Ndiyo ni kujigamba. Nchi zote zenye silaha za nyuklia wameshajadili kila uwezekano tangu miaka 60 hivi..... hii ni sababu kwamba wote wana nyambizi zenye roketi za nyuklia. Tabia ya nyambizi ni, inatembea chini ya maji inaweza kurusha roketi kutoka mahali chini ya maji ambako haionekani.
Kwa lugha ya wanajeshi hii ni uwezo wa pigo la pili (second strike capability). Kwa hiyo wanahakikisha tishio la kumwangamiza adui halizuiliki.
Kwa hiyo: kesho saa 10 roketi hizo zinapiga Uingereza zinafika haraka na mifumo ya kuzuia makombora inashindwa kuzipiga. Uingereza yote inalipuka, wanaobaki ni mchungaji na kondoo 15 kwenye milima ya Uskoti..... Wote wengine wanakufa. Lakini nyambizi za Uingereza haziathiriwi, ziko chini ya maji. Wanapata taarifa kwa njia ya redio. kamanda anachukua bahasha kutoka droo anaifungua, anamwambia afisa mahusika atume roketi kwenye shabaha A, B, C - na saa moja baadaye Urusi ni historia, angalau miji yake mikubwa. pamoja na Moscow, Petersburg . . . .
Ila hata kama wangeshambulia Uingereza pekee, bado wangepata majibu kutoka Ufaransa na Marekani... majibu hayo yatatosha hata kwa wafugaji wa mbuzi huko Tuva.
Kinyume chake ni vilevile. Hapo ni sababu kwamba silaha hizo ni silaha za kutishana, si za kutumia.
Ni mchezo mchafu, mchezo ghali sana, - na pia mchezo hatari kiasi . . .