamzito na baba yako ni babu yake Regina, Mzee Dosam”


Mara baada ya kauli hio kumtoka , mwili wa Baba yake Irene ni kama umefunikwa na ubaridi mkali na kupelekea viungo vyake kufa ganzi.


Regina pia mara baada ya kusikia ukweli huo , alijikuta akishikwa na mshangao mkubwa kiasi cha kutoweza kuongea neno.


Hamza upande wake hakuonyesha mshangao zaidi ya kuvuta pumzi na kuzishusha.


“Kipindi cha nyuma mimi na Mariposa tulikuwa vijakazi tuliotoka Bondeni pamoja na Mzee Dosam na Madam lakini ndio yakutokea yakatuokea....” Alisita akionekana kushindwa kuongea.


“Baada ya kugundua ni mjamzito Madam alishindwa kunivumilia na Mzee Dosam alinikingia kifua lakini mwisho wa siku akaniambia niondoke. Nilikuwa mwanamke ambae sijazoea mazingira ya ulimwengu wa kawaida yalivyo kutokana na kukulia Bondeni na sikuwa na elimu yoyote wala ujuzi wa kunifanya niajiriwe , mwisho wa siku katika kujihangaikia ndipo nilipokuja kukutana na Shedrack , mwanzoni alikuwa akionyesha kunipenda na ujauzito wangu , lakini mara baada ya kumzaa Patrin, alitaka nimzalie mtoto mwingine lakini sikuwa tayari bado.Mwisho wa siku alikasirika na kunipa talaka, baada ya muda mfupi baadae akapoteza maisha. Ndio nilipoamua kumpatia Patrin jina la mwisho la ukoo wangu na maisha yakaendelea. Baada ya kumuona Patrin mwanangu akikua mpaka kuanzisha familia yake , nilidhani nitafurahia maisha ya amani na wajukuu, lakini bado watu wa Bondeni inaonekana hawakutaka kuniacha huru..”


Baba Irene mara baada ya kusikia hayo yote alijikuta mshituko wake ukigeuka na kuwa huzuni na mawazo.


“Mama! Kwanini hukuniambia hayo yote?Ulionekana kuteseka mno , lakini mimi mwanao mpaka umri huu sijui chochote” Alijikuta akimshika mama yake mkono na kuanza kutoa machozi ya kiume.


Regina machozi pia yalikuwa karibu , ijapokuwa alikuwa bibi yake aliemfukuza , lakini alishindwa kujizuia na kuhisi haikuwa rahisi kwake.


Kumfukuza mfanyakazi wa ndani na kufanya kila liwezekanalo kutojulikana yeye na historia yake na kuwaacha wajitegemee wenyewe...


Regina hakuwahi kuwaza mambo hayo yalifanywa na bibi yake.


Hamza alijikuta akivuta pumzi na kujiambia ndio maana bibi huyo alionekana kuwa na chuki siku aliomuona na Irene , kumbe chanzo ni hayo yote.

Unaweza kuendelea kusoma simulizi hii vipande 20 bure ndani ya Fasihinet.. fanya hivi nicheki watsapp 0687151346.. hakikisha pia umejisajili. www. fasihinet.com
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register