Roving Journalist
JF Roving Journalist
- Apr 18, 2017
- 5,352
- 15,876
Wengine ni Mkurugenzi wa Idara ya Usalama wa Taifa, Mkuu wa Jeshi la Polisi, Mkurugenzi wa Makosa ya Jinai, Mkuu wa majeshi, Katibu Mkuu wa CHADEMA, Naibu Katibu Mkuu wa CHADEMA, Makamu Mwenyekiti wa CHADEMA, Brenda Rupia.
Upande wa Jamhuri umeileza Mahakama kwamba mashahidi wote waliotajwa na Tundu Lissu hawakutajwa wakati wa "committal review".
================================
Wakili Katuga: Si busara Mahakama kuwaita mashahidi saba waliotajwa na Lissu, akiwemo Rais Samia
Wakili Mkuu wa Serikali, Nassoro Katuga, amesema hakuna haja ya Mahakama kuwaita mashahidi ambao mshtakiwa, Lissu, amewataja na ambao wanatokana na Serikali.
Amesema ushahidi ambao tayari umetolewa na upande wa Jamhuri umehusisha baadhi ya watendaji wa Serikali ambao ni miongoni mwa mashahidi hao. Hivyo, kwa mujibu wa Katuga, mashahidi waliotajwa na Lissu tayari wamewasilisha ushahidi wao kupitia watendaji hao.
Amesema baadhi ya mashahidi waliotajwa na mshtakiwa wanafanya kazi kwa niaba ya Rais, hivyo hakuna umuhimu wa Mahakama kuwaita kutoa ushahidi.
Katuga amesema si busara kwa Mahakama kutoa wito kwa mashahidi waliotajwa na mshtakiwa kwa sababu tu wametajwa.
Amesema kwamba hawana shida na mashahidi wengine ambao hawatokani na Serikali isipokuwa utaratibu uzingatiwe.
===========================
Mshtakiwa Tundu Lissu akijibu hoja ya Jamhuri katika shauri la uhaini linalomkabili amesema Rais wa Jamhuri ya Muungano wa Tanzania anaweza kupelekewa wito na Mahakama kupitia kwa Katibu Mkuu Kiongozi au Katibu Binafsi wa Rais, ili kusaidia Mahakama kufikisha wito huo.
Awali, upande wa Jamhuri uliieleza Mahakama kwamba haina mamlaka ya kumuita Rais wa Jamhuri ya Muungano wa Tanzania.
Aidha mshtakiwa Tundu Lissu, akijibu hoja ya upande wa Jamhuri kwamba mashahidi aliowataja hawakuwepo katika committal proceedings, amesema kuwa katika Mahakama ya Kisutu, hakimu alikataa kurekodi majina ya mashahidi wake alipoanza kuwataja.
Amesema baada ya kesi kufika Mahakama Kuu, alilalamikia suala hilo, ambapo Mahakama ilimpa nafasi ya kuwataja mashahidi wake ili majina yao yawekwe kwenye kumbukumbu.
Kufuatia maelezo hayo, Lissu amesema hoja ya upande wa Jamhuri haina mashiko, kwa kuwa tayari mashahidi hao wapo kwenye kumbukumbu za Mahakama.