Toka kuanza kampeni za urais mwaka huu, Mgombea urais wa CCM, John Pombe Magufuli amekuwa akiomba kura kwa kuelezea zaidi mapungufu makubwa ya serikali ya CCM toka kupata uhuru kwa namna ilivyoshindwa kuondoa Umaskini, Ujinga, Magonjwa, Rushwa na Uonevu katika kipindi cha zaidi ya miaka 50.
Mtindo huu wa kujinadi, watanzania waliuzoea zaidi kuusikia kutoka kwenye vyama vya Upinzani kwa sababu wao hawana serikali hivyo ni vigumu kuwaelezea watanzania mafanikio yaliyoletwa na Upinzani.
Jambo la kushtukiza na kushangaza kabisa mgombea urais wa CCM, Magufuli ameamua kuchagua upande wa kukosoa utawala wa CCM wa miaka zaidi ya 50.
Je, mtindo huo wa Magufuli, una tija yoyote kisiasa kwa CCM kwa wakati huu wa Uchaguzi?