Suala la mkataba wa kubinafsishwa kwa bandari za Tanzania limekuwa gumzo kubwa la kisiasa kuwahi kutokea hapa nchini. Sakata hili limewaamsha watanzania wengi kuhusu mikataba ambayo viongozi wetu huingia kwa niaba ya Taifa zima na umuhimu wa kuwa na viongozi wazalendo wenye kusimamia maslahi ya Taifa na sio maslahi yao wenyewe.
Ukimya wa baadhi ya viongozi wa kitaifa kuhusu sakata hili, na hasa ukimya wa rais Samia vimeonesha kuwa suala la bandari limewagusa na pengine kuibua hisia tofauti. Kuna waliokaa kimya kuogopa kukinzana na wakubwa wao, na kuna waliokaa kimya kwa kutokuwa na uhakika wa kipi ni sahihi na kipi sio sahihi.
Iwe iwavyo watanzania wanasubiri kuona Rais Samia atafanya maamuzi gani kuhusu suala la bandari baada ya wananchi wa kada mbalimbali kutoa maoni yao. Je, atafumbia macho maoni ya mamilioni ya watanzania wakiwemo wanazuoni, wajuvi na wasomi? Lolote atakaloamua kufanya Rais, ni muhimu na litamweka pahala flani katika historia ya nchi hii.
Tunajua upo ugumu wa Rais kusitisha mkataba huu ambao tayari hatua zake za awali zimeshasainiwa. Binafsi naona kuna umuhimu wa kuwa na uwazi zaidi katika suala hili. Itambidi rais kujitokeza na kuzungumza waziwazi msimamo wake. Palipo na makosa itakuwa busara kwa Rais kuruhusu marekebisho yafanyike kuepuka lawama siku zijazo. Watanzania tunahitaji maelezo mazuri na uzalendo wa juu kwenye hili jambo la sivyo suala la bandari laweza kuleta uharibifu mkubwa kwa uhuru wa nchi yetu na kutupeleka kwenye ukoloni wa kisekta ndani ya ukoloni mamboleo.
Ukimya wa baadhi ya viongozi wa kitaifa kuhusu sakata hili, na hasa ukimya wa rais Samia vimeonesha kuwa suala la bandari limewagusa na pengine kuibua hisia tofauti. Kuna waliokaa kimya kuogopa kukinzana na wakubwa wao, na kuna waliokaa kimya kwa kutokuwa na uhakika wa kipi ni sahihi na kipi sio sahihi.
Iwe iwavyo watanzania wanasubiri kuona Rais Samia atafanya maamuzi gani kuhusu suala la bandari baada ya wananchi wa kada mbalimbali kutoa maoni yao. Je, atafumbia macho maoni ya mamilioni ya watanzania wakiwemo wanazuoni, wajuvi na wasomi? Lolote atakaloamua kufanya Rais, ni muhimu na litamweka pahala flani katika historia ya nchi hii.
Tunajua upo ugumu wa Rais kusitisha mkataba huu ambao tayari hatua zake za awali zimeshasainiwa. Binafsi naona kuna umuhimu wa kuwa na uwazi zaidi katika suala hili. Itambidi rais kujitokeza na kuzungumza waziwazi msimamo wake. Palipo na makosa itakuwa busara kwa Rais kuruhusu marekebisho yafanyike kuepuka lawama siku zijazo. Watanzania tunahitaji maelezo mazuri na uzalendo wa juu kwenye hili jambo la sivyo suala la bandari laweza kuleta uharibifu mkubwa kwa uhuru wa nchi yetu na kutupeleka kwenye ukoloni wa kisekta ndani ya ukoloni mamboleo.