Ukikaribia miaka 40 utagundua vingi; mojawapo ni kuwa tunaishi na hofu ambazo si halisi

Ukikaribia miaka 40 utagundua vingi; mojawapo ni kuwa tunaishi na hofu ambazo si halisi

IMG_3437.jpg
 
Sijaona logic yeyote kwenye hili bandiko.

Mleta mada kajitahidi kuandika mambo mengi katika level ya kawaida ya ufahamu.
 
Dr. Zaganza said:
Nipo nje ya ofisi kidogo Napata muda wakutafakari. Lakini niko nje ya nchi kabisa, kilomita elf 4 toka Dar es salaam, hata simu nazopata ni chache, zile zilizopitia whatsapp tu. Hivyo akili inazidi kuwa tulivu. Na ukiongeza miji yenyewe nilotembelea si ya makelele na miziki mabarabarani wala maspika ya kuita wateja kama nilozoea kariakoo, nazidi kupata utulivu nilipofikia Samaya Hotel kando ya National Bank of Dubai (NBD) na Dubai Chamber of Commerce

Hapo nimekumbuka matukio kadhaa yalotokana na hofu isiyo halisi

Pedeshee anayeishi uhamishoni kwa wizi wa magari
Nimemsahau pedeshee nani, ila katika kipindi watu wenye pesa mjini ilikua hukutana ukumbi wa bendi hasa FM Academia nao huanza kutunza pesa kama karatasi tu. Hapa wanamuziki hawa wenye asili ya Kongo wakawaita pedeshee (PDG)(kifaransa 😛resident Director General).

Hofu: Baadhi kwa kuhofia hadhi yao inashuka wakajiingiza biashara haramu, namkumbuka huyu mmoja kwa kusakwa kwa wizi wa magari ,akiwa na zaidi ya miaka 50 kalazimika kutanga tanga mafichoni nchi za watu ,muda ambao wenzie wanakula pensheni hata kwa kile kidogo.

2. Mfululizo wa wanawake wanaojiua kwa kuzidiwa madeni Vicoba
Ukifuatilia michezo ya upatu maarufu kama vicoba mitaani, kuna vicoba vichache watu huinuana tena bila riba, huzungusha biashara na mtaji unakua, wanakopeshana. Pia vicoba vingi utapata mambo ya kuumiza, kuanzia vyanzo vya kuvunja ndoa, kuongeza wagonjwa wakili na stress na kubwa ni hii walofikia kujinyonga.

Hofu: Baadhi ya wanachama hasa wanawake wana hofu ya kuonekana wako nyuma kwa fasheni ya maisha (Life style) kuanzia nguo, jezi na viingilio mipirani, simu n.k .Hivyo hujiingiza vicoba vingi au vichache vyenye dau kubwa kuliko kipato chake. Mwisho fedheha ya kudaiwa inamuelemea. Kama alishindwa kuvumilia kuonekana yuko nyuma kfasheni, atawezaje kuvumilia fedhehe ya kudaiwa kwa kuismangwa?

3. Mfululizo wa wanandoa wanaouana
Kama kuna habari zinajirudia kwa mwaka 2021 na 2022 basi ni habari za wanandoa kuuwana, vifo vya kikatili. Kuna mmoja Kigoma aliuwa familia ya watu 7!! Ikanikumbusha kisa kimoja kilotokea Misri miaka ya nyuma, bwana mmoja alimkuta mwanaume kitandani kwake na mkewe. Alichofanya ni kumchinja mwanaume Yule na kunywa damu yake.

Hofu: Mwanandoa anasaliti ndoa yake baada ya kuhisi athaminiwi ipasavyo ndani ya ndoa. Kiuhalisia hakuna njia ya kuondoa matatizo mengi duniani kama maongezi. Ndiyo maana hata uwanja wa vita kuna ofisi za mazungumzo kwanza, mazungumzo kati kati na mazungumzo mwishoni kujadili kifuatacho baada ya vita kuisha. Ongea na mwanandoa mwenzio, mwambie mwenendo wake usivyoridhisha, ukiwa na ushahidi. Epuka ninasikia, ninahisi, wanasema.

Mwisho muulize kama mkataba wenu wa ndoa anaona uendelee kwa yeye kujirekebisha au umekuwa unabana kila upande, mjivue kuwa huru.

Zingatia, jitathmini na wewe uko tayari kubadilika kuelekea mlikokubaliana kabla.wanasema watu wengi hupenda mabadiliko,Ila hawako tayari kubadilika.!! Uko kundi lipi?

4. Wanaojichubua, kubadili shepu ujanani au kufake maisha na kujutia uzeeni
Kwa uzoefu, Ili mwanamke ampende mwanaume anaangalia urefu wa mfuko wake(pesa). Na ili mwanaume ampende mwanamke anatazama sura na umbo (pisi kali).

Hofu: Wataalamu wa saikolojia wanaamini aina mbaya zaidi ya ulemavu ni hali ya kukosa kujikubali. Kuamini bila kuendana na brand ya nguo, simu n.k hautakuwa kwenye daraja hilo limewakumba hadi viongozi wa nchi za kimaskini hujikuta na matumizi makubwa ya brand za magari kuliko uwezo wa makusanyo huku viongozi wa nchi zinazozalisha magari haya makali huendesha magari ya kawaida,bali wapo wanaoenda kazini kwa baiskeli!!

Kuepuka hofu hizi siri ni moja tu
Kwanza kumuomba mwenyezi mungu akupe misimamo ya kujielewa na kutofuata mkumbo (mob psychology). Kisha hebu tazama uhalisia wa kile tunachohitaji:

1. Unaposikia njaa, tunahitaji Sahani moja tu, sisi siyo kama tembo anayehitaji kilo 150 kwa siku mpaka kilo 300.

2. Unalala padogo mno, kwenye nyumba unaingia chumba kimoja, hulali chumba chot bali kitanda ulichoweka kwenye kona ya chumba, na kitandani huenei nusu ya godoro!

3. Ukifika miaka 40 utagundua watu walikuwa wanashughulishwa (busy) na shida zao zaidi kuliko kukuona,hivyo muda mwingi ulikuwa unajiona au kujishtukia. Hapa ndiyo unaanza kuhangaika kurudi kuishi uhalisia wako

-Mwisho nikakumbuka mwenye hekima alosema sentensi mbili:

Ya kwanza:

Kondoo hutumia umri wake wote akihofia mbwa mwitu wakati wa kuchungwa, Kumbe humalizwa na kisu cha mchungaji wake. 🙂D😀)

Ya pili (ilonimaliza): Ushawahi kuona mtotoo ametoka kwao mikono tupu, na akiitwa na mzazi au mlezi wake hatakiwi kurudi na chochote.Lakini akifika uwanjani kuna vitu vya kuchezea kama midoli,mpira,vifuu vya kupika kupika n,k , Sasa mtoto anayechekesha zaidi ni Yule ambaye kwa muda mchache tu kashapiga watoto wenzie woote,kawapora vitu vyote kakusanya kwake, halafu anaitwa ,anaviacha anaondoka huku anatazama wenzie wakiendelea navyo.

Huyo ndo mwanadamu, kazaliwa bila nguo, ataondoka bila chochote, ila hapa kati kati kafanya kila awezalo kudhuru wengine ili ajikusanyie mali ambazo ataziacha tena akiitwa kwa Muumba 🙂D😀)

View attachment 2372753
Dk.Mussa Zaganza
Click to expand...

maneno kazuri na ya ukweli na kwa kuongezea serikali inatafuta mbinu za kila aina kuwasumbua raia leo hiki kesho kile unaishi na wasiwasi mtupu ukifika maofisini hupati huduma kila moja boss njoo kesho njoo kesho mateso kweli maisha ya united arab emirat ni
pepo ya duniani
 
Mwizukulu mgikuru said:
Kama hii ni kweli inakuwaje mlezi wangu ambae kwa sasa ana umri wa 55 huwa ana panic kutokana na changamoto za maisha anazozipitia...haonyeshi ukomavu wa kifikra, kuna muda ana ropoka bila kufikilia kile anachokitoa mdomoni kitamuumiza vipi mwingine..........naomba tutafakari hili andiko.
Click to expand...
Hata wapumbavu huwa wanazeeka
 
Kati ya hofu nilizokua nazo ni hii ya kumridhisha mwanamke, jf nayo ikapigilia msumari moto, kila uzi ukifungua unahisi inakugusa na comments ni kama zinakudis wewe aisee.
Kila mtu unamuona ni hodari, achana na hilo ana maisha poa sana.

Nikiwa kitaa mambo ni hayo hayo, watu wanamudu mahusiano yao na vipato vyao vinaridhisha mno kuliko mimi.

Nilipojua kua nina hofu isiyo na sababu nikaanza kubadilika na kuish kwa uwezo wangu. Aisee yale niliyokua nawawazia watu wao sasa wakaanza kuniwazia mimi kua ni mtu wa matawi ya juu kumbe wala ni kama wao tu.

Hofu ni kitu mbaya sana sana. Huuwa perfomance
 
drilling said:
maneno kazuri na ya ukweli na kwa kuongezea serikali inatafuta mbinu za kila aina kuwasumbua raia leo hiki kesho kile unaishi na wasiwasi mtupu ukifika maofisini hupati huduma kila moja boss njoo kesho njoo kesho mateso kweli maisha ya united arab emirat ni
pepo ya duniani
Click to expand...
kama maeneo yapi mkuu,unaweza nielewesha kwa mifano.
 
Vishu Mtata said:
Kati ya hofu nilizokua nazo ni hii ya kumridhisha mwanamke, jf nayo ikapigilia msumari moto, kila uzi ukifungua unahisi inakugusa na comments ni kama zinakudis wewe aisee.
Kila mtu unamuona ni hodari, achana na hilo ana maisha poa sana.

Nikiwa kitaa mambo ni hayo hayo, watu wanamudu mahusiano yao na vipato vyao vinaridhisha mno kuliko mimi.

Nilipojua kua nina hofu isiyo na sababu nikaanza kubadilika na kuish kwa uwezo wangu. Aisee yale niliyokua nawawazia watu wao sasa wakaanza kuniwazia mimi kua ni mtu wa matawi ya juu kumbe wala ni kama wao tu.

Hofu ni kitu mbaya sana sana. Huuwa perfomance
Click to expand...
Hofu ni mbaya sana.
 
You must log in or register to reply here.

Our Community

Regional Communities

Back
Top Bottom
Menu
Forums
New posts
Log in
Register