Uingereza kama demokrasia imepitiliza sasa. Keir Starmer njoo Africa utafurahi

[hearly]

Vitu tofauti.

Demokrasia sio sawa na au kinyume cha ujamaa. Ni kuhusu mfumo wa kufanya maamuzi na kuchagua viongozi katika jamii au taifa.

Socrates, Plato, Aristotle na wanafalsafa wengine waliishi Ugiriki zaidi ya miaka 400 kabla ya kuzaliwa kwa Yesu. Tawala zilizokuwepo enzi hizo ni za kifalme za vizazi kupokezana. Wao waliona sio sahihi bali wananchi wenyewe ndio wachague na kuamua masuala makuu katika jamii/nchi. Hiyo ndiyo maana halisi ya neno 'demokrasia'. Ifanyikeje? Ndio uliokuwa mjadala wao mkuu.

Leo hii demokrasia inatumika katika mifumo yote ya kiitikadi iwe ujamaa, ubepari, ukomunisti, n.k. kwa viwango tofauti tofauti. Hata Korea ya Kaskazini inajiita Jamhuri ya Kidemokrasia ya Watu wa Korea. Kuna uchaguzi wa wawakilishi kule.

So if ungepewa nafasi ya kuanzisha Mfumo ungeleta mfumo upi !?

 

[Drifter]

So if ungepewa nafasi ya kuanzisha Mfumo ungeleta mfumo upi !?

Mkuu naona kama unafikiri mimi naikataa demokrasia. SIVYO. Kwangu mimi utawala wa kidemokrasia ni mfumo bora kuliko yote.

Nilichoeleza ni matatizo ya demokrasia yanayohitaji kufanyiwa kazi nyakati zote (bila kupuuzia) ili kuhakikisha huo mfumo unafanya kazi kama ilivyokusudiwa. Waasisi wa mfumo huo huko Ugiriki waliziona hizo changamoto na kuzijadili kwa kina.

Taifa linapoua mfumo thabiti wa elimu. Kisha kuendekeza rushwa, ufisadi na propaganda uchwara na wananchi nao kuamua kukaa kimya au kushabikia watu waovu na kuendekeza uchawa, demokrasia hufifia na kufa nchini. Hapo ndio mwanzo wa uimla, udikteta, kudorora kwa uchumi na madhila kadhaa katika jamii.

Sasa hivi hali hizo zinajitokeza huko Marekani na Ulaya - ambao siku zote hujitambulisha kama vinara wa demokrasia. Maisha yanazidi kuwa magumu na dunia nzima inaathirika sababu ya chaguzi mbovu na maamuzi mabovu ya wananchi wa nchi hizo.

 

[pandagichiza]

Mi mwenyewe naanza kuona hii level ya demokrasia ni ujinga.

Kwa Uingereza waziri mkuu akijiuzulu chama tawala kinateua mwingine