Mtandao wa Watetezi wa Haki za Binadamu Tanzania (THRDC) umeeleza kuwa mwanaharakati kutoka Kenya Boniface Mwangi, pamoja na mwanasheria kutoka Uganda Agather Atuhaire wanashikiliwa katika kituo cha polisi cha Kati Dar es Salaam.
Mwangi na Atuhaire walikuja Tanzania kufuatilia kesi inayomkabili mwenyekiti wa CHADEMA, Tundu Antiphas Lissu, ambapo katika taarifa yake THRDC inaeleza Mwangi anatuhumiwa kuingia nchini kwa kutoa taarifa za uongo.
Chama cha Mawakili Tanganyika, Chama cha Mawakili Afrika Mashariki na THRDC ni sehemu ya mawakili wanaofuatilia suala hili. Mwangi ni mmoja ya wanaharakati na watetezi wa haki za binadamu mashuhuri zaidi barani Afrika, anafahamika kwa kuwasemea watu wanaoonewa na kukandamizwa haki zao.