Nimeota Mh. Rais Samia Suluhu Hassan (Rais wa JMT) ameniona nimeketi kwenye umati wa wanafunzi wa Chuo Kikuu, tena niliketi mwisho kabisa (back bencher), sifahamu ni chuo gani, akaniita kwa ishara ya kuninyooshea kidole. Niliinuka nikamfuata kwa heshima na hofu, aliniamuru niwasaidie vijana wake wawili waliokuwa wamebeba mizigo midogo (mifuko miwili ya salfreti).
Mimi haraka sana niliwafuata wale vijana nikawapokea hiyo mizigo kisha nikaipeleka kwa mheshimwa Rais pale alipokuwa amesimama yeye. Lakini Mh. Rais akaniamuru nibebe hiyo mizigo kisha nimfuate. Tukaanza safari ya kwenda nyumbani kwake (Ikulu) sifahamu ni Ikulu gani lakini ni Ikulu huku tukitembea kwa miguu, niliongozana nae mimi na yeye (bila kuwepo mtu mwingine) huku nikiwa nimebeba mizigo yake miwili.
Wakati tukiwa njiani tunatembea kwa miguu, yeye yuko mbele mimi nipo nyuma, akaniuliza maswali kadhaa yafuatayo.
1. Swali la kwanza aliniuliza;
"Pale chuo ulipokuwa umeketi kwenye umati wa wanafunzi ulikuwa unafanya nini?"
Nikamjibu; "Nimekuja kwenye mahafali ya chuo, mimi ni mhitimu".
2. Swali la pili akaniuliza;
"Umehitimu ngazi gani ya elimu?"
Nikamtajia ngazi ya elimu niliyohitimu.
3. Kisha akaniuliza tena swali la tatu,
"Wewe ni mfanyakazi au ni nani?"
Nikamjibu; "Ndio, mimi ni mfanyakazi (nikamtajia na kazi ninayofanya).
Baada ya kumtajia kazi ninayofanya alinigeukia na kunitazama. Alinitazama usoni akawa anafurahi huku tukiwa tunatembea (kwasababu yeye alikuwa mbele mimi niko kwa nyuma).
4. Akaniuliza tena swali la nne,
"Unaishi wapi?"
Nikamjibu (nikamtajia eneo ninapoishi ambalo ni mbali kidogo na pale chuo aliponikuta).
5. Swali la tano aliniuliza;
"Nilikuona uliegesha pikipiki yako mahali fulani, kwahiyo huwa unasafiri na pikipiki yako kutoka huko uliko hadi huku?"
Nikamjibu; "Hapana, ile pikipiki ni kwa matumizi ya kuzunguka huku huku mjini, huwa nikitaka kurudi nyumbani naifungia pikipiki kwenye chumba cha huku chuo, kisha napanda gari, kwasababu naogopa sana ajali za pikipiki".
Nilipomjibu hivyo alicheka. Kisha akanigeukia tena akanitazama na kuniuliza;
6. Swali la sita aliloniuliza;
"Mbona unaonekana ni mdogo kiumri halafu elimu uliyohitimu ni kubwa?"
Nikacheka bila kumjibu chochote.
Tukaendelea na safari ya kutembea. Wakati tunaendelea na kutembea nikamdokeza jambo kwa kumwambia;
"Hata hivyo leo nimekuja kuchukua cheti changu nakwenda kukipeleka kwenye chuo kingine kwasababu tayari nishafanya application ya chuo ngazi inayofuata ya elimu hivyo walihitaji cheti".
Mheshimiwa Rais alisimama na kunigeukia, alionyesha kushangaa mno kisha akajibu kwa ufupi "He! Kumbe!".
Tuliendelea na safari huku nikiwa nimebeba mizigo yake. Tulifika nyumbani kwake (Ikulu), nilikuta watoto watatu wenye umri kati ya miaka 8 - 15 lakini siwafahamu wakiwa wanacheza, nilijitua ile mizigo yake nikaiweka chini. Wakati nataka kumuaga kwa maneno akawa anaongea na simu, kwahiyo nilimuaga kwa ishara ya mkono (bye) kisha nikaondoka. Sikufika mbali nikasikia ananiita.
Haraka sana nilikimbia kwenda kumsikiliza. Nilipofika karibu yake alitoa noti ya shilingi elfu tano akanipa kama asante ya kumbebea mizigo yake huku akisema; "Hii hela ni nauli yako nadhani inakutosha kwasababu una mishahara yako, uliniambia una kazi".
Nilitabasamu kisha nikamjibu; "Asante sana mheshimiwa, inatosha".
Kisha niliondoka.
Wakati narudi nipo njiani natembea kwa miguu nikawa nawaza yale yote niliyoulizwa na majibu niliyompa mheshimiwa Rais, ghafla nikashtuka usingizini. (MWISHO WA NDOTO).
Nimeshika simu yangu sasa hivi ni saa kumi na dakika thelasini na sita usiku (4:36 AM), Jumapili ya tarehe 12.01.2025
Mnaojua kutafsiri ndoto, hii ndoto ina maana gani?.
