Leo tena jamii ya Watanzania wameshusha pumzi kwa mara nyingine baada ya kusikia Mashehe wa uamsho kuachiliwa huru.
Kuna maoni mengi sana kwa watu. Mengi ya maoni hayo pamoja na kupongeza kitendo hicho wameenda mbali kwamba serikali iwalipe fidia. Hili limekuwa kubwa zaidi.
Wanasiasa na wanaharakati walilipigia kelele kwa muda mrefu Sasa baada ya kuachiliwa wamelipokea tena kwa namna nyingine.
Sio mjuzi wa sheria lakini naamini serikali walikuwa na sababu za msingi kuwashikilia hawa Mashekhe.
Tunapoanza kupiga kelele kuwa wakadai fidia mahakamani nadhani tungewapa muda kwanza. Wale Mashekhe naamini sio watu wa kusemewa na kuelekezwa kila kitu.
Wanao uwezo wa kujisimamia na kuamua kwa busara zao baada ya kusikiliza nafsi zao juu ya tuhuma walizoshutumiwa nazo.
Kuondoa shitaka mahakamani baada ya muda mrefu hivyo Mimi na wewe tunaweza tusijue kwa undani sababu iliyoifanya serikali kufikia uamuzi huo.
Tusije mtaani na kuwatakatifuza wakaonekana kana kwamba walikuwa mahabusu kwa kosa la kusingiziwa au kuonewa
Miaka tisa ni mingi sana kumfanya mtu ajue alipokosea na kujutia makosa yake na akawa tayari kujirudi kabisa.
Moja ya Mashekhe walioachiliwa amekiri kwamba wamejifunza mengi na kifungu kilichotumika kuwaweka huru kinampa mamlaka DPP kuwashitaki tena kwa kosa lilelile la awali endapo watatenda kosa lolote linaloelekeana na kosa walilokuwa wameshitakiwa nalo.
Ni mapema sana kuanza kuona Kama walionewa na kusingiziwa makosa hayo waliyokuwa nayo. Tusitumie muda na nguvu nyingi kutaka jamii iwaone watakatifu.
Si kila shitaka linaloondolewa mahakamani linakuwa limekosa ushahidi, mengine huondolewa kwa manufaa ya umma hasa linapooneka kutokuwa na madhara tena kwa wakati huo.
Lakini pia tufahamu kuwa hawa walishitakiwa kwa kosa la ugaidi. Kwa serikali makini si rahisi sana kufikia hatua ya kutoa hukumu kwa watu wake kwa kosa Kama hilo hasa ukizingatia ugaidi ni tishio la dunia.
Hapa lazima kuna technicalities zimechezwa ili mzani ubalance kati ya serikali na waliokuwa watuhumiwa.
Tumshukuru Mungu hili swala limefika mwisho maana huku nje presha ilishaanza kuwa kubwa pia hivyo hatujui hii presha na kelele ya nje ingetufikisha wapi.
Lakini pia tumuombe Mungu hayo yaliyokuwa yanaendelea kipindi kile wanakamatwa yasitokee tena. Tuishi kwa amani, upendo na utulivu.
1. Usinifanye nifikiri kuwa unaandika haya bila kuwa na ufahamu wa kutosha namna serikali za kidunia hususani za Ki - Afrika na hususani ya Tanzania chini ya CCM inavyofanya kazi yake ili kujihakikishia inabaki madarakani...
2. Usinifanye nifikiri kuwa hujui kuwa serikali hii chini ya CCM inawatengenezea kesi mbaya, za makosa yasiyo na dhamana watu wote wanaoikosoa kwa ukali na uwazi. Hii ilikuwa mbaya zaidi wakati wa uongozi wa Mwendazake Magufuli kama Rais. Mfano dhahiri ni aina ya viongozi kama Sabaya (aliyekuwa DC wa Hai - Kilimanjaro) na Paulo Makonda (aliyekuwa RC - DSM)
3. Usinifanye niamini kuwa hujui kuwa kuna watu mpaka leo wako mahabusu au jela kwa kesi za namna hii hii, za kubumba kwa watu kutumia mamlaka yao ya kiutawala kuonea na kuwanyanyasa watu na kuwanyima haki zao...
4. Usinifanye niamini kuwa hata hujui kwamba, baadhi ya wakosoaji dhidi ya serikali ya Tanzania na viongozi wake chini ya CCM ambao walishindikana kushitakika mahakamani kwa kubambikizuwa makosa/kesi mbaya, aidha waliteswa na kuuwawa/kupotezwa na wengine kwa kutonywa na watu wema ndani ya serikali hiyohiyo walikimbia nchi na wanaishi uhamishoni nje ya nchi mpaka sasa...!
KWA HIYO;
1. Kwanini wewe unataka wanasiasa wasiseme na kukemea dhambi na tabia hii mbaya toka kwa baadhi ya viongozi/watawala? Wakiacha kufanya hivi, nani apaze sauti kukemea tabia na maovu haya toka kwa watawala waovu hawa...? Je, una maslahi na haya maovu wewe?
2. Kuna maslahi gani ya nchi kutoka kwenye kesi hii iliyowatesa watu wasio na hatia kwa takribani miaka 9 wakiwa gerezani...??
3. Hakuna sababu wala kosa lolote la ugaidi dhidi ya watu hawa (mashekhe) zaidi tu ya kwamba walikuwa na wataendelea kuukosoa Muungano wa Tanganyika na Zanzibar. Hilo ndilo kosa lao na CCM hawataki na wasingependa mtu alete chokochoko kwenye jambo hili kwa sababu ndiyo uhai wa CCM na serikali yao ulipo. Kujaribu kuukosoa muungano huu haramu ni kutafuta kesi yq ugaidi tu...!!
4. Watu wengine wanasema eti ooh, walisababisha watu kuanza kuuana kwa tundikali nk nk. Sasa mtu unashindwa kuelewa, kwamba, kama ndivyo kwanini walioua ndiyo wasikamatwe na kushitakiwa? Tangu lini kesi ya kuua inageuka kuwa kesi ya ugaidi...??
HAPANA, HAPANA... Uovu huu na kukiukwa kwa haki za watu kwa namna hii lazima kupaziwe sauti popote na kila mtu; kwenye majukwaa ya kisiasa na wanasiasa, makanisani na wachungaji na maaskofu; misikitini na maimamu na mashekhe; wanaharakati na vikundi vya kutetea haki za binadamu.....wote wapaze sauti zao kuupinga uovu...
IMEANDIKWA; "....mpingeni shetani, naye atawakimbia..."
Lazima shetani ----- chanzo cha uovu, kitovu cha uovu apingwe kwa nguvu zote....!!
