Hizo ni mbwembwe, tatizo time hawana watu wao ngazi ya Halmashauri, wanategemea wakurugenzi
WaTanzania kwa sasa, wameridhia mfumo wa maisha waliyonayo, kazi iendelee chini ya chama dola kongwe CCM.
Hata aje mwanasiasa mwenye msimamo mkali zaidi ya Tundu Lissu, atashangaa akiitisha mgomo, maandamano, kusema sana katika X -Twitter, YouTube, Clubhouse, FB, Insta lakini watu hawamuelewi.
Sana sana watamuona ni mroho wa madaraka, anataka kuvuruga amani, mchochezi, mkimbizi, familia ipo uhamishoni, mwanadispora, mhaini n.k
Kwa mtanzania siasa mbadala yaani upinzani ni sawa na kumpigia song kali na gitaa mbuzi, lakini mbuzi huyo ataishia kukimbia au kuendelea na shughuli yake ya asili kutafuna majani
Kihistoria watanganyika wamezoe atokee mtu mmoja anayeweza kushawisi umma kwa mdomo huku dola ikimuachia uwanja wa kufanya siasa kama ule wa Julius Nyerere, Augustino Mrema, Edward Lowassa, Freeman Mbowe lakini siyo wa kimapambano wa msimamo mkali wa kina Mtemvu, Kingunge Ngombale Mwiru, Tundu Lissu nikipitia mafaili ya kihistoria ya siasa za ukombozi za Tanganyika hapa ndani ya maktaba chakavu ya mkoa na maktaba ya intaneti.
Tanzania 2025 kwenda mbele inasubiri mwokozi binadamu mwenye ushawishi ajitokeze tena kwa siasa laini siyo siasa ngumu kama za Kenya, Mozambique n.k. Siasa za kuomba haki, kumsema mtawala kistaarabu, kusubiri hisani, siasa za Yallah umeniumiza lakini naomba n.k
Kwa wanaofuatilia siasa za Mozambique, hali ni mbaya kwa chama tawala cha Frelimo pamoja na serikali iliyoko madarakani. Baada ya uchaguzi kuisha na serikali kujitangaza kushinda kwa wastani wa asilimia sabini, wananchi wameikata, wakiongozwa na kiongozi wa upinzani Venancio Mondlane...