Usalama, ufunguo mpya wa ushirikiano kati ya China na Afrika

ldleo · 2022-01-13T07:20:38+00:00

Mwanzoni mwa mwaka mpya, waziri wa mambo ya nje wa China Bw. Wang Yi alipendekeza "Mpango wa Maendeleo ya Amani katika Pembe ya Afrika" wakati wa ziara yake katika nchi tatu za Afrika, na kutangaza kumteua mjumbe maalum ili kuonesha jukumu kubwa zaidi la China katika kukuza amani katika eneo hilo. Tovuti ya AllAfrica ilitoa maoni kuwa “mpango” huo umepata mwitikio mzuri kutoka kwa Kenya, Ethiopia, Djibouti na nchi nyingine za ukanda huo, na zinaamini kwamba unakidhi kikamilifu mahitaji ya dharura ya nchi za Pembe ya Afrika na inafaa kwa amani na utulivu katika eneo hilo. Pembe ya Afrika ina eneo la kipekee la kimkakati na uwezo mkubwa wa maendeleo. Lakini katika miaka ya hivi karibuni, masuala mbalimbali yameongezeka. Kama tishio kubwa la usalama katika eneo hilo, kundi la itikadi kali la Al-Shabaab nchini Somalia linaendelea kufanya mashambulizi ya kigaidi nchini humo na nchi jirani; Hali ya kisiasa nchini Eritrea inabadilika badilika na kusababisha watu wengi kukimbia makazi; hata Ethiopia, nchi ambayo hali imekuwa shwari, inakumbwa na vita vya wenyewe kwa wenyewe katika miaka miwili iliyopita, na kuua maelfu ya watu na mamilioni ya watu kuhama makazi yao..... hali hii hailingani na maslahi ya watu wa nchi mbalimbali za eneo hilo. Ili kuzuia hali hiyo isizidi kuwa mbaya, nchi za Pembe ya Afrika kwanza zinahitaji kukubali mazungumzo, kukomesha ushindani wa kisiasa wa kijiografia, na kufuata kwa uthabiti njia ya mshikamano. Kutokana na hali hiyo, China ikiwa mshirika muhimu wa kimkakati wa Afrika, ilipendekeza kufanyika kwa mkutano wa amani wa Pembe ya Afrika, na itamteua mjumbe maalum ili kuunga mkono kufikiwa kwa maelewano ya kisiasa na kuratibu hatua za pamoja. Mtafiti wa Uzamivu katika Chuo Kikuu cha Pretoria, Afrika Kusini Yu-Shan Wu, alisema mjumbe huyo atairuhusu China "kuunga mkono vyema na kuratibu juhudi za amani na usalama za Umoja wa Afrika". Lakini kinachopaswa kutiliwa mkazo ni kwamba China bado inazingatia kanuni ya kutoingilia masuala ya ndani ya nchi nyingine, na inaamini kuwa Afrika inapaswa kuwa jukwaa kubwa la ushirikiano wa kimataifa, na si uwanja wa mataifa makubwa kushindana. Msingi wa "mpango" huo ni kuunga mkono nchi za eneo hilo kuondokana na kuingiliwa kwa ushindani wa kijiografia kati ya mataifa makubwa, na kuchukua hatima yao mikononi mwao. Marekani imewawekea vikwazo maafisa wa ngazi ya juu wa serikali nchini Ethiopia na Eritrea, na kuiondoa Ethiopia katika orodha ya nchi zinazonufaika na Sheria ya Ukuaji na Fursa ya Afrika ya Marekani, na kufanya kitendo hicho kuwa chombo cha kukandamiza nchi za Afrika. Juu ya suala hilo mwakilishi wa China amekosoa moja kwa moja uingiliaji wa nchi za magharibi ikiwemo Marekani katika masuala ya ndani ya Ethiopia na kuwekewa vikwazo vya upande mmoja katika Mkutano wa Baraza la Haki za Binadamu la Umoja wa Mataifa. Alipokutana na Wang Yi wiki iliyopita, Rais Uhuru Kenyatta wa Kenya Alisisitiza kuwa Afrika haihitaji wakufunzi, bali mshirika wa maendeleo kama China, setensi ambayo imeeleza maoni ya nchi nyingi za Afrika. Wakati huo huo, umaskini ni chanzo cha kukosekana kwa utulivu, na maendeleo ndio ufunguo wa kutatua matatizo yote. Kama njia kuu ya kiuchumi ya Afrika Mashariki, Reli za Mombasa-Nairobi na Addis Ababa-Djibouti zilizojengwa na China zinahitaji kurefushwa hadi nchi jirani katika wakati mwafaka ili kutoa mchango wa miundombinu kwa maendeleo ya Pembe ya Afrika. Tovuti ya The Diplomat ya Marekani hivi karibuni ilitoa makala ikisema China imekuwa ikichukua hatua madhubuti zaidi kuzisaidia nchi za Afrika kufikia amani, lakini kwa miaka mingi haipendi kutangaza kwa sauti kubwa juhudi zake ambazo zimefanywa kwa njia isiyo ya moja kwa moja, hivyo mara nyingi hazizingatiwi. Kuna sababu ya kuamini kwamba "mpango" huo uliopendekezwa na China utakuwa utangulizi wa kusaidia kupatanisha mzozo katika eneo hilo. Katika miaka mitatu ijayo, China itachukua hatua kwa mujibu wa"Mipango Tisa" iliyopendekezwa kwenye Mkutano wa Nane wa Mawaziri wa Baraza la Ushirikiano kati ya China na Afrika ili kuboresha hali ya usalama na kiuchumi ya nchi za Pembe ya Afrika. Kama Reuters ilivyomnukuu Wang Yi akisema, katika bara la Afrika "kamwe sio kile China inataka kufanya, lakini kile ambacho Afrika inataka kufanya".

Thread starter ldleo
Start date Jan 13, 2022
Tags

afrika china china na afrika mpya ufunguo usalama ushirikiano

ldleo

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Usalama, ufunguo mpya wa ushirikiano kati ya China na Afrika

ldleo

JF-Expert Member

Our Community

Regional Communities