Mwaka 2005 kama Vijana wengi wa Kibongo nilidhamilia kuzamia South Africa... Niliondoka Dar Mimi na Rafiki yangu tukapitia Mtwara tukaibukia Mji wa Pamba Vijijini Upande wa Mozambique....
Tukiwa njiani tulikutana na Mbongo 1 so safari yetu ikawa ya watu 3...
Usiku ulikua Umeingia tukaenda kwenye Nyumba moja Maeneo ya Kijiji kimoja huko Pemba kuomba Hifadhi japo kwa usiku huo then Kesho yake asubuhi tuendelee na safari....
Mwenye Nyumba akaenda kushauriana na mkewe baadaye akaja na Mifuko ya Salfeti, akatwambia wametupa Hifadhi ila si ndani ya Nyumba, akatuonesha sehemu ya kulala chini ya mti wa Mwembe ambao Upo jirani na Nyumba yao.
Hatakua na jinsi kila mtu akachukua kilago chake tukaenda kutandika chini Mwembe na kujilaza.....
Wale wenzangu wawili hawakua comfortable kulala pale chini, wakashauriana wakaamua wapande juu ya mti na kujiegesha huko.... Mimi nikaamua kuendelea kulala pale chini.....
Kifupi asubuhi kunakucha Mimi nimejikuta naamka pembeni kabisa ya Makazi ya ile Nyumba, ile kuangalia pembeni naona Mistari ya Mburuto wa kile Kiroba nilichotumia kulalia, nikafata ule Mburuto mpaka pale chini ya mti, naona alama zingine za Unyayo zimekatiza pale pale nilipokua nimelala, alama Zile za Unyayo zinaonekana juu ya Mburuto wa kile Kiroba, Nikiwa Najiuliza nini imetokea.... Kutizama juu naona wenzangu wanatetemeka hatari na mmoja wetu Suruali yake Ilikua imelowa..... Nawauliza kuna nini....?
Wananambia kama Nusu saa iliyopita Simba kapita pale chini ya mti nilipokua nimelala, wao wameshtuka wanagundua Simba yupo chini ya mti... Wakashindwa kufanya chochote juu yangu baadaye kulivyoanza kupambazuka kidogo wakawa hawanioni pale chini zaidi ya kuona Mburuto kwa mbali..
Mpaka Leo sinaga jibu ni nini kilitokea, nani aliburuta Kiroba nilicholalia....!