Simulizi ya kijasusi: Shetani Rudisha akili zetu na mke wangu

[Excel VBA]

Hii simulizi kwa wanaotaka kuendelea nayo, tuko mbali sana sehemu ya 600 na zaidi, .. tuko mbali Hamza tayari ana mtoto wa kike na Regina... kama unataka kusoma kwa watsapp au fasihinet nicheki 0687151346

Swali kwa mtunzi: nimesoma hii simulizi ya shetani rudisha akili pamoja na ile ya roma na edna kumezungumziwa mambo mawili : kutelepoti na kuvuna nishati za mbingu na ardhi, swali je hapa duniani kunawatu wanaotelepoti au kuvuna nishati za mbingu na ardhi ?

 

[singanojr]

Hamza anapewa mtihani maalum wa kuingia kwenye Mnara wa Nafsi za Kale ili kupambana na wapiganaji wa nafsi hizo. Wazee wa Umoja wa Underworld Alliance wanaamini kwamba akiingia ndani ya mnara huo, hatatoka tena.

Akiwa anasikiliza ukubwa wa nguvu zinazomkabili kutoka kwa wazee wa nafsi za kale wanaoishi ndani ya mnara huo, Hamza anajikuta akijawa na hofu. Hata hivyo, ndani yake bado anaamini kuwa njia pekee ya kukuza uwezo wake ni kupitia changamoto kubwa kama hiyo—kuingia ndani, kuvuka majaribu, na kutoka akiwa imara zaidi.

Simulizi hii imejaa mambo mengi ya kuvutia: mapenzi ya ajabu, historia za kale zenye msisimko, na siri zinazofichuka hatua kwa hatua. Kinachovutia zaidi ni kuona safari ya Hamza akipambana na changamoto akiamini kuwa maumivu na majaribu ndio njia ya kumjenga kuwa na nguvu zaidi.

“Shetani Rudisha Akili Zetu Afrika” ni simulizi iliyoandikwa na Singanojr. Inasimulia safari ya mapenzi kati ya Hamza na mke wake Regina, wakiwa pamoja katika kupambana na changamoto mbalimbali zinazowakabili.

Ikiwa unataka kusoma simulizi hii na nyingine kali kutoka Singanojr, wasiliana nasi kupitia WhatsApp: 0687 151 346 au tembelea jukwaa letu la FasihiNet, mahali bora kwa waandishi na wasomaji.

kama unaifuatilia simulizi hii tupe mchango wako kuwafanya wengine zaidi kuisoma.

Soma simulizi ya Hamza pamoja na vipande zaidi ya 80 bure kabisa kupitia link hii:

Shetani rudisha akili zetu Africa

Ni kipindi cha mwaka mmoja tangu nirudi nchini Tanzania nikitokea nje ya nchi, ambako niliishi kwa zaidi ya miaka ishirini. Kwa lugha nyepesi, tangu nikiwa mdogo maisha yangu yote yalikuwa nje ya nchi — na siyo katika taifa moja tu, bali katika mataifa mbalimbali, kwenye mabara tofauti tofauti...

fasihinet.com

 

[Emily magnus]

Oya Singano jr... Me fasihinet haifungu bwana. We tupia tu hapa. Maana me natumia opera mini kwenye kwenye simu ya batani.

 

[Mani Fabian]

Mwamba fasih net kwa simu ndogo haifunguki, utanifanya nikachukue simu ya mkopo

 

[singanojr]

Katika kina cha historia iliyofichwa, kuna ulimwengu usioandikwa katika vitabu vya wanadamu—ulimwengu unaoitwa Agartha, ufalme wa chini ya ardhi unaotawaliwa na sheria za kale zisizovunjika.


Hamza, kijana aliyejikuta akivutwa na mlango wa siri uliofunguka kwa bahati mbaya, anaingia katika eneo ambalo macho ya kawaida hayawezi kuona. Hapo ndipo ukweli unaanza kujifunua—si kila siri inapaswa kugunduliwa, na si kila anayegundua siri huruhusiwa kuondoka.


Kabla hata hajapata muda wa kuelewa alichokikuta, anakutana uso kwa uso na Underworld Alliance, baraza la wazee wa kale waliobeba mizigo ya milenia nyingi. Wao ndio walinzi wa siri ya Agartha, na sheria yao ni moja: yeyote anayefika kwenye maarifa haya lazima ahukumiwe… au ajaribiwe.


Wazee hawa hawakukubaliana mara moja juu ya hatima ya Hamza. Wapo waliotaka kumaliza maisha yake papo hapo ili kufunika mlango wa siri usifunguke zaidi. Lakini kivuli cha jina moja kilibadilisha mwelekeo wote—Jemadali, babu yake Hamza, ambaye uwepo wake wa zamani ulikuwa bado unaheshimiwa hata baada ya kutoweka duniani kwa njia isiyoeleweka.


Kwa muda mfupi, Hamza anaachwa hai… lakini amehukumiwa kwa kitu kikubwa zaidi kuliko kifo.


Anapendekezwa kuingia katika mahali pa kutisha na pa heshima kwa pamoja—Mnara wa Nafsi za Milele.


Mnara huo si jengo la kawaida. Ni mfumo wa majaribio uliojengwa na waanzilishi wa Underworld Alliance wenyewe, uliobeba sheria ya ajabu: yeyote mwenye maarifa hatari na nguvu isiyoeleweka lazima apitie mfululizo wa majaribio ya nafsi, akili na nguvu kabla ya kuruhusiwa kuendelea kuwepo au kufutwa kabisa.


Lakini kilicho hatari zaidi hakipo kwenye majaribio yenyewe…


Inasemekana ndani ya mnara huo, nafsi za waanzilishi bado zipo hai, zikiendelea kuishi kama vivuli vya nguvu za kale, zikitazama, kuhukumu, na kuingilia hatima ya kila anayethubutu kuingia.


Na sasa Hamza anakubali.


Hatua yake ya kwanza ndani ya mnara si mwanzo wa safari tu—ni mwanzo wa vita kati ya uhai, ukweli, na siri ambazo hazijawahi kumtoka mtu yeyote akiwa hai.


Je, ataibuka akiwa yeye yule… au atakuwa sehemu ya mnara milele? nicheki watsapp kujua zaidi 0687151346

 

[Mani Fabian]

Naam

 

[jason jrm]

Daaah naona hii ndo imeishia hap....

 

[singanojr]

Daaah naona hii ndo imeishia hap....

Huku wasomaji ni wachache sana ..Kule FasihiNet hakuna hata malipo makubwa kusoma ..nicheki tu nikupe pas usome episode nyingi kwa bei kiduchu

 

[singanojr]

Shetani rudisha akili zetu Africa

Ni kipindi cha mwaka mmoja tangu nirudi nchini Tanzania nikitokea nje ya nchi, ambako niliishi kwa zaidi ya miaka ishirini. Kwa lugha nyepesi, tangu nikiwa mdogo maisha yangu yote yalikuwa nje ya nchi — na siyo katika taifa moja tu, bali katika mataifa mbalimbali, kwenye mabara tofauti tofauti...

fasihinet.com

 

[singanojr]

Wangapi mnataka niendelee hapa hapa?

 

[De panther]

Endelea tu hapa hapa

 

[Mr Tony]

Wewe mwamba fanya uendelee hapa hapa, bwana siyo wote tuna uwezo wa kuingia fasihi net

 

[Mani Fabian]

Bonge moja ra simlizi

 

[jason jrm]

Tunangojea huruma zako boss

 

[Addons]

Weng tu 😅😅

 

[Mzee Mamvi]

Wangapi mnataka niendelee hapa hapa?

Wote

 

[singanojr]

SEHEMU YA 238
Kuna haja ya kumuita Shemeji


Hamza mara baada ya Regina kukubali Irene kujifunza nishati za mbingu na ardhi , aliweza kuelewa alichokuwa akifikiria , kwa Regina pia aliijihisi alikuwa mtoto wa nje ya ndoa vilevile , hivyo asingeweza kumchukulia Irene kama wa nje, ama kujiona yeye ni wa tofauti zaidi.


Kingine Regina alikuwa mwenyewe na kama angetaka kurudi nyumbani kwenye asili yake asingemtegemea yeye peke yake , mwisho wa siku Regina alipaswa kuwa na kujiamini kwanza kabla ya kumtanguliza Hamza.


Hivyo kama Irene anaweza kuwa kama yeye au hata kumzidi baada ya kujifunza nguvu za andiko ili kuamsha karama ya damu yao , basi hapo baadae akiamua kurudi atakuwa na mdogo wake ambae atakuwa mshirika wake.


Regina aliwaza zaidi mbele, alipaswa kurudi Bondeni na kumiliki teknolojia ya jicho la Anga na moja kwa moja kuwa na usemi ndani ya kitengo cha Binamu.


Lakini licha ya mipango yake yote , ilikuwa ni bila shaka Regina asingependa kuona Irene anapatwa na matatizo kwasababu ya malengo yake.


Hakuna alieweza kupata usingizi , kulikuwa na mengi ya kuongea na kingine, wote walikuwa na hali ya wasiwasi juu ya maendeleo ya Irene.


Walisubiri mpaka asubuhi na kuondoka mapema tu alfajiri na kuwaacha Bi Tunu na Bazo.


Wengine wote walielekea nje ya hospitali mpaka eneo la maegesho ya magari na Regina na Hamza waliingia kwenye GMC ambalo lilisogea mpaka eneo la kutokea na kusimama kando ya Mzee Patrin..


Mzee Patrin alikuwa na haraka ya kuondoka , alihitajika kazini kwa ajili ya matayarisho ya ziara ya mheshimiwa Raisi na mara baada ya kuona gari ya Regina aliona anapaswa kuwaaga kwa maneno machache.


“Mjomba kama kuna kitu unataka kuongea , ongea tu , haina haja ya kuficha. Tushakuwa familia sasa”Aliongea Hamza akiwa na tabasamu.


Regina aliishia kumwangalia Hamza na kujiambia bwana hakuwa na aibu huyo kwa namna alivyokuwa akimwita Mjomba , tena kwa furaha kuliko hata yeye.


Mzee Patrin alionekana kufikiria kwa dakika kadhaa , kama vile alikuwa akisita na baada ya sekunde kadhaa alimwangalia Hamza akiwa na tabasamu hafifu.


“Hamza , Regina. Ukweli mpaka sasa nashindwa kuelewa. Najihisi ni kama vile nipo ndotoni, kwanini ghafla tu ni kama ulimwengu wote umebadilika?”


“Naelewa pengine hujawahi kuwa na mawasiliano ya moja kwa moja na ulimwengu wa siri na pengine uliwaza ni ngumu kwa vitu kama hivi kuwa uhalisia”Aliongea Hamza.


“Najua baadhi ya mambo kuhusu ulimwengu wa siri. Kwangu ni kawaida mambo ambayo ni mageni kutokea ghafla tu kwenye ulimwengu huu ambao ni kama hauna mipaka.Pointi yangu ni kwamba,bado sijawahi kuwaza ama nashindwa kuzoea kama nina asili tofauti na niliokuwa nikijua”.


Regina aliishia kuinamisha kichwa chake chini, huku akijiambia mshangao wake ni kama yeye tu , pengine ni kwasababu kipindi anagundua maajabu mengi ya dunia alikuwa nje ya nchi na alikuwa na wasiwasi juu ya Hamza ndio maana hakuonekana kuwa na mshangao.


Hamza na Regina hawakuongea neno , ni kama walitaka kumuacha kumeza maneno yake.


“Ila kwa vyovyote vile, kwasababu mambo yashafikia hatua hii ni faraja kwangu kuona Irene ana dada mwenye mafanikio makubwa. Mimi ni mtu wa kawaida tu , licha najua kidogo mafunzo ya kimapigano , sitaki kujifunza zaidi ya hapa. Ni matumaini yangu pekee kama Irene hatopata madhara yoyote”


“Kwanzia sasa namuacha mikononi mwenu , mimi kama baba yake sina uwezo wowote wa kumlinda hivyo kitu pekee ninachoweza kufanya ni kuwaamini”


“Mjombaa! Unaongea nini tena , kwanini ni kama unatubagua wakati tayari sisi ni wanafamilia?”


“Ndio”Aliunga mkono Regina.


“Mjomba huna haja ya kuwa na wasiwasi. Kama ukiwa huru na kazi yako, unaonaje ukija nyumbani kesho kutwa kwa ajili ya sikukuu ya Christmass? Itakuwa vizuri sana kama tukiungana kama familia?”Aliongea Hamza.


Regina mara baada ya kusikia kauli hio ya mume wake , alijikuta akishangaa maana ni kama hakutegemea angewaalika wote kwa ajili ya kusherehekea sikukuu pamoja.


“Wife unaonaje? Hauna pingamizi katika hili , si ndio?”


“Ee!” Regina asingepinga hata hivyo , alijikuta tu akijawa na hali ya mategemeo katika moyo wake.


Mara baada ya kuachana na Mzee Partin wawili hao walielekea moja kwa moja mpaka nyumbani. Kuhusu yaliotokea walipanga pia kumwelezea Shangazi.


Lakini ile wanafika tu nyumbani, walipokea simu kutoka kwa Madam Waden wa kituo cha Urafiki(FOOT).


“Madam! Naona umepiga asubuhi asubuhi?”Aliuliza Hamza mara baada ya kusalimiana.


“Hamza unaweza kunisaidia kuweka appointment na Mkurugenzi Regina? Nataka kuongea nae”Aliongea na Hamza palepale alimwangalia Regina aliekuwa pembeni yake.


“Ni Madam Wadeni kutoka Morogoro. Anasema anataka kuona na na wewe”


Regina alionekana kutoshangaa na aliishia kutingisha tu kichwa.


“Mwambie inawezekana kuonana mchana wa leo., Linda atamtumia eneo la kukutania”Aliongea Regina.


Hamza mara baada ya kufikisha ujumbe , Madam Wadeni alionekana kuwa na furaha na alisema atafika ndani ya muda kuonana na Regina.


“Wife mbona unaonekana kama vile ulikuwa ukijua Madam Wadeni angepiga? Naona haujauliza hata sababu ni nini?”


“Nimenunua mchoro kwa hela nyingi, hivyo ni kawaida angenitafuta na kingine, unajua ni kwasababu ipi tunakutana , kwanini unajifanya kama hujui?”


Regina mara baada ya kuongea alishuka kutoka kwenye gari na kisha alipiga hatua kuingia moja kwa moja ndani.


Hamza aliishia kuhisi hilo suala ni kama sio la kawaida , lakini hakujua ni wapi ameshindwa kung’amua , hivyo aliishia tu kuzima gari na kisha akashuka na kufuatia kuingia ndani.


Baada ya kuingia ndani , Shangazi alikuwa ashamaliza kuandaa kifungua kinywa na mara baada ya kuwaona wakiingia asubuhi, alidhania walikuwa wamelala hotelini pamoja , hivyo macho yake yalichanua kwa furaha.


“Regina , Hamza chai tayari , kaeni kabisa”Aliongea akiwa na tabasamu pana.


“Shangazi kuna kitu nataka kuongea na wewe”Aliongea Regina moja kwa moja akienda kwenye mada.


“Ni kuhusu nini? Haiwezi kusubiri mpaka tukimaliza kula?”


Regina aliishia kuangalia kufungua kinywa kilichokuwa mezani kikitamanisha.


“Kama hautokubali , sitokuwa na hamu ya kunywa chai”Aliongea akiwa siriasi.


“Regina! Nini kimetokea?”Shangazi alionekana kuwa na hali ya wasiwasi.


“Tayari nishajua kuhusu Madam Tunu…”


Regina mara baada ya kuongea kauli hio , ni kama hali ya hewa iliganda ghafla na kumfanya Shangazi kutoa tu macho.


Hamza alimwashiria tu Shangazi kukaa chini na Regina ndio alianza kumwelezea mwanzo mwisho juu ya kile kilichotokea mpaka kufanikiwa kufikia kuujua ukweli.


Mpaka wanamaliza Shangazi alionekana kukubaliana nao kwa kila kitu , na haikuwa na haja ya kuficha tena, na aliishia tu kutabasamu akiwa na macho yaliokuwa mekundu.


“Ni kwasababu sikutaka kumsaliti Madam ndio maana sikutaka kuongea chochote , lakini kila kitu ni kweli. Namjua Patrin na binti yake Irene kwa muda mrefu tu tokea tukiwa majirani. Kwasababu mshaujua ukweli , nadhani sio vibaya kufahamiana kama ndugu. Ni vizuri pia hata nyumbani wanajua uwepo wa Tunu na familia yake”Aliongea Shangazi.


“Shangazi! Mjomba amekwisha kubali na kesho kutwa kwenye sikukuu , familia yote itafika kwa ajili ya kusherehekea pamoja. Wewe angalia tu nini cha kuongezea kwa ajili ya maandalizi na unipe niende kununua kila kitu”Aliongea Hamza akiwa na tabasamu.


“Kweli! Kama ni hivyo basi ni habari njema. Ni muda mrefu sijawahi kusikia hili eneo likiwa na makelele , itakuwa vizuri ikiwa ni siku ya sikukuu”Aliongea Shangazi na wote walijikuta wakicheka.


“Sawa nitakuandikia mahitaji yakuongezea , ukiwahi leo itakuwa vizuri zaidi”Aliongea Shangazi na Hamza alimwangalia Regina.


“Wife unaonaje ukinisindikiza sokoni kununua mahiutaji ya sikukuu?”


“Wewe nenda tu. Napaswa kuonana na Madam mchana , kuna vitu napaswa kuandaa kwenda navyo”Aliongea


“Si mnaenda kuongea tu , kuna haja ya kuandaa kitu, au ni zawadi? Kama ni hivyo nadhani haina haja isitoshe umempatia mihela mingi”Aliongea Hamza.


Regina hakutoa jibu na kimya kimya alipandisha ngazi kwenda juu na nusu saa mbele alirudi akiwa amebadili mavazi na kujisafisha na kukaa kwenye meza.


Hamza upande wake hakuona haja ya kumlazimisha kwenda nae , isitoshe alikuwa na mpango wake kichwani , alipanga baada ya kununua mahitaji , kabla ya kurudi nyumbani moja kwa moja angeenda kumsalitimia Prisila kwanza.


Mara baada ya kuandaa baadhi ya taarifa kwa kuchapa asubuhi yote mchana alimpigia simu Linda na kupokea maelekezo na mara baada ya kukata simu alijiandaa na kutoka.


Baada ya kufika kwenye duka ambalo wanaunza Donati alinua boksi mbili na kisha aliingiza kwenye gari na kuendelea na safari.


Haikuchukua muda mrefu tu Regina alikuwa akiingiza gari katika hoteli ya nyota tano ya Dosam V na kupokelewa kwa unyenyekevu na wahudumu ambao walikuwa wakimfahamu ndio bosi.


Linda pia alionekana kutangulia kufika na aliwapa ishara wale wahudumu ataendelea kumwelekeza bosi na kisha kumuongoza njia mpaka upande wa mgahawa wa VIP ndani ya hoteli hio katika floor ya tatu.


Regina mara baada ya kuingia katika eneo hilo tulivu katika chumba binafsi aliweza kumuona Madam Wadeni alievalia suti akiwa ameketi kwenye kiti , pembeni yake kulikuwa na msichana mdogo aliekuwa amevalishwa nguo na kupendeza na kwa jinsi ambavyo walionekana kukosa utulivu ni ishara ilikuwa mara yao ya kwanza kufika katika mgahawa wa hadhi ya juu ndani ya hoteli ya kimataifa ya nyota tano kama hio.


Msichana yule mara baada ya kumuona Regina akiingia macho yake yalichanua na kumwangalia kwa macho ya shauku.


“Dada Mbahili?”


“Hii ni kwa ajili yako”Aliongea Regina akichukua boksi lile lenye donati kutoka kwenye mikono ya Linda na kumpatia Esma Bando kwa namna ya kumnyamazisha.


Esma Bando kitendo cha kupewa lile boksi na kujua nini kilichokuwa ndani yake , macho yake yalichanua.


“Umependa zawadi yangu?”


“Nimeipenda. Asante dada mkubwa”Aliongea na mashavu yake yaliotuna huku akitabasamu na kumfanya kuzidi kuvutia.


“Ole wako uniiite Dada mbahili tena. Ukinisikiliza kwanzia sasa na kunifurahisha zawadi nyingi zitafuatia”Aliongea Regina na kumfanya Esma Bando kutingisha kichwa kwa nguvu , hongo ikionekana imefanya kazi.


“Dada Wewe una roho nzuri sana , dada mrembo kama wewe sio mbahili”Aliongea Bando na kumfanya mpaka Madam Wadeni kucheka , alifurahishwa n a akili ya Bando ndio maana muda wote alisafiri pamoja, hata kwenye vikao muhimu. Kwake Bando ni kama alikuwa mwakilishi wa watoto wenzake.Regina pia alifurahishwa na kauli ya Bando.


Regina alisalimiana na Madam Wadeni na kisha wakaketi chini, Madam huyo alionekana kumwangalia Regina kwa hali ya unyenyekevu mkubwa.


“Madam huna haja ya kuniita Mkurugenzi , unaweza kuniita tu Regina”Aliongea na Madam alitabasamu na kisha wote walikaa chini.


“Nilitegemea kumuona Hamza kutangulizana na wewe?”


“Kuna sehemu ameenda, ila si ulikuwa na shida na mimi tu?”


“Ndio , ndio , nilikuwa na shinda na wewe. Nimeshukuru sana kuonana na wewe , kweli ..”Aliongea kwa dhati.


“Madam nadhani haujaja kwa ajili ya kunishukuru leo si ndio?”Aliuliza Regina akiweka sura ya kazi.


“Ni kweli , ila shukrani ni sehemu yake pia. Regina nahisi aibu kuongea. Ila bilioni kumi ni nyingi sana. Nilivyompigia mume wangu simu kumwelezea hata yeye amekosa usingizi. Nimefika chuo ila sina uelewa sana kuhusu maswala ya financial management. Sijui utendani wa makampuni ya fedha ukoje, ya bima au kampuni za mitaji….”Madam Wadeni alionekana kuelezea hisia zake na Regina alionekana kumsikiliza tu.


“Madam umeniita leo kuonana na mimi kwa ajili ya kutaka nichukue hela zangu?”Regina alionekana kuuliza kikauzu mara baada ya kuhisi hali ya kutokujiamini kutoka kwa Madam jambo ambalo hakupenda.


“Inawezekana? Regina naona ni nyingi , unaweza kuchangia hata kidogo”Aliongea.


“Hapana! Sitochukua hizo hela wala kupunguza kwasababu zitaathiri taswira yangu na ya kampuni”Aliongea Regina akiwa siriasi.


“Nilijua usingefanya hivyo. Nadhani uzee umeingia na sijui nini ni kizuri kwangu na kudhani ni hela nyingi kuwa chini yangu. Lakini ukweli ni kwamba sijui cha kuzifanyia hizi hela”


“Madam! Kwahio umenitafuta kwa ajli ya kujua ni kipi cha kuzifanyia hizi hela?”Aliuliza Regina.


“Ndio! Regina nimesikia unamiliki biashara kubwa tu za Mall na pia ni mbobezi katika maswala ya ki uwekezaji. Kati ya watu wote ninaojua wewe ndio upo vizuri zaidi kibiashara. Hivyo nikaona kwasababu wewe ndio umetoa hizi bilioni kumi kwa ajili ya msaada , kwanini nisumbuke, nimeona nikupe hizi hela na kisha uzifanyie uwekezaji kwa niaba ya kituo na kisha kuunda Foundation, si sawa?”Aliongea


“Lakini watu wa nje wataona ni kama nimekupa msaada feki , ni kama mchezo tu na sio msaada kweli”Aliongea Regina.


“Kama ni hivyo , ni kipi tunapaswa kufanya? Tatizo mimi na mwenzangu hatuna uelewa mkubwa wa masuala ya ki uwekezaji na hizi ni hela nyingi na tumekosa mtu wa kumuamin. Kiasi kikubwa cha pesa hiki , kama nikifanya makosa juu ya mtu wa kumpa azifanyie kazi na kuzipoteza , tutakuwa tumefanya dhambi kubwa sana”


Regina alichukua mkoba wake wa bei ghali na kisha alitoa nyaraka na kuiweka mbele ya Madam Waden.


“Hii ni?”


“Ndio namna ya kuzitumia hela zote, kuna michakato yote namna ya kuajiri watu kwa ajili ya udhibiti na kuwekeza na kuendelea, mipango yote na mifano ipo katika maandishi kwenye hio nyaraka”Aliongea Regina.


“Regina. Ulikuwa umeshatayarisha?”


“Ndio, nilijua hela zitakuwa nyingi kwako na kushindwa kuweka mipango sawa , hivyo niliandaa kila kitu. Mnachopaswa kufanya ni kufuata mipango nilioandika hapo na hakutokuwa na tatizo”


Waden huyo aliishia kumwangalia Regina bila ya neno kwa dakika na baada ya muda alivuta pumzi nyingi na kuzishusha na kisha akatingisha kichwa chake.


“Sitoangalia hii nyaraka”


“Kwanini?”


“Kwanza kabisa , naweza nisielewe chochote , hata kama nikiiangalia. Pili kwa umri wangu huu nitatoa wapi nguvu za kutimiza mipango yote?”


Aliongea na kumfanya Regina kuonekana kufikiria kwa sekunde kadhaa na kufanya eneo lote kuwa kimya.


“Regina. Unaonaje tukifanya hivi , mimi nitakuwa sura ya taasisi. Ila wewe ndio utakuwa mtendaji nyuma ya pazia , ili watu wasije kukunyooshea vidole wakijua…Samahani kwa kutoa pendekezo hili kwanza , naomba niulize kama utakuwa tayari kwanza , isije nikawa nakuongezea majukumu?”


“Nipo tayari”Aliongea Regina akiwa na tabasamu na kisha akaendelea . “Kuanzisha taasisi ya kimisaada ndio nia yangu ya kutoa kiasi hiki cha pesa. Kwasababu Wadeni unaniamini naamini na Mkuu wa kituo pia ataniamini na kama ni hivyo nipo tayari kufanya maandalizi kwa siri , ili mradi utaonekana pale inapohitajika”


“Hivyo itakuwa vizuri sana , lakini vipi kuhusu jina la tasisi hio?”


Regina alitoa nyaraka kwenye bahasha na kisha alimwonyesha Madam Wadeni , na ndio anajua kumbe tayari na Regina ashachagua jina.


“Urafiki Foundation!? Hili ndio jina la kituo chetu , ijapokuwa tunaitwa FOOT lakini kituo chetu kimesajiliwa upya kwa jina la Urafiki. Naona sio mbaya”Aliognea akiwa na tabasamu.


Friend of orphans Tanzania ndio jina la mwanzo kabisa baada ya kituo hicho kuasisiwa na shirika la Canada , ila baada ya Canada kuondoa ufadhili katika makaratasi kilibadilishwa na kuitwa Urafiki, ila jina la Foot likabakia kama jina lisilo rasmi kutokana na mazoea.


“Huu ni mwendelezo wa utu mlioonyesha wewe na Mzee Hizza na nimeona itakuwa vizuri jina hili likiendelea kubeba kumbukumbu za utu wenu , ili kukumbukwa milele”Aliongea Regina.


Madam aliishia kutingisha kichwa chake kwa shukrani sana na palepale alimshika Regina mkono.


“Regina mwanangu , siku za baadae kwa namna yoyote , iwe ni kituo au hela hata Hamza.. tafadhari naomba usiviachi…”


Mara baada ya kuona namna mama huyo akitoa machozi ya furaha ya utu uzima , Regina aliishia kutingisha kichwa chake tu huku akihisi kuna kitu hakipo sawa.


*****


Upande mwingine , Hamza alifanikiwa kufika nyumbani kwa Prisila na kukaribishwa kwa furaha.


Prisila alimmiminia Hamza juisi na kisha waliketi kwenye masofa huku wakipiga stori na kuendelea kuangalia TV.


Hamza alichukua muda huo kumwelezea Prisila kuhusu Irene kuwa mdogo wake Regina na msichana huyo alionekana kusahngaa.


“Kwahio Irene na Regina ni ndugu?. Ndio maana wakati Irene akiwa mdogo aliambiwa alikuwa akifanana na Regina. Hakika haishangazi kuwa ndugu”Aliongea Prisila na Hamza muda huo alijiuliza , ila ilikuwaje bibi yake Regina akaacha familia hio kuwa majirani , ilihali kulikuwa na ukweli umejificha. Hamza kuwaza tu alihisi kweli bibi yake Regina hakuwa mtu wa kawaida.


“Prisila hebu acha zako , undugu wao ni kupitia babu yao pekee , hivyo kufanana kwao sidhani ni kiasi hichoo. Isitoshe wanawake warembo mnafanana sana baadhi ya vitu hata wewe kuna vitu unafanana na Regina”Aliongea Hamza huku akinywa juisi na kumfanya Prisila kutabasamu.


“Irene atakuwa na furaha sana akiamka. Kuwa na dada kama Regina sio jambo dogo .. natamani na mimi ningekuwa na dada.”Aliongea Prisila na kumfanya Hamza kumwangalia.


“Vipi! Nyakasura hajawahi kukutafuta hivi karibuni?”


“Hapana , sijawahi kumuona tena tokea ile siku tuliokutana kule Morogoro”


Ukweli ni kwamba Prisila alihisi kunaweza kuwa na aina ya mahusiano baina yake na Nyakasura , lakini alishindwa kupata kujua chochote kutokana na usiri uliokuwepo juu ya Nyakasura. Alijaribu kumuuliza hata baba yake aliekuwepo nje ya nchi , ila baba yake aliishia kuongea wataongea akisharudi nchini.


Kauli ya baba yake ilimfanya Priisila kuhisi kitu ambacho si cha kawaida, kuna muda alihisi pengine, Nyakasura alikuwa mtoto wa mama yake mzazi , ni hisia tu ila hakuwa na uhakika.


Hamza hata yeye pia alijikuta akishindwa kufanya chochote , ukweli alimpa kazi Sally ya kufuatilia ukweli kuhusu familia ya Nyakasura , lakini hakukuwa na viashiria vyovyote vya kuujua ukweli.Ilionekana suala la damu ya kifoneniksi ni siri kubwa sana.


“Prisila , nimekuja kukukaribisha kuja kwenye sikukuu ya Christmas kesho kutwa. Nishaongea na Regna kuhusu hili na anakukaribisha sana , isitoshe ni rafiki yako. Itakuwa vizuri ukiwa pamoja na sisi kuliko kuwa mwenyewe”


“Lakini si mnakusanyika kifamilia , itakuwa sawa mimi kuwepo?”


“Mimi na wewe ni kama ndugu kabisa , tumekutana tukiwa wadogo na tukaja kufahamiana ukubwani. Halafu Irene na wengine watakuwepo pia”


Hamza mara baada ya kuona Prisila alionekana kusita , alijikuta akikunja sura na kuweka usiriasi.


“Kama usipokuja sitokuwa na furaha”


“Huna haja ya kukunja sura hivyo, nitafika mapema kumsaidia Bi Mariposa kufanya maandalizi”Aliongea na tabasamu na kumfanya Hamza kutamani kucheka mara baada ya kukumbuka kuna watu wengine ambao wamesema watafika mapema kusaidia , alikuwepo Lamla , Bi Tunu na sasa Prisila nae anasema haivyo hivyo. Aliona si jiko halitotosha?.


Lakini Hamza hakujali sana , hivyo walipiga stori kidogo na kisha akaaga na kuondoka.


Wakati Hamza akiwa njiani kurudi nyumbani , aliona pia ampigie simu Rhoda na kumkaribisha. Aliwaza msichana huyo amekuja mwenyewe mpaka kwenye mazingira ya kigeni kwa ajili ya kumsaidia masuala ya ki ulinzi , itakuwa sio vizuri kumuacha kuwa mpweke siku ya sikukuu.


Wakati akiwa anawaza hayo , ndio muda aliokuwa akiingiza gari nyumbani na aligundua kulikuwa na gari tofauti na magari ya nyumbani, ikionyesha ni dhahiri kuna mgeni , ilikuwa ni gari aina ya Aud.


Hamza mara baada ya kuingia sebuleni aliweza kusikia makelele ya msichana.


“Waah! Hii TV mbona ni kubwa hivi na kama imetengenezwa kwa dhahabu , shilingi ngapi hii?”


Hamza mara baada ya kumuona msichana huyo ni Irene , alijikuta akishikwa na furaha. Irene alifika akiwa ametangulizana na bibi yake.


sehemu ya 236
“Dogo , uko sawa sasa?”Aliuliza Hamza na kumfanya Irene kugeuka na kutingisha kichwa akiwa na furaha.


“Niko sawa , Mejaraha yangu yote yamepona m sijisikii maumivu yoyote. Hamza bibi ashaniambia kila kitu. Siamini dada yangu kanipa hata damu yake , nimeguswa mno”


“Unaonekana kuwa na furaha sana?”Aliuliza Hamza na Irene alicheka.


“Ndio! Nina furaha tunakwenda kuwa familia”


Hamza alijikuta akikosa usemi. Msichana huyo uelewa wake wa mambo ulikuwa wa tofauti , lakini ki uhalisia kwasababu Irene ni mdogo wake Regina basi moja kwa moja wanakuwa mashemeji. Hamza alijiuliza inamaana huyu msichana ashasahau walikuwa na mahusiano yasio sawa au ndio kujisahaulisha.


Muda huo Shangazi na Bi Tunu walikuwa wakimwangalia Irene na hisia nyingi , kama vile walikuwa na meneno elfu moja ya kuongea. Ila hawakujua namna ya kuanza.


Muda huo Regina ambae alikuwa ametoka alirudi. Alionekana alitumia muda wake wote kuongea na Madam Wadeni kuhusu mchakato wa msingi wa taasisi ya msaada inayokwendwa kuanzishwa.


“Dada umerudi?” Irene mara baada tu ya kumuona Regina aliita.


Regina mara baada ya kusikia sauti hio ya kuitwa , hisia ambazo sio za kawaida ziliuvaa moyo wake, ila hakuonyesha usoni.


“Irene vipi hali yako , umekwisha pona kabisa?”


“Shukrani kwako dada kwa kunipatia damu yako, niko sawa sasa hivi na nina furaha nina dada”Aliongea Irene.


Hamza aliishia tu kuangalia kwa pembeni na aliona ndugu hao walikuwa tofauti sana , mmoja alikuwa ni kauzu , huku mwingine akiwa ni mcheshi mno, kama isingekuwa undugu wa damu wasingeonekana ndugu.


“Regina baada ya kumwambia Irene , alitaka tu kuja hapa kuonana na wewe, aliona kesho kutwa ni mbali”Aliongea Bi Tunu akijitetea kwa kuhisi isije ikawa ameharakisha.


“Usijali, kuna vyumba vingi viko wazi hapa , kwasababu mshafika haina haja ya kuwahi kuondoka. Mnaweza kulala leo hapa , hata siku nyingine mnaweza kurudi muda wowote, hakuna haja ya kuwa na wasiwasi hapa ni nyumbani”


“Dada kweli naweza kuishi hapa?. Napenda nikianza chuo niwe natokea hapa , UDSM itakuwa karibu na kazini kwako , utakuwa unanipa lift”Aliongea Irene.


“Irene hebu acha kumsumbua dada yako”Aliongea bibi yake.


“Unapanga kusomea UDSM?”Aliuliza Regina.


“Ndio!”


“Basi kama ni hivyo unaweza kuja kuishi hapa , itakuwa rahisi tunapanda gari moja ukienda chuo”Aliuongea Regina.


Hamza mara baada ya kusikia kauli hio alishangazwa na ukarimu wa Regina.


Irene mara baada ya kusikia hivyo , alijikuta akimkumbatia Regina kwa furaha na kumshitua Regina ambae hakutegemea.


“Dada Regina.. najikuta na furaha sana kuwa na dada mrembo m tajiri na mwenye roho nzuri kama wewe… Nina bahati sana”.


Regina alionekana kusita mwanzo , lakini aliishia kumshika Irene mgongoni kwa namna ya kumkubali pia.


Shangazi na Bi Tunu mara baada ya kuona jambo hilo , walishikwa na hali ya kutamani kulia kwa furaha na waliishia kuangalia tu na kuachia tabasamu.


“Dada naonekana kama mjinga eh! Ila nina furaha ndio maana”


“Napenda ulivyo mchangamfu”Aliongea Regina


“Hehe.. ni vuzrti kama dada yangu haoni ucheshi wangu kama ujinga”Aliongea Irene na haraka sana alisogelea lift.


“Dada nataka kwenda kwenye gereji , si una magari ya kifahari?”


“Nenda tu kaangalie”Aliongea na kisha alimgeukia Hamza.


“Hamza nifuate kwenye chumba cha kujisomea”


Hamza alionekana kushangaa na kujiuliza ni kitu gani anakwenda kuwambiwa , ila hata hivyo aliishia kufuata ngazi mpaka juu.


Mara baada ya kuingia ndani , Hamza alirudishia mlango na kisha alimwangalia Regina na tabasamu.


“Wife, umefanikiwa kukutana na Madam Wadeni, kuna kitu chochote mmeongea?”


“Alitaka kujua namna ya kutumia bilioni kumi na nikamwambia njia nzuri ni kuanzisha taasisi..”


“Kama ni hivyo basi ni vizuri zaidi , sidhani kama kuna tatizo. Kuna kitu kingine unataka kuniambia?”


Regina hakuongea neno na aliishia kukaa kimya akimwangalia Hamza na baada ya kama sekunde kumi na mbili hivi au zaidi Hamza alianza kujisikia vibaya kama vile kuna wadudu wanaompandia mwilini.


“Wife kwanini unaniangalia hivyo?”


“Irene sasa hivi ameshakuwa mdogo wangu na pengine baadae nitaishi nae hapa”Aliongea Regina na kumfanya Hamza kumeza mate.


“Kuhusu hili ni jambo zuri sana, haha.. Kitu na mdogo wake ndani ya nyumba moja..”


“Acha kujifanyisha mjinga. Unajua ninachomaanisha”Aliongea Regina huku mujonekano wake ukizidi kuwa siriasi na alisogea karibu zaidi na Hamza.


“Hautokuja .. Unapanga kutokumuacha hata shemeji yako?”


Hamza alihisi moyo wake ukifurukuta kwa hofu , jambo ambalo alikuwa akihofia hatimae limetokea. Regina hatimae amechana ganda na sasa anaonyesha kadi yake. Hamza alijikuta akishindwa kujizuia na kuanza kufikiria Regina amemkubali Irene haraka haraka na hata kukubali kuitwa dada na kisha kumruhusu kuja kukaa nyumbani pamoja, inamaana hayo yote ni kwa ajili ya kumuweka chini ya uangalizi?.


Aliona ingekuwa sio vizuri kabisa kama angefanya ujinga na mdogo wake.


Ingawa alikuwa na furaha ndugu wamefahamiana , lakini alishindwa kujua ni kwa namna gani ataishi na Irene kama ataendelea kumsumbua.


“Wife usiwe na wasiwasi kabisa , Irene licha ya kuwa mdogo bado lakini anaelewa vitu vingi , ukishamwelewesha vizuri hatokuwa na mawazo ya kijinga tena”


“Siwezi kumuelewesha mimi , ila wewe ndio unapaswa kufanya hivyo”Aliongea Regina.


Hamza aliishia kutabasamu kwa wasiwasi , hakujua ni hali gani Irene atakuwa nayo baada ya kumwambia na kuona ni mtihani mwingine sasa.


Ghafla tu Regina alichanua kwa tabasamu na kisha alimshika Hamza mkono na kuongoza njia.


“Hili suala lishaisha , turudi chini”


Hamza alihisi ni kama vile roho yake imenyofolewa na tabasamu hilo na namna alivyoshikwa mkono alijikuta akibung’aa kwa sekunde.


Wawili hao mara baada ya kurudi chni , Irene ndio kwanza alikuwa akitoka kwenye lift kutoka gereji na alimwangalia Regina kwa macho ya wivu.


“Sister wewe ni tajiri mno ,Kuna Buggati , Pagn, Ferari , Bentley na kila kitu. Una magari mengi mno. Naweza kuendesha moja , niliazima gari la watu na kuliharibu na hata sijalipeleka kwa fundi bado nikachukua langu”Aliongea Irene.


“Wewe Irene ndio maana ulikuwa na furaha , kwanini unaomba kila kitu baada tu ya kufahamiana na dada yako. Unataka kuendesha gari kwenda wapi?”Aliongea Bibi yake.


“Kila mtu hakosi safarii ya kwenda na gari nzuri”Aliongea Irene akivimbisha mashavu.


“Nitakuazima Maserati , ukitaka kuitumia wewe mwambia tu Shangazi atakupatia ufunguo”


“Wow! Asante dada”Aliongea huku akimkumbatia Regina.


Ijapokuwa Regina alikuwa hajabadilisha mwonekano na sauti yake ilikuwa ya usiriasi , lakini haikumjalisha Irene. Hakujali chochote na alionekana kupenda mpaka ukauzu wa Regina , aliishia kwenda mbali mpaka kumbusu Regina shavuni.


Ghafla tu nyumba ilichangamsha , Shangazi nae hakuwa nyuma hivyo aliandaa chakula kizuri, huku wakiongea na kucheka.


Wakiwa katikati ya chakula , Generation Z au mtoto wa elfu mbili Irene, kama kawaida alitoa simu na kuanza kuchezea huku akijipiga selfie.


“Wewe Irene ni tabia gani hio wakati wa chakula?”


“Naingia Live Tiktok , natafuta zawadi”Aliongea Irene na kumfanya Regina kumwangalia kwa shauku.


“Zawadi! Ni zawadi gani unapata kwa kujipiga picha?”


“Sister kweli wewe upo bize mpaka dunia inakuacha , naingia Live Tiktok na Insta na fans wananitumia zawadi , Da Prisila juzi kanipatia zawadi na hata Hamza mara nyingi ananitumia. Da Regina kwa uzuri wako watu wengi wangekupa zawadi”Aliongea.


Kauli hio kidogo tu imfanye Hamza kutema chakula alichokuwa akitafuna na kujiambia mbona Irene anaongea sana.


“Irene , dada yako hana haja ya kutafuta zawadi mtandaoni kama wewe”


“Lakini zawadi haihusiani na kuwa na hela , ni njia ya kuonyesha ushiriki na watu wengi mtandaoni na kuifanya dunia kuwa kitu kimoja. Ukitumiwa boksi la zawadi na kufungua ndani , unajikuta unakuwa na shauku kubwa. Halafu si wewe huyo nilikuona ukimtumia Dada Prisila alipokuwa Live akiongea kifaransa licha ya kuwa na hela? Nilidhani niliona vibaya ila nilipomuuliza alisema ndio”Aliongea na kumfanya Hamza kukosa neno na kuishia kumwangalia Regina tu.


“Wife , wewe si hauvutiwi na mambo ya kuwa live kwenye mitandao?”Aliongea Hamza na Regina alionekana kuwa na mwonekano usioelezeka na aliishia kumgeukia Irene.


“Ni zawadi kiasi gani shemeji yako amekutumia?”


“Ee!” Irene alijikuta akishangaa , ni kama sasa ndio anagundua uhusiano wake na Hamza umebadilika na sasa ni ‘ Shemeji’.


Kulikuwa na mabadiliko katika sura ya Shangazi na Bi Tunu lakini walijifanyisha kuwa bize tu.


“Alinipa zawadi ya Dola 80 tu na siku nyingine alinipa 120?”


“Hey! Mbona unaongea kama ni kiasi kidogo sana, ukijumlisha zawadi nilizokupatia zinafika mpaka dolla elfu moja”Hamza alijitetea kuonyesha ni jambo la kawaida.


“Lakini zawadi zako zinakuwa kavu sana , hautumi na meneno ya baraka”Aliongea.


“Maneno ya Baraka ya nini kama sio usumbufu tu, cha msingi ni zawadi”Aliongea.


Muda huo Regina alichukua simu yake na kumpa Irene.


“Irene na mimi niunganishe na Tiktok na Instagram na nionyeshe jinsi ya kutuma zawadi”


Irene mara baada ya kusikia kauli hio alijikuta akiripukwa na furaha na haraka sana alisogea upande wa Regina.


“Sister unaonaje tukitengeneza collabo kabisa , tunaweza kukusanya zawadii kibao tukiwa pamoja”


“Mh! Lakini unatumaje sasa na kupokea?”


“Ni rahisi sana”.


Walijikuta wakielekezana na kwa mara ya kwanza Irene alimuonyesha Regina Live kwenye Tiktok na ilikuwa ni kama ameshitua watu , kwani zawadi zilianza kumiminika mfululizo na kumfanya Irene kushangaa , sio kama hakuwahi kupokea zawadi nyingi ila siku hio ilikuwa imezidi huku maoni kibao ya watumiaji yakionekana na kutaka majibu kwa Irene juu ya mrembo aliekuwa nae.


Hamza aliishia kuangalia tu na alijihisi ni kama Regina anaigiza kuwa na furaha ila kuna kitu kipo moyoni..


Baada ya chakula , bibi yake Irene alimchukua mjukuu wake kurudi nyumbani , ijapokuwa Irene alitaka kubaki lakini alilazimisha waondoke pamoja , maana aliona Irene hata nguo za kubadilisha na kumwambia atalala wakija tena siku ya sikukuu.


Wakati Bi Tunu akiendesha gari kurudi nyumbani , aliishia kumwangalia namna mjukuu wake alivyokuwa na furaha.


“Utakuwa mjinga sasa! Mbona unajipiga picha na kucheka mwenyewe?”


“Haha! Bibi ninajiona ni mwenye bahati sana, nina baba ambae ni maarufu kama msanii licha ya kazi yake ya siri , lakini ghafla tu nimekuwa na undugu wa damu na Sister Regina Mkurugenzi wa makampuni ya Dosam. Nina furaha nakwenda kuwa maarufu. Bibi hebu angalia picha ya haya magari kwenye gereji yake , hii picha nikiwaonyesha marafiki zangu watanionea wivu mno”Aliongea na bibi huyo aliishia kutabasamu tu huku akiwema umakini barabarani.


“Halafu pia una shemeji yako anaejua mapigano .. Ushukuru sana kama Sio Hamza ungekuwa ushakufa”Aliongea na Irene mara baada ya kusikia neno Shemeji tena sura ilimshuka.


“Bibi! Kwani lazima nimuite shemeji?”


“Ndio na uache ujinga. Hupaswi kufanya kama mlivyokuwa mwanzo na unapaswa kuheshimu mipaka kati yako na shemeji yako . Vinginevyo kama dada yako atakuelewa vibaya haitokuwa nzuri kwako”Alionya.


“Hawezi kunielewa vibaya , kwasababu sio mwanamke tu wa nje , ni dada yangu kabisa”


“Wewe acha kuongea ujinga. Wewe na Regina ni ndugu tena wa damu , ukifanya ujinga mimi na baba yako hatuwezi kukuangalia tu. Kwanzia sasa hivi unapaswa kumuita Hamza Shemeji , umeelewa?”


Bi Tunu alikuwa siriasi mno na kumfanya Irene kuishia kuvimbisha mashavu tu huku akiitikia kwa sauti hafifu ya kuguna.


Upande mwingine mara baada ya wageni kuondoka wakiwa wamewasindikiza nje.Hamza alijikuta akiangalia juu angani na kuona namna mwezi ulivyokuwa ukiangaza dunia na palepale alikumbuka hakuwa amemalizia ile filamu walioenda kuangalia pamoja na Regina.


Isitoshe pia Regina alionekana kununa kutokana na kugawa zawadi mtandaoni kama njugu, hivyo aliona atafute mbinu za kumpoza kidogo.


“Wife unaonaje tukienda kuangalia Movie?”

 

[singanojr]

SEHEMU YA 240
Ndani ya uwanja wa wa ndege wa kimataifa wa Nyerere , jijini Dar es Saalam, alionekana Dastani akiwa ndani ya gari kando kabisa na magari ya Abiria maarufu kama Taksi , Bolt au Uber.


Kanali gari ambalo alikuwa amesimamisha lilikuwa pia na Banner , ilionyesha ni gari inayotumika kwa ajii ya usafiri wa Bolt Deluxe.


Tokea afike ndani ya eneo hilo alikuwa ameshacancel karibia request kumi za kuchukua wateja waliokuwa wakitoka katika uwanja huo wa ndege.


Kila baada ya dakika chache alikuwa akiangalia saa yake ya mkononi , kama vile kuna mtu ambae alikuwa akimsubiria.


Muda huo ilikuwa yapata saa tatu kwenda saa nne za usiku na umakini wake uliongezeka zaidi mara baada ya muda wa dakika kumi na tano kupita, huku macho yakiwa katika mlango wa kutokea abiria wanaowasili.


“Huyu jamaa mbona haonekani?”Alijiwazia Kanali Dastani huku akionekana kama mtu ambae amekosa uvumilivu na hiyo ni kutokana na kwamba abiria wengi waliofika na ndege ya shirika la Turkish , wengi wao walishatoka.


Muda ule akiwa amekaza macho mlangoni , ghafla tabasamu lilichipua katika macho yake mara baada ya kumuona mwanaume akiwa anatokea kwenye mlango akiwa na begi la mgongoni tofauti na wasafiri wengi.


Alikuwa ni mwanaume mwenye mwili uliojazia kidogo , mweusi ambae alikuwa amevalia boshori kichwani , chini jeans na juu sweta la kufuma.


Bwana yule aliangaza kulia na kushoto kama vile alikuwa mgeni jijini na kisha alianza kuzipiga hatua kusogelea taksi. Dastani aliekuwa ndani ya gari alikuwa ni kama anahesabu hatua za yule bwana na ile anakaribia usawa wake, alishika mlango kwa ajili y a kufungua na kumuwahi , lakini alikuwa amechelewa kwani kati ya taksi zile alitokea dereva ambae alisimama mbele kabisa ya yule bwana na yule dereva alitoa miwani ya jua na kumfanya yule bwana kushituka kidogo , lakini alizima mshangao wake na kisha aliingia katika gari ile.


Dastani ni kama ameshikwa na mshituko hivi , maana kile kilichotokea ni kama vile amewahiwa. Palepale alijikuta akipatwa wazo la kufuatilia ile gari haraka mara baada ya kuona inaondoka katika maeneo hayo , lakini kabla hajawasha , kioo cha gari kiligongwa na kumfanya ageuke.


“Nina mteja tayari”Aliongea Amosi haraka na kisha alipandisha kioo lakini kabla hata hakijajifunga yule bwana alizuia na mkono.


Bwana huyo alikuwa ni wa sura nyeupe , yaani mzungu , alikuwa amebeba begi la kushikilia mkononi na Kanali alimuona kama moja ya wageni waliokuwa wakitoka katika mlango wa abiria wanaowasili.


Kanali alikuwa ashawasha gari na aliona ni kama usumbufu hivyo alitaka kuliwasha mara moja kuondoka.


“Nipo kwa niaba ya Mr Amosi”Aliongea yule mzungu kwa kingereza na kumfanya Dastani kutoa mguu kwenye pedeli na kisha aligeuka na kumwangalia yule bwana na alikutana na tabasamu na ishara ya kuashiria afungue mlango.


Kanali Dastani alijikuta akifikiria kwa sekunde na haraka sana alifungua mlango na kumruhusu yule bwana kuingia na kisha palepale akaondoa gari.


********


“Tofauti na Irene na Prisila , nani mwingine umemtumia Zawadi?”Aliuliza Regina akimwangalia Hamza.


Hamza alijikuta akimeza mate na kujiambia kumbe huyu mwanamke na vitu kama hivyo pia anajali.


Asingeweza kumdanganya , isitoshe vitu kama hivyo , Regina angetaka kufahamu ingekuwa rahisi tu.


“Kuna wengine , ila siwajui?”Aliongea Hamza.


“Kwanini uwatumie tu wao , ila mimi hujawahi kunitumia?” Swali hilo lilimfanya Hamza kuwa katika mshangao na kujikuta akiguna.


“Kwasababu mke wangu wewe upo bize na sijawahi kukuona live mtandaoni, ningekutumiaje , halafu pia wewe ni tajiri , sidhani kama unajali sana kuhusu zawadi ndogo ndogo za hela”Aliongea Hamza.


“Lakini kama hawajakuomba uwatumie , kwanini ulituma?”


Hamza alijikuta akikosa neno na mara baada ya kufikiria kwa sekunde aliona abadilishe mada tu.


“Wife nasikia kuna bonge la tamthilia linaonyeshwa leo season two yake , Ni ya Kikorea inaitwa..”


“Sijisikiii!”


Mara baada ya kuongea , palepale aligeuka na kisha alitembea kuingia ndani na kupandisha ngazi kwenda chumbani kwake.


Hamza aliishia tu kusimama katika eneo moja huku akiwa ameganda, ilionekana Regina amekasirika , kiasi cha kumfanya kwenda moja kwa mja chumbani kwake na sio kwenye chumba chake cha kujisomea.


“Hamza, awamu hii wewe ndio umekosea”Aliongea Shangazi akisogea alipo Hamza.


“Inakuwaje unawapatia wanawake wengine zawadi na kumsahau Regina?”aliongea Shangazi.


“Lakini shangazi sio kama nilipanga kuwapatia zawadi , walikuwa mubashara huko mitandaoni na mimi sikuona shida kuwazawadia. Isitoshe Regina pia sio mtu wa mitandao”Alijijtetea.


“Hili sio suala la mitandao , ni suala la hisia. Hata kama Regina anaweza asiwe mtu wa mitandao , lakini wewe kuzawadia wanawake wengine na yeye hujampa chochote ni tatizo. Unadhani kama ukiendelea kuwasiliana na wanawake wengine namna hii na kugawa zawadi tu huko mtandaoni bila yeye kujua atajisikia vizuri?”Aliongea Shangazi na kumfanya Hamza kukuna tu kichwa.


“Nadhani nimeelewa sasa , Shangazi napaswa kufanya nini?”


“Kipi tena cha kufanya , unapaswa kuwa vizuri zaidi , onyesha nia yako ya dhati kwake. Andaa zawadi , vitu kama maua na vitu vingine unavyohisi atapendelea. Regina anaweza kuwa bosi kazini kwake , lakini mbele yako ni mwanamke tu anaetaka kubembelezwa”Aliongea Sahngazi na kisha aligeuka na kumuacha Hamza.


Hamza alijifikiria kidogo na kisha palepale alipandisha ngazi na kwenda juu , alivyofika katika chumba cha Regina alijaribu kugonga lakini Regina hakumuitikia kabisa.


“Mke wangu usiwe na hasira , nitakutumia zawadi na wewe kuanzia sasa”Hamza aliongea lakini Regina hakujibu.


Hamza hakutaka kulazimisha kuingia , hivyo aliishia tu kurudi kwenye chumba chake na kisha akaona ngoja amtumie Regina ujumbe kupitia watsapp , lakini kabla hata hajatuma alighaili ghafla na palepale aliona amtumie zawadi.Alijua zipo njia nyingi za kumtumia mtu zawadi bila ya kuwa live.


Hamza haraka haraka aliingia mtandaoni haraka haraka na kisha alichagua zawadi(digital gift) na kisha palepale alimtumia Regina kupitia watsapp . Hamza alinunua gift card yenye thamani ya dollar 180 zaidi ya laki tatu na kisha aliituma.


Haikuchukua muda Regina alionekana kupokea ujumbe wake na zawadi imefunguliwa.


Hamza alijikuta akifurahia kwa kuona pengine ameshasamehewa lakini matokeo yake baada ya sekunde chache tu alirudishiwa zawadi yake na kumfanya Hamza kufikiria na kuona inamaanisha nini hio?.


“Wife usiwe hivyo basi , nitakuwa nakutumia na wewe zawadi hata kama haupo live”Alijibu Hamza.


“Sitaki zawadi zako mimi”Alijibu Regina.


“Wife usiwe na hasira. Kwanini usipende zawadi zangu?”Alijibu Hamza akitanguliza na emoji ya kujitilisha huruma.


“Kwasababu unapenda sana kujiftisha watu mtandaoni, nitumie na mimi zawadi mara mia moja”Alijibu Regina mara baada ya kukaa kimya kwa muda.


Hamza mara baada ya kusoma ujumbe huo kidogo tu adondoke chini ya kitanda , yaani atume zawadi mara mia moja? Huo si ukatili sasa.Alijiwazia.


Lakini hata hivyo aliona kama kweli anaweza kutuma mara mia moja na kumfanya Regina asikasirike , basi sio hasara licha ya kwamba ni hela nyingi , aliona ilikuwa njia rahisi zaidi kuliko kubembeleza.


“Okey!Nakutumia sasa hivi”Alijibu Hamza na haraka haraka aliingia mtandaoni na kununua kadi za aina tofauti tofauti na kutuma mara nyingi mfululizo kwenda kwa Regina.


“Hebn acha! Zawadi zako ni za kujilazimisha”


“Ah! Unamaanisha nini za kujilazimisha?”


“Una utofauti gani na roboti? Kwanzia sasa kila zawadi andika maneno mazuri ya kunivutia na yasijirudie”


Hamza alijikuta akibung’aa , yaani katika mara mia zote atakazotuma zawadi kila moja aandike mstari wa kumvutia. Hamza alitamani kulia kwa mtihani huo , lakini hakuwa na jinsi zaidi ya kujitutumua.


“Mke wangu wewe ni mrembo… Mke wangu una moyo mzuri sana , Mke wangu hakuna wa kukufikia kwa uzuri dunia hii . Mke wangu wewe ni kama mwezi ..Mke…”


Hamza alikuwa akifikiria kama mashine , kuhakikisha kila mstari anaoandika unavutia , lakini alijikuta mistari ikimwishia , ila hata hivyo akili yake ilifanya kazi kwa haraka haraka na alifungua Chatgpt(Akili mnemba) kupitia laptop na kuiambia iandike mistari mia ya kumvutia mke wake na ndani ya sekunde kadhaa tu ishamaliza na kumfanya Hamza kutabasamu na kuanza kukopi na kupaste, huku akijivunia uwezo wake wa akili na kwenda na wakati.


Alituma mfululizo kama mashine mpaka Regina alivyomwambia aache na kumpa sheria mpya.


“Sitaki mistari yako ya kukopi , kwanzia sasa kila zawadi kuwe na mstari wenye kila neno ambalo uliniambia likanifurahisha tokea tukutane na hakuna marudio” Regina alituma ujumbe akionekana kumshtukia Hamza.


Hamza mara baada ya kusoma huo ujumbe alijikuta akitamani kupasua simu na kugundua huyu mwanamke mbona ana akili sana , alijikuta akiangalia zawadi alizobakiza kutuma zilikuwa kumi , lakini kukumbuka kila neno ambalo lilimfurahisha Regina ilikuwa ni kazi kubwa.


Hamza aliona haina kukata tamaa , hivyo palepale alianza kumtumia na kukumbuka kila neno alilomwambia na kumfurahisha.


“Wewe ni mjinga! Umekosea nani kakuambia hilo neno lilinifurahisha? Umeshafeli mtihani na sitaki zawadi zako tena”


Hamza alijikuta sura ikigeuka ya kijani na kufanya vidole vyake kuanza kutetemeka kama alikuwa hajui kuandika.


“Wife , nitajaribu tena .. nipe nafasi ya mwisho”Alituma Hamza.


Hamza licha ya kusema hivyo , lakini moyo wake ulikuwa ukivuja damu. Aliona ni changamoto kubwa aliopatiwa zaidi ya kupigana na Gwiji mwenzake.


Regina alionekana kunyamaza kwa dakika kadhaa na kisha alituma tena ujumbe;


“Ndio unataka kusamehewa sana eh!?”


Hamza mara baada ya kusoma huo ujumbe , aliona pengiine Regina amebadilisha mtihani na haraka haraka alijibu kwa kuanza na emoji.


“Wife kichwa kinaniuma nibadilishe njia nyingine ya kukufurahisha basi?”


“Mh! Nimekwambia uniandikie wewe mwenyewe maneno ila ukaanza kukopi na kupaste , huna nia ya dhati kabisa ya kutaka kusamehewa”


“Mke wangu sijakopi popote kila mstari umetoka ndani ya uvungu wa moyo wangu na nimeandika kulingana na hadhi yako?”


“Mimi nina hadhi gani?”


“Una hadhi ya malaika! Wewe sio mtu wa kupenda penda vizawadi vidogo vidogo”Alijibu Hamza.


“Ndio unavyoona?”


Hamza aliona pengine kuna tumaini kwenye kauli hio, na Regina alionekana kutokukasirika, hivyo aliona ni muda wa kukigongelea chuma kikiwa bado cha moto.


“Kweli kabisa mke wangu , muda mwingine naona kabisa hao wanawake wanaojianika mtandaoni kwa ajili ya kupata zawadi hawana tabia nzuri na sio wife material”


Mara baada ya kuongea hivyo Hamza aliishia kujiambia moyoni: Babe Eliza , Babe D , mnisamehe kwa leo kwanza…”


Regina mara baada ya kusoma kauli hio , alionekana kufurahi bila kupenda.


“Okey! Nimeamua kujilazimisha kukusamehe. Mimi natoka kwenda kutembea kwanza , tutaongea baadae”Ujumbe ulitumwa.


“Wife nisubiri , nataka na mimi kwenda kutembea”Aliongea Hamza.


Haraka haraka alishuka kitandani na kuvaa nguo , alijua kauli hio ya Regina ilikuwa ikimaanisha alikuwa akimpa nafasi ya kwenda nae kutembea na kama angemwambia safari njema , basi juhudi zake za kutuma zawadi , zingepotelea hewani.


Ilikuwa ni kweli Hamza mara baada ya kutoka kwenye chumba chake aliweza kumuona Regina akiwa amebadili katika mavazi mepesi na alikuwa ameshikilia pochi ya Chanel huku akishuka kwenda chini kwa mwendo wa taratibu sana ikionyesha alikuwa akimsubiria mtu.


Hamza alimfuata nyuma nyuma na wote walikuja kufika kwa muda sawa ndani ya gereji ya magari.


“Wife , ngoja nikupeleke ukaangalie movie , ile siku hatukuimaliza pamoja na nimekuwa nikijihisi hatia “Aliongea Hamza huku akiweka mwonekano wa kizembe.


“Mh! Ukiniacha mwenyewe tena , sitokuja kuangalia muvi na wewe tena”Aliongea.


“Hata kama dunia igongwe na kimondo , siwezi kuondoka mpaka iishe”Aliongea Hamza huku akijishika kifuani.


“Ndio ipo hivyo na huruhusiwi kunigusa”Aliongea Regina.


“Haha.. siwezi kufanya hivyo kabisa”


Wakati wakiwa njiani , Regina alionekana kuwa bize na simu na mara baada ya kuangalia , Hamza aligundua Regina alikuwa akichati na mtu.Kulikuwa na hata ishara ya tabasamu katika uso wa Regina.


Ilikuwa ni adimu sana kumuona Regina akiwa kwenye aina hio ya mudi na pia kuwa bize kuchati , lakini Hamza kuna kawivu kalimwingia.


“Wife una chati na nani , mbona unaonekana kuwa na furaha hivyo?”Aliuliza Hamza na Regina aliishia kutoa jibu bila ya kutoa macho kwenye simu yake.


“My Best Friend”


Hamza mara baada ya kusikia kauli hio , alikumbuka Regina alishawahi kumwabia alikuwa na rafiki yake kutoka Marekani na walikuwa wakichati sana mtandaoni.


Mara baada ya kujua ni mwanamke , Hamza alijikuta akitoa tabasamu la ahueni.


“Nimemwambia rafiki yangu anitumie zawadi mara mia moja , kaniambia hizo sio zawadi sasa natafuta hongo na kama ningekuwa mpenzi wake angeniacha muda mrefu tu. Hamza hata wewe ndio ulivyokuwa ukifikiria?”


Hamza mara baada ya kusikia hivyo , alijikuta akipatwa na furaha katika moyo wake kwa kuona Regina ana rafiki mwenye akili.Lakini hata hivyo hakutaka kukubali kwa maneno.


“Sidhani kama yupo sahihi , mimi nimekukosea na ukanipa adhabu ya kukutumia zawadi amra mia moja , kwangu hata kama ingekuwa mara elfu moja ningefanya hivyo”


Regina mara baada ya kusikia hivyo , aliishia tu kuvimbisha mashavu huku akiguna.


“Ndio ujue! Nani kakuambia uwatumie zawadi na sio mimi?Unaweza kuona kawaida ila mnatengeneza kumbukumbu”


“Ni kweli kabisa mke wangu. Maneno yako yana maana kubwa ..”


“Rafiki yangu kasema atakuja nchini baada ya sikukuu za christmass na mwaka mpya. Anasema wana kazi hapa nchini, hivyo anataka kukuona na kupata chakula pamoja. Utakuwa na muda?”Aliuliza Regina.


Hamza bila shaka asingekuwa na pingamizi , alikuwa na furaha lakini pia alitaka kuona ni aina gani ya rafiki Regina aliekuwa nae.


“Litakuwa jambo zuri mke wangu , rafiki yako kwani anajishughulisha na nini?”Aliuliza Hamza.


“Ni mwigizaji na anatengeneza filamu pia, ni mtu maarufu sana duniani , wakati wa kuonana tunapaswa kutafuta sehemu ambayo mapaparazi hawatasumbua”


“Ndege wafananao huruka pamoja. Warembo kwa warembo. Wife lazima rafiki yako pia atakuwa mrembo , vinginevyo asingeweza kuwa star”Aliongea Hamza.


Aina hio ya kusifiwa kwa njia isiokuwa ya moja kwa moja ilimfanya Regina kuridhika.


“Utamuona siku tukionana. Ila ni mzuri kuliko hata mimi , wakati tukiwa chuo kulikuwa na wanaume kibao waliokuwa wakimfukuzia”Aliongea Regina.


“Haiwezekani..”Aliongea Hamza.


“Kwanini? Nilichosema ni kweli. Waliokuwa wakimtaka walikuwa ni wanaume wa kila aina , wengine mpaka matajiri”


“Labda itakuwa ni tabia yake tu , lakini katika ulimwengu huu hakuna mwanamke mrembo kukuzidi wewe mke wangu. Hivyo rafiki yako hawezi kukuzidi”Aliongea Hamza akiwa na hali ya usiriasi katika sura yake.


Regina alijikuta akishangazwa na maneno hayo , aliishia kugeukia pembeni na kisha kutabasamu kisirisiri.


“Ushaanza kuongea ujinga tena , sitaki kukusikiliza pumba zako”


Hamza upande wake alijiona alikuwa mjanja sana , yaani kwa maneno yake machache tu aliweza kumlegeza Regina . Alijivunia.


Hamza aliendesha gari mpaka pembezoni mwa fukwe , karibu na moja ya shopping mall kubwa ya kampuni ya Vexto na kisha wakashuka.Ilikuwa ni sehemu pia unapopatikana ukumbi wa ZerosTheatre kwa ajili ya kuonyesha filamu.


“Hamza , hivi kile kinywaji ulichoniletea siku ile tunakinunulia wapi?”


“Ulikipenda?”


“Eeh! Nataka kununua na kuingia nacho kuangalia muvi”


Hamza aliona kumbe vitu ambavyo wanapenda wanawake wengine , na Regina pia angependa na hadhi yake haikumfanya kuwa na radha tofauti. Aliishia kumuongoza Regina mpaka kwenye duka vinapopatikana , huku yeye akiagiza clips za viazi.


“Si umekula chakula cha usiku! Bado tu unanunua vitu vya kukaanga, utatoka kitambi”Aliongea Regina


“Wife mimi hamu yangu ya kula ipo juu mno, halafu kwanini nitoke kitambi au ushasahau mimi ni nani ?”


Regina mara baada ya kusikia hivyo alikumbuka mwanaume wake hakuwa wa kawaida.


“Kumbe! Basi kula”Aliongea.


Hamza alijikuta akifikiria katika akili yake na kujiuliza kwannini Regina anajali sana kuhusu yeye na kitambi, mara baada ya kuwaza alijikuta akielewa na kuanza kucheka.


“Wife unaogopa nitatoka kitambi na sitopendeza tukipiga picha wakati wa harusi yetu?”


“Wewe.. nani anajali ukiwa na kitambi?..”Aliongea Regina huku sura ikiwa imeiva na haraka alitembea upande wa kununulia tiiketi.


Hamza aliishia kufurahishwa na aibu za kike za Regina , lakini kwa wakati mmoja alifikiria ni kwa namna gani atamchumbia Regina maana ndio kama ilikuwa kikwazo cha yeye kutopewa tunda.


Awamu hio hawakuchagua sit za wenza na badala yake walichagua za kawaida tu, isitoshe ukumbi ulikuwa hauna watu wengi , walikuwa ni wa kuhesabika.


Wakati wakiendelea kuangalia , Hamza alimshika Regina mkono, alionekana kusita kidogo lakini alitulia na kisha akaegamia kwenye bega la Hamza.


Jambo hilo lilimfanya Hamza kujisikia vizuri na kujiona kidume na kila baada ya muda alikuwa akilinyoosha bega.


“Mbona unatingishika sana?”Aliuliza Regina.


“Naona labda urefu wangu ni mkubwa sana , hivyo sitaki kukufanya uumize shingo”Aliongea Hamza na kumfanya Regina katika giza hilo kutoa tabasamu la utamu.


“Acha ujinga na usisogee”


Hamza alihisi moyo wake ni kama umekufa ganzi , alijiambia nani kasema wanawake pekee wakipenda akili zao ndio zinakuwa ndogo. Aliona hata wanaume wapo hivyo hivyo vinginevyo asingejisikia furaha kuitwa mjinga namna hio kama zuzu.


Mara baada ya muvi kuisha Hamza aliondoa gari , lakini bado ilikuwa mapema na kwasababu ni mara chache wanakuwa na muda wa kuwa pamoja kama hivyo, Hamza aliona sio muda wa kwenda nyumbani bado.


“Wife ngoja tukapate kitu chochote cha kutafuna tuchangamshe tumbo, unaonaje?”Aliuliza Hamza


“Ni wewe tu , lakini mimi sitaki kula chochote chenye mafuta”


“Kuna ambavyo havina mafuta , ngoja utapenda”Aliongea Hamza na kuendesha gari mpaka kufika katika mtaa uliokuwa umechangamka sana kutokana na watu kuwa bize kuuza vyakula vya kila aina kuanzia kuku choma , pweza , mihogo , mishikaki na kuendelea.


Mara baada ya wote kushuka , Hamza alimshika Regina mkono na kutembea huku wakipita baadhi ya maduka yaliokuwa yamepambwa na miti mingi ya Christmas na vimulimuli.Licha ya kuwa usiku , lakini maduka mengi yalikuwa wazi.


Mwonekano wa Regina ulivutia watu wengi sana na kumfanya Hamza aliekuwa amemshikilia Regina mkono kujivunia kwa kuwa na mke mzuri kama lulu. Furaha aliokuwa akijisikia ilikuwa ni zaidi ya mapambio ya kushangiliwa na watu wengi kwenye mkutano wa baraza la maksi.


Lakini ghafla mara baada ya kupita pembeni ya Bar, mara mwanaume aliekuwa na mwonekano wa kuchakaa aliwakimbilia huku akiliita jina la Regina kwa nyuma.


Ham,za alijikuta akisimama na hata Regina pia ambae aligeuka, na mara baada ya kumuona mzee huyo ambae alichakazwa na ulevi , alijikuta akikunja sura. Haikuwa hivyo tu , Regina alionekana kama vile ameona kitu cha kumtisha.

 

[singanojr]

Hamza alijikuta akishangaa mara baada ya kumwangalia Regina , kwa mwonekano wa Regina , ilikuwa ni dhahiri alikuwa akimfahamu huyo mwanaume , lakini mtu huyo hakuonekana kuwa mdogo. Kulinganisha na Regina kulikuwa na utofauti ambao ni zaidi ya mbingu na ardhi , na Hamza alijiuliza inakuwaje wakawa wanafahamiana?.


“Regina! Najua ni wewe , acha kunikimbia baba yako”Aliongea yule mwanaume ambae alionekana kulewa kiasi.


Mara baada ya bwana huyo kuongea hivyo Hamza alijikuta akishikwa na mshangao mkubwa mno na kujiuliza nini maana yake hii?


Baba yake Regina? Lakini mbona nina uhakika Regina ni mtoto wa Mzee Samweli?. Yalikuwa maswali ya Hamza.


“Umenifananisha! Sikujui mimi”Aliongea Regina huku akiwa na macho yaliokuwa mekundu na mara baada ya kuongea alianza kukimbia bila ya kuangalia nyuma.


Hamza alionekana kusita kwa sekunde , lakini hakujali tena kuhusu mwanaume huyo ambae alionekana maisha yamempiga na kuonekana kuchechemea na kumkimbilia Regina aliekuwa akikimbia.


Yule mwanaume aliishia kumfukuza Regina kidogo tu na kudondoka chini kutokana na kulewa kwake na kuoneana kuumia mguu , huku akiendelea kuita kwa nguvu.


“Regina hebu acha kukimbia , wewe m*laya usie na shukrani..”


Watu wengi waliokuwa katika mtaa huo walionekana kushangaa na kuchanganyikiwa kwa wakati mmoja , hawakuelewa ni kitu gani kinaendelea lakini wengi wao walimuona Mzee huyo kuwa kichaa.


Walimuona Regiona ni mwanamke ambae alionekana kuwa wa kishua,inakuwaje kuwa na baba Mlevi, licha ya hivyo wengine walidhani inawezekana , isitoshe kuna matukio mengi ya watoto kuwa matajiri lakini wazazi wanaishi kwenye umasikini.


Yule mwanaume aliendelea kulala ardhini huku akiendelea kulalamika na kumtukana Regina kilevi na kadri sekunde zilivyokuwa zikisogea ndio namna sauti yake ilivyozidi kuwa dhaifu na kunyamaza kabisa .


Baada ya kama dakika tano au sita hivi kupita , mwanaume yule wakati akihangaika kusimama , ghafla tu alisogea mtu na kumnyooshea mkono.


Mwanaume yule aliinua sura yake na kuangalia juu na ndio alipoweza kumuona mwanaume aliekuwa na sura ya kitanashani na alievalia nguo nadhifu zilizoashiria ukwasi, lakini akiwa na tabasamu lililojaa uovu.


“Shika mkono wangu mzee , nikusaidie kusimama”Aliongea yule bwana na hata sauti yake tu ilionyesha hakuwa mtu wa hadhi ya chini.


Yule mlevi alionekana kutetemeka wakati akiwa ameshikana mkono na yule bwana ambae hakumfahamu , huku akijitahidi kusimama.


“Wewe .. ni nani?”


“Hilo swali napaswa kukuuliza wewe .. Wewe ni nani na una uhusiano gani na Regina?”.


*****


Regina alikimbia mpaka kufikia sehemu ambayo walikuwa wameegesha gari , lakini ile anafika aligundua ufunguo alikuwa nao Hamza


Hamza mara baada ya kufikia gari , aliishia tu kufungua mlango na rimoti na Regina aliingia upande wa dereva na yeye pia aliingia upande wa siti na kisha akampatia ufunguo.


“Unaweza kuendesha!”Aliongea Hamza bila ya kuuliza chochote.


Regina mara baada ya kupewa ule ufunguo haraka haraka aliwasha gari kama vile alikuwa akifukuziwa na kuliondoa kwa spidi ndani ya eneo hilo.


Hamza aliishia tu kumwangalia mwanamke huyo , alivyokuwa mkavu kwenye macho yake , ingawa alikuwa na maswali mengi , lakini hakutaka kuuliza. Aliona Regina alihitaji muda wa kutulia kwanza.


Mara baada ya kuendesha gari kwa nusu saa nzima uelekeo wa nyumbani aliingiza gari katika geti linaloingia fukweni na kisha akasimamisha pembeni.


Mara baada ya kushuka kwenye gari , Regina alisogelea upande wa fukwe na kuanza kuvuta hewa nyingi huku akimwangalia Hamza aliekuwa akishuka kutoka garini taratibu.


“Kwanini huulizi yule mtu ni nani?”Aliongea Regina na kumfanya Hamza kutingisha mabega.


“Kama unaona unaweza kuniambia , basi utaniambia tu..”


Regina alionekana kunyamaza kwa sekunde kadhaa na kisha aliangalia upande wa minsupermaket ya masaa ishirini na nne na palepale alianza kutembea kuelekea uelekeo huo.


Hamza aliishia kumfuata nyuma nyuma mpaka ndani ya min-supermaket ile na alimuona Regina akisogelea friji na kutoa maji na kunywa kiasi.


Hamza mara baada ya kuona Regina alipanga kunywa na yeye pia alisogelea friji na kutoa bia ya kopo na kisha kusogea karibu na Regina.


“Ngoja tunywe wote”Aliongea Hamza akicheka kidogo na Regina aliishia kutembea mpaka kwenye viti na kukaa chini huku akiendelea kunywa maji yale mdogo mdogo akiangalia upande wa baharini.


Hamza pia aliendelea kushusha bia yake taratibu na korosho huku na yeye pia akiwa ameangalia uelekeo wa baharini.


Mkao huo ulimkumbusha Hamza kipindi kila mwenzao anapofariki katika harakati za vita angekaa hivyo na washikaji zake na kunywa wakiwa wameangalia baharini.


“Jina lake anaitwa Madilu…”Aliongea Regina baada ya kimya cha muda mrefu.


Hamza aligeuka na kumwangalia Regina ambae alioneakna katika hali ya mawazo huku nywele zake zikiwa zinapeperushwa na upepo, kulikuwa na ishara ya machozi kwenye macho yake pia.


“Kwanini kasema wewe ni baba yake?”


Hamza mara baada ya kuona mwanamke yupo tayari kuongea , aliona aulize maswali ili kumjuia zaidi.


“Kama hutaki kuongea , unaweza kuacha tu. Hata hivyo sijali sana..”


“Kwanini usijali! Ukiweza kujua ukweli , pengine hisia zako juu yangu zinaweza kubadilika kabisa”Aliongea Regina huku akitoa tabasamu lililojaa huzuni.


“Kitu pekee kitakachobadilika ni kwamba nitakujua zaidi ya mwanzo ila kubadilika kwa hisia zangu kwako”Aliongea Hamza huku akicheka kidogo.


“Vipi kama ukijua mimi ni mtoto wa changudoa?”


Hamza kauli hio ilimshangaza na palepale alikumbuka kipindi wale wazee Regina akiwafukuza kwenye kampuni walikuwa wakimtukana kwa kumuita mtoto wa kahaba na sio hao tu hata Lamla alishawahi kusikia akiongea na alijua ni hasira tu , ila kumbe mama yake alikuwa akifanya kazi maalumu.


Hakujali mwanzo , ila baada ya kumsikia Regina akiongea alijikuta akianza kujali sasa. Ila Hamza hakujali sana kwani kutokana na uzoefu wake alikuwa akielewa baadhi ya mambo. Ili kuendelea kuishi ilikuwa ikieleweka baadhi ya watu kufanya maamuzi magumu.


Hamza alijikuta akiinua mkono wake na kumshika Regina kichwa na kumwangalia usoni.


“Inua kichwa chako na niangalie usoni”Aliongea na Regina aliinua kichwa chake na kumwangalia Hamza usoni na kufanya amcho yao kukutana.


“Sijui ni kitu gani unakwenda kuongea , ila nadhani kupitia macho yangu unaona sijali chochote”Aliongea Hamza akiwa na tabasamu.


“Kweli!” Aliuliza Regina huku macho yake mazuri yakichanua.


Hamza mara baada ya kuona mwanamke huyo , bado alikuwa na wasiwasi, palepale macho yake yalikumbuka kitu na kumfanya arudishe kumbukumbu nyuma.


“Wife ngoja nikuambie kitu, kuhusu maisha yangu yaliopita , pengine baada ya kunisikiliza unaweza kunielewa”Aliongea Hamza.


“Mh.. ni kitu gani?”


“Wakati nikiwa na miaka kumi na tisa , miezi miwili kabla ya vita takatifu kuanza. Ukweli ni kwamba sikuwahi kuwaza kama nakwenda kupigana vita vikubwa , sikuona kabisa nafasi ya kushinda.


“Unapaswa kujua mtawala wa Zama ,Mr Black sio tu kuwa peke yake lakini vilevile alikuwa na mwanamke niliekuwa nikimwita Madam , yule White Queen. Sio hivyo jamii nyingi za siri zilikuwa chin yao na kulikuwa na zaidi ya watu sita ambao walikuwa wanakaribia levo ya ugwiji ….”


Regina alionekana kushangaa na kuchanganyikiwa na alijikuta akiuliza;


“Kama ni hivyo nini kilikupelekea ukaingia vitani licha ya kujua hautoshida?”


“Kwasababu .. mtu muhimu kwangu aliuliwa kwa sumu na kiongozi mkuu wa Madhabahu takatifu. Ndio mtu ambae alinisaidia nikatoka katika giza na kuona kuna vitu vingi katika ulimwengu ambavyo ni sahihi kufanya , sio kuua tu , ijapokuwa nilikuwa nimeaua sana, lakini mikono yangu pia ilikuwa na uwezo wa kuokoa watu…”


Regina muda huo alijikuta akikukumba kipindi walipokuwa kwenye Baraza la maksi , mshereheshaji wakati wa kumtambulisha Hamza alielezea stori kubwa ambayo ilikuwa ikimuhusu , mpaka kuelezea namna Hamza alivyobadilika kutoka kuua na kuanza kuokoa watu.


“Ni kwasababu ya huyo mtu ndio maana ukaamua kuacha kuua na kuokoa watu?”Aliuliza Regina.


“Ndio, bila yeye pengine ni ngumu kudhania ni wapi ningekuwa sasa hivi, labda ningekuwa nishakufa tayari.. hata hivyo nilikuja kugundua amewekewa sumu na kufariki, nilihisi maumivu kiasi kwamba niliona labda ulimwengu umekuwa giza tena. Sikujua ni wapi niende , sikujua nini nifanye. Nilijiuliza nipambane na watu wa Madhabahu kulipa kisasi , nitaweza kushinda vipi mashetani kama wao? Kufikiria kuingia katika vita ya kulipa kisasi , ilimaanisha kuacha nafasi niliokuwa nayo kipindi hicho ndani ya umoja , kwa maneno mengine, ilikuwa ni kwenda kinyume na taasisi mbili za daraja S .. na nguvu ambazo wanamiliki wanaweza kuigeuza dunia nzima na kuwa uwanja wa vita..”


“Lakini bado si ulienda kulipa kisasi?”


“Ndio! Nilijua kuingia ndani ya Baraza la watu wa madhabahu ni sawa na kujitoa muhanga , hivyo nilimtega kiongozi aliemuua kwa sumu kutoka nje na kisha nikamuua. Ni baada ya hapo na kuendelea watu niliokuwa nikifahamiana nao waliamua kutoka chini ya uongozi wa watawala wa zama na kunifuata na tukaannzisha vita kwa zaidi ya miaka miwili…….”


“Nini kilichokufanya ukaamua kuingia vitani licha ya kuwa na wasiwasi wa kutoshunda?”Aliuliza Regina.


“Sikuamua tu, bali kuna mtu nilikutana nae kwa bahati nzuri au mbaya”


“Nani?”Aliuliza Regina na kumfanya Hamza kucheka.


“Unaweza usiamini hata nikikuambia , ila simjui hata alikuwa nani , ila ilikuwa ni nchini Urusi , sehemu moja inaitwa Siberia ndani ya club ya pombe”


Regina mara baada ya kusikia kauli hio , alijikuta akikunja ndita na kujisikia vibaya.


“Unamaanisha alikuwa ni ka…”Aliuliza Regina na Hamza alikuwa muwazi.


“Wife hata nikuambie kwamba kipindi changu nikiwa nje huko nilikuwa na mwanamke itakuwa uongo , tulichokuwa tukifanya kama wanaume ni kutafuta sehemu ya kumaliza haja zetu tu ..”


Regina alijikuta akiishia kung’ata lipsi zake tu , ingawa alijua Hamza alipokuwa nje ya nchi huko alicheza sana na wanawake , lakini kumwambia ukweli ilimfanya kutokuwa na furaha.


Regina alijikuta akivuta tu pumzi , huku akiondoa mawazo mabaya yaliokuwa yakimjia kichwani.


“Endelea kuongea , huyo mwanamke , amewezaje kukufanya ukafikia maamuzi?”Aliuliza na Hamza alicheka kidogo.


“Mpaka muda huo nilikuwa nishajikatia tamaa , nilikaa Siberia kwa muda wa nusu mwezi na ilikuwa ni kunywa kila siku na sikuwa hata nikijua nichukue maamuzi gani au ni kipi nifanye. Baada ya kukutana na huyu mwanamke na kumaliza haja zangu , ghafla tu aliniuliza nini kinanisumbua na mimi bila ya kujali nikaamua kumwambai juu juu tu. Baada ya kumwelezea nikamuuliza swali , je atachukua maamuzi gani kama akijikuta yupo katika hali ambayo hawezi kuchagua zaidi ya kuikubali?”


“Baada ya kumuuliza hivyo alianza kucheka kwanza na kisha aliniangalia kama kituko na kuniuliza nimefikiria nini mpaka kumuuliza mwanamke anaejiuza kama yeye swali siriasi hivyo…” Regina mara baada ya kusikia hivyo , alijikuta akijawa na shauku.


“Usiniambie , alisema nenda kalipe kisasi na wewe ukafanya hivyo ?”


Hamza alitabasamu na kisha palepale alikunywa kinywaji chote alichoshikilia mkononi kwa mkupuo mmoja.


“Sikumwambia kwa kina kinachonisumbua hivyo asingeniambia hivyo , na yeye hakuniambia ni kitu gani napaswa kuchagua. Aliniambia maneno kadhaa ambayo nayakumbuka mpaka leo vizuri kabisa…”


“Alisema , ukijaribu kuepuka mambo ambayo yanakufanya kuhisi kuwa hai lakini pia yanakutisha na kukuhuzunisha , mwishoe utajikuta umepoteza hisia zako zote na moyo wako kubakia mtupu. Kama unajihisi hisia zako zimevurugika na huelewi ni maamuzi gani ufanye , tafuta sehemu tulivu na ya wazi na fikiria kwa makini. Uhusiano baina ya mwanamke na mwanaume hochochewa na utashi wa kiasili na sio maadili pekee wala akili , mahusiano ndio kitu kinachomrudisha mtu katika uhalisia wake wa asili.Muhimu zaidi haijalishi unapitia wakati mgumu namna gani , ila jua nafasi ya kuishi maisha ya maana bado unayo , haina haja ya kupoteza muda katika eneo kama hili na mtu kama mimi ila kama unahisi hapa ndio mahali pakukufanya kufikiria kwa usahihi unakaribishwa kwangu muda wowote”Aliongea Hamza kwa hisia kali huku akifinyanga kopo la bia alilokuwa ameshikilia mkononi na kumwangalia Regina usoni.


“Kwanzia pale nilikuja kuelewa jambo moja tu , maisha hayana haja ya kuumiza kichwa ni njia gani uchague. Bali ni njia ambayo ipo mbele yako ndio ya kuendelea nayo. Kitu unachopaswa kufanya ni kuendelea kusonga mbele mpaka ufike mwisho au ufie njiani. Yule mwanamke mtoa huduma ndani ya bar hakuelewa kuhusu kanuni za maisha zinazofundishwa kila siku wala hakunijua mimi ni nani , lakini licha ya hivyo alionekana kuwa huru zaidi kuliko nilivyokuwa mimi. Aliamua kukubali maisha yaliokuwa mbele yake na kuendelea kusonga mbele huku akijitahidi kuifanya kazi bila majuto”Aliongea Hamza na kisha aliweka mkono wake kwenye bega la Regina.


“Wife unadhani alichokuwa akifanya huyo mwanamke kilikuwa cha kishenzi au alikuwa akijikosea. Nina haki ipi ya kuanza kumhukumu kutokana na aina ya maisha yake?”


Reegina alionekana kushangaa kwa sekunde kadhaa na kisha aliishia kuongea kwa sauti ya chini.


“Kwasababu utashi wa binadamu ni kuishi na kutamani katika mioyo yao.. Mama yangu pia alikuwa akifanya hayo yote kwa ajili ya kuishi”


“Nadhani sasa unaelewa , sikuwa na nia ya kukudharau , wewe ni wewe na mama yako ni mama yako , haijalishi ni kipi alifanya ila yeye ndio amekuleta duniani”


“Usifikirie vibaya , ijapokuwa mama yangu amefanya kazi Bar lakini alikuwa ni mtu mzuri , ni kwamba tu aliingia kwenye mtego wa Madilu , lakini hakuwa na jinsi na kukubali kwasababu alikuwa akijiandaa kwa ajili ya kujifungua. Watu waliokuwa karibu na mama ndio waliongea kabisa na wengi walikuwa wakimheshimu kabisa”


“Yule Madilu ni baba yangu wa kambo , mara baada ya mama kupoteza uhai baada ya kunizaa , yeye ndie alinichukua na kunipelekea kituo cha kuletea watoto yatima”


“Kumbe ndio ilikuwa hivyo! Ndio maana nilishangaa inakuwaje mtu mwenye damu ya watu wa bondeni kuwa na baba anaeitwa Madilu . Kumbe ndio alikuwa baba yako wa kambo..”


“Mama yangu baada ya kubeba ujauzito na kufukuzwa, alianza kufuatishana na Madilu kwasababu hakuwa na mtu wa kumtegemea hapa jijini na asingeweza kwenda popote. Mwanzoni Madilu alikuwa ni tajiri na alimiliki kampuni ya ujenzi , na mama alitamani nikizaliwa kuwa na baba ndio maana alikubali kuolewa. Baada ya kampuni yake kufirisika kutokana na kujiingiza kwenye kamari , alijikuta akipoteza msingi wa maisha na kugeuka kuwa mlevi , na ndio alianza kumtishia mama yangu kama asipoenda kujiuza na kumpatia hela, basi atampiga mpaka mimba itoke. Mama hakuwa na jinsi aliamua kwenda kujiuza akiwa amenibeba tumboni , hayo yote sikuyajua , ila baada ya kufikisha miaka sita ndio nilianza kuambiwa taratibu. Inasemekana mara baada ya mama kujifungua hospitalini , alipoteza damu nyingi iliompelekea kupoteza uhai kotokana na kumchelewesha kumleta hospitalini, huyo Mzee Madilu ndio alikuja kuniacha kituoni mpaka nilipofikia umri wa miaka sita, ndio alikuja kunitembelea na kujitambulisha yeye ni baba yangu na kutaka kunichukua , lakini viongozi wa kituo ndio walikataa na alikasirika sana na siku moja ndio akajaribu kuniteka tukiwa nje ya kituo. Baada ya tukio hilo alitishiwa kufunguliwa kesi ndio akapotea mazima. Nikiwa na miaka saba ndio nilikuja kugundua sababu ya kutaka kuniteka alitaka kwenda kuniuza kwa babu, ila nia yake haikufanikiwa. Baadae ndio babu akajua nipo kituo gani na kuja kunichukua. Hata baada ya hapo alijaribu kumsumbua babu na kudai yeye ndio alinilea hivyo anataka alipwe fidia. Lakini babu hakumpa hata mia na alituma watu wamfanyizie na kuanzia hapo hakuwahi kuonekana tena mpaka leo”


“Kwahio sasa hivi , unataka afe?”Aliuliza Hamza na kumfanya Regina kushangaa kama vile alikuwa amesikia vibaya.


“Unaongea nini!Unataka kumuua Mzee Madilu?”


“Ndio. Kwa aliomfanyia mama mkwe , anastahili kifo”


“Usije kufanya hivyo. Kumuua hakutabadilisha chochote na hawezi kutufanya chochote pia , mtu kama yule anaweza kutufanya nini? Na kingine si kumuacha aendelee kuteseka mtaani ni kisasi pekee zaidi ya kufa?”Aliongea Regina akiwa amekunja sura


“Wife upo sahihi , isitoshe una moyo mwepesi mno , vinginevyo usingeweza kumsamehe Lamla”Aliongea Hamza .


“Pengine kwenye ulimwengu wenu wa siri kuua ndio njia rahisi ya kutatua tatizo , ila mimi kwangu ni njia ya mwisho kabisa. Kama kuua mtu ni kitu rahisi , tuna utofauti gani na majambazi? Hamza nataka uniahidi kitu kuanzia sasa hivi, siku nyingine usije kutamka kauli kama hio. Yaani unasema unataka kuua mtu kirahisi , unaniogopesha ujue”


Hamza mara baada ya kuona hali ya wasiwasi aliokuwa nayo Regina,alijikuta akicheka kivivu .


“Basi mke wangu kama hutaki niongee hivyo , sitofanya hivyo siku nyingine. Tatizo tu nahisi kukuonea huruma , pengine huyu mtu aliacha kovu kwenye maisha yako. Vinginevyo usingekuwa na wasiwasi vile baada ya kumuona..”Aliongea Hamza na kumfanya Regina kutoa tabasamu hafifu.


“Ni mambo ya zamani hayo yashapita , huna haja ya kujali sana..”


“Kwanini nisijali sana? Wife mimi ndio naogopa wewe kutokujali na kunikimbia?”Aliongea Hamza akiwa na sura ya utani.


“Anaeongea hapo ndio mtukufu mfalme wa kuzimu na gwiji kabisa , hata nikukimbie nitajifichia wapi.Unavyosema ulikuwa ukipita na kila mwanamke kutoa hamu zako kipindi cha nyuma ni kama unamaanisha ni sawa kuwa na wanawake wachache sasa hivi na sina haja ya kujali sana , si ndio?”


“Wife mawazo yako yanaenda mbali sana , kwanini niwe na mawazo hayo?”Aliongea Hamza huku jasho likianza kumtoka.


“Kweli!”


“Kabisa!”


“Ni kheri kama ni kweli , ila jaribu tena kwenda kwenye hivyo vilabu kwa ajili ya kukidhi haja zako , uone kama nitakuruhusu uniguse mwili wangu” Regina alionya.


“Siwezi kufanya hivyo , usiwe na wasiwasi kabisa mke wangu”


Regina macho yake yalichanua na alionekana mudi yake kurudi upya na palepale alisimama.


“Tuondoke sasa , muda umeenda”


“Wife hii ni fursa adhimu sana kwetu , unaona lile bonge la hoteli pale , unaonaje tukichukua chumba?”


Mzee Madilu kakutana na nani pale? Unadhani rafiki wa Regina ni nani?

SEHEMU YA 242 — Shetani rudisha akili zetu Africa

Soma sura ya 'SEHEMU YA 242' kutoka riwaya 'Shetani rudisha akili zetu Africa' kwenye FasihiNet.

fasihinet.com

Ukitaka kuendelea kusoma, ingia fasihinet chapu, unaweza kununua coins moja kwa moja kupitia mtandao wa simu ama, nitafute mwenyewe watsapp nikupe pass ya bei nafuu.. episode 50 unasoma kwa elfu tatu tu. watsaap namba 0687151346

 

[Matunzo 02]

Hongera mtunzi vitu vyote hivyo pamoja na ile ya roma unayajuaje?